江記燒鵝冰室

營業中

休息中

即係有燒味食嘅茶餐廳！ 叫人讚嘆的是，一間小店可以有自家燒味，又有蒸飯、又有鑊氣十足的小炒，真的不簡單！ 店面掛住各款燒味主角，有燒鵝、燒肉、叉燒等，令人垂涎🤤 店內燈光明亮整潔，還見到自家燒鵝嘅房！ 招牌江記陳皮燒鵝飯，鵝皮油亮，色澤均勻，皮脆肉嫩，肥而不膩喎！ 冰燒腩仔飯靚到震💥，外皮脆卜卜，一層肉一層脂肪，食落帶爽口質感，肥瘦適中，肉味香濃！ 我另外再外賣，返到屋企個皮都仲好脆！星洲炒米，這款港式菜，即叫即炒，加入好多地道配料，米粉爽口彈牙，唔會太乾有口感，朋友食到停唔到口。

燒鵝粉外賣冇畀酸梅醬，我打電話去，佢就話退返個餐嘅錢，之後佢就否認，又話唔會退，仲夠膽話我阻住曬。酸梅醬係燒鵝好重要嘅嘢嚟，我係為咗燒鵝點酸梅醬，先至叫呢個食。 好失望呀！

最近放工嘅時間越嚟越晏，去朋友屋企食飯、少咗時間幫手準備晚餐，最方便不過嘅當然係加送斬料！最好嘅加送斬料莫過於油雞燒鵝！喺尖沙咀行過咁啱見到江記燒鵝茶餐廳出邊掛住一隻燒鵝好吸引。特別係燒鵝髀，肥美肥美呢一刻比燒鵝吸引住買咗一個套餐優惠C:燒鵝加叉燒 $188 外賣買單都係$190份量都幾多，我哋五人加送，夠晒！蜜汁叉燒半斤顏色鮮艷奪目，入口甜甜蜜蜜，送飯不錯燒鵝我揀咗上庄，對比下庄，肉比較多，而且脂肪比例比較少。啱晒想減肥又為食嘅我哋。下庄都只係加多$20就可以啦。燒鵝皮脆肉嫩，沾上酸梅醬，開胃。下次要坐定定喺度食熱辣辣嘅燒鵝髀先。

2個人入去食叫左兩個晚餐D魚香茄子飯，每份個碗仔都裝唔夠一半，好似整1份分開2個餐上咁，味道ok不過不失，但係如果想試就奉勸各位小心唔好order魚香茄子這個餐，另外要預左食完這間餐廳之後要出去食多次其他野食先會夠飽好少可食魚香茄子呢類不是貴價既餸份量會少到食完茄子都仲有半碗飯，貌似係只整左1份但係分開2碗上當係2份晚餐咁上枱，詳見圖片。碗仔本身既大小可以對比餐廳既單據，份量不及半碗，嚴重有問題既份量

一腳踏入呢間食店，一股香氣撲鼻而來，我心諗：燒鵝，我黎喇！😍🍗燒鵝髀餐配上嗰碗滑溜溜的瀨粉，每啖鵝肉都夠味、夠香，皮脆肉嫩，真係咁滑咁滋味，每一啖咬落去都肉汁四溢，真係食到停唔到口！拼盤嘅乳豬都唔遜色，脆卜卜嘅皮下面包住鮮嫩多汁嘅肉，咸香中帶點甜味，當真係一流。而家講返個燒肉，夠香夠焦香，肉質腍滑得嚟唔肥膩，拌埋白飯真係百搭之選😋另外，佢哋湯底都好有心機，一啲都唔係平平無奇，飲落去暖笠笠，涮嘴之餘仲有一種溫暖。嗌餐時，睇到隔籬枱嘅人有頂香噴噴嘅菠蘿包，遠遠望去都已經流晒口水，下次一定要嚟個嘗鮮。响呢度食晏，總之係一個靚仔過癮、價錢又公道既好選擇。👌💕吖，記得最後飲杯結尾茶，又香又滑，仲可以幫你消化，嘆下都過癮！😄🍵

由尖沙咀行落油麻地，行過見到新開燒味鋪，門面幾光猛新淨。門口大玻璃窗掛滿燒味，幾隻鵝望落又肥又靚幾唔錯。燻蹄 $58份量幾足一碟郁有10塊8塊，燻蹄厚身皮爽肉彈，又唔會好肥，點白醋is the best!碗瀨粉唔會一夾就斷，口感仲好似比平時既瀨粉q彈d，湯清清地不錯。燒鵝髀飯 $118燒鵝髀啖啖肉咬落去皮脆肉香，鵝油十足鵝肉入味，點埋酸梅醬一流😋整體環境唔錯，d燒味又幾好，快靚正想食個燒鵝飯就最岩👍🏻

