江記燒鵝冰室

營業中

休息中

今朝試咗呢間餐廳嘅燒味雙拼瀨粉，抱住幾大期望，但結果真係非常失望。首先，叉燒完全唔合格，質感硬到似毛巾咁嚡，每一啖都要費勁去咬開，完全冇燒味應有嘅焦香同肉汁豐富嘅口感。咁硬嘅叉燒，真係會令人質疑係咪昨日剩返嘅貨。再講下白切雞，理應係嫩滑嘅，但食落去肉質反而溶溶爛爛，冇咬口之餘仲帶少少怪味，真係懷疑係咪放咗喺雪櫃太耐先攞出嚟用。另外，配搭嘅薑蔥醬完全冇應有嘅香味，同雞肉配搭唔到位，成碟嘢食落去毫無亮點。至於瀨粉本身，質感中規中矩，但湯底非常普通，唔算有燒味湯底應有嘅濃郁味道。整體嚟講，呢個燒味雙拼完全冇令我有回頭嘅意欲，性價比亦低，$63買嚟呢個質素，感覺真係非常唔值。希望餐廳可以改善食材嘅新鮮度同處理方法，否則燒味呢個招牌菜式只會令顧客失望。整體評分：1.5/5

成碟餸都係骨黎 當我狗咁得兩舊肉 收90蚊 雙拼 唔好再幫襯呃遊客呃遊客呃遊客職員態度極其惡劣 話其他餐廳都係咁但事實人地唔會比骨lor 劏遊客餐廳 又話送返一碟燒鵝比我等咗3個鐘都無送到

2024年7月30號午餐兩個人嗌咗一個午餐冬菜蒸黃花魚，另外一碟文昌雞飯。5至8分鐘上齊菜，食飯梗係用筷子夾起一嚿雞食，然後再夾的時候發現全部都係雞骨位，我好客氣叫阿姐姐埋嚟同佢講：姐姐全部都係骨嚟㗎喎，阿姐姐即刻答我：你落單嗰陣時冇講話要乜嘢位，你而家夾咗食咗一舊先至講，同埋呢啲骨先至係最好食😰，冇得換㗎啦！咁冇辦法啦，我唯有照食。再講文昌雞要有雞味，以及肉質煙靭。完全欠奉，落差甚大👎🏿。另外冬菜蒸黃花魚落完單8分鐘之內就可以上條魚都唔熱嘅有少少微魚腥及泥味，質素都唔係咁理想。算吧，都唔會有下次。身為香港人食咗幾廿年燒味茶餐廳啲食物質素水平之下仲要咁樣同我講，留返啲骨俾你食！

今日落雨已經心情不太好。為了避雨入左間餐廳食燒鵝。咁同阿媽叫了個燒鵝髀飯&一個早餐沙牛麵餐廳所有伙記都係講唔正廣東話。已經心知不妙。會唔會只係做大陸人生意劏客一種。誰知燒鵝飯一來就揭終。成隻燒鵝髀只見其皮與油。中間個塊肉去了邊？仲薄過塊絲巾。仲要幾十蚊個沙牛麵仲離譜。沙牛都預左無咁大塊。無諗過碎牛碎到。比粒青豆大少少。還有沙牛咪好好地沙牛。點解會落雜豆落去。後來知原因。心估到開係呢個位已不知所謂。

響尖沙咀行到攰攰地，肥雞就揀咗一間叫江記燒味飯，午市時間入邊都幾多人，應該都幾好味。肥雞見佢嘅招牌係食乳豬。，就嗌咗個乳豬雙拼，拼咗個白切雞。講吓佢個乳豬先，外皮燒到卜卜脆，豬仔亦都唔係好肥，唔會淡淡油，皮薄香脆配埋鹹香嘅肉，佢嘅乳豬真係掂。而佢嘅白切雞都俾咗嫩滑嘅部份俾我，雞有雞味，真係好正。而朋友就嗌咗個五寶飯，又係有乳豬叉燒腩肉鹹蛋，呢個性價比真係超高，咩都試暈晒，而且價錢又唔貴，肥雞大力推薦。

呢幾日突然好想食燒味😙，呢一間燒味店之前食過好正，所以就決定再嚟食啦🥳叉燒燒肉雙拼飯 $65首先要讚下燒肉外皮好香脆🔥，燒肉同叉燒都係我最愛嘅半肥瘦，肉質一流😻乳豬燒鵝雙拼飯 $95呢一個雙拼我認為更加正❤️，超級推介乳豬首先乳豬外皮夠晒脆，而且仲好厚肉唔會淨係得層皮🤩。燒鵝作為呢度嘅招牌當然唔失禮，燒鵝皮真係好吸引😝，而且燒鵝唔會太肥，又有好多件😎紅豆冰超好紅豆🫘勁足料凍檸檬茶解渴之選👍🏻

