水鴨朱椰子雞 (已結業)

又到星期三搵食夜 今次同埋老友一齊食唔知點解小炒總會令我聯想到麻甩XDD呢間水鴨朱係公司同事介紹的皊確比較少去大角咀呢啲位置但絕對有驚喜 而且平日都爆場 就知掂啦一坐底叫左文昌雞半隻 睇樣的確麻麻不過入口嫩滑有雞味 配上醬汁 口感一流再黎係椒鹽九肚魚 勁耐無食過炸得勁夠火喉 味道岩岩好 唔會太咸脆卜卜 但炸粉一啲都唔厚 配埋炸蒜味道一流黃金蝦又係勁正 上枱時蝦殻重有泡泡蛋黃沾滿整隻蝦 夠新鮮入口彈牙而且鮮甜最後一人叫左一個椰子凍清清熱 上半係椰汁做成嘅果凍 下半係椰清水味道一流而且出面比較少見 值得推介

原本一早訂左第二間打邊爐，但係facebook見到椰子雞煲好似好好味甘，所以就決定改去呢間食。因為我地想試下小菜同椰子雞，所以我地邊爐到叫左唔係好多野，蔬菜為主，連牛肉都無叫。除左秋葵，菜，竹笙，仲叫左菇同粟米。粟米唔知係本身甜定係椰子湯底甜，所以覺得好好味。今次六個人叫左一隻雞，佢有個計時器係到，水滾落雞蓋上蓋，感覺到煲入面水滾啦先開始計時4分鐘。所以d雞係岩岩好，好滑。而且份量都好多，每人都食到5-6件。已經熟啦，果到既員工會叫你飲啖湯先，但其實唔會好有雞湯味，因為都係煮左幾分鐘雞姐。不過椰子味都幾清甜甘。好似好油甘，飲落去都ok。加左蔬菜煮既湯味道豐富左，我相信落左牛會無甘樣甘好飲。小菜叫左三款：小炒皇、豉椒炒鵝腸、椒鹽鮮魷。打邊爐我都唔係甘好鵝腸，但呢個豉椒炒又幾惹味同有鑊氣，好好食。預炒皇又係鑊氣野，同埋真心好食。材料豐富到我都數唔出😂😂😂鮮魷無影相，但都好好味。總結，今次果然無揀錯餐廳，小菜有鑊氣同好惹味，椰子雞好滑，推薦大家叫半隻雞加小菜食。

要係香港食到不同口味既川式雞煲並唔難，但要食到正宗既海南椰子雞煲就無咁易啦！記得有次返內地食過，當中既椰子雞清香嫩滑，連雞皮亦都爽而不膩，令我一試難忘……最近聽到朋友話大角咀附近有間餐館可以食到正宗既海南椰子雞鍋，咁就要帶埋同我一樣咁為食既女皇去試下係咪朋友講到咁正先今晚既目標係椰子雞，當然一定要order啦，但得我地兩個人，所以就先order半隻“正宗海南椰子雞鍋”HKd$178+10%，然後再睇下有咩食跟住我就決定一於“椰”盡佢，叫個椰皇HKd$33+10%飲下先；女皇就話叫罐可樂HKd$12+10%就夠啦椰子雞未食得住就混下醬先係椰子雞鍋必落既沙薑同青檸仔呀混完醬之後，主角都到齊啦個湯底除左勁多椰子肉，仲有竹笙同馬蹄飲落超級清甜，連女皇都大讚而啲雞更係冇得彈，真係好想講句“啲雞好有雞味”，雞肉又白又滑之後店員同我地講佢地用既都係文昌雞（女皇話我知文昌雞係貴啲架）-之後我地叫左個小菜：“豉椒炒鵝腸”HKd$78+10%，仲嗌定左個“油麥菜”HKd$26+10%同“招牌燉鴨血”HKd$43+10% for雞煲完之後打邊爐個鵝腸炒得好有鑊氣呀，啲鵝腸爽口去肥之外兼有好多條，食得好滿足(

