水門雞飯 (豉油街)

營業中

休息中

呢間雞飯間唔中lunch都會黎食，中意佢價錢唔貴，lunch set 5x-6x仲要包埋野飲，而且仲要似係泰國食到既味！🐷水門雞飯 $62雞飯會跟一個冬瓜湯同埋雞醬。雞肉份量好多，入口好嫩滑，就算雞胸位置都一d都唔會話鞋，點埋佢個醬汁，甜甜地辣辣地，雞既味道又係另一個層次。油飯亦好入味而且粒粒分明，雖然係油飯但又唔會好油膩👍🏻🐷豬肉丸肉碎扎肉河粉 $56 (轉冬陰公湯 +$6)第一件事飲啖湯試下，冬陰公酸酸辣辣，但又唔會太辣，係好開胃果種。面頭有塊炸雲吞皮，即刻食脆脆地，浸湯索晒d味又係另一種惹味。豬肉丸同扎肉係正常發揮；河粉唔係平時粉麵店果種一夾就散既河粉，佢係果種似炒河用既河粉，粗d有咬口d,唔會一夾就散🐷雞肉串燒(2 pcs) $26 (午市加配小食)串燒配沙嗲醬呢個配搭真係無得輸，雞肉肉質鮮嫩，沙嗲醬濃味，另外跟既酸汁就解油膩，兩樣一齊點拎到個平衡好食喎！

今日做完運動黎到旺角食野，因為無咩胃口諗住求其食，點知呢間餐廳質素唔錯，非常有驚喜🤣今次叫左1:水門雞飯🐔$54一上臺見到雞肉白雪雪驚唔好食，點知食落都幾嫩滑，有雞味，我食嘅係雞胸，健康啲。如果鍾意更好口感可以加錢換雞脾肉，相信更好食👍🥹雞油飯方面，飯粒粒分明，有少少咸香，忍唔住一啖接一啖，K O 曬成個飯🤤🤤水門雞飯會有例湯跟，裡面有一塊冬瓜，加埋胡椒粉味好重嘅湯，辣辣地好開胃，非常滿意👍👍2:香葉辣肉碎煎蛋飯$62肉碎超級入味，裡面有豆角、肉碎、辣椒🌶️，而飯係同雞飯一樣嘅油飯，全部野撈埋一齊食，女仔都可以成碟清曬🫣，另外煎蛋🍳可以揀熟蛋定流心，適合唔同人👍除左飯，我地仲單點左兩杯野飲，分別係芒果🥭冰同埋青檸🍋梳打，我覺得可以唔叫芒果冰，因為唔係新鮮芒果打出黎，作為單點22嘅價位，有啲貴🥲🥲青檸梳打就正常發揮。消費價錢：2人150左右結論：可以作為飯堂餐廳名稱：水門雞飯 (豉油街) 餐廳地址：旺角豉油街21C號地舖

水門雞飯我真係成日食必須講佢好多野食都好食甚至出色過佢個招牌雞飯長期多人不過等位都唔會等好耐係門口就會睇定食咩嘢飲次次都係飲泰式奶茶再唔係就係龍眼冰最近呢次去食，佢都轉左用QR code落單方便勁多係手機落單先知泰式奶茶可以多奶同少冰基本上呢到影出嚟嘅都好好食呢個唔使多講～有2個醬同湯～飯又香～雞嘅份量又多呢個通菜次次食都必叫勁有鑊氣泰式生蝦都好正！最鍾意佢有苦瓜佢個秘製醬汁好正好夠辣推介呢個芒果糯米飯同泰國嘅一樣咁好食期待下次再去食

旺角不嬲都多野食，今日搵到間平靚正泰國野- 水門雞飯。餐廳位於鼓油街，朗豪坊過兩步就係，非常就腳。有實體餐牌，用QRcode落單。我地兩個人叫左一飯一麵加小食同飲品。水門雞飯，雞汁加湯。冬瓜雞湯，帶好微嘅辣，飲落順口清新，唔覺有味精味。水門雞飯份量都幾多雞肉滑溜，起哂骨，咬落啖啖肉。油飯清香，附嘅醬汁惹味但唔會太鹹，配雞肉幾夾。鳳尾蝦金邊粉，選項有得揀走唔同配料，清晰又貼心。份量正常，擠埋青檸汁，食落酸酸甜甜，天氣開始熱，食下d酸甜野特別舒服。鳳尾蝦有四隻金邊粉調味啱啱好，新鮮炒起夠熱，條條分明唔會痴埋一嚿。小食- 泰式腩仔，超級脆，面頭加埋芝麻，好香脆。腩肉嫰滑，有油脂但唔會覺得太膩，切好嘅size一啖一件。附嘅醬汁酸辣，魚露味較重。飲品叫左泰式鴛鴦，凍飲都可以走冰，可惜甜度冇得揀。不過鴛鴦本身都較濃，甜度都ok，相對飲落奶茶味較濃。整體都幾好飲~朋友叫左椰青，原隻椰青大大隻，好厚肉，椰青夠熟，椰青水飲落好清甜，好啱食完重味嘅食物時飲。水門雞飯都幾多分店，整體嚟講選擇多，係平靚正嘅選擇！

