水鴨朱椰子雞 (已結業)

最近想食椰子雞，所以同朋友行完街，就去咗大角咀水鴨朱佢個招牌椰子雞，椰汁味好香，而且雞肉好滑，因為佢先水滾入雞肉，然後焗3分鐘左右，所以啲雞肉好滑。呢度有仲有小菜，小菜炒得好夠鍋氣，送啤酒一流。我哋叫咗個招牌小炒王，有韭菜、聖子、蝦乾、魷魚、好豐富，而且炒得好香。另外我哋仲叫咗個Wasabi腸，估唔到腸10分爽口，Wasabi辣到啱啱好。最後，我哋仲叫咗飯薯仔炒牛柳粒，佢切到一口牛柳粒，正 適合一大班人聚餐，價錢又平。

今日同屋企人去咗一間餐廳食飯，有小菜，仲有椰子雞火鍋，爸爸、媽媽同妹妹都食得好開心，首先，小菜炒得好夠鍋氣，爸爸送啤酒🍻一流。我哋叫咗個招牌小炒王，有韭菜、聖子、蝦乾、魷魚、好豐富，而且炒得好香。另外我哋仲叫咗個Wasabi腸，估唔到腸10分爽口，Wasabi辣到啱啱好。最後，我哋仲叫咗薯仔炒牛柳粒，佢切到一口牛柳粒，正👍🏼👍🏼👍🏼重點係，佢個招牌椰子雞，椰汁味好香，而且雞肉好滑，因為佢先水滾放入雞肉，然後焗3分鐘左右，所以啲雞肉好滑。

之前系雜誌介紹，重慶麻辣雞煲好吸引而來！步入餐廳，餐廳唔賣弄裝修，一般小炒店或者係茶餐廳格局，客人也大多係街坊多，給人一種親民的感覺。海鮮十分新鮮,聽老闆說是每天進貨的食物選擇卻十分多,而且賣相看起來都十分精美為重慶麻辣雞煲而來，一入店就就叫左啦！等左一陣，店員好爽快地準備好爐具，食火鍋指定動作：混醬，尼間多左檸檬仔，酸酸地，幾開胃！好快地就可以食得,雞肉味道香辣又鮮甜！雞皮爽肉彈牙，又有鮮味！非一般普通冰鮮雞! 食完雞就準備打邊爐了：(火鍋配料唔算貴，大部份材料都係約＄50就可以揀到！)除佐火鍋外，主餐牌有其他既小菜，感覺不錯蝦乾蒜蓉蒸勝瓜！ 熱辣辣上檯，每一件都好有味道 ，份量多，最緊要即叫即做的。入口香噴噴，調味得宜，蝦乾幼滑，賣相都好靚爽口拍青瓜作為最後小食都唔錯,清甜開胃,唔怪得咁多人食

朋友介紹嚟食，試過覺得都幾唔錯，因為一直都好想喺香港搵到一間好食嘅椰子雞煲，我一覺得呢間都係一個唔錯嘅選擇，朋友冇介紹錯！食椰子雞煲梗係要打邊爐咁樣食啦，我哋都叫咗幾多配菜下，四個人食到超飽。打邊爐嘅另一個主角就係肥牛，我覺得呢度嘅肥牛亦都唔錯，佢哋係用美國嘅安格斯牛肉，食落都幾軟諗，唔會好鞋口，都值回票價。食椰子雞煲之前，第一個步驟就係要食雞同埋飲湯，啲湯飲落去都好清甜，椰子肉有潤肺嘅功效，我覺得都幾真材實料，如果湯底都係講緊一百幾蚊，係幾正嘅。我覺得唯一冇咁好食係冰豆腐同埋魚皮餃，同我平時喺食嘅都差啲，四個人買單食咗七百幾蚊，每人差唔多250 ，我覺得都OK～環境都算闊落坐得都算幾舒服😌

這家店的椰子雞煲好像挺有名的，就和朋友來試吃。椰子雞煲椰子／雞的味道都不是特別重，感覺有點似有若無，不太過癮。因為是第一次吃椰子雞煲，也不太清楚，可能椰子雞煲本來就是這樣？就是個人而言，不太合我的胃口反而椰子凍不錯吃，香而不膩，不過忘了拍下來XD

