江川日式料理 (已結業)

幸運地被抽中OPEN RICE!和江川壽司舉辦的江川壽司賞味大會，當然要出席啦~由于被一個路人甲點錯路，所以遲到左10分鐘 = ="（好彩去到都仲未開始）啊啦的最愛--三文魚第一位登場，值得欣賞既係唔會一塊薄CHI CHI,而且等咁多位攝影高手既閃光燈停落黎之后仲KEEP到又凍又好味。軍艦方面，最值得推荐既一定係甜蝦蓉，如果大家去吃，記住，掉轉吃，將甜蝦蓉放係舌頭上面，感受一下o個種特殊既口感~~啊拉斯加蟹肉特別在唔係用紫菜包住，而係白雪雪既蘿卜，感覺好清爽。壽司方面，象拔蚌嘴甜蝦夠好爽口，巨型珍寶帶子唔知有無人一口就吞得落？我就要切開一半啦~串燒既墨魚嘴好似迷你小丸子，但是口感就是完全相反，又爽口，個燒汁又香（如果平時追劇既時候，或者下午茶o個陣可以食番几串墨魚嘴就好啦~）<--幻想中D燒玉米好甜啊，可惜我已經好飽啦，所以淨係吃左几啖。江川仲特別提供試食餐單上無既戀人壽司--魚子（女）海膽（男），淨係賣像已經夠討好，只係差在男女分別唔夠大。第一次試食海膽= ="睇到依到既話唔好O晒嘴，因為我之前一直都感覺海膽好恐怖，又貴，費事浪費＄去試食，今次免費先豁出去，結果無我想象中咁難

近年真係多咗好多壽司店,其實我覺得真係各花入各眼,好定唔好其實都幾主觀,再加埋d少少食service, 係咪真係咁好或者咁差呢?anyway,呢度d sushi無咩特別,亦唔係特別新鮮,如果想食三文魚,吞拿魚呢類就真係一般,但係呢度嘅海膽真係值得一讚!唔係普通貨色,而係加拿大海膽...鮮味及不上北海道或馬糞,但都好甜,而且份量十足,$28有2件係好抵好抵食! 自己買加拿大海膽刺身都要咁上下價錢(多數唔係用板分,係用一格格咁分,2格大概可以整到3碟,價錢係80,咁呢度食3碟=$84),如果鍾情海膽嘅話,不妨一試!

夜晚在銅鑼灣行來行去, 係好多野食但又唔知食乜...行行o下就行左入呢間店試o下.分別叫左幾款壽司, 三文魚; 鰻魚; 巨帶子; ..... 好幾樣都好新鮮, 飯就不太大舊, 唔錯 見唔係好飽就叫左什錦天婦羅, 有三隻蝦; 南瓜; 茄子; 番薯等都幾好, 起碼無青椒d cheap 野下次再黎食過

十二月五日, 呢頭終於有新食店開張可以畀我哋去試吓,本來都抱住幾大期望, 點知一坐底, 見到啲餐具就唔開胃...無論啲餐碟、豉油碟、筷子, 定係個茶杯, 全部都好似未洗乾淨咁......全部都有好多油跡喺度呀!! 真係忍唔住要影底佢! 嘩! 呢間嘢有冇再離譜啲呀!!我哋當然頂啲餐具唔順啦! 叫個人埋嚟幫我哋換晒啲杯佢, 啲職員既面口仲好似唔多鍾意咁, 見我仲拎住隻杯係咁望, 個職員竟然話 :「你畀我先啦!」跟住又聽到個經理行埋嚟叫個職員 :「畀過啲洗過既杯佢哋啦!」嘩................. 呢間嘢真係... 坐又坐得唔多舒服, 真係有啲想走,但諗到唔食過啲嘢而寫食評既過會有啲唔公平, 所以決定點都食埋先走。佢十幾廿款午市套餐, 我哋大部份人都叫咗個唔同料既手打烏冬豬骨湯底加壽司套餐 ($38),個湯底唔掂, 又油又味精, 啲烏冬好普通, 雖然我知呢個價錢好平, 但啲質素唔係差到咁呀?!件壽司我揀咗辣汁三文魚, 等咗勁耐先嚟, 仲要幫我落錯單, 我話唔係要佢送嚟嗰款壽司, 其實同事都聽得好清楚我要乜嘢,但職員個樣仲好似覺得係我自己搞錯咁, 唉...等到差唔多食完成個麵呢兩件壽

簡化嘅LUNCH report~跟同事食~要左滑蛋鰻魚飯~ menu相片同實物相差很大~鰻魚只有碎石般嘅一粒粒~好少~味道唔好~仲附加蛋殼係d飯度~$32連麵豉湯~飯勁細碗!食完都唔飽!無下次~

