水門雞飯 (萬勤商業大廈)

營業中

休息中

下午茶時段嚟到水門雞飯都幾多人食，除左出名嘅水門雞飯之外，仲有其他泰國菜式，都幾貼近泰國口味🥳🥳下午茶時段有免費餐飲之外，仲可以加錢叫埋小食，性價比高😁🐥招牌菜水門雞飯，加錢轉左雞髀，雞髀肉質好滑，加埋個醬汁一齊食好惹味。而油飯亦都好香，粒粒分明😋😋🦐鳳尾蝦炒金邊粉即叫即炒好有鑊氣，鳳尾蝦好大隻啖啖肉，金邊粉酸酸甜甜，想辣啲可以加辣椒粉，加少少青檸汁可以減低油膩感👍🏻👍🏻🍢串燒串燒燒得好香口，加埋沙嗲汁好惹味😆😆🐥胡椒單骨雞翼雞翼帶有少少胡椒味，當小食一流😝🥬馬拉盞肉醬芥蘭苗依個芥蘭苗超惹味，肉碎加埋蝦米、蒜頭、薑，依個配搭冇得輸!!👍🏻👍🏻一定要飲嘅泰式奶茶，奶同茶味都好香濃，仲可以加珍珠添🧋熱生薑蜜都幾重薑味，驅寒一流☕️

好幾次行過呢間舖頭都見到出面排曬隊，所以今日專登去試下午餐嚟得水門雞飯當然係食雞飯啦，不過唔想淨係食白切雞咁寡，所以叫咗雙拼雞飯，有埋炸雞，64蚊包一杯嘢飲，要咗青檸梳打首先間舖頭已經好有喺泰國食飯嘅感覺，而個雞飯亦都令我覺得成件事好似去咗泰國咁份量非常足，而且好嘅地方係可以揀要雞胸，適合一啲好似我咁唔鍾意食肥雞嘅人今次我就要咗雞胸，要讚一讚嘅係雞飯嘅汁，真係自己屋企冇辦法調得到，亦都同其他泰國舖頭嘅汁好唔同，非常之惹味雞肉都嫩滑嘅，而且佢嘅油飯好香炸雞就唔係話太特別，中規中矩整體嚟講係好味嘅，而且價錢實惠，仲有去咗泰國嘅感覺

在附近返工，同事介紹下第一次到水門雞飯吃午飯，由於中午繁忙時間，等左一陣先有得入去。同事們叫了水門雞飯，一致地贊不絕口，雞肉嫩滑和雞味重，而我就點了冬蔭公雞絲金邊粉，湯底好好味，夠辣夠酸，不過留意份量唔算好大碗，男士應該要加底先得。餐飲叫了泰式奶茶，好好飲！總括來說，呢間算又平又好食，下次會再來！

今日同朋友喺尖沙咀行街，想食泰國嘢做午餐，朋友馬上推介呢間水門雞飯係快靚正泰國餐廳嘅不二之選。我哋兩個人點咗兩個午餐，再加左幾款小食開心share。水門雞飯嚟到點可以唔食佢嘅招牌菜！見到附近幾枱食客都有點，就知佢幾咁受歡迎果然冇令我失望，油飯好香，份量又足，雞夠味又夠滑，認真唔錯牛肉湯牛丸生牛肉湯金邊粉要讚讚佢嘅牛丸，超好食，濃郁又juicy。最重要都係個湯底夠濃又美味，我自己再加咗少少辣椒粉，覺得更正腩肉魚露椰菜有得要求少油少鹽，很好👍🏻椰菜充滿魚露香味，腩肉肥瘦相間，超入味脆炸雲吞呢個炸雲吞幾抵食，$28有五粒，味道都OK。和牛串燒見到有呢個新品推介，所以試吓。食落覺得真係和牛，有和牛獨有嘅油脂香味呢個值得一試！豬肉串燒呢個係午餐加配嘅小食，一份有兩串，配埋個沙嗲醬都幾香。餐飲點左香茅特飲同蘋果雪梨水，兩杯都唔太甜，食完濃味嘅嘢飲番啖可以清爽一下

