水門雞飯 (厚福街)

營業中

休息中

平時海南雞飯就食得多水門雞飯我就未食過睇相見到水門雞飯雞既顏色比較白午餐價格算係中等，就打算去試下水門雞飯散叫$54午市套餐$62 包湯包野飲用QR code落單，入面選擇好詳盡，可以簡要幾多飯 要唔要青瓜etc水門雞飯既醬汁淨係得一款但係用嚟撈飯同沾雞都一樣惹味好食湯係冬瓜湯 仲飲到有啲胡椒味 都幾好飲雞都好夠滑 好食野飲叫左凍既龍眼水 唔洗加錢係幾驚喜諗緊會唔會唔好飲好淡 又唔會 都夠味 仲有龍眼肉欣賞佢比外賣杯 飲唔晒都可以拎走仲有埋單果陣 都唔洗加一唯一唔好無紙巾提供，要比錢買但有機會都會再嚟試下佢地既麵食！

同朋友仔響附近買完衫，2個都極之肚餓，厚福街呢條街出曬名多野食。呢2日天氣濕濕凍凍，所以勁想食湯麵。朋友仔推介去新開架水門雞飯。我地2個人叫左3樣野share : 泰式清湯腩船粉 (必叫)由於我真係好鐘意食湯麵架人，同埋次次食都好要求多湯同埋要好熱。呢個清湯腩船粉就真係完全fit到我架要求啦。佢一來到真係熱湯即上咁，超級夠熱。船粉我好少響出面叫到，食落去又真係幾晤錯。腩同白蘿白好林好入味，好好味。下次再去都係會叫!!!招牌水門雞飯 (必叫)招牌果然係招牌，真係算係我響香港食過最好味架雞飯暫時。雞香雞嫩，成個雞飯架精髓就係個靈魂醬汁，令到個雞飯由90分直上100分!!! 我同朋友都覺得個雞飯係完美架!!雞串燒呢個雞串燒其實都係好食架，即叫即燒，不過由於個船粉同雞飯實在太出色了，將佢比下去~------------------------------水門雞飯 (厚福街)尖沙咀厚福街3號華博商業大廈地下2-3號舖

呢間雞飯喺泰國好出名，經常要大排長龍，有過江龍嚟到香港，當然要去試吓啦！不過要留意佢喺尖沙咀有兩間分店，當日👧🏻約咗👦🏻喺尖沙咀厚福街新店等，👦🏻不知路咁去咗隔籬街間分店，問話點解到咗都見唔到👧🏻，好彩兩間分店只係相差一條街，所以要留意清楚係約咗去邊間分店啊😆水門雞飯間嘢叫水門雞飯，最出名嘅當然就係水門雞飯~雞可以選擇部位，想健康啲嘅可以選擇雞胸，想好食啲嘅又可以選擇雞髀，我哋選擇咗雞胸去試真佢，因為雞胸最易分高下，有少少差池就好易煮得好硬，但呢度雞胸都煮得好鮮嫩。而雞飯超級香，可以算係我食過最香又一啲都唔油嘅雞油飯。香辣紅咖喱牛肉飯雖然名度寫香辣，但係我哋食落都一致認為個咖喱只有好香，反而唔係太辣！啱晒我呢個本身怕辣嘅人食😋呢度菜式絕對係成餐嘅焦點，我哋本身都冇預計過會咁好食，但係個紅咖喱真係好香，配埋油雞飯撈埋食真係一絕，一定要試吓！鳳尾泰式金邊粉碟金邊粉炒得好香，顏色鮮艷望落已經好開胃，食落去酸酸甜甜，而且好足料，有四大隻鳳尾蝦，雞蛋，芽菜，豆腐乾等等嘅配料都好多，側邊仲有檸檬同埋花生自由配搭，又係必嗌！串燒雞肉&豬肉串燒不嬲都係我哋嘅至愛，每次食泰國菜都必定會嗌，呢度嘅串燒本身

