水門雞飯 (蟾宮大廈)

營業中

休息中

幾年前去泰國曼谷旅行，其中一個景點就係去食水門雞飯。果時第一次食，覺得同海南雞飯個感覺好唔同，唔錯唔錯。近年就打入香港，分店仲要唔止一間，方便左好多。幾間分店我都食過，食得最多就係銅鑼灣店。今次終於的起心肝寫篇食評講下。我叫左個牛肉湯船河，一個椰青。太太叫左個水門雞飯加雞雜。牛肉湯船河，牛肉湯好甜好入味，係泰國船河既味道。水門雞飯有雞味，點左醬超好食。椰青好清甜。要讚下員工既服務態度，由等候入座，坐低，叫野食，到上菜，埋單都好好禮貌，值得一讚。

繼續響銅鑼灣幫完朋友手做嘢，一如以往都係唔想午飯時間出去同人迫，今次就有啲新意試吓啲泰國菜，跟住就搵咗呢一間水門雞飯。直接叫咗一個二人套餐。一個就係佢哋話人氣之選嘅水門雞飯，另外一個係鳳尾蝦炒金邊粉，仲有一份原隻燒魷魚，最後仲有兩杯秋日推介蘋果雪梨水。水門雞飯本身已經起咗骨，所以開頭網絡以為分量比較少，識落之後發覺其實都係足夠嘅，加埋佢個汁味道都幾好。至於個鳳尾蝦炒金邊粉都有泰國嘅味道嘅，金邊粉食落都幾咬口，味道亦都唔錯，但係個人覺得如果好似泰國咁加番啲砂糖落去味道會更加好。原隻燒魷魚比想像中大隻，本身燒完出嚟個味道都已經幾濃，加埋佢比嘅醬汁味道都好好，估唔到嘅係燒魷魚燒完出嚟一啲都唔韌，好容易就咬得開，相信對消化能力比較弱嘅人嚟講係好消息。蘋果雪梨水都飲得吓，的而且確好過就咁飲杯凍檸茶嘅。

午飯時間嚟到銅鑼灣就係到食埋午餐才走吧😄水門雞飯分店多，但自己就第一次食，所以樣樣都想試😅佢哋啲雞係每日自家新鮮製造的👏水門半隻雞～冇骨雞肉好滑，連雞胸都唔鞋，還保持到一定的嫩滑程度👍再配埋個小小辣又酸甜的醬汁牛肉湯牛丸生牛肉湯米～牛肉湯底清甜，牛肉鮮嫩肥瘦均勻，牛丸彈牙，仲有吸滿湯汁的炸豬皮和炸腐皮👍和牛串燒～新品推介👍冇得輸$20就食到，超嫩滑，多汁韭菜花～幼嫩而且超多炸蒜，好香口😋

朋友推介水門雞飯。今日在Hysan Place行完街便去附近水門雞飯試下。2pm去到店都好多人，被安排坐bar檯，可以望到對面大厦和路旁的樹，自成一角，比想像中舒服。叫了半隻水門雞，賣相透人，見到都想食。雞已起骨方便吃，半隻份量都不少。雞皮薄而爽，雞肉入口鮮嫩有雞味，不咸不肥腻，肉質靚，真材實料，美味。喜歡濃味可以沾隨雞附上微辣的調味醬油，我覺得不沾醬油更原味。跟雞上的冬瓜湯黑椒味濃，不錯。另外叫了碟六星鮮蟹肉炒飯。叫得六星，果然有水準。炒飯面和內面都有鮮蟹肉，蟹肉鮮甜，炒飯夠火喉，微辣，內有葱和蛋，好食。最後飲埋個椰青，椰青鮮甜，我連香嫩的椰肉都吃埋，滿足!除了雞，其他招牌菜如串燒，泰式豬腩肉，船粉等都吸引，下次再試。

溫度丶枱櫈都還原到喺泰國食水門雞飯嘅感覺，大部分客人好快食完就走，短短一個鐘，翻枱率幾高。水門雞飯 $54 (雞雜 +$10)招牌水門雞飯，賣相同曼谷食嘅一樣咁，配有重胡椒味嘅雞骨湯，無骨雞肉，另加咗雞雜(雞紅丶雞腎丶雞腸)牛肉湯生牛肉金邊粉 $38牛肉片比平時食開嘅算大塊，牛肉湯唔係好濃嗰種，但都夠味，金邊粉亦唔少炸蝦春卷 $42 芒果糯米飯 $58芒果清甜，order咗多椰汁，甜度啱啱好泰式話梅茶 $22第一次試，味道似係酸梅湯加泰茶咁，夏天開胃又消滯之選泰式檸檬茶 $22好飲！

