水鴨朱椰子雞 (已結業)

天氣持續寒冷，當然要打返個邊爐啦今次同朋友黎到大角咀既水鴨朱椰子雞，就梗係食返個雞煲啦一入到去，侍應就好好招呼，即刻問我要唔要杯熱茶先，皆因今日仲係掛緊天氣寒冷警告一上個椰子煲，隔一陣就聞到好香既椰子味，飲落好清甜呀d雞都好滑，佢既醬汁仲有青檸仔加落去，加埋豉油點雞食，正呀邊爐配料一般出面有既佢都有，新鮮海鮮都有，食完個椰子雞飲埋湯就加上湯打邊爐，我地點既配料擺到全枱幾乎滿哂另外我地都叫左兩個小炒，分別係黃金蝦同炸墨魚餅，兩個都好味呀個墨魚餅好彈牙又唔覺得好油好開心呢間餐廳有電視睇，岩我呢個電視精有得一路食一路傾計同一路睇跨世代另外呢間餐廳係用圓枱，方便一大班人傾計哦～呢間餐廳可以再黎食過呀

家姐從外國回港，一定要帶她玩之餘，仲要去水鴨朱椰子雞食好西。 地點在大角咀棕樹街，Menu好多美食，馬上要叫野食了。(海鮮炒飯) 炒飯有嚼勁，飯味香，海鮮又多，好味道。(涼瓜炒滑牛肉) 小許的辣味，牛肉不會韌，口感不錯，如多一點會更好吧。 (沙薑雞半隻) 份量尚算ok，好大隻呀，果真滑嫩豐盈，要加分，我來了即時想食呀，足料好味，入味無比。(海南椰子凍)食到都差不多，個名不錯吧，要飯後甜品，海南椰子凍幼滑，食飽後用來消滯，不會太甜，十分之好，食完一個再想食一個。

一間唔多起眼既小店，估唔到幾有驚喜，隻霸王雞皮脆肉嫩，而且好有雞味，店員話係每天新鮮運落尼既走地雞，所以新鮮同埋無咩脂妨，而且價錢合理，半隻都係$138，兩個人食雞都好夠食。

之前成日同朋友反深圳食椰子雞，今次決定同朋友試下香港既椰子雞有乜吾一樣！係Facebook見到呢間好似幾吸引就約齊人去試下！八個人叫左一隻椰子雞，個湯好清甜，飲得出吾係椰子精！朋友都讚雞肉好有彈性，幾好幾好不過隻雞就比較細隻，每人一兩舊就食哂成隻！之後就嗌左好多火鍋料，不過不失！秋葵配椰子湯都吾錯！我地再嗌左隻豬手！個皮非常脆！個沙嗲黑椒汁好開胃！好好味！食到非常飽之後都堅持叫左個椰子凍，因為真係好似好好味咁吾錯，可以兩個人食一個，吾算太甜，個底有啫喱，幾特別

朋友帶路話屋企附近新開一間小炒唔錯的餐廳, 去到見到大部份人都食"椰子雞"wor, 問多次朋友, 喂! 我地係唔係喺度食小炒, 唔食椰子雞呀?朋友話...放心啦! 啲小炒鑊氣十足...下次多啲人先一齊食椰子雞見佢咁堅持, 我都講咁多, 一於就由佢發辦黃金鮮魷 - $88炒至起沙的咸蛋黃包著仲嫩嫩地嘅鮮魷 , 鮮魷 夠厚肉夠大舊, 咬落口感好正! 蜜桃生炒骨 - $78生炒骨的料頭又洋蔥, 又青椒, 好大排檔夠晒鑊氣嘅感覺, 生炒骨夠脆身, 食完一舊又一舊蜜桃味道甜咗啲, 食多兩舊要食舊洋蔥解一解膩

本身我麻麻地食椰子野，好驚果陣好濃嘅椰味，覺得好＇漏＇，但係有位好耐冇見嘅朋友想試下，咁又無妨嘅。去到先知原來椰子雞算係海南菜，而水鴨朱所用嘅雞亦都係海南嘅新鮮文昌雞。掛住傾計，所以都唔記得左要影相我地得２個人驚食唔哂，所以只係叫左半隻椰子雞鍋，再加菜同埋薯粉。個鍋黎果陣淨係得個湯底，滾左先再落雞，仲會有埋個timer比你計時，等啲雞唔會太熟，好貼心。一食舊雞都真係幾有驚喜，同我想像嘅唔同。好嫩好滑，有鮮雞味之餘仲有淡淡嘅椰味，啲雞皮仲要勁爽。嫩雞就食得多，但爽皮嘅雞真係少，諗返起都正。至於個湯底，好清甜，啲雞味落左去，啲椰味比我想像中好食，夾埋好鮮甜。落埋啲菜同薯粉落去，完全吸哂個湯嘅精華，椰子雞湯薯粉，好好食。果度啲職員好好人，話說我部電話得幾％電，問一問可唔可以幫我充一充，好爽快就答應左，滾動呀～