店名: 水門雞飯地址: 尖沙咀金馬倫道18號萬勤商業大廈地舖尖沙咀站N2出口，行3分鐘環境: 4/5價錢: 4.5/5味道: 4/5水門雞飯係香港愈開愈多除左係尖沙咀分店外，係旺角、銅鑼灣、大埔同佐敦都有分店，勝在係泰國原風味，而且價格又夠平民😚三寶飯❤️❤️❤️❤️$64三寶飯包括水門雞、炸雞同雞雜，本身諗住可以一次過食哂3款，但炸雞食落麻麻，炸得比較乾身，水門雞相對黎講比較滑，雞雜無咩味，點醬食會比較好🙈油飯好香雞油味，冬瓜湯清甜🤩水門雞飯❤️❤️❤️❤️❤️$54水門雞肉質十分嫩滑，雞皮無脂肪，一齊食令口感更佳，加上醬汁同油飯一齊食，油飯好香，粒粒分明，好正😍泰式炒通菜❤️❤️❤️❤️❤️$54炒通菜好夠火候，炒得好有鑊氣，加上醬汁之後好惹味，送飯一流😚泰式奶茶❤️❤️❤️❤️$22食泰菜必叫泰奶，水門雞嘅泰奶奶味夠香滑，茶味亦夠濃，可惜偏甜🙈

呢間水門雞飯開到成行成市，一於試吓好唔好食就咁喺門口睇佢嘅餐牌選擇非常之多做開gym嘅我地第一時間睇吓有冇啲優質蛋白質😂入到去個冷氣，最緊要夠大👍🏻非常之涼快啱啱好過咗最繁忙嘅午餐時間相對坐得比較舒服烤麵包份量細細地又幾得意加埋佢個咖喱醬非常之惹味和牛串燒肉味重得黎有濃厚嘅油脂加埋個辣汁非常惹味水門半隻雞雖然望落脂肪唔多但保持到雞肉嘅彈性同埋嫩滑份量亦都幾多下另外亦都會有一啲雞雜青木瓜沙律大碟得來食落非常之清爽加埋辣椒的調味非常之開胃而花生更加令到整個沙律更加香口飲品方面，我哋叫咗個鮮檸梳打走甜喺天氣熱死辣辣的時候飲一杯充滿氣嘅鮮檸梳打係超級解渴另外仲叫咗個芒果冰，朋友飲完之後都唔會話好甜都係清爽為主🙆🏻‍♀️

琴日外賣自取叫左個海南雞飯係我第一次吃，雞對我黎講其實有點小😂我指份量！不過佢個汁好好送飯，香港黎講，係我吃過最好吃既海南雞飯😬如果雞可以多d就好啦下次再試埋其他

次次行過都見呢間排哂長龍咁，今日見時間尚早，決定去試下😏望一望個menu, 原來呢間餐廳嘅野食比我想像中平喎！ 我地2個人叫左5款食物2杯飲品🥤1. 水門雞飯 $54黎到緊係要食水門雞飯啦！因為鐘意啖啖肉，所以點左要雞胸～雖然係雞胸，但係唔算"鞋"，而且配埋個醬汁一齊食，非常惹味！而且我好欣賞佢個油飯，飯粒粒分明並帶有油香味，超讚👍2. 清湯腩船粉 $50牛腩軟腍，湯底清甜，正常發揮😂3. 和牛串燒 $20/串見餐牌寫住做緊新品推介嚐新價，緊係要try try 啦！ 一串有4大粒，跟埋個辣辣地嘅醬汁食，真係好perfect ! $20串真係好抵食，每日限售30串，真係手快有手慢無😆4. 泰式豬頸肉 $98 豬頸肉爽口夠Juicy, 略帶蜜糖味，而且醬汁同和牛串燒嘅醬汁有少少分別，比較再偏辣啲，而且更加增添風味！ 5. 燒原隻魷魚 $45 呢款絕對係出色！！個人認為係必叫嘅菜式！！！為左方便進食，揀左碎上，魷魚鮮甜爽口，有焦香味，配埋個醬汁簡直無得輸！ 而且一碟係有2串，$45堅抵食！ 6. 凍泰式奶茶 $22 味道比想像中唔太甜，甜度岩岩好～ 7. 凍洛神花茶 $20 酸酸甜甜咁，夠哂