近日落雨咪，去了旺角的水門雞飯食午餐，好有泰國水上市集的餐廳feel，雖然當時是下午三點多，不過還是座無虛席擔遮都無阻食客都對此店的熱情鳳尾蝦炒金邊粉，有牙菜，韭菜，洋蔥，花生碎，金邊粉夠韌度，加上青檸檬汁，酸酸辣辣，好開胃無骨豬比肉，份量都唔細，豬皮和瘦肉一半一半，豬皮好軟淋，汁有少少甜味，肥而不膩炒通菜，是由椒絲，洋蔥，蒜頭炒，都幾辣架，通菜條條都炒得好均勻，條條都掛滿汁，廚師炒得有鍋氣店內還有泰式火鍋，牛利生菜包，撈麵，這些新推介，有機會再來食

下晝兩點去旺角搵野食，行到去豉油街，記得之前見過水門雞飯好多人排隊，今日好彩排隊既人唔太多，所以就排咗一陣間就可以入去☺️坐低左就用QR code叫野食，可以慢慢揀，真的不錯！選擇非常多。我哋叫咗兩份午餐，鳳尾蝦泰式金邊粉同埋清湯魚旦魚片金邊粉。追加兩客串燒（2 x 豬肉串燒 + 2 x 雞肉串燒），餐飲芒果冰和凍泰式黑咖啡。🌟🌟炒金邊粉材料豐富，有四大隻又爽又彈牙嘅蝦，特製醬汁有少少辣，碟邊仲有d辣粉和花生碎，撈埋一齊食好惹味🌟🌟串燒大大件，肉嫩又多汁，配有一碟開胃前菜🌟🌟金邊粉湯底清甜，魚旦魚片鮮味彈牙🌟🌟芒果冰真材實料，有香濃新鮮芒果味，值得推介👍🏻👍🏻泰式黑咖啡比美式黑咖啡甜，有獨特口感，更易入口

終於可以去先水門雞飯啦🤣之前聽咗好多人介紹，但一直都未有機會去🥲一去到見到個個都嗌水門雞飯🤣🤣梗係要叫個試下啦！！價錢大概60蚊左右啦，一個pad Thai都係70幾蚊唔算貴，仲要唔使加一👍🏼掃QR code叫咗之後好快就到啦啲野食！！水門雞飯加咗$10要雞雜！有雞腎同雞血！我覺得普通啦🤣下次未必加！但係雞飯超級好食！！個飯用雞汁撈過，而且份量超多！！勁香又唔肥！啲雞亦都好嫩滑，中間仲有啲雞汁jellly添呀！可以揀雞胸就更加健康啦！佢仲有個汁附送，一定要點汁黎食！！勁好食！少少辣辣地㗎❤️❤️❤️仲有一碗例湯，有冬瓜同勁重胡椒味！好驅寒！正呀！！飲品方面就叫咗熱薑蜜！好香，真材實料！冬陰雞湯粉 $58冬陰功湯個味好夠，若果落多啲椰汁就更加正喇！不過清清到都幾好！麵，就揀咗小見嘅蛋麵！！雞件都多咼，一樣有雞胸雞髀肉咁！好食！泰式奶茶加咗珍珠覺得甜咗啲！唔知係咪因為走咗冰🤣🤣我哋跟餐叫咗個胡椒單骨雞翼煎得香脆！而且真係好重胡椒味😗🤘🏻好食好特別！

