沖繩二段料理 (荷里活廣場)

營業中

休息中

每一次經過呢間餐廳都聞到佢啲嘢食嘅香味。今次已經唔係第一次喺度食，之前一路嗌開粟米雞配壽喜燒烏冬，今日見到蜜糖芥末漢堡扒豆腐配壽喜燒烏冬，諗住試吓所以就嗌咗，另外一個餐就係牛肉壽喜燒湯面配沖繩蒸餃。一個餐嘅份量都唔少，有主菜配湯麵或者烏冬，一杯嘢飲同埋一份甜品。首先，佢嘅壽喜烏冬由冬天開始就加咗薑絲，用嚟暖胃真係一流，蜜糖芥末漢堡扒嘅蜜糖芥茉醬非常出色，漢堡扒好juicy，每一啖都充滿肉汁。而沖繩蒸餃嘅餡料主要係肉，啲皮唔算太厚，同啲醬好夾。成個餐嘅重點就係佢嘅甜品，海鹽焦糖冬甩雪糕，因為真係超級好食。最底嘅焦糖甜度適中，中間嘅冬甩唔會過硬或者太軟，好有口感，最後上面有雲呢拿雪糕，成個甜品嘅配搭為呢一餐畫上完美嘅句號。建議如果行過都可以買佢嘅冬甩外賣，都好好味架。

約左姊妹黎呢邊Shopping, 作戰前填飽個肚先，同事介紹過呢間幾特別就入黎試下，上面係蒸籠，下面係鍋，款式都幾多。原本諗住食完個飯加甜品食，但太飽，只好下次先試。 蜜糖芥末豚肉 配 烏冬 $68本身就偏向鍾意蜜糖芥末醬，自然覺得好味，豬肉就有六片左右，配埋南瓜清清地，無咩騷味，加上蜜糖芥末醬完美，而蕃茄湯蕃茄味好濃。檸檬蜜糖芥末豚肉 配 芝士蕃茄炊飯 $68姊妹呢個飯更加正，濃濃嘅蕃茄味炊飯，加埋碗芝士撈埋，啖啖芝士，如果唔夠可以再叫佢比多碗芝士。黑糖檸茶無咩特別，只係落糖轉左比黑糖你落，同平時飲無太大分別。

今晚要係荷里活廣場睇水行俠,食之前係要醫肚的~見呢一間D menu幾特別,價錢又唔係好貴,又唔係好多人等位,就試下啦~蒸籠盛住蜜糖芥末豚肉,配超蕃茄濃度8烏東,小小辣,好野味,個人好喜歡,因為蕃茄味真係好濃。呢一個係老公既~ 芝士蕃茄炊飯配漢堡扒豆腐見到一碗芝士嗎?要自己倒落熱飯到搞均，味道更昇華,蕃茄同芝士好match喔題外話: 佢開放式既設計,中間好似一棵大樹,無論佈置定食物都有一種日本既感覺,幾特別。

又係一個人食午餐，經過荷里活見到呢間餐廳幾特別，主打沖繩菜，即管入去試試。我點了一個豚肉拉麵餐，配有蒸燒賣及飲品。飲品我點了熱檸茶。首先個拉麵，熱辣辣成鍋咁上，個鍋邊蒸燒賣邊煮拉麵，幾欣賞佢咁樣會令到所有食物都熱辣辣湯底清清地，拉麵係滑身同淋的麵質，雖然我自己本身鍾意爽口我麵質，但這個都還可以吧。豚肉算多，都幾滑同入味。燒賣不是豬肉魚肉，而是蝦肉，反而覺得感覺幾清倉同埋特別。熱檸茶配黑糖，味道不錯。

係附近去完婚禮，仲有成兩粒鐘先去飲，梗係過黎呢度搵下食先星期六下午呢個商場實在太太多人，搵到間唔駛排隊都有點難。竟然唔駛排喎…(心諗:可能唔太好食)入到去1728，店員都好好叫我地快點叫餐，可以比埋我地下午茶:我叫左個濃蝦湯幼麵，老公就叫左蕃茄炊飯。個餐包埋小食野飲，大約48/68不等。呢個價錢，又飯又麵又小食，我估都唔荒大碟…)上菜喇…竟然足份量，成大碗麵同飯播一飲湯，有少少辣，但好濃味呀岩曬鐘意食海鮮既我。麵都好食，一隻大蝦，意外有鮮味。小食黑糖雞翼，不過不失，老公話個小食紫薯餅都好。意外地好，唔錯唔錯

同朋友係鑽石山睇完戲，正當煩緊食咩野嘅時候，就見到Antoshimo cafe & bakery，其實係俾