約了兩個朋友食飯，幾個男人當然去叫餸食飯，水鴨朱之前食過一次，味道不錯，價錢相宜，所以帶他們來試試。香脆墨魚餅又一個很不錯的炸物，外層炸得香脆，裏面的黑魚餅很彈牙，但比較薄，無外觀上大塊。豉汁蒸金錢鱔金錢鱔肉質爽口，但比較多幼骨，豉汁過多所以比較咸，若減少一點豉汁份量，此菜則會不錯。霸王雞上次食過椰子雞，今次試下霸王雞，走地雞依然是即日新鮮貨式，吃得出農家雞味，今次無椰水煮過，反而是以爆過的薑葱淋面，雞肉帶有葱油香味，味質依然嫩滑，雞皮幾乎沒有皮下脂妨，雞皮爽滑，能夠想像隻雞應該很肥很大隻，因為皮與骨之間的肉很厚。脆皮鹹豬手又一驚喜之作，鹹豬手上枱時已去骨起肉，表皮焗得又香又脆，油份不多，肉質不鞋，而且味道不鹹，廚師製作的時間控制得十分準確，豬手不會煮到變湯渣，又不會鹹到不能入口，最重要是價錢便宜，只需$98，但味道跟我去食德國菜的店舖不惶多讓，價錢卻平了一半有多，非常抵吃，很適合送酒用。椰子凍有淡淡的椰子香味，不會太甜，不似泰式椰汁糕，甜到牙痛，最適合不喜甜食的我，上面是白色的椰汁糕，下面是椰汁味啫喱。今晚大家都食到肚滿腸肥，決定下次上去朋友家睇波，順便外賣隻豬手上去，一面食一面飲。

舅父是很傳統的人，平時喜歡食小菜飲啤酒，我間不時會跟他食飯，今次他朋友介紹去這裏有小菜亦有得打邊爐的中式菜館。近排天氣太熱，人很燥熱，所以我們決定吃小菜。店內有個大魚缸，養著一些海鮮。這店最出名的是雞，店員介紹雞是每天新鮮運港，加上是走地雞品種，肉質結實，所以我們點了霸王雞半隻試試。半隻份量十足，比平時在外面餐廳食的大隻，肉很多，皮很薄，皮下脂妨很少，雞皮亦很爽口，平時不吃雞皮的我都忍不住吃了一點，雞很有肉味，肉質嫩滑，不似平時的冰鮮雞，無味無道又硬又鞋，真令人喜出望外。黃金蝦外面沾滿了咸蛋王，外殼很脆，蝦肉新鮮彈牙，份量頗多，有最少十隻，另外咸蛋王很甘香，不過太咸。杞子鮮竹浸時蔬，我問時蔬時那種，店員說是廚房決定，我估其實是給當季時令的蔬菜，今晚就是娃娃菜，菜煮得剛好，又腍又有菜的清甜，有少許秀珍菇，大量鮮竹，非常足料，而杞子亦很甜，湯底無味精，非常清甜。鼓油王炒麵賣相吸引，有大量的韮菜洋葱及豆芽作為配料，炒麵不油膩，麵質爽口煙韌，亦不會太乾身，咸道適中。海南椰子凍賣相簡單實在，用椰子殼載著以椰汁及椰水製成的啫喱，面層是白色的椰汁糕，底層是透明的椰水啫喱，椰子味不濃，整體很清甜。整體

「大角咀色香味美食」😍😍😍哩間椰子雞新開，勁近旺角，環境可以，我地10個人叫到成枱滿哂野食，幾位壯男都食到飽哂，埋單都係$2xxx(朋友碌卡，唔記得總數幾多😅)-海南椰子雞煲-真係用原隻椰子將啲椰子水做湯底，再刮埋啲椰子肉一齊煲，好有椰味 清甜🤤雞隻新鮮嫩口，店員會計時煲得啱啱好，唔好老哂，值得一讚👍🏼-薑蔥炒蟹-避風塘炒蟹-叫左兩款炒蟹，我個人鍾意避風塘炒蟹多啲，辣辣地好惹味😋-水煮魚肚鴨血-又係辣既水煮系列 啱哂-黃金蝦-咸香味濃下次一大班人就到時間可以book9:30後，因為佢地9:30後有85折，仲抵食😅