假日晚市6點到，餐廳已經坐滿哂人。除左最出名既水門雞飯外，有肉食、小食、菜類及甜品，就連飲品都有多種款式。因為樣樣食物都好吸引，所以2個人叫左好多餸，超級飽。水門雙拼雞飯($56)，油飯熱辣辣，每粒飯都沾滿油香。少飯既份量都多，好足料。附送既雞湯有驚喜，超重胡椒味，湯底清，仲有一大塊冬瓜。特登揀雞胸部分，肉質一d都唔鞋，雞皮滑，冰涼口感好jeng。搭配帶辣既醬汁，就更惹味。而炸雞炸粉薄，雞肉多汁，外層炸得乾，唔會好油膩。泰式清湯腩船粉，湯底同樣都超重胡椒味，揀左多蔥更香。牛腩大件軟林，牛筋炆得入味。金邊粉份量亦多，超飽。原隻燒魷魚($45)，原隻串住送上枱好震撼。好有泰國風味。魷魚邊位焦焦地，辣汁好刺激，後勁辣味好濃。可以原隻/切件上。串燒($14串)，豬肉結實juicy，配沙嗲甜醬，超好食，尼個醬配咩都超夾。旁邊既酸汁，就更清新。而雞肉嫩，與豬肉相比，豬肉串燒口感更勝一籌。馬拉盞肉醬芥蘭苗，肉醬好惹味，帶甜，配飯麵食一流。芥蘭特登要求煮軟身d，一大碟份量超多。菠蘿冰，菠蘿味非常濃郁，冰打得碎，唔會過甜。而且用膠杯裝，方便可以拎走飲用。整體，食物味道同泰國口味不相伯仲，餐廳播住泰文歌，

係旺角未諗到食咩好，都係食番最穩陣既水門雞飯。而家qr code落單好方便！平時都係食開水門雞飯，今日見到隔離台有炸雞飯又幾靚仔，叫左雙拼! 有炸雞又有平時白切雞既飯，白切雞都以往一樣都係有水準啦，雞件夠滑，不過炸雞都有驚喜wo! 炸粉唔厚，上菜個時唔會皮淋曬，仲有佢比埋泰式酸辣醬，咁既配搭真係好食~ 下次都可以照叫雙拼先! 之後叫左個pad thai，蝦好彈牙，份量都好多，個pad thai有少少甜味，而辣度可以自己睇住落幾多辣粉去決定。今次食左肉碎生菜包，肉碎既魚露味比較重，而且有少少辣，幾開胃。每次黎到都一定會叫既泰式奶茶，因為覺得係最似泰國飲到既味道，真係好好飲!

今日星期六去旺角行完街就去左水門雞飯到食午餐。叫左個水門三寶雞飯，佢有送埋個湯，飲落重胡椒味，有點辣，都幾好飲。水門三寶雞飯（$64）：個飯好豐富，有水門雞，炸雞和雞雜。炸雞炸得好香脆，好好味，唔會話炸得好乾，個味剛剛好。水門雞就好滑好鮮嫩，點埋佢另外提供的醬汁就更加惹味。然後仲有雞雜，都幾鮮味，不錯，幾好食。菠蘿燒雞炒飯（$78）：有d似泰式菠蘿炒飯，不過分別係呢個有燒雞，又幾香口。菠蘿的份量夠多，酸酸甜甜的，幾好食，另外仲有好多肉鬆，提子乾，口感好豐富，幾好食。泰式豬頸肉（$98）：燒得超好食，好香！豬頸肉好滑完全唔會韌。好入味，點埋個醬就更加惹味。埋單都係$240，絕對係抵食，都會再來吃。

#fafafoodblog旺角 #fafafoodblog泰國菜🍴香葉辣肉碎煎蛋飯 62 蚊🥚🍚飯係油飯黎 一上枱好香 肉碎 豬肉味夠香夠 juicy有葱豆粒辣椒令到飯好有口感 再加埋煎得香脆既蛋 一整開 d蛋汁漏哂出黎 正🥚🍴香辣鳳爪沙律52 蚊🐥🔥鳳爪足料大大隻好爽口 好多香料菜絲洋葱蘿蔔絲調味 鳳汁盡吸惹味辣汁🍴半隻水門雞108 蚊🐥水門雞 半隻 足料 雞胸雞脾雞背 冇骨方便食 雞肉彈牙嫩滑 就算雞胸都香滑雞味濃 佢既醬汁帶 d豉油同蠔油咸甜味雞油味香 仲有胡椒香既雞湯中和雞味 正🍴凍泰式奶茶22 蚊🧊☕泰式奶茶同泰國飲一樣 甜得黎唔會過份 茶味香#奶茶 #泰國菜 #雞湯 #雞油 #水門雞 #鳳爪 #肉碎炒飯Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#水門雞飯 旺角豉油街21 號 c地鋪~~~~~~~~~~~~#fafafoodblog #為