平日Lunch時間見到門口都幾多人等位，不過好彩都唔洗等好耐，好快就有位👍🏻！睇店名都知呢間餐廳主打燒鵝，咁就一定要叫燒鵝黎試下先啦～！我就叫左個燒鵝雙拼米粉，拼叉燒😋本身想食米線，可惜一早已經冇晒😭燒鵝同叉燒既份量都正正常常，燒鵝外皮烤得金黃酥脆，入口即化，而且肉質鮮嫩多汁！食左幾舊都唔覺過於油膩，反而越食越有鵝肉既香味😋出色！而叉燒外層烤得微焦香脆，內裡充滿左豐富既肉汁，食落去又嫩口唔會鞋，無論係就咁食定配飯食定配麵食都可以🤤！而朋友就叫左個冰燒腩仔飯，首先外皮超脆！！！好食既燒腩仔必要既條件係外皮一定要夠脆！！同埋每一舊都充滿左豐富既肉汁同獨特既香氣，配埋芥末真係一流！💯呢間餐廳唔知係咪係大陸好出名呢，唔知點解好多講普通話人士，睇黎好多人為左食燒鵝都遠到而來🤣不過確實係唔差既！

江記燒鵝冰室九龍尖沙咀彌敦道182號早就知道尖沙咀吃東西貴，所以特地過了佐敦吃晚飯香港燒臘店出名，所以點了幾份燒臘一同分享冰燒腩仔例$138非常厲害，五層腩層次分明，外皮香脆爽口，入口咯咯聲，油潤無比，鹹香適中，送飯一流燒味雙拼 例$168叉燒,燒鵝$20早聞這裏的燒鵝跟叉燒非常出名，果然名不虛傳燒鵝外皮香脆，肉多而且嫩滑酸梅醬酸度足，微甜非常開胃叉燒自帶半肥瘦均勻肉質，口感嫩而不韌，非常好吃😋我們還各自點了一碗米粉，沒想到那麼大碗！幸好有過來佐敦吃飯呢！

#江記燒鵝冰室位於尖沙咀彌敦道報咗日文班上堂，喺返學之前，去冰室醫下肚先。當日除左遊客之外，仲有好多街坊幫襯。餐廳環境光猛整潔，坐落舒適。除左燒味，仲有小菜等。 本身想食乳豬，可惜已經賣曬，最終決定試下個燒腩仔。燒腩仔飯 $60燒腩仔層皮咬落去脆卜卜，肥瘦均勻，肉質夠腍， 咬落口感豐富。冰檸茶 跟餐+$3茶底唔會太濃太苦澀，清新好飲。西檸雞球 $88炸到香脆肉汁豐膄既雞球，沽上酸酸甜甜既西檸汁，愈食愈開胃。希望下次試到佢個乳豬同埋招牌燒鵝😚

今晚黎到靚靚裝修的燒味餐廳—江記燒鵝冰室，落左必食推介的乳豬飯及燒鵝飯, 一碟油菜, 兩杯熱飲. 一杯檸檬茶一杯菜蜜, 檸檬茶檸檬有三大片,我們先食油菜—菜心，份量不會少，兩個人食都足夠。完美燒鵝飯：燒得好靚，第一口便是香脆的鵝皮，口感豐富，會有陳皮味道，而鵝肉鮮甜美味，醬料配上好襯，配上熱氣騰騰既白飯真係好滿足。乳豬飯：乳豬皮薄，易咬入口，好適合女士，而且燒得剛好，肉質鮮嫩，還有淡淡的咸香，完全不膩，份量充足。

城市人生活繁重，晚飯都未必可以坐低慢慢食，而身為社畜嘅小編晚上最常光顧嘅食肆就係燒味店，勝在快手又大份😎👍🏻 是晚恰巧嚟到佐敦工作，見到燈火通明嘅「江記」一於試試佢😌《 乳豬雙拼飯 》 $85 4 / 5哩度嘅乳豬相當有料，外層玻璃皮脆卜卜好香口🤤 有肉有脂肪層，層次豐富😋 而且每片都算大塊，唔係碎濕濕😌 雙拼叫左油雞，好好彩遇到雞髀位😍 肉質嫩滑又入味👍🏻《 燒鵝燒腩仔飯 》 $72 4 / 5燒鵝皮脆得黎陣陣焦香～點酸梅醬中和返油膩口感fit哂👍🏻燒腩咬落唔油溢仲好有肉香，點黃芥末味道更過癮🥴以燒味餐廳黎講佢地都算做得出色👍🏻眼見除咗街坊亦有唔少遊客幫趁，口碑相當唔錯～