之前系雜誌介紹，椰子雞好吸引而來！步入餐廳，餐廳唔賣弄裝修，一般小炒店或者係茶餐廳格局，客人也大多係街坊多，給人一種親民的感覺。為水鴨朱椰子雞而來，一入店就就叫左半隻水鴨朱椰子雞！等左一陣，店員好爽快地準備好爐具，食火鍋指定動作：混醬，尼間多左檸檬仔，酸酸地，幾開胃！好快地，一鍋椰子雞上檯，湯底是椰子水，還加上竹笙和椰子肉，味道清香又香甜！ 料足！待水開了，店員就將半隻雞放入湯中，待等待水滾後可以熄火，之後計時，半隻雞焗3分鐘，便可以食得！雞皮爽肉彈牙，又有鮮味！非一般普通冰鮮雞，飲埋碗椰子煲雞的湯底，正！清甜可口，竹笙因為有湯，所以鮮甜又爽口，美味可口！食完氯雞就準備打邊爐了：(火鍋配料唔算貴，大部份材料都係約＄50就可以揀到！)**必叫烏冬：採用急凍日本稻庭烏冬，食到特別彈牙有口感，放落湯後盡吸精華特別好味蔬菜類同樣地夠大碟，叫左油麥荼一碟，新....鮮....脆鯇片：係我打邊爐既最愛之一，魚好脆，簿切，好味。除佐火鍋外，主餐牌有其他既小菜可以揀，另外一小菜食，感覺不錯：薑蔥大鱔煲！ 熱辣辣上檯，每一件魚都好有鑊氣 ，份量多，最緊要即叫即做的。薑蔥味道香噴噴，調味得宜，鱔魚鮮甜，肉

平日九點嚟到都坐滿客人， 如果平時食飯時間 ，等位都有排等啦先揀咗個椰子雞鍋 落咗單再慢慢點下其他配菜首先放低咗個鍋水滾之後就可以落雞喇個雞鍋係跟咗半隻海南雞放咗落個湯度滾起咗 就可以熄火焗三分鐘食得估唔到 咁快就可以食得，都係第一次咋。 首先一人飲咗碗椰子雞湯，味道非常清甜， 飲完湯就食雞啦， d雞爽口彈牙， 肉質充滿彈性又鮮嫩， 索埋啲 椰子湯底， 食起上嚟就帶少少 甜味添。豉油嘅配料好簡單， 主力就係綠色嗰個海南柑桔，一定要唧落個豉油， 酸酸地又帶點 柑桔果皮 既 清香味 ，點起上嚟先夠地道海南風味。新鮮牛頸脊肉 鮮紅色的 睇住佢 均勻嘅油脂已經令人非常吸引啦， 食落仲要好juicy同埋好軟腍添。正炸響鈴 用嚟打邊爐就足夠香口惹味手打墨魚滑，都夠彈牙，很不錯鴨血唔係周圍有得食㗎難得呢度有得食見到有 當然要點嚟食下啦， 其實食落本身冇乜味道 ，係食口感。最後 食埋個萵筍 家樂雞湯度食最鮮甜。

今晚難得麻甩 同老友們去左小炒一下佢地帶路去左大角咀嘅水鴨朱椰子雞地點唔算好方便 不過勁爆場喎價錢堅平民喎 叫左脆皮炸豬手配黑椒汁鐘意餐廳嘅細心 切得細細件 容易食超級脆嘅豬皮 配上少少鹹嘅肉再夾埋有咬口嘅筋 口感一流薑蔥魚雲煲 上台時已經吱吱喳喳新鮮到不得了 打開香噴噴魚雲炸得脆卜卜 重有豆卜做配料 搭上香蔥 味道一流 鮮得黎唔腥 正食得咁重口味 當然要叫個菜清一清腸胃啦金銀蛋莧菜 幾耐無食過嘅一道菜最後麻甩就麻甩到底 叫返支啤酒啤啤佢