每一次嚟到水門都係抱着輕鬆愉快嘅情緒去食🤩 不論係海南雞飯或者係雙拼同炸雞飯，冬陰功海鮮或雞絲湯麵，生蝦， 木瓜沙律，定還是腐乳通菜都係一樣食得津津有味唔會失望，佢嗰張配料贏晒，仲有個清湯入邊有一舊冬瓜啱啱好，再加上每一次我都要飲埋水門個泰式凍啡先至滿足。地方裝修有Bangkok 風情唔使去 宜家喺銅鑼灣已經有得食👍🏻💖👍🏻

呢間餐廳見有幾間分店應該有質素保證，所以同朋友今日行街行到攰就去銅鑼灣分店坐低✨雞骨湯碗湯重胡椒味，有冬瓜!感覺好消暑！✨菠蘿燒雞炒飯份量都幾大 ，一個男仔食都應該覺得好飽！菠蘿飯啲雞肉多嘅，不過食落似星洲炒米隻味！所以都幾得意！✨泰式豬手飯豬手飯啲飯係油飯，好重薑味！唔似得其他餐廳剩係得顏色沒有味道！豬手炆得幾軟林林充滿骨膠原！而且亦都唔會太多肥膏好似冇肉咁✨芒果糯米飯啲芒果大大嚿啖啖肉！而且亦都好新鮮沒有渣！糯米飯好軟林林！而且亦都夠多汁！✨凍泰式奶茶超級大杯，絕對對得住呢個價錢！一睇顏色就知道幾正宗！而且味道都好正宗！✨凍柚子蜜柚子蜜都好多，絕對冇慳皮！值得一讚就係呢度枱面都清潔得幾乾淨！而且服務態度都幾好！上菜速度幾快！

今日行經銅鑼灣突然覺得肚仔餓，於是同朋友誤打誤撞去左水門雞飯食dinner, 呢間餐廳聽就聽得多，印象中有好幾間分店，今次就黎試下佢。餐廳雖然麻雀雖小，五臟俱全。餐牌選擇都幾多，而且位於銅鑼灣地段黎講，價錢都唔係貴了，性價比都幾高。點完餐會有碗美味雞湯飲下，味精唔算多～另外呢度沖的泰奶好好飲，唔會太甜，而且有好濃的茶底。泰式海南雞飯～滑溜溜的雞肉，而且啖啖肉，令人食指大動！泰式辣雞絲湯河：果然係做海南雞出名，連雞絲都一樣好食，辣湯非常惹味，唔覺意連湯頭都飲埋～都只係四十零蚊，好抵食！泰式炒通菜，好有火候，份量都幾多。另外一定要提佢既泰式腩仔!第一次食到，外表炸粉一啲都唔厚，腩仔肉咬落啖啖肉，必吃推介！

水門雞飯銅鑼灣店，雞飯每天自家新鮮製作😍即使平日lunch都要大排長龍，呢到主打食曼谷水門雞飯，鋪面裝潢以鋅鐵餐桌加上泰文字樣雞檔，配上平民價錢泰式水門雞飯，體驗曼谷當地市集小食餐廳嘅地道風味！水門雞飯 $54.00 (轉雞脾+$10) 可以免費+多飯🍚份量十足! 雞湯有加入胡椒和冬瓜，與雞飯味道十分夾🤩無骨啖啖白雞肉，雞皮薄又無脂肪，雞肉滑嫩，加上醬汁有泰國小辣椒，青辣椒、醬油，微辣中帶酸甜，極富地道泰式風味，開胃十足🤤小食:脆炸雲吞 $28.00外皮酥脆，蝦肉餡爽口，配上甜辣醬汁，夠香脆熱氣😆香辣肉碎沙律 $68.00地道香辣肉碎生菜包，泰式香料十足，口感豐富，係夏日清爽沙律，帶辣味送飯一流😉甜品:芒果糯米飯$58.00厚切甜甜芒果，必點嘅飯後甜品！😋飲品:凍泰式奶茶 $22.00 獨特泰國茶香，茶味香濃，甜度適中🥤香茅特飲$20.00香茅味道清新清爽，非常適合夏天飲呀！🍹

早兩日經過tst好肚餓，同媽咪入咗水門雞飯，大家減肥唔想食咁多飯，就叫咗半隻雞、一碗黃油飯share、沙嗲雞肉同埋豬肉串燒~水門雞飯同泰國食嘅竟然無乜大分別，雞肉好滑，超重雞味，一啲都唔肥，連我唔鍾意食雞皮嘅人都食得落啲雞皮，加上啲醬汁，酸酸甜甜，係清新又好食嘅感覺，食到停唔到口。黃油飯係我最愛，好香好香，加埋啲雞都酸汁，如果唔係減肥應該會encore多兩碗。雞肉有埋雞雜，我就唔食內臟嘅，但母親大人話好香～沙嗲雞肉同豬肉串燒都好香口，燒得啱啱好，雞肉好滑，又唔會太油。相反豬肉就比較鞋口。埋單都係150蚊左右，抵食之選。