咁岩係附近整頭髮，又味夠鐘，見到有泰國既水門雞飯，就行左入去試下一入到門口，坐位都大部份坐滿左。用qrcode落單，都幾方便。我叫左個雞飯，雞飯的雞肉鮮嫩多汁，入口即化，充滿著濃郁的雞肉香氣，讓人回味無窮。米飯煮得剛剛好，粒粒分明，口感Q彈，帶著淡淡的雞湯香氣。另外，同泰國吾同既，就係冇左d配菜。但最緊要係個汁，水門雞飯的醬料獨特而美味，微辣的味道與淡淡的酸甜味相結合👍🏻👍🏻👍🏻總括係好味(最高5個💋）價💋💋💋💋💋景 💋💋味💋💋💋💋

以前成日黎吃 今日吃個下午茶炒金邊粉，本身已經見到一條頭髮 我冇出聲 夾出黎就算。點知咬咬吓 咬到樣又硬又脆嘅嘢 牙都痛埋。我即刻同侍應講 個吖姨黑面咩都無講就拿我碟嘢入去 一句唔好意思都無。 我本身想話唔洗換個碟俾我 我根本吃唔落 點知轉頭拒就換一碟出黎 黑曬面 又係咩都無講。講真我預左俾錢 但係我吃到牙都痛埋俾人黑面 仲要一句唔好意思都無講 真係好過份 俾錢吃頭髮石頭。以後都唔會再去。

今日經過呢間水門海南雞飯店， 係比佢既門面吸引左先，因為貼滿左人氣既報紙報道同有唔少泰國元素既飾物，見到入面都坐無虛席，應該都有唔少捧埸客， 所以決定一試。店內泰國氣氛非常濃烈，因為播住泰國既音樂 ， 加上店員有８成都係泰國人，令你仿如置身係泰國一樣， 正。我今次就點左最經典既海南雞飯餐(HKD54),用QR Code 落單後好快就有得食，一碟香噴噴既海南雞飯連一碗清湯就送到我前面，首先雞肉份量有５件， 都唔算少，肉質相信嫩滑有雞味，應該係用新鮮雞，加分，另外重有一碟甜辣椒豉油，唔算好辣， 甜味較重，怕辣既朋友都可以一試， 佢令雞肉既鮮味帶到另一個層次，大推。而個飯係油飯， 本身吸收左雞既精華， 有微微既雞油香味， 單食飯都已經夠做， 加埋件雞就係雙重既享受。個湯我初頭以為平平無奇， 點知， 好有驚喜，係有淡淡既胡椒味，好清，不禁令我一啖一啖咁接住飲，當然最後係飲晒。呢間已經榮升我心目中數一數二既頭三位海南雞飯既寶座。

水門雞飯真係想試好耐，奈何佢條隊永遠都嚇怕我，今日終於的起心肝排下，一試佢個雞飯是咁的，我好豪氣咁加左錢咁要脾位佢係油香飯，個汁完全係重要撈落去食超正，特別要讚真係個雞肉好嫩滑，脾位都真係唔係呃你，啖啖肉食飯唔係唔添條菜嘛呢個係馬拉盞芥蘭苗，食落唔un我收貨炒金邊粉有蝦，有青檸汁調味，炒得算有鑊氣，食落好幾爽口，不錯呢個限量版芒果糯米飯令人一言難盡熱到喊時要飲返杯凍飲雖然佢人多，但位都尚算好坐，唔會話要同人搭枱搭到逼逼澀澀而且佢招牌雞飯確係一定要食，性價比超高，味道亦勝許多同類餐廳