今日係週末星期日，春天為大地帶來雨水，經過旺角呢一頭，好耐冇食過海南雞飯了，今次嚟到呢度水門雞飯試一試。星期日非常多人，下午時間差唔多全場爆曬，好彩唔使等好耐都安排到座位了，Menu都好多嘢揀，用手機落單非常方便。叫咗海南雞飯，而且選用雞胸位置，雖然係雞胸，但係一啲都唔老，而且充滿肉味，油飯都整得唔錯。朋友嗌咗冬陰功魚片湯河，呢碗冬陰功唔似平時出邊飲嗰啲，平時嗰啲會有一層油浮喺面，呢個就係清湯底，雖然係清湯，但係味道依然足夠。而且魚片無骨，非常滑。不錯。嗌咗兩個小食，無骨鳳爪沙律，酸辣汁，同埋青檸配合得啱啱好，非常開胃，全部都係肉，所以都嗌咗個菜 ，馬拉盞肉醬炒芥蘭苗，芥蘭苗唔似芥蘭甘苦，食落去有種清甜味，就算唔食芥蘭嘅人都可以嘗試！

今日傾盆大雨路過(鼓油街)水門雞飯諗住在簷篷下避吓雨，有位店員好好心，攞雨傘出來給排隊的客人擋吓雨🫶，到有位就會叫大家入座。遇上欄路雨就隨缘醫吓五藏廟，竟然品嚐到美食。店舖裝潢簡潔，座位比較窄小小，勝在價錢大眾化令客人品嚐價廉物美美食。❣️水門雙拼雞飯配冬瓜雞湯~爽口雞皮，鮮嫩肉滑，更‘正’去咗骨啖啖肉，醮少少醬汁雞肉更加提鮮……‘’棒‘’。鬆脆炸雞扒，肉質鬆軟美味，拌上醬汁令味蕾更豐富。冬瓜雞湯~雞味濃香清甜，帶少許白胡椒的香味，丁點兒都無油膩。❣️冬蔭功雞湯粉~酸酸甜甜帶微辣，放湯雞肉有另一種層次感。❣️泰式燒腩仔~爆脆燒腩仔，一層肥一層瘦，入口無油膩感，一口接一口食不停😋😋❣️燒魷魚~香噴噴燒魷魚味道鮮美，爽口彈牙👍👍❣️凍泰式奶茶~濃郁茶香，配上煉奶香甜，最後層次回甘，一杯泰式奶茶幾種層次😆😆

｛水門雞飯｝旺角人氣地道泰式雞飯！.由泰國🇹🇭引入嘅正宗地道連鎖店最出名的就是《水門雞飯》！價格相宜 亦有泰國味道的菜式怪不得旺角分店長期有人龍 ( ᐛ )و地道大排檔的製修也是值得一讚的！✎  招牌！水門雞飯 $54  #推薦真是良心價格～ 隨雞飯還附送湯和秘製醬汁雞肉感質驚喜地嫩滑 入味油飯粒粒分明 香而不膩真的有泰國地道的風味✽好味指數：★★★★/5.✎  泰式清湯腩船粉 $59較少人提及的牛腩粉 其實也不錯～牛腩炆得嫩滑 濃味清湯較重蒜味✽好味指數：★★★☆/5.✎  泰式炒通菜 $54✽好味指數：★★★☆/5.｜ 𝘼𝘽𝙊𝙐𝙏 ｜⚐ 水門雞飯地址：   旺角豉油街21C號地舖人均消費：HK$75 (ppl)回訪指數：🤤🤤🤤🤤/5環境舒適：🪑🪑🪑/5

平日成日見好多人排隊，呢晚朋友想食，就一齊黎試下。水門雞飯，我地加$10轉左雞髀肉，肉質相當嫩滑，雞皮都夠薄身，油脂較少，配上油飯同秘製醬汁，整體味道都唔錯，重點係多飯都唔洗加錢，好正。個人好鐘意佢個胡椒冬瓜湯，胡椒味偏重，飲完全身熱辣辣，好舒服。泰式豬手飯豬手入味又軟淋，骨膠原滿滿。泰式炒通菜 炒得幾有鑊氣，好惹味。香茅特飲幾有特色，好有香茅味，菠蘿沙冰，唔會太甜，勁爽。食完之後真係好掛住泰國呀！