自從轉工後，已經好耐無再踏足大角咀呢個地方，這日相約埋一班舊同事，再次重臨舊地黎個re－union。一班大男人，對餐廳既選擇其實好簡單，最緊要夠平，夠地道，夠好味，最後我都就從云云既餐廳中選佐呢間主打椰子雞煲既餐廳。餐廳位於棕樹街，可以話係奧運站，旺角站，和太子站既中間點，可以話唔方便，因為三個站行過去都唔算近，但又可以話幾方便，因為三個站行過去，都不用10分鐘。步入餐廳，果然夠local，因為餐廳唔算係好賣弄裝修，一般小炒店或者係茶餐廳格局既mix and match，而餐廳既客人也大多係街坊多，給人一種親民的感覺，也可以預測得到唔會太貴。全店都係採用文昌走地雞，貴為海南四大名菜之一，看到這個「商品說明」，已是一種品質的認證。火鍋配料唔算貴，大部份材料都係約＄50就可以揀到，一大班人食既話，叫多幾款都唔會肉痛。除佐火鍋外，主餐牌有其他既小菜可以揀，目測在場人士有好多人都會點一個椰子雞鍋當湯飲，再另外點小菜食，感覺不錯，但係我地一班「佬」，都唔攪呢d花巧野啦，直接打邊爐！醬汁配料選擇唔算多，有辣椒，青檸，醬油，同埋比較特別既沙薑，呢個醬料package，可以話係同餐廳主打既椰子雞係一個

我呢個湯精又出動去飲湯，其實我飲湯的要求好簡單，就係唔要有味精，只要無味精，食材新鮮，個湯一定唔會入唔到口，今晚黎到水鴨朱，試一試佢個椰子雞湯餐廳係比較街坊的那種，但其實無咩所謂，食物質素同環境整潔比較重要除左打邊爐，呢度仲可以食小菜，我一坐底環顧四周，就發現就算食小菜的食客都會叫一鍋椰子雞湯，相信大家主要都係為左呢一鍋湯而黎我地今晚係會打邊爐，所以就有指定動作混醬，今次的材料比較特別，有青檸同薑蒜，係為左食雞而設的椰皇 ($33)今晚決定要椰盡佢，飲埋個透心涼椰皇，順便可以解一解打邊爐的熱氣正宗海南椰子雞鍋 - 半隻 ($178)雞係用上左文昌雞，文昌雞的飼養同一般雞種最主要的分別，就係用椰子餵雞，雞的皮明顯比平常食到的雞淺色，雞肉咬落實淨，唔太肥，湯底用上椰子水，飲落好清甜，由頭到尾店員都會幫手，由落雞到熄火，完全唔需要自己動手，有個計時器用3分鐘滾雞，保證唔會滾到鞋晒本地牛頸脊 - 細 ($188)近來打邊爐比較鐘意食本地牛，貪佢牛味夠濃，又可以支持下本土貨，今次的牛頸脊雪花好靚，灼幾秒就食得油麥菜 ($26)、黑雲耳 ($26)、竹笙 ($68)兩個人食唔到太多野，今次叫左好多

之前同朋友係深圳食過椰子雞煲上癮，最近得悉大角咀新開椰子雞火鍋店，即刻約埋一班friend黎食下。呢道除左有火鍋，仲有小菜可以叫，今次目的只為椰子雞，唔係火鍋🤣所以點左椰子雞鍋後就點小菜食。調味料有沙薑粒、柑橘、辣椒，味道會酸酸甜甜更加開胃。椰子雞煲椰子雞煲份量都幾多，湯滾後落雞，店用計時器計時，夠鐘，先飲個椰子雞湯先再食雞，一打開勁香椰子味，椰子味完全滲入晒落d雞同竹笙到，雞肉嫩滑唔鞋口，椰子湯入面仲加入左大量椰皇肉來，湯底入口突別鮮甜，椰子味很香。薑蔥大鱔煲薑蔥大鱔煲， 每一件魚都好有鑊氣 ,而且份量都有好多最緊要即叫即做又熱辣辣送到，薑蔥味道香噴噴，調味得宜，鱔魚鮮甜，肉質幼滑，配料蔥同豆卜都非常入味好吃。避風塘炒蟹避風塘炒蟹，蟹大隻，肉厚雪白，蟹夠新鲜又有膏，辣味適中。炸蒜炸得惹味乾身唔油膩，而且份量夠多，送飯一流。海南椰子凍海南椰子凍，椰子凍係用椰皇載住，椰香味濃，口感香滑，下層係晶瑩剔透既 jelly ，夠哂yummy 😋