同朋友食過幾次水門雞飯 仍然意猶未盡😎 所以今日趁周末 我地再次造訪☺️朋友一見到新菜式- 六星鲜蟹肉炒飯 就話一定要叫😂😂 都真係幾吸引 同埋冇點錯佢個六星代表左6舊蟹肉 啲蟹肉好鮮甜又大舊☺️ 仲有啲炒飯又真係唔錯喔 勁有鑊氣 也不太咸 味道剛好 加上辣辣地 🌶更出味 朋友本身唔係好食得辣都表示很滿意 食塊青瓜剛剛好 🥒仲清哂成碟呀 然後我就叫番招牌菜- 水門雞飯 真係大愛啲雞厚肉且皮薄 仲要都幾嫩滑呢😆作為飯桶既我 仲要叫多飯呢😂😂個餐仲包左個胡椒冬瓜湯 胡椒味重又好香野飲則叫左 泰式凍鴛鴦 可以自行揀多奶/小奶 ☺️滿足大家需要最後當然唔小得大家最愛既 芒果糯米飯🥭😆啲芒果大大舊超厚肉 且每一舊都好新鮮好甜（絕對不是加左糖水既果隻甜）加上個糯米飯係熱辣辣咁上 簡直是一流既點品👍💕相信呢到好快就變成我地既日常canteen 👍😁

星期日嘅夜晚搵嘢食，見到呢間水門雞飯多人幫襯，決定湊吓熱鬧。呢間餐廳係用QR code落單，我地揀咗海南雞飯，雞豬串燒，燒魷魚同泰式奶茶。首先想講個海南雞飯，啲雞胸肉略嫌太乾同硬，建議最好加錢轉雞髀肉，不過好彩配飯嘅醬汁好惹味，配搭起嚟都唔太差。至於串燒就穩定發揮，個人認為雞比豬好食全餐最好食係燒魷魚，好有炭燒味，配搭嘅醬汁亦都好夾，而且落單時仲可以揀碎上，非常細心最後係杯泰式奶茶，兩個字，好飲！不過下次再飲我會揀走冰，因為夏天啲冰極速融化，杯嘢好快淡咗，嘥料

水門雞飯去過泰國一定唔會陌生香港都有分店又睇下有無分別先基本上肉眼睇同泰國嘅風味店嘅裝修食物嘅擺設都一模一樣再睇下味道先一開始梗係要叫招牌個個都會點嘅大大碟黃油雞飯咁當然一定配去骨嘅雞肉雞肉唔會鞋口可以點埋佢嗰特製醬汁配上一個清湯加埋泰式咖啡泰式咖啡真有自己嘅韻味香濃甜滑真係覺得自己去咗泰國生牛肉肉丸河粉濃濃嘅湯底配埋生牛肉同埋肉丸正宗嘅炸豬皮配料非常之多湯底夠晒時間煲豬皮吸埋湯底真係食得好過癮嗌咗兩串雞肉一串牛肉豬肉串燒配埋沙嗲汁更加惹味啱啱店裏面仲做和牛串燒特價和牛確實係唔同啲分肉好加埋微辣嘅泰汁三款肉都出色個人最鐘意和牛馬拉盞魷魚炒西蘭花魷魚鬚大大條再配埋馬拉盞西蘭花軟硬啱啱好可以叫埋少油少鹽但係味道都保持到最後嗌咗個胡椒單骨雞翼單骨雞翼令到胡椒味道更濃加上炸到脆卜卜唔使去泰國食到正宗水門雞飯味道又好，唔怪得要排隊