時間去返大年初四，老婆帶咗阿仔何女去咗拜年🧧，我自己？咪返工囉🥹。放工後已經身心俱疲，所以打算買個飯盒返屋企食就算。本身想撘車返到屋企樓下先買，但係行去搭巴士🚍途中見到間江記燒鵝冰室，見到啲燒味幾吸引🥰，又決定買返屋企食😆。燒味雙拼飯 $62我要咗叉燒+燒肉，叉燒醃得入味，外層燒得焦香🔥，肉質軟腍無筋🥰。燒肉🐖表皮燒得非常香脆，肉質軟腍🥰，肉味香又有肉汁，好好食😋。陳皮燒鵝(上庄) $130由於今次想食肉多一點點，所以選擇了上庄。燒鵝🦢燒得皮脆肉嫩，鵝味鮮濃😋，就算鵝胸肉一啲都唔嚡口😋。一個人的外賣，自己係屋企食住燒鵝煲下劇飲下啤酒，爽爆。阿仔阿女出世後，me time 永遠是奢侈品。

❣︎ 雖然位於遊客區 但定價合理😮除左一般燒味飯外 仲有海南雞飯及其他炒粉麵多人可以選擇套餐 有燒味同鑊氣小菜款式豐富 充滿香港風味💪🏻♡⋯⋯食評⋯⋯♡ ☻ 4.2/5 油雞叉燒飯 $65厚身叉燒啖啖肉 帶著油香燶邊🤤面層燒至油光加上甘甜蜜糖咬落肉汁豐富 正👍🏻金黃油香的豉油雞香氣十足 特色海南雞飯套餐 $75·足料靚湯·油飯/白飯雖然油飯比較邪惡 但真係忍唔住要揀油香平均咁沾上每粒米 啖啖都勁香 真係超滿足😌😍

店在尖沙咀佐敦交界，門口掛著滿滿看著很不錯的燒鴨燒鵝～～晚上有個人晚餐，有飯有雙餸燒味，仲有涼伴青瓜🥒不管一家大細定一個人晚餐都很合適🥰👉🏻 乳豬油雞飯外賣盒很實淨～會將涼拌青瓜分開，乾淨企理，就算返到屋企都仲係好靚仔～乳豬！超脆皮又不太肥，我應該隔左大半小時才吃，還是香脆美味😋大推🙌🏻🙌🏻油雞都好正，入味仲會有淡淡玫瑰露香～送飯一流🥰👉🏻燒鵝叉燒飯燒鵝皮脆👍🏻雖不算很肥味但油香足～叉燒就算點了瘦叉也不乾不柴，叉燒也滿推的～👉🏻涼拌青瓜套餐會附有涼拌青瓜～味道有點帶滷水感，不太像川菜那種涼拌，味道不錯🥰 🎈總歸一句： 有經開可以再幫襯的店🥰

今晚想外賣乳豬回家加餸，剛經過這間江記燒鵝冰室，看見掛起的燒味賣相不俗，於是行入去買半斤乳豬（$130 半斤），師傅切了乳豬，我就行去收銀付錢，點知呀姐話要加一，即$145 ，因為當日是初三，新春期間要加一。（我覺得起碼要之前向客人說一聲啦）當時感到十分不滿，但已經斬了便算，返到屋企越諗越不值，外賣都要加一是什麼道理？完全沒有服務可言況且把關的呀姐服務又不太好，乳豬質素十分差，肉很瘦皮不脆，不會再幫襯☹️

燒鵝五寶飯，80蚊份💰五寶飯分別有半肥瘦叉燒，叉燒色澤紅潤，濃邊焦香，香嫩可口味美甜蜜，切雞髀肉，雞髀肉哂夠嫩滑身，江記陳皮燒鵝肉質嫩酥香，多撈埋秘製豉油同薑蓉，惹味香濃非常滋味😋燻蹄海蜇，55蚊份💰燻蹄海蜇的口感非常獨特。海蜇本身具有爽脆的口感，而豬蹄則更為軟嫩。這種結合在一起，使得整道菜吃起來既有嚼勁柔軟口感。過程也煙燻風味😊整體環境非常熱鬧☺️服務態度非常好，招待殷勤😀食物份量正常，遊客區定價較高☺️

