影片
之前有朋友介紹過呢間名人開的餐廳, 諗住帶我honey去試一試! 原本訂了晚上8點,不過我們早咗到...7點15分就到了。當時餐廳大約半滿啦,還有好多枱係吉既,於是個侍應就帶我們去坐卡位，個卡位同張枱的距離有d窄而且張枱同椅的高度唔夾，因為張枱高咗d所以夾餸都唔太舒服!唉~最大問題係...呢間餐廳咩都無好辛苦咁同honey睇完個餐牌一大輪, 之後打算落order, 點知我們叫的3個冷盤全部都無, 個餐牌原本有成二十幾款冷盤結果只剩2款可以揀, 有無攪錯!! 個陣7點半都未到呀!!!唉~冷盤無得食,諗住叫餸啦, 點知連餸都係咁, 原本諗住叫水煮魚沽清, 咁改叫松子菊花魚...吓又無! 經理話只得松子桂花魚, 嘩大拿拿局住貴多成$50蚊先有魚食!結果到最後...真係未試過去一間餐廳叫嘢食叫得咁辛苦, 同個侍應來回查下個廚房有咩剩再落order來回成7、8次先勉強叫到嘢食, 唉~實在太離譜啦!! 最後叫咗:上海粗炒....難食,因為無味, 而且只得椰菜無小白菜之餘d麵同其他料係分開一舊舊的~小籠包...裹面有湯但皮厚, 只屬一般水準!松子桂花魚...條魚收成百幾蚊, 但好細條2個人分分鐘大食d都唔夠食而且仲有d魚腥味~杭椒茄子....好多油而且太淡,無味~總之一句講哂...呢餐好難食一d都唔值$300蚊囉, 而且一間餐廳咩都無得叫實在太差勁, 我同honey一定唔會要去!!
繼續閱讀
小籠飽$28小揚生煎飽$28素鵝$48醉乳鴒$78葱爆牛肉配薄餅$62芋頭西米露合共$301.00睇過陳妙瑛篇訪問，話佢好有心去做好自己間鋪頭，堅持用新鮮肉，過食味唔同好多，好認同佢咁講，跟住再上OPENRICE睇吓佢間鋪頭啲食評，麻麻咋，唔信邪，即管試試睇吓乜家伙已經避過最多人嘅時間，唔駛等，仲有卡位坐小籠飽真係皮薄餡靚，多湯汁，好易穿，啲餡有肉味，冇俾化學嘢醃到怪味又冇晒肉質，以前唔鍾意食小籠飽，嗰時啲上海鋪實用化學嘢醃肉，就係最怕食入面舊肉，呢度真係整得唔錯去過幾次上海，都未食過‘小揚生煎飽’，問當地朋友又話冇咩咁好食，所以冇去到食，見到餐牌開宗明義話係‘小揚生煎飽’，即使已經有個小籠飽，都照嗌多個飽食，原來有湯汁喺入面，飽底煎得脆，幾好食素鵝好唔得，塊腐皮太厚，餡唔夠，係極少，呢個素鵝，金龍船就整得好食隻乳鴒夠肥，肉唔係好‘鞋’，夠入味有酒香，有好多件吓葱爆牛肉抄得幾惹味，葱夠多，但牛肉有用化學嘢醃到冇晒肉質同肉味送嘅西米露唔過甜，唔差
繼續閱讀
以前嚟過佢仲叫「新天地」，依家再嚟就叫咗「江南美廚」，仲以為一雞死一雞鳴，但係見佢內籠環境裝修跟以前一樣，閒聊跟個伙計吹兩句，原來老細無變，伙計都係個一班人，只係改咗個名！細佬生日，乘機一家人約埋食番一餐，揀江南美廚因為就番屋企人，近近地，較就腳！因為生日飯，所以都食得豐富D，一客砂鍋雲吞雞（半隻）、幾款小食：鮮肉小籠包、生煎鍋貼、脆皮素鵝、蘿蔔絲酥餅、加多兩個飽肚嘢：蔥爆牛肉跟薄餅、蘭州三鮮刀切麵，叫咁多嘢，4個人飽到捧住個肚走，連甜品都無叫到！今晚係閒日，加上哩度都唔算搵食旺區，都有七、八乘入座率，可見質素都唔渣得去邊！試過，又確實唔差。砂鍋雲吞雞湯頭都幾甜，雲吞又好足料，連雞肉都估唔到仲係嫩滑，仲驚佢嚡口唔好食添，有少少驚喜！鮮肉小籠包、生煎鍋貼、蘿蔔絲酥餅標明即叫即做，所以上枱時熱辣辣，我哋都趁熱食，三樣都做得有水準！小籠包充滿湯汁，皮又夠薄，餡料味道平穩；鍋貼做得幾大隻，又煎得底夠脆口；蘿蔔絲酥餅其實唔算好好食，但大廚搞吓少少新意，將底部黐D芝麻先去炸，多咗朕芝麻香。不過，個脆皮素鵝就相形見拙，係就係幾脆身，但死因係炸乾咗，咬落比較死實！蔥爆牛肉跟薄餅、蘭州三鮮刀切麵，總之叫其中一個都夠晒食，貪心咗少少。兩個餸菜中，個人比較鍾意前者：蔥爆牛肉跟薄餅好有水準，大蔥好香，鍾意食大蔥嘅人就一定讚好，相反嘅就怕咗朕大蔥味，加埋爆炒好嘅牛肉，夾係薄餅（好似食片皮鴨個隻薄餅）一齊食，無咁油膩，好味，可惜成碟嘢大蔥好多，牛肉好少。另一個蘭州三鮮刀切麵，三鮮有蝦仁、海參同肉片，整碟份量係OK架，係蝦仁同海參細粒咗D，而D刀切麵睇落好似伊麵，食落口感帶少許煙韌，OK嘅。
繼續閱讀
大約6點多去吃晚飯,當時很少人裝修還不錯..大約7點多開始比較多人酸辣湯.味道一般,不過不失醬爆牛肉(配薄餅),味道不錯,牛肉很嫩很滑松子菊花魚,蠻香的.但有點酸砂鍋雲吞雞,吃滿$100,加$1有半隻雞;湯底味道不錯,雲吞普通的味道,雞不好吃另外,服務很好,服務員都很有禮貌2人用$188
繼續閱讀
之前係新天地的位置變了現在的江南美廚，聽說是陳炒瑛開的，所以有興趣一試。一坐下已問我們開什麼茶，然後奉上雪菜，原來要茶芥兼加一，要兩個人再來的話則有點保留了。見餐牌上主要是上海菜式，但又有鮑魚海參，又有原煲老火湯，可謂滬粵菜式共冶一爐。兩個人點了：涼拌青瓜口水雞小籠包百頁結紅燒肉先來涼拌青瓜，有大量蒜頭，青瓜不是十分脆，整個菜主要是單一的咸味，個人覺得太咸了。再來口水雞，吩咐要少油，果然油不多，少許麻辣，很好吃。可以斬雞出了問題，入口雞骨即散開，成了很多細碎的雞骨。小籠包皮薄多汁，好吃。個人覺得百頁結紅燒肉最好吃，百頁結很鬆化，沾上醬汁更是惹味，紅燒肉就如東坡肉，幸好不太肥膩，同伴要了兩碗白飯吃清了。埋單二百七，有一本coupon送，下次來吃可以減$50。有coupon，解決了茶芥加一的問題，應該會再來的
繼續閱讀