臨近生日，朋友約既生日飯局愈黎愈多，今日朋友就話要帶我去大角咀食間超有鑊氣既中菜一入去，發現呢間餐廳原來係打邊爐為主，尤其椰子雞煲最出名，幾乎枱枱都一煲，超香椰子味！朋友問我想打邊爐定係食中菜，但係呢排實在打得太多邊爐啦，好鬼熱氣，都係食返中菜啦 餐牌選擇超多！幾乎講得出嘅中菜佢都有，連海鮮選擇都唔少添！潮式爽海蜇（$48）先叫咗一個海蜇降一降溫先！海蜇超級爽口，調味得而，酸辣兼備，超香麻油味蝦干蒜蓉蒸勝瓜（$78）蒜頭完全沒有在客氣！而且仲放埋蝦干落去蒸，除咗蒜味之外仲有一啲鹹香味，火候亦都控制得好好，勝瓜冇正過火。下面啲粉絲索晒蒜頭同埋蝦干嘅味，份外惹味茄子牛仔骨煲（$88）茄子炆得好淋，牛仔骨軟滑惹味蜜餞薯仔牛柳粒（$88）薯仔外面炸得脆身，有一層薄而脆口既蜜糖包住，同出面既薯仔牛柳粒唔同，唔錯椒鹽鮮魷（$78)魷魚厚實新鮮，炸得通透脆身，無油溢味仲好香炸蒜味Tim一路食一路漂住椰子雞湯既香甜味，下次一定要食下佢個椰子雞煲先

海南 椰子雞鍋我真係好鍾意食㗎，個湯又夠清啲雞又爽口彈牙今日同朋友仔兩個過咗嚟水鴨朱食佢哋最出名嘅海南椰子雞湯滾咗之後啲雞加落個湯滾起，熄火煱三分鐘就食得啦， 聽落真係好神奇呀， 唔通呢個就 令到佢哋呢度嘅椰子雞咁爽口鮮嫩 既秘方😁😁? 平時喺屋企 蒸隻雞都要20分鐘啦起碼。真係話咁快就食得唔使驚等到肚餓天荒地老都未有得食… 打開個個已經飄來陣陣椰子清香， 首先一樣呢一碗椰子雞湯先啦清甜美味夠曬潤肺呀跟住就清曬佢啲雞先至好開夥繼續食其他嘢食呀。調味架嘅選擇唔係好多 重點就係個 鮮柑桔， 一定要加落個豉油到呀，佢同椰子雞係絕配㗎，冇佢真係失色好多…而我自己食得辣嘅就會落大量椒絲同埋蒜香特級牛頸脊， 每一塊都有佢一定嘅厚度夠曬口咁而且帶點跟食落去口感煙煙韌韌比較嚼勁再嚟就係我最鍾意食嘅蠔啦， 夠曬肥美又大隻 ，仲好juicy添帶子都不錯， 爽口彈牙，不過一定要控制時間唔可以滾太耐，唔係既話韌左就會嘥左喔枝竹用呢索個湯底就最正呀， 尤其是 椰子雞鍋湯底夠曬清甜， 食多兩舊都唔會溜呀萵筍 都好正呀夠曬爽口 而且唔係周圍有得食㗎難得見到梗係要點番一碟嚟食下啦

好多親朋好友都叫我去呢間位於大角咀嘅餐廳食椰子雞煲，仲話好好味喎。不過我從來都唔信佢地把口，始終我對食係比較有要求!大大個招牌寫住椰子雞，咁嘅係話呢碟餸係嚟到店必食㗎啦~睇落間店雖然唔算大，但係都迫咗好多人响入面，可想而知佢應該幾受歡迎食椰子雞前就食個小菜睇吓廚師功力先！西檸汁酸酸地咁，同啲雞一齊食真係幾胃㗎，啲雞幾嫩滑，一口嘅大小食落都好方便，用來跟白飯食定會好食到爆炸！之後係主角椰子雞鍋啦！椰子水嘅湯底仲加咗椰子肉同竹筍，真係好椰子呀！雞係正宗海南文昌雞，有半隻，佢嘅肉都好嫩滑㗎食到咁上下，仲叫左鮮蝦丸一齊滾來食，粒蝦丸入面真有一粒粒嘅蝦肉，食起上嚟好彈牙，份量都幾多同仲叫左牛柏葉，口感爽脆，又可以吸晒湯底既味道，好味~~~~當然都要叫埋個會爆吸味既薯粉，可能係我煮得太好關係好彈牙，而且晶瑩剔透，份量多，加上會吸咗啲椰子湯底，所以食落都幾飽肚。