🐷 #為食小豬港式篇 | #為食小豬在佐敦.之前途經呢一間餐廳，出面睇落佢嘅燒味非常吸引，所以今日特登去食😝.另外，我好想讚呢間餐廳，餐廳內部非常光猛同整潔💡除咗食燒味之外，仲會有港式茶餐廳嘅水吧同食物！今日我就先試佢嘅燒味，但係我見到其他食客叫佢嘅菠蘿包，同埋炒粉麵飯多啲好吸引，下次一定要試‼️😍.#乳豬拼燒鵝 配檬粉 & #燒鵝拼燒肉 配白飯睇個餐廳名就知要試佢嘅燒鵝，的確係皮薄，同埋有啲鵝油既香味😋但係我覺得佢幾乳豬係更加好食！原因係因為佢嘅外皮燒到非常之香脆，肥瘦比例適中，而且充滿住鹹香既肉味！正呀🤤另外，佢嘅燒肉都唔錯嘅，鍾意食燒肉嘅朋友都可以一試😝同埋，我想講佢檬粉既湯底一啲都唔Hea，湯底似係一啲高湯嘅湯底，唔係平時嗰啲無味湯，所以我覺得食落好舒服同好味😙.📌 溫馨提示：埋單嗰陣時老闆同我傾咗幾句計，佢大力推薦大家除咗食佢嘅燒味之外，可以食下啲茶記嘢，大家都可以多多捧場🥳

江記燒鵝冰室 (尖沙咀)尖沙咀彌敦道182號地舖今日去咗一間好味嘅餐廳，試咗佢哋廚師推介嘅四季豆炒牛肉飯同燒鵝叉燒雙拼飯。四季豆炒牛肉飯入面，牛肉煮得嫩滑，配上炒得恰到好處嘅四季豆同米飯，味道香濃，好滿足。而燒鵝叉燒雙拼飯則有兩款燒味，燒鵝肉質鮮嫩，叉燒肉香甜多汁，兩種肉味道互相襯托，真係一絕。飲品方面，我試咗佢哋嘅龍鳳檸樂同茶走。龍鳳檸樂係一杯清新嘅飲品，檸檬同綠茶嘅結合，既解渴又提神。而茶走係一杯香濃嘅奶茶，濃郁滑順，好適合喜歡奶茶嘅朋友。

最近我造訪了一家中式燒臘餐廳，這裡提供了多種令人垂涎的中式燒臘美食燒肉叉燒雙拼飯燒肉外皮烤至金黃酥脆，肉質鮮嫩多汁。每一口都能感受到燒肉的香氣和口感，配上蓬鬆的白飯，絕對是一種令人滿足的口味享受豉油雞(半隻)雞肉鮮嫩多汁，搭配上豉油的醇香滋味，使得整道菜的味道更加豐富。每一口都能感受到雞肉的嫩滑口感和豉油的香氣，讓人愛不釋口老火湯湯底經過長時間的熬煮，湯汁濃郁，充滿著各種鮮美的滋味。每一口都能感受到湯的滋補和溫暖，讓人心曠神怡。無論是在寒冷的冬天還是需要舒緩疲勞時，這道老火湯都是一個絕佳的選擇

呢間主打燒味的餐廳，新開無幾耐，成日經過見到好多人排隊，今次竟然無人排隊，一於去試吓先！餐廳門口擺滿燒味，有燒鵝、燒肉、油雞、白切雞、叉燒、乳豬等。燒味可以堂食或者外賣成隻返屋企食都得。我見到餐廳入面擺滿燒鵝，燒鵝係佢地既招牌，全部100%自家制造架！我點了燒鵝瀨粉同乳豬六寶飯！乳豬六寶飯有乳豬、燒鵝、燒肉、叉燒、紅腸、半隻咸蛋黃，一次過滿足哂我想食咁多野既願望🤭！燒鵝啲皮好脆，而且帶有淡淡陳皮香味，一食啲汁爆哂出黎，好正🤤；乳豬皮好脆，肥瘦適中，食落淡淡肉，好美味🤤，食完仲想食😆，燒肉皮好脆，叉燒又好香，再加上我最鐘意咸蛋黃撈飯食，真係正😆！仲有紅豆🫘冰同例湯添！👍🏻而且營業時間到晚上十一點半，想食宵夜或仲未食晚飯都可以黎呢度食，唔怕摸門釘！