朋友生日，提議到這間店打邊爐。我一聽店名，咁特別，而且仲用椰子做雞鍋。當然立刻贊成啦！但這店不容易找，打電話問友人才找到。我們當然叫了「海南椰子雞鍋」，食完雞，才開始打邊爐。雞鍋裡還有椰子肉，侍應叫我們可飲埋D椰子湯，很清甜。海南椰子雞鍋，雞很嫩、很滑；椰子肉、椰子湯，很清甜。由於飲晒椰子湯，所以要加番椰汁才可打邊爐。其實可揀其他湯底的，但我們都覺得椰子湯很美味，所以仍選椰子做湯底 一共用了兩個椰子做湯底。椰子做湯底。打邊爐的食物，牛肉，十分新鮮，值得一提。我們叫了一碟小食，蜆芥鯪魚球。蜆芥鯪魚球，外脆、爽口，再加上蜆芥醬汁，很美味。差不多食完之際，侍應推介了「海南椰子凍甜品」，我們不知是怎樣，所以只叫兩個試下先。試完之後，發覺很特別、很清甜，所以再叫多3個。海南椰子凍甜品，質感及味道特別、很清甜。

海南椰子雞鍋湯頭清甜濃郁。食得出係文昌走地雞。湯底有椰子。还有馬蹄。竹笙。很吸湯配料叫了鴨血。味道不錯窩筍好食牛頸脊(小）一般正常帶子片麻麻。小。有雪味花枝片也普通另外还叫了4支青岛啤。2人食湯底與雞比四季文昌好但火鍋料一般

認識我的朋友都知道我喜歡吃火鍋，一年四季都是火煱天，今次就約我這個最愛美的好姊妹吃火鍋，但她一聽到吃火鍋，就耍手擰頭，說怕熱氣生粒粒，我便跟她說今次帶她去吃一個滋潤的椰子雞煲，她一聽到「滋潤」兩個字，立即舉腳讚成！正宗海南椰子雞煲（$178/半隻）舖頭名打正旗號叫「水鴨朱椰子雞」，那麼當然要試啦！瓦煲內是椰子水加椰青水，煲內還有椰子肉、椰青肉、馬蹄和竹笙，隨後半隻生的海南文昌雞便上枱。步驟如下：1. 首先把湯底煲滾。2. 然後把整碟雞放進煲內。3. 蓋上鍋蓋，等待湯底再次滾起。4. 熄火，焗三分鈡。5. 計時計響起，開蓋，食得。雞肉很嫩滑，一食落去就聞到一陣清香的椰青味，因為是走地雞，所以一點也不肥，湯底很清甜，吃完雞後，我更連喝兩碗椰子雞湯，夠哂清潤，然後請侍應加湯再継續吃其他火煱料。醬料（@$10）醬料包括沙薑粉、辣椒、豉油和一粒粒貎似青檸的小果實，但 size 又細好多，好奇問侍應這是不是青檸，原來這是海南柑桔。柑桔已切了一刀，只要輕搾便可楂出果汁，桔仔的氣味很清新，令人為之一振，配合其他醬料更能提升食物的味道。鴨紅（$43）看到牆上的海報，看到有鴨紅，在台灣吃過，在香港則不是