最近食咗兩次，一次係dinner，一次係lunch；食物無論係份量定係味道，都好印象唔錯！。🥗『青木瓜沙律 』$48🦐『海鮮冬陰公湯』$60——好多料，隨便數數都最少有5條魷魚、5隻青口、4隻蝦、草菇等等嘅材料，味道都OK，但係偏酸，無咩辣味🦑『馬拉盞西蘭花炒魷魚鬚』$68——魷魚鬚俾得好慷慨，西蘭花突然變得好珍貴🐽『金牌胡椒豬什粉』$48——胡椒湯底好出色；可惜上面啲豬肉碎太肥膩，同埋啲豬什有少少「so」味；湯底好，但係啲料有待改善⋯⋯🐣『水門雞飯』$62🥬『馬拉盞肉醬芥蘭苗』$24🍵『泰式奶茶（熱）』Lunch點個主食，可以以平啲嘅價錢加一個小食；個泰式奶茶就甜咗啲。📍 水門雞飯 (厚福街) 尖沙咀厚福街3號華博商業大廈地下2-3號舖。大食時間：Dec 2023好味指數：🌕🌕🌕🌕🌑回味指數：🌕🌕🌕🌕🌑舒適指數：🌕🌕🌕🌗🌑

水門雞飯一向係我心目中排名No.1嘅正宗泰式雞飯！最近佢哋喺尖沙咀厚福街又開多咗間分店啦，即刻嚟感受下新店嘅水準先！呢間分店空間感更大，座位更闊落舒適～呢到都係用QR code落單，啲食物仲可以因個人喜好而簡少油少甜少飯果啲添，夠哂靈活！假日亦設有午市套餐，非常經濟實惠～水門雞飯餐💰HK$78 (加咗$10轉雞髀肉)雞髀肉瘦得嚟都咁嫩滑，就算連埋雞皮一齊食都唔會覺得好heavy！再點埋辣辣地嘅特製雞汁，用嚟送飯超開胃！正常份量嘅油飯飯都算多，食落粒粒分明，油而不膩～水門雙拼雞飯餐💰HK$70呢個雙拼雞飯就簡咗要雞胸肉，炸雞外層炸到脆卜卜，即使係雞胸肉都唔會柴唔會乾，食雙拼雞飯就係可以一次過體驗雙重滋味～餐湯係冬瓜湯，清甜得嚟帶有少少白胡椒味～跟餐飲品一杯簡咗凍泰式奶茶多奶，奶味同茶味一樣咁濃郁～ 另一杯就簡咗冰洛神花茶，酸酸甜甜，生津止渴～泰式炒通菜💰HK$54夠鑊氣，辣辣地，啲通菜食落唔會老～串燒Satay💰HK$42串燒要叫3串起，我哋叫咗兩雞一豬，啲肉燒完之後依然鮮嫩多汁，點埋沙嗲汁，風味十足！

【水門雞飯餐廳：品味尖沙咀嘅美食佳餚】如果你而家係尖沙咀搵餐廳，咁水門雞飯餐廳絕對係你嘅最佳選擇。呢間位於尖沙咀嘅餐廳以佢獨特嘅菜單同美味嘅佳餚而聞名，其中包括咗芒果糯米飯、雞肉同豬肉串燒、炒通菜同清湯牛腩河粉。首先，我地嚟試試水門雞飯餐廳嘅招牌菜之一：芒果糯米飯。呢道菜結合咗香甜嘅芒果同糯米嘅Q彈口感，帶俾你一種獨特嘅味覺體驗。每一口都可以感受到芒果嘅甜美同糯米嘅香氣，絕對係一道令人回味無窮嘅美食。然後就嚟試吓佢哋嘅雞肉同豬肉串燒啦。呢啲串燒肉質鮮嫩多汁，經過炭烤之後散發出誘人嘅香氣。無論係雞肉定係豬肉，都經過巧妙嘅調味，每一口都充滿咗深邃嘅風味。無論你鍾意嫩滑嘅雞肉定係多汁嘅豬肉，呢道菜絕對可以滿足你嘅味蕾。另外，佢哋嘅炒通菜都係一道唔可以錯過嘅佳餚。通菜嘅嫩葉同脆莖經過炒製之後，保持咗佢原有嘅鮮味同口感。配埋適度嘅調味料，呢道炒通菜既清爽又開胃，係一道素食者同非素食者都可以品味到嘅美食。最後，就黎試吓水門雞飯餐廳嘅招牌湯品：清湯牛腩河粉。呢道湯粉以鮮嫩嘅牛腩為主角，搭配軟綿嘅河粉同清爽嘅湯汁，帶俾你一種濃郁嘅牛肉風味。每一口都可以感受到牛腩嘅鮮美同湯汁嘅濃情，絕對係一道令人滿足嘅

