永勝冰室 (北角)

營業中

休息中

偶然發現在投注站樓上的冰室，環境舒服寬敞，食物價格優惠，服務員服務態度非常友善，非賽馬日子悠閑舒適好地方，冷氣充足，在鬧市中少有難得好地方，賽馬日必定人山人海。

Order 了涼瓜牛肉有一半係青綠色有一半係黃咁咁，發黃苦瓜係凍嘅證明炒一半新鮮 溝一半梅嘅畀你！佢話炒到唔夠所以撈咗啲新鮮嘅落去點會一碟嘢咁恐怖，有一半梅嘅苦瓜一半新鮮嘅苦瓜！都冇叫佢換過！淨係反映畀佢聽另外紅油抄手個味怪怪的所以真係頂唔順換咗個女士仲駁嘴話上海嘢係咁味，個男士都唔敢答 比我refund

今日嚟到北角永勝冰室， 叫咗兩份下午茶， 一個擔擔雲吞拉麵 配熱奶茶， 一個豉油皇雞髀配熱奶茶， 擔擔雲吞拉麵有落花生醬， 再加埋椒油嘅香味， 聞到已經好想食， 而且辣味足夠， 拉麵有夠爽滑， 配埋四大粒菜肉雲吞，滿足之後重點推介豉油皇雞髀， 唔係出面果d已經整好曬,擺到乾柴 佢係即時生鹵，講明要等20分鐘(有誠意) 正所謂慢工出細貨， 要食好嘢就要等多陣。等咗一陣終於有得食， 一切開啲肉汁爆曬出嚟， 佢啲火喉煮得好好， 啱啱好熟， 所以肉質非常嫩滑，個雞皮加埋啲豉油絕配 之後再嘆返個熱奶茶， 非常滿足， 推薦大家去一試

8月24日因靚媽獲同事，贈送咗兩張，面值$5O元嘅，此店現金券，所以就同，揾食肥華到此店食晚餐，其實此店喺以快餐店形式經營，但店内顧客用膳環境及格局，又比市面一般快餐店高級，不過在食物質素及食物方面，此店又比不上，一般快餐店，正如肥華今餐所點嘅，酸菜魚套餐，個主角魚片唔夠新鮮，湯底味道亦麻麻，喺肥華食過，最餐嘅酸菜魚，而靚媽個 ，羅漢齋套餐，味道近乎劣食質素，唔講得難食，但肯定唔喺美食，今日呢兩個，合共$182元套餐，如非靚媽個兩張，合共$1OO元現金補助，就真喺物非所值！今餐👎👎

呢間茶餐廳開係馬會入面，夠18歲先可以進入。餐廳標榜由翡翠拉麵小籠包主理。晚餐時段，餐廳有唔同套餐選擇。有煲仔飯、客飯、中式拉麵、點心。糖醋魚塊客飯（$75）茶飯完全無味，好失望，純粹將白飯同菜撈埋一齊。主角糖醋魚塊太酸，完全入唔到口。臘腸排骨煲仔飯（$88）呢個煲仔飯要等20分鐘。不過完全貨不對板，飯唔係用煲仔煮出黎，一啲飯焦都無，就咁將白飯放入去，再將臘腸同排骨放係面。一啲油香都食唔到。仲要等20分鐘，真係唔明點解要等20分鐘咁耐。附送嘅糖水太甜，要自己溝一杯熱水無咁甜先食得落。餐廳仲標榜由翡翠拉麵小籠包主理，原來翡翠拉麵小籠包嘅質素已經去到咁差。總括黎講，太差，唔會再食。

之前去過幾项啲煲仔飯又大煲有多餸又好食見人人都叫，但有次去叫兩个不同的煲仔飯就相差太遠臘腸雞就OK但另一個就水多無飯朝直程濕過呀媽，可能師傅去了厕所，求其找个呀姐去顶擋！不知所謂收人8O蚊，之後再隔一段時間再去，飯少了3份1，之前个个賺低食又大煲之後宿水可能經理聽到多人話大煲，即改以後細煲，可能平時無生意要宿皮所以越來越求其沒有當時的認真偷工減料，不知所謂！請多啲人去評評這餐廳的質素越來越走樣！