水門雞飯 銅鑼灣希慎道2-4號蟾宮大廈地下9號舖香港有好幾間食水門雞, 我上網查了一下為什麼叫這個名字, 原來在曼谷水門市場附近，就幾家非常有名海南雞飯，而食客直接稱她為『水門雞飯』。而水門雞就演化成一個出名食海南雞飯的化身名字了。水門雞飯加雞雜，附有湯湯很重胡椒味。雞很滑，油雞飯很入味，雞起了骨很滑。泰式腩仔一吃停不到, 豬表炸到很香脆, 咬下時脆卜卜響, 不僧飲像港式腩仔那麼鹹, 附上酸酸甜微辣的泰式蘸汁, 令到腩仔更可口不怕滯,做得袁出色。單雞炸雞翼也是炸得脆卜卜，$44 必點小食烤麵包是鬆軟的包，像我們香港人食開的小餐包，點椰子味satay 韭菜花, 很整齊排列好, 淋上醬#香港美食 #hkfood #hkfoodie #yummy #foodporn #delicious #cuisine #restaurant # #restaurant #水門雞飯

在銅鑼灣利園二期後街的街坊泰國餐廳，除咗開咗好多年重有好多間分店，距離地鐵站8分鐘步程， 餐廳不難尋找，因為門面有一隻雞的大招牌，相信主打就是水門雞！每次經過都很想嘗試一下，這次跟朋友來銅鑼灣，終於可以一上他們的泰式水門雞，餐廳外在環境簡約貼地，不鏽鋼餐桌帶有泰國風情的環境，開放式門面更令空氣流通，富有亞洲氣息猶如置身泰國一般的體感。我們分別點了半只水門雞，泰式辣肉碎拼生菜，芒果糯米飯。水門雞飯（半只）以半只雞的價錢尚算可以，而水門雞去骨令食客更易品嘗，水門雞配搭一碗清雞湯及秘制醬汁，醬汁令整道雞菜式生色不少，醬汁口感非常惹味！清雞湯味道偏濃，附上的冬瓜算大粒。泰式辣肉碎拼生菜喜歡吃辣的人必點，因為口感非常香辣及味道偏濃，炎熱的香港夏天沒有胃口時的確會讓人更愛吃辣，比一般餐廳的辣肉碎更加香辣，豬肉肥瘦度均勻，盡量尚算可以。芒果糯米飯每次吃泰國菜式也必點的芒果糯米飯，看下去金黃色的芒果鮮甜多汁，幾香甜，啱曬夏天享用，而糯米飯並沒有想像中這麼多份量，面層淋咗一層香濃椰汁醬，入口時暖暖的帶趙口。

遊客去到曼谷水門街必吃的當然是海南雞飯，毫無疑問在當地吃的價錢自然相當便宜。雖然價錢不同，但想在香港吃到 水門雞飯，現在銅鑼灣都有店了喔！🐔水門半隻雞 ($108) 因為不想吃飯才點這個，但之後發現水門雞飯好像更吸引。雞肉整體都很嫩滑，單吃或者稍微淡一些，配上醬汁來吃的話則很不錯。另外還配了雞雜和一碗喝起來頗鹹的湯。🥗香辣肉碎沙律 ($68) 調味很濃的肉碎，吃起來十分之辣！用來包著吃的生菜幾新鮮，很脆口。🥭芒果糯米飯 ($58) 淋上椰漿的糯米飯香甜得來頗軟糯，不過吃到最後一口發現硬成一塊的糯米飯 QAQ 芒果幾大舊而且都幾清甜。

環境4分：有梳化位，有窗枱位，有圓枱都唔迫，可以畀四分。衛生4分：地方光猛乾淨，而家仲有膠板隔開，手機落單，非常衛生。服務5分： 年輕人侍應生非常快手快腳，好有活力，上菜又夠爽手，滿分。味道5分：1)    水門雞飯轉雞脾肉加十蚊，揀咗多飯不用加錢，多飯份量應該有一點五倍，非常夠飽肚。Ｄ無骨雞啖啖肉，滑皮，肉嫩，油飯唔油膩但係有香味，超級好食。2)    雞骨湯胡椒味好濃郁，飲落有少少辣都算嘢味。3)    泰式豬頸肉好爽口，個辣汁好香。4)    泰式炒通菜非常嫩脆，Ｄ泰式馬拉盞有Ｄ辣，份量都唔少。抵食5分：沒有加一超大份量水門雞飯普通果隻都係五十幾蚊，加飯唔加錢，又有湯送，套餐型式最抵食，仲平過出面Ｄ快餐店。

夜晚嚟到銅鑼灣行街啦，之後就揾左間想食好耐嘅水門雞飯🥰我哋嗌左半隻雞啦🥳都幾大份，而且雞件好滑！仲有啲雞腸雞腎咁添 如果青瓜多幾片就更好啦🥳另外嗌左個三寶飯！佢一樣有雞雜同海南雞，特別多左炸雞嘅，食落脆口的，點埋個汁撈飯食就好正🎁一定要嗌下芒果糯米飯啦🥭🥭芒果好甜又多汁，配上糯米飯食好夾，食完十分之飽呀😽 #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西