好耐冇食燒味喇，而家都有啲燒味唔係只有外賣，而係有啲專食燒味嘅冰室其中佐敦呢一間，幾有實力，嚟度一定要食雙拼飯。點解雙拼飯冇得輸？因為愛拼才會贏叫得自己做燒鵝冰室，點會唔嗌返碟鵝試吓？同時見佢地嘅乳豬都幾正，一於嚟個雙拼燒鵝肥瘦參半，既脆肉嫩富油香，點梅醬更加消膩開胃乳豬塊皮脆卜卜，肉質好綿，強烈對比相映更脆，點醬食另一風味另外都好想試佢地嘅雞髀，好有鹽香，份量大肉好多連皮咬好嫩滑，點蔥油食好一流另配燒肉，肉質厚好多，肥瘦共存更添層次，外皮好脆，點芥末醬食好刺激佢地啲飯煲得幾好，粒粒分明好爽口食飽想食吓甜嘢，問樓面揀西多士定菠蘿油好，佢話兩樣都正，最後都係揀咗菠蘿油，一用刀切落去，即刻有蒸氣蘑菇雲向上噴出，牛油隨熱度融化，滲入鬆軟嘅麵包之中，太誘人喇跟餐有嘢飲跟，如果凍飲就加$3食燒味最好嗌返杯茶中和吓，奶茶同檸茶都唔錯，斟出嚟幾大杯吓

🧡🩷🤎燒鵝滷水都要食🍖平時去尖沙咀都係去Cafe打卡食食，今次比玻璃窗入入邊嘅燒鵝吸引住🤣一於食依間啦！❤️燒鵝五寶飯❤️ $80除咗燒鵝，其實都想試吓其他嘅肉肉😆所以就嗌咗五寶啦！轉左要瀨粉😛份量都幾足夠！五寶有燒鵝、燒肉、叉燒、紅腸、鹹蛋，都幾豐富啊！🥢燒鵝真係好正，皮嘅油香四溢 仲帶脆口，連埋燒鵝一齊食，真係絕配！🪿配瀨粉相對飯嚟講就冇咁油膩，係唔錯㗎！叉燒啖啖肉，蜜汁叉燒甜又香！🐽🧡滷水鵝掌翼🧡 $55滷水乜乜成日食，但係鵝掌翼真係少食！滷水入味唔會太重口🥰鵝掌翼份量足夠，肉質滑嫩 外皮軟身易入口！💚雲耳拍青瓜💚 $35最後嗌返個清爽啲嘅小菜，解膩爽口！🥒餐廳仲有其他嘅嘢食，食物選擇幾多，燒肉同埋滷水都有唔少嘅選擇，仲可以外賣添！🤤BTW記得save post，方便向店員查詢有關餐點啦❣📍江記燒鵝冰室📍尖沙咀彌敦道182號地舖

趕住去睇演唱會食嗰快飯🙌🏻經過見到間冰室好企理就入咗～點知原來主打燒味😍燒鵝最出名🉐咁真係要試吓好唔好食🤘🏻📍燒鵝五寶飯 ($80)燒鵝、燒腩仔、叉燒、紅腸、鹹蛋燒鵝: 皮脆肉嫩✨色澤很可以~啖啖肉又好夠香😈點埋酸梅醬💯燒腩仔: 外皮脆卜卜(咯咯聲)🤣肉同脂肪比例一半半🤪叉燒: 味道似蜜汁叉燒🤣 唔太食到肥肉、但又唔會好乾爭爭！紅腸、鹹蛋: 正常發揮～PS:小編中意佢地燒味同飯分開上!!!! D油就唔會比飯索哂~📍化皮乳豬白切雞套餐（$95）包 飯+例湯+青瓜乳豬: 個皮超脆😍又多肉汁 帶少量脂肪✨白切雞：咁多種燒味呢款最差😩無乜肉得骨、偏油無咩味一定一定要點薑蓉🙌🏻

平時我都好中意食叉燒🐷係咁多款燒味入面都係最鍾情於叉燒😂而今日黎到呢間燒味專門店，都緊係唔少得試下佢地既燒味飯啦🍚另外佢地都有唔少唔同既港式食物🥘所以都係茶餐廳之選黎嫁😍特別在佢地仲可以嗌圍飯，所以黎緊團年飯係到整翻圍團團圓圓都好方便🥳。🐒叉燒煎雙蛋飯💰$65👉🏻例湯+$15👉🏻熱奶茶🐒燒味雙拼飯(燻蹄/文昌雞)💰$65👉🏻鹹蛋+$20👉🏻凍檸茶+$3佢地同普通冰定茶餐廳一樣都係有早餐同下午茶食☕️但我地今日就係黎食午市，所以就嗌左佢地既燒味Set，我都幾中意佢地啲燒味係另上，因為咁樣我就可以慢啲食，而啲汁都唔會令個飯太濕💦叉燒煎雙蛋飯識食一定係將個蛋汁撈埋飯一齊，再配埋一件叉燒真係諗翻都正🤤而雞都好滑，另外我地再share左一隻鹹蛋🍳咁樣先夠正宗。🐒炸雞中翼💰$28本身諗住嗌下午茶炸雞中翼配薯條🍟但最後又擔心食唔哂就就咁嗌左小食，估唔到係即叫即整，所以第一下咬落去真係要小心俾啲肉汁辣親🔥