有日朋友講開佢阿媽煲椰子燉雞好好飲, 咁啱我又聽講係大角咀果頭有間用椰子汁打邊爐好出名, 所以我地兩條友就走左去試下。入到去姐姐好親切咁問我地想食咩野鍋, 我地諗都無諗就叫左個正宗海南椰子雞鍋, 我好好奇問姐姐門口放左咁多椰子, 佢話d椰子多到無位擺, 因為佢地每個椰子雞鍋都係用即開椰子汁煮, 當個鍋黎到, 又好細心咁將隻雞放入鍋裡面, 較好時間, 千叮萬囑我地要先試一下椰子雞湯先好開始打邊爐。等左十分鐘, 終於可以飲湯喇, 湯味清甜, 椰香味撲鼻, 好耐無飲過咁好味既湯底, 足足飲左三碗先捨得停。好喇, 飲完湯, 當然要醫下肚啦, 火鍋配料其本上想叫既都會有, 肥牛, 魚皮餃, 竹笙, 金菇等等, 因為我地得兩個人, 好遺憾叫唔到脆皮鹹豬手同埋避風塘炒蟹, 因為見到隔離枱食到津津有味, 下次叫多d friend一定要試佢一試。原來用椰子汁打邊爐係出奇地好味, 牛肉吸收左椰子既甜味, 更加令肉味香甜, 而一眾火煱配料都好新鮮好味, 由其是美國桶蠔, 食到我地停唔到口呀, 總括黎講, 呢間火煱店既湯底好有自己既特式, 鐘意飲椰子燉雞既朋友一定唔可以錯過, 而我都發現佢地除左火鍋外, 小菜

朋友見到呢間新開既餐廳近排好hit 好多人推介，愛椰子雞煲既佢即刻約我地去食新野。平日入到黎都全場爆滿，等左約10分鐘就有位子，環境唔錯，門囗仲擺放左一個個新鮮椰子吸引人😍4個人點左全隻椰子雞，首先混一混醬先，椰子雞醬料幾特別，主要有沙薑，青檸檬，辣椒椰子雞主要以新鮮椰青和文昌雞炮製，湯底以椰青水再加整個椰皇起肉來做配料，加上放入左竹笙，湯底入口超鮮甜，文昌雞食落鮮甜嫩滑，雞油脂較少，所以湯底唔會出現厚厚的雞油，感覺健康。雞肉同竹笙完全吸收椰水精華，隱約帶椰香。食完雞仲可以打邊爐，但因為朋友想食小菜，食完雞後叫左烏冬加進窩中，完全吸收湯汁，充滿椰香雞甜，烏冬又夠爽彈，超正！食完雞雞同烏冬，當然要試下呢道其他特色小菜，叫左脆皮豬手，豬手大大隻，豬手外層做到又脆又煙韌，肉質嫩彈，鹹香惹味，黎到時骨肉分離，方便進食。避風塘炒蟹又係必食， 炒蟹小辣而不過油，味道不錯。蟹肉結實甜美，大大隻，肉質爽彈，由其是蟹鉗，啖啖肉😋蟹蓋都非常多膏，熱辣辣既蒜蓉覆蓋左整隻蟹，份量十足，十分惹味，配合白飯吃一流。

今晚與媽媽去完旺角果欄一帶買水果，她說這裡的水果便宜到買到不會讓人捨得離開，但始終要吃飯吧，最後我們去了附近的水鴨朱椰子雞吃小菜，雞煲。這裡的調味料不只提供普通的豉油與辣椒，還有青檸與沙薑粉，意想不到有這兩種調味料供應，媽媽也製作好她的醬汁。先來半隻媽媽最愛的奇味雞煲，店員為我們攪拌好這豐富的雞煲，原本媽媽說要多點白飯，我見到雞煲裡有薯粉，相信已經足夠我們飽腹。薯粉吸收雞肉，芫荽，洋蔥，花椒等精華，非常入味滑溜。煲底下的小火溫熱著，熱辣辣的雞肉入口驚為天人。雖然它不辣，但其花椒調味使雞肉惹味可口。魚香茄子煲相當下飯，茄子炒香後仍保有順口的軟嫩，再加上蔥，肉碎，辣椒，鹹魚粒編出動人的魚香，完整入味。燒乳鴿一上桌就聞到香味，它沒有用太多醃料去提味，反而吃出乳鴿本身的香氣。乳鴿燒得表皮香香脆脆，內裡還有肉汁在，個人覺得味道得宜，不會過鹹，很好吃呢。最後媽媽想吃清新的西蘭花炒鮮魷，各種配料如木耳，冬菇，草菇，黃椒，紅椒的點綴好不彭湃，繽紛奪目。西蘭花處理得好，不會硬硬的，吃起來軟中帶脆，翠綠原色也保持得十分完整。各種蔬菜襯托出鮮魷的甜脆感，很清新的一道菜式。