又係Family gathering 嘅時間但係淨係每次諗食咩都已經諗爆頭， 好彩今次有人建議去食椰子雞煲，唔使我諗呢店入面光線充足，地方乾淨整齊，以圓形枱為主，方便一家人食雞煲。間店有好多種類嘅餸比你揀，可以比人揀自己鍾意嘅菜嚟食，咁一家人就唔使煩食咩，每人揀一樣就最好不過椰子雞鍋係呢度既招牌菜，識食一定要食！店員話椰子雞鍋淨係需要煲三分鐘，開頭好驚隻雞會未熟得哂，點知原來啱啱好，仲要好嫩滑，加上個湯底係椰子水，令隻雞更加香超愛之牛的我就點了一碟安格斯牛肩肉，雪花分佈平均，仲會吸哂啲椰子湯底，令佢嘅肉更加甜，一份嘅份量都幾多，但係就好食到想叫多碟囉~~~老公最愛的烏冬係日本稻庭烏冬黎！就算煮耐咗都仍然咁彈牙，而且又索哂啲湯底，好重椰子香阿囡就叫左碟椒鹽九肚魚，好惹味，魚肉夠滑，外面就好脆好香口，加上佢辣辣地，幾開胃㗎這薑蔥魚頭煲都係好夠火喉！薑蔥味好香，而且入而個魚頭嘅肉好嫩滑，係我覺得除咗雞煲之後第二個好食嘅煲

打邊爐同食雪糕一樣，無分季節。呢輪我地兩個都密密打邊爐，但好在每次都有少少不同之處，起碼有啲新鮮感，今晚食嘅係椰子雞鍋。關於椰子雞鍋，其實我地之前都食過一間連鎖店，比一般火鍋湯底清淡啲，自我感覺良好，感覺好似冇咁熱氣呢間水鴨朱椰子雞係見到有可靠朋友介紹大讚好食，先打枝強心針，火鍋店位處大角咀，大角咀本身都可算係火鍋蒐集，但主打椰子雞鍋嘅唔多。晚上8點鐘左右入座，客人唔算好多，但到左9點零鐘打後，陸續多人，研究完一輪先知，原來佢地9:30pm後配料有折，鍋底都有優惠價（寫住優惠做到7月31，唔知會否延長），難怪咁多人一大班人過黎。店內位置闊落，裝潢較平實，冇乜特別，光猛乾淨，最緊要都坐得舒服、隨意，收工後食個飯都唔想太拘謹客人大部分都係一班人，吹水飲啤酒，另外見佢地應該有間房，不過當晚有客人，就入唔到去影相喇。餐牌選擇都幾多，火鍋除左有正宗海南椰子雞、仲有醉雞、雞煲、水魚鍋、酸菜桂花魚鍋同一般蕃茄薯仔、鴛鴦鍋等，定價 $58-$298起。配料方面有牛、豬、雞、羊、海鮮、丸類、滑類、蔬菜、粉麵等，定價合理。除左火鍋，仲有多款小菜。因為地只有兩個人，點嘅野就唔算好多，有機會叫多幾個朋友再黎可

今天和媽媽一起去大角咀吃晚飯菜色很多選擇呢 看到我眼花撩亂 餐牌上小菜款式的圖片都十分吸引 於是便點了幾款小菜蜜餞薯仔牛柳粒 $88大大碟 夠獲氣 重點在於薯仔 外脆內軟 甜脆的滋味令人一口接一口但牛柳粒煎得過韌 差點肉汁和鮮味西蘭花炒蝦仁 $88西蘭花炒得爽脆而不油膩 調味適中不過咸 還有韭黃 秀珍菇等令菜色更為豐富雖然蝦仁份量多而大隻 但沒有味道 而且有點鞋口鼓汁蒸金錢鱔 $138例牌的份量也十分充足 鮮甜肥美的鱔肉上鋪滿豆鼓 用上鼓汁蒸 雖然做法簡單 但味道十分出色最重要是用料新鮮！肉質鮮美 肥而不膩蝦乾魚肚浸娃娃菜 $78這款也是十分推薦 蝦乾魚肚份量絕不吝嗇 魚肚應該炸過 口感外爽脆內軟糯 非常美味上湯味道香濃而不過咸 娃娃菜吸盡其精華 簡單而美味海南椰子凍 $33外型設計十分獨特的甜品 用椰皇做碗 上層是椰奶果凍 而下層則是椰青水果凍 感覺天然無添加 非常清甜解渴 值得一試！整體感覺很好 店員友善有禮 小菜夠火喉 做得比大牌檔好 份量充足而且不會炒得很油膩可惜沒有多一個肚子 不然的話 就會再嚐嚐他們有名的椰子雞鍋><! 唯有下次再來吃吧