之前去咗北角電氣道投注處舉辦秋冬護膚體驗，可以聽到護膚心得之餘，仲食咗永勝冰室嘅永勝小籠包同埋賽馬日限定冬日滋潤靚湯：蟲草花粟米紅蘿蔔豬骨湯😋小籠包仲要係即蒸，皮薄餡靚，認真唔錯👍🏻估唔到呢度有咁好食嘅小籠包wor😆😆而且燉湯又足料又好味👍🏻完全唔係平時茶記好hea嘅湯，真係好出色賽馬會間唔中都會有活動搞，咁下次可以食埋其他嘢同encore小籠包😁🔎永勝冰室(北角)電氣道276-280號華凱大廈1樓

聽講北角電氣道有間場外投注站行上一層樓梯有間由翡翠拉麵小籠包主理有京、川、滬式嘅冰室，原來係由投注站翻新成富有濃厚懷舊色彩，揉合左餐飲同投注服務。係賽馬日視覺仲可以邊好震撼甘睇住直播賽事邊投注，味覺仲可以邊享受即製嘅美食。身心都得到快感！今次我就係非賽馬日揀左個行運一條龍🐲套餐$75，📌吉列魚柳配咖喱汁，📌免費配上海菜飯同📌一碟時菜，+$3轉左📌凍咖啡，+$18 有碟三條煎開嘅📌炸春卷，💸$96。魚柳同春卷都即炸，所以要耐心等待大概15分鐘。果然不負眾望，唔係著通茶餐廳嘅貨式，入口脆熱而不油，冇熱氣嘅感覺，仲有d汁，唔係炸到乾噌噌。今年仲唔「行運一條龍🐉」⁉️🤭🤭🤭🤭#炮台山#北角#行運一條龍#永勝冰室@winscafebycrystaljade@hkjc_community

間嘢似大家樂的型式營運，成間大家樂咁，不過周圍都係螢幕和投注機俾你買馬和睇馬，第一次去見到都幾開心，今次我食左五香牛展麵，啲牛展用左好似整叉燒的方式做，超好味，不用份量少左少少，一碗要$68，唔包嘢飲，普通茶餐價。下次我會再同喜歡賭的家人去。

早排有朋友介紹馬會餐廳既煲仔飯好好食，今日趁有空就去試下啦。原來北角呢間馬會餐廳係由翡翠拉麵小龍包主理，所以menu既內容都大致一樣，不過今日既目標係煲仔飯，諗都唔諗就即刻落單。說實話，價錢係有少少貴既，加埋凍飲要$91，一場嚟到就點都試下。煲仔飯最緊要係夠熱，而呢個等左20幾分鐘既煲仔飯香味係真係有既，但就唔多夠熱了，只可以話係比常溫熱一啲，完全冇燙咀既感覺。再講啲料，排骨只係得果4 5舊真係孤寒咗啲，立臘就正正常常咁。煲仔飯豉油亦都唔多夠甜，整體感覺只屬一般。（如果）下次再嚟都係食既話都係食返翡翠既招牌產品算了。

經過北角有間馬會冰室，以為只喺招待馬會會員，原來喺由翡翠拉麵主理，任何人都可入去幫襯。雖然喺冰室，都有手工拉麵,套餐,下午茶等，價錢同茶記差不多，但環境非常寬敞，坐得舒適，任何位置都可睇到電視賽馬直播及賠率，如似置身於馬場，一般茶記不能比。叫咗一碗擔擔雲吞拉麵及鮑魚雞煲全日套餐，真喺有驚喜，鮑魚size唔細又煮得好味，麵仲喺手工拉麵，值得推介，價錢唔貴。