人吔話呢度抵食呀所以嚟試下．．．set lunch 都係28 起, 免加一添.一行六人每人一個set 再加 三文魚壽司,珍宝帶子壽司,金菇牛肉卷我同同事share食鰻魚滑蛋反 + 面豉湯豬軟骨手打烏冬 + 二件壽司 鰻魚有少少鯹呀,一般者手打烏冬幾好,都幾彈呀..講番我吔叫咗既壽司先...三文魚壽司 (幾新鮮同好味呀) $9喳...珍宝帶子壽司(好大隻, 但好似腥....) $35呀金菇牛肉卷 (佢吔話一般囉.....) $28 呀係銅記來說都好抵呀....值得再來試其他

一向都係尖沙咀江川粉絲，見到銅鑼灣終於有分店啦！呢間裝修真係唔錯，好grand!第一次黎見到新menu已經有驚喜，因為種類多，賣相好吸引。個次叫咗一板海膽，好正！非常新鮮，一食就知加拿大貨，比出面幾間名牌店更出色！火舞龍珠好好食，入面放左炸蝦，上面有海膽，口感一流。35蚊一客非常抵！仲有生蠔同凍蟹，都好新鮮！唯一唔好係待應不段加茶，有的麻煩囉。。。

午餐時間來到了,身為學生lunch吃得太貴便太過份了.朝向平價車仔麵的一刻卻發現店舖不知是執笠還是未開!剛從旁邊閃過的午市太餐免收加一立即發光發熱,原來是剛開張無耐既江川壽司,在門口看過menu後價錢由28-42不等,尚算合理入座後再次細看menu,不加一的同時每個不同價錢的group也贈送一種不同的食物,最後我抵受不了手打烏冬的吸引力,捨棄了28元的轉換成38元的富貴烏冬.烏冬送壽司一款,受多位朋友歡迎的42元饅魚炒飯則送麵鼓湯以及三文魚剌身,不收加一還有贈送真的很抵.豬軟骨手打烏冬來前三文魚壽司先到,感覺很淡,零鮮味,難道是贈送賣不掉的東西.主角手打烏冬懷着全場最快上枱的名義來到,有我最愛看到的圈圈紋形魚片,我總是覺得有這個才算是日式烏冬or拉麵,這個特別薄.豬軟骨本以為是細細粒的,原來是大大舊,還以為是豬骨,有3,4舊,夠足料.烏冬還可以,煙煙韌韌,但我選了的豬骨湯底味精咪就重得多了.總括來說抗市之選,選擇28元的話,有服務有環境算是不錯了,在銅鑼灣

從雜誌看過江川壽司的廣告後還未找到機會試一遍這晚走到銅鑼灣正在思索到哪家餐廳晚餐.便看到這家江川壽司只有幾個人在候座.看這裡裝潢也不錯.便決定在這裡吃吧等了一會便入座.坐在迴轉bar檯前.看著師傅在切魚造壽司.氣氛也不錯由於在等座的時候已填了order紙.減少了等候食物時間~挺好!點了食物如下:和牛炒飯: 牛肉和飯的份量很少(如圖).像別人吃剩的(哈!).味道一般酥炸雞軟骨: 外觀吸引. 粉的份量適中. 只略嫌多油. 吸油紙都滿滿的. 但很美味!帆立貝壽司: 體積不及的巨大.但肉質和鮮味都不錯.也只是$16or$18(忘了)海膽軍艦: 海膽頗甜.沒有腥臭味.連討厭吃海膽的男友也可吃下口.已是物超所值~蟹籽吞拿魚沙律軍艦: 是男友到每家壽司店必吃的. 我沒有吃. 所以不知何味~劍魚刺身: 看到只售$35也有點怕. 但一上桌便禁不住要吃. 厚切口感非常好. 肉汁鮮甜. 是全晚最讚的!!!由於男友不是魚生迷. 所以只點了幾款壽司結賬約$170. 非常合理! 比昨晚吃過的日式放題更滿足...貴精不貴多啊!總括而言. 這家會列入我的飯堂系列. 是不錯的推介!可惜

1) 價錢唔係物別平，但食物質素唔得。同板長 / 板前等比較，差人一大截，比元氣還要差！2) 上菜好慢。。。好慢，唔知係漏單抑或唔夠人手，第一碟壽司同第二碟壽司，相差十五分鐘。最要命係叫左客三文魚刺身，等左半個鐘，追佢之後仲要等多十分鐘！三文魚刺身未煮熟？3) 叫左埋單之後，轉頭冇件事。等左十幾分鐘，再叫，再等五分鐘。總結：係尋晚（星期一）星上九點幾，間舖只有七成客左右。如果爆滿咪。。。

果日等男朋友收工之後就去左搵野食見到間江川壽司好似係新開咁...見到又幾多人就入去試下啦壽司款都幾多...個玉米海鮮羹都不錯...幾得意大家一路都食得好開心不過...返到屋企...就覺得好頸渴...