［📍厚福街｜泰國地道風味海南雞］夜晚喺尖沙咀搵野食，當時已經係九點，成條厚福街只有呢間水門雞要排隊😅😅有四五個人喺門口排，入到去都算乾淨，畢竟係新新地。🔸水門半隻雞｜嫩滑皮爽，唔肥，雞胸都好嫩，推介！🔸馬拉盞西蘭花炒魷魚鬚｜有沙茶醬好惹味，魷魚鬚好新鮮🔸芒果冰｜係假芒果，啫喱粉味，勁甜，泰國飲品真係太甜餐廳資料📍水門雞飯 (萬勤商業大廈) (尖沙咀)尖沙咀金馬倫道18號萬勤商業大廈地舖#水門雞飯 #海南雞 #泰國美食 #尖沙咀美食推介

今日嚟厚福街搵食，發現水門雞開咗新分店，既然早餐都未食就入去試吓。有假日午餐都幾抵食，友人點了一個水門雞飯加串燒豬肉，飲品點了芒果沙冰。見到Menu有新推介，愛吃海鮮的我就試了新出品六星鮮蟹肉炒飯及和牛串燒，飲品點了凍泰式咖啡。先上水門雞飯，雖然有不同分店，但質素好穩定，這間亦不例外，無骨雞肉口感嫩滑，味道適中，最最最惹味仍然是醬汁，一定要加晒落去拌飯拌雞肉。胡椒冬瓜雞湯超重胡椒味真係好好飲。六星鮮蟹肉炒飯配料主要是蟹肉及蛋白，炒得很有鑊氣，蟹肉食到鮮味，用料新鮮。和牛串燒，肉質有咬口，配泰式辣汁夠辣夠惹味，$20幾抵食。豬肉串燒醃得入味，配沙爹醬味道香濃，而甜汁內有洋蔥及青瓜就比較清新，很不錯的2食。飲品2款都正常水準。埋單$252，好飽好滿足～希望我家附近都可以開間分店！

泰式炆雞腳😋雞腳經過炆煮後變得軟嫩多汁，入口即化。炆雞腳的湯汁帶有濃郁的香料和泰式調味，味道醇厚而風味獨特。👏👏👏香辣鳳爪沙律一道辣味十足的開胃小吃。鳳爪經過冷水冰震後，表皮爽彈。醬料以香辣酸味為主，加入了辣椒、洋蔥和其他香料，帶來一種刺激酸辣味。這道菜的口感結合了鳳爪的脆嫩和辣椒的辣勁😍😍青木瓜沙律青木瓜切絲後，搭配新鮮的蔬菜和香草，調配出酸甜的醬料。這道菜的口感清脆，酸甜味道帶有微咸的滋味，非常開胃。青木瓜沙律作為開胃菜，可以搭配其他泰式餐點一同享用。🤩🤩🤩泰北青冬陰魚片湯河泰北青冬陰魚片湯係一道以泰國北部特色食材為基礎的湯品。湯中使用的冬陰魚片鮮嫩可口，湯汁清淡而鮮美。湯中加入了香草、辣椒和其他香料，味道鮮明而濃郁。這個湯底獨特的泰國風味，配埋滑河粉真係好夾。🤝🤝水門雙拼炸雞飯 (海南炸雞，海南雞)水門雙拼炸雞飯是一道結合了海南炸雞和海南雞的招牌菜品。炸雞外皮金黃酥脆，內裡肉質嫩滑多汁。海南雞則是以滾水煮熟的整雞，肉質鮮嫩，帶有濃郁的雞肉香味。這道菜搭配白飯一起食用，豐富的口感😝😝

《水門雞飯》越開越多分店，位於金馬倫道那間經常光顧，原來最近在隔離街厚福街也新開了一間，也是經常客滿。餐廳裝修簡潔光猛，用QR code 落單後食物很快就送到。《水門雞飯》轉雞脾$64《水門雞飯》是招牌菜，差不多枱枱都食，水門雞果然名不虛傳，無論是雞的哪個部位，都一樣好吃，轉雞脾只是加十元。廚師的刀功也利害，每件雞肉都切到一樣的細長，皮薄肉甜，飯粒飽滿，充滿雞油香味，平時少吃飯的我，不知不覺把整碟「水門雞飯」食曬。《生牛肉牛丸湯河》$56牛肉薄片慢慢由紅色變熟，入口軟腍，牛肉丸彈牙，河粉幼滑，還可以自選多蔥或走蔥。《和牛串》x2 $40新品價錢，二十元一串的和牛串又抵食又好味，牛肉香濃多汁，燒得剛剛好，值得一試。《雞肉、豬肉串》$14雞肉串和豬肉串夠惹味，配酸青瓜一起吃，出期地夾。《芒果冰》飲品選擇多，有別於一般餐廳只有奶茶咖啡，芒果冰清甜，生津解渴。