本身從來無特別想食呢間，純因為有K Dollar(某集團績分）快到期，在香港不多能兌換K Dollar的食肆，所以去吃一轉，用完積分就算。去到先知道原來係同翡翠拉麵小籠包聯乘的。12時正才開門，衷心不多人，如果非跑馬日想找個又平又清靜的地方應該是個好選擇。食物種類不多，就是幾款拉麵、小食、飲品，和小菜套餐。最後我叫了炸醬拉麵、小籠包和豆漿。我是第一個叫餐，呀姐好像不懂收錢，付款都用了5分鐘。之後找個位置坐下，又等了十多分鐘… 可能因為裝潢和付款方式讓我覺得這間是以茶餐廳的模式經營，但時間管理上應該不是。食物到了。先來炸醬拉麵和豆漿。濃濃的炸醬鋪滿整個麵上，令我食指大動，拉麵是幼幼的，但也有份量，用筷子攪拌幾下，每條麵條都掛上醬汁。吃了幾口炸醬味道都非常濃郁，有少少辣亦吊起炸醬令其更惹味。熱豆漿夠純厚。小籠包，小小的四個，份量有點小，不過皮簿，肉餡算新鮮，味道合格。整體來說，炸醬麵是有驚喜，但其他食物不過不失，亦不多選擇。但當然幫襯的人都志不在止吧⋯⋯

因為開咗馬會app有coupon送，咁就唔好浪費嚟食埋佢啦餐廳入口喺馬會入面，要上一層，樓梯口寫住翡翠拉麵小籠包即係食物由佢負責，應該都唔差環境靚得黎又有啲驚嚇，全場都係MON，顯示緊賠率等資訊，一個位一部外加頭頂幾部大嘅。。。。全日套餐 $70有小菜＋白飯＋飲品＋糖水，晚餐計非常抵，午市就偏貴少少啦，但係免加一，食物自取五香排骨＋菜飯五香排骨得四件😅但係食果刻發現原來係厚切，即使冇包炸漿都非常脆，內裏仲冒緊煙出嚟，軟嫩多汁冇汁都唔覺得乾咖喱雞＋菜飯咖喱味道好，層次豐富，唔係茶記螢光咖啡少辣，雞件有骨非雞扒，薯仔數量多過雞。。。勝在汁多好餸飯是日糖水係冰糖雪耳，味道可以接受，冇乜要求！

因為有兩張優惠券，所以今晚嚟食晚餐，餐廳環境濶落，相當吾錯，人客不多，所以不太忙碌，而且侍應都十分有禮。回鍋肉、菜飯、雪耳糖水和熱奶茶，回鍋肉嗰汁應該用左麵鼓，甜甜地，雖然吾正宗，但幾好味，熱奶茶，茶味濃而且幾滑，吾錯。咖喱牛腩、菜飯、雪耳糖水和熱豆漿，咖喱汁微辣好餸得飯，牛腩炆得好淋，件數也不少，反而薯仔就吾多，熱豆漿有少少豆味，吾太甜。菜飯比較乾，而且吾夠油潤。雪耳糖水就一般啦。每個餐$70x 2 ，用了優惠券，$40/2位。

平常若在炮台山午膳，喜歡吃電器道的樂園粉麵的外賣。在它旁邊，有一狹窄小門，有位阿嬸長期看守著，只見牆上寫有「永勝冰室」字樣，並注明「翡翠拉麵小籠包主理」。套餐不貴，$68元而已。昨天在好奇心驅使下，兩人進去吃了一頓午餐。原來那是側門，正面是在馬會的投注站內。由於沒有賭馬嗜好，不知道這是馬會的附屬餐廳。論環境，相當不錯，寬敞明亮。時近中午一時，只有三幾枱顧客，頗顯冷清。我們要了一個套餐和一碗五香牛肉麵、四隻一籠的小籠包，價錢合共＄180元。套餐是一碟醬爆雞丁、一碗菜飯、一杯熱飲。這碟小菜，暖暖的，不溫不熱，應該是預先弄好，毫無味道可言，味如嚼木。小籠包一般，尚可接受。最令人難以接受是那碗拉麵，麵不太熱，湯如豉油加開水，總之是沒有味道可言，可以說，馬路上任何一家的食店，都比它優勝。平情而論，翡翠拉麵近年真的不覺得它好吃，但未至如此差。印象中，已有很多年在香港未嚐過如此難吃的食肆，它所以能夠生存，相信只能用一個「賭」字來解釋。最後，它的環境、服務不算差，價值亦算相宜，但食物質素實在無法接受。