首先，服務我個人覺得幾好，因為，我lunch time去幾多人，坐迴轉位，待仔都同我推椅，d野食未到主動同我跟單。裝修都幾靚~~~食左2set set lunch，天婦羅set 跟三文魚刺身 面豉湯。42雞扒烏東跟壽司 38壽司都有幾多樣選擇，要左加州卷睇餐牌4件都要16蚊。烏東有得選日式湯底、番茄、同豬骨。天婦羅叫個時唔想食咁多野，但係到左嚇一跳，我以為佢好似餐牌咁得3片番薯+3隻細蝦，到上左台先見到都好多野食，有1條魷魚鬚, 1片南瓜, 1片茄子, 3隻幾大隻既蝦。跟3文魚魚生又有湯同飯先收42都幾抵食，不過，係無番薯?? 而且有油係吸油紙上。d汁怪怪地味??飯係用日本米, 不過有d硬~~~妹妹話烏東食唔出係咪真係人手打，湯底好味~~~ d料好多好多雞扒。加州卷幾好味~~~而且有玄米茶自己沖到夠~~~係個熱水機實左dd。lunch time唔加一仲做lunch做到5pm...哈哈 最衰星期六日冇，唔係一定黎食完野shopping。埋單80蚊2位冇加一，都叫幾抵食。如果有淨壽司既set lunch，或者轉季轉新野應該會成日食。

早排聽同事講佢新開張, 打哂太鼓又請明星剪綵咁, 我諗個老闆一定好有面子; 見間野咁舖張, 前日放lunch同數位同事去試下佢地既set lunch, 回響不俗! 我叫左個牛肉手打烏冬配蕃茄湯底, 另外同事分別叫左天婦羅手打烏冬配日式湯底、牛仔骨定食同埋滑蛋鰻魚飯; 可能我地響早左放lunch, 上菜既速度都算快。牛肉手打烏冬: d肥牛煮到半生熟, 一d都唔"un"; 雖然講唔出手打烏冬同普通烏冬有咩唔同, 但係一食落個口感就知有出入; 個湯底飲得出真係真材質料, 好濃厚既蕃茄味, 仲有六七舊蕃茄響入面添~ 另外隨餐附送壽司一客, 當日就簡左加州卷(四件)share。天婦羅烏冬: 時間要耐d, 可能要炸; 有蝦又有蕃薯南瓜, 不過d粉略為厚左d, 一落枱就發覺冇我地平時食天婦羅既汁, 打算追問場內侍應, 截住左一個著住西裝既姐姐, 佢耐心咁解釋個烏冬湯底可以充當醬汁, 佢亦都冇強迫我地唔好要個汁, 夠專業~牛仔骨定食: 平時出街食d牛仔骨件件都係得舊骨, 但係今次就冇咁嚴重, 五舊入面有三舊好好肉, 可算係好彩; 同樣係一d都唔"un", 好夠味, 唔會過鹹~滑蛋鰻魚飯: 本身我都打算

公司對面開左間<江川壽司>..記得之前Openrice 係尖沙咀個間攪左個試食團,我報了名但沒有抽中!!日日行過都見佢冇咩人食..可能係新開啦..點知今日就勁多人!!一入去已經覺得唔掂..嘩..一睇碟上的壽司..咁細件的..仲要唔係靚!!好似任食< 明X >的壽司咁..價錢又唔係平..最平的是$9 不過大部份都係十幾元的..$9的得好小..叫左幾碟已經唔想食..想走..北寄貝$16..北寄貝都要$16..唉..又唔係話特別好..深海螺 $16火炙王子 $9火鰻魚 $20清清鮮蟹肉卷 $12..比較特別的一種三文魚手卷 $ 12..不過不失雞軟骨$21...一向好鍾意食雞軟骨的我見佢咁平就叫碟黎食下..佢的熟食就比較好點..我見附近D人食其他熟食烏冬都OK.最氣是結帳的時候..叫幾個侍應都冇人理..開頭叫第一個答左話好..之後等左10分鐘都冇人黎..就黎訓著左..之後再叫先有人理..原來係未埋單的..最後等左成20先埋到單..氣爆!!侍應好多但個個都好似好繁忙咁..但又唔知佢地忙什麼?侍應走黎走去..好急咁..攪到我都急埋..感覺好唔舒服!!唔知點解住住係