平安夜朋友仔話想去打邊爐，見哩度有椰子雞煲咁特別就黎試下。我地點左半隻椰子雞煲🥥個湯底真係好清甜，好正👍🏻店員重會幫手落雞同計時，所以d雞係岩岩好，好滑。其他既火鍋配料都係正常野，個手切手脊肉幾淋有牛香，d菜都新鮮20幾蚊碟，價錢算合理。我地重叫左個麻辣鴨舌，幾麻幾香口，唔食得辣幾我都食倒。本來想叫椰子凍，但咁岩無，哩度除左打邊爐，重有小菜食，下次黎試下先。不過唯一唔好就係食食下好大煙味。

今晚同朋友喺大角嘴一齊去食生日飯，之前都有留意呢間食店嘅，但係一直都冇時間過去食，今晚趁有朋友生曰就過咗去試，一入去見到環境都幾好，座位整齊，檯與檯之間，間隔都好闊，坐得好舒適 ，一坐低叫咗個招牌海南椰子文昌雞，好快就上咗檯 ，一開着個爐 陣陣椰香飄散入鼻 ，然後個侍應就會幫你冚住蓋隔離擺咗一個時間鐘仔 設定好晒時間就會幫你關火。然後焗一陣就可以食得，一試，啲雞係彈牙的口感 好滑 啲椰子湯同出邊普通食嗰啲椰子雞嘅味道係兩回事，又清甜清香，立刻飲咗一碗 好正好正！啲雞嘅肉質同普通食開嗰啲雞係兩樣野，係真嘅我唔會呃自己，然後叫咗一條油浸筍殼魚 條魚外皮脆得來又唔乾，啲肉質又唔會鞋颯颯，跟住一個椒鹽鴨舌，份量都頗多，又係出邊炸得夠香，入面唔會乾到紙皮咁，夠味好食！然之後帶咗一碟手切肥牛肉 一份蘿蔔，一份超甜粟米，一份雜菜，三支啤酒生力 四罐可樂 一份薯粉 圓滿結束的生日飯 ！侍應服務態度好好，會經常幫你清理枱面夏蘭，經常主動問你需唔需要加湯 好友善

一向食開雞煲都係麻辣果種，今日就同大班朋友特登黎大角咀食椰子雞煲。一坐低就叫左個椰皇，超香超甜！呢碟蝦乾節瓜都好出色，尤其啲蝦乾愈食愈香，冇耐就已經俾我地清晒。主角黎喇，椰子雞煲！伙記提我地記得要飲左個湯先打邊爐，果然冇介紹錯，啖啖椰香味，飲左幾碗！火鍋配料都新鮮，印象最深係呢碟本地牛肉，好香牛味😋

呢間椰子雞係朋友食過覺得唔錯推薦我去食。而我覺得佢真係冇介紹錯～叫得椰子雞店，招牌菜當然係椰子雞火鍋啦！呢間店係用真椰青水做底，佢地話係海南文昌雞。正宗海南椰子雞煲（半隻）$178肉眼睇已經知道唔係d大大舊d肉白雪雪又孩口嘅冰鮮雞，而且細細隻d 骨比較硬同幼身，肉質較嫩的新鮮雞。食到佢真係有好香雞味，同大大舊白雪雪肉嘅冰鮮雞兩回事！雖然冇走地雞咁正，但係都幾滑幾嫩～加埋椰青水嘅湯底～忍唔住連d 湯都飲曬！真係好清甜啊～～～但係到食完雞飲完湯，打邊爐嘅清湯係真係水咁味😂天堂與地獄你點揀？換左湯底後成件事唔同曬，所以加新湯底前最好飲曬d 椰子雞煲湯底先加新湯底。打邊爐材料入面非常推介：手切特級本地牛頸脊$188牛肉真係幾出色，又香牛肉味又嫩滑肥瘦均勻，一碟唔夠喉啊！真係好香！甜品方面海南椰子凍 $33 又係好值得食🥥～～佢係好清甜冰凍又唔膩～質感仲要係似布甸，而唔係大菜糕實的的質感🤤同埋餐廳d位少有地闊落～幾舒服😌ps：青橘汁加豉油又出奇地清新好味wor！！總體都覺得除左價錢小貴同埋後來加的清湯太稀太淡以外，牛肉雞肉椰子凍都幾ok～～其他小炒希望下次有機會試！

早幾日同同事去食一行13人叫咗隻半雞，起初好期待，因為有朋友食過話啖湯好清甜，咁咪去試吓囉。叫咗兩個煲，侍應加左雞煲咗10幾分鐘左右，過嚟開蓋同我地講食得，點知食左幾舊都仲未熟曬，飲埋啖湯都係好淡口一般般，到加湯打邊爐即刻變咗淡滾水，最後全程滾水打邊爐。打邊爐嘅配料就一般般啦都合格嘅，但係冇特別得出囉，牛肩肉都食得下，啲豬梅肉就好鞋恰恰，叫雲吞比左水餃我，個餡比較咸，手打肉丸同午餐肉最好味，同事話深圳果D正好多。

Went to try the coconut chicken hotpot. The smell of the soup was brilliant and the chicken when cooked was succulent and delicious. We then did hotpot which was nice. The young coconut drink was really nice and the staff were very friendly and helpful when ordering.

相約朋友喺大角咀打邊爐，就揀咗呢間。位置有點難搵，開頭以為食水鴨，原來出名食椰子雞,叫咗個椰子雞煲，滾起後一陣椰子味噗味而來，鍋內雞咬落好重椰子味牛肉都算嫩滑，不過唔重牛味，不過不失黑豚梅頭肉，豬味唔重，無什特別鯇片尚算新鮮竹笙爽口餐牌見到少有嘅鴨紅，一於試試冇腥味，有嚼口，唔韌，不過冇味道貢丸跟一般食肆一樣，無什特別

已經第三次食，覺得食物都依舊有水準，椰子雞、牛柳粒等等都係必然選擇，其他食物普遍都在水準之上。唯一既甜品椰子凍就真心不推薦，沒什麼味道，很淡，成為33大兩。 今次比較掃興係服務愈來愈差，慢慢講覆曬單都係寫漏單、叫幾次都係唔俾茶，俾完茶又唔俾杯，俾杯又反問你要幾多個杯，正常都一人一杯啦、幾個侍應都係未叫曬野就趕住走左去、有個就不斷話等等又冇左件事，真係乜都有，大家去要有定心理準備。個人應該唔會再來幫襯了，好食還好食，未去到要接受咁多負面野既好食情度，再考慮埋價錢，出面會有方便、就腳既更多選擇。 最後環境都比較窄，多個十個人真係會有啲迫，不過呢個都係常見既事。

早一晚先book, 都book 到檯, 一黎到就安排入座啦!即刻叫左個椰子雞先!呢度有小菜,又有火鍋!當日得8度, 當然叫左個椰子雞, 配埋d 火鍋料啦!叫左半份牛頸脊,試一試佢!點知黎到好大碟, 夠4個人食呀!好新鮮!唔錯!其他配料, 如黑豚肉, 鮮准山, 菜, 手打丸都係新鮮靚料.因為好餓, 等唔切水滾, order 左個椒鹽九肚魚!好快到! 好味!waiter 哥哥有教點整椰子雞,落晒隻雞落去, 水滾就閂火, 焗住4 分鐘! 仲有timer 俾你計時.alarm 一響, waiter 哥哥就過黎開蓋! 食得!好清甜! 好好味呀! 無諗過咁正.之後打邊爐d 配料都吸晒d 椰子味!推介配響鈴食!最後叫埋椰子凍! 好味!大滿足!但場內煙味好大!!!!! 需要改善!每人300幾蚊, 唔算太抵食.唔介意環境嘅, 可以黎試一試個椰子雞.

真係真心推介呢間食打邊爐鋪頭位置雖然比較偏僻~面門裝修好普通比較舊式少少嘅酒樓咁~但原來係禾稈冚珍珠~相比起出面酒樓食嘅打邊爐~呢間真材實料好多~食材又新鮮，手打墨魚丸都好彈牙唔係好似出面咁偷工減料~個湯底椰子汁真係好清甜~配合埋隻走地文昌雞，真係味道一流而且服務態度都好好~我哋一入到嚟就即刻畀杯熱茶我哋暖暖身~ 真係服務周到，真心推介俾大家約埋一班姊妹過嚟吹水~慢慢咁食真係好爽~我哋仲叫咗啲小炒~嗌咗一個手打墨魚丸餅,雖然冇影到出黎~真係超級彈牙~入面仲有芥末汁添流出嚟真係好好食喎！之後仲我打咗一個黃金蝦~啲味都非常之入味，真係可一可再呀~食到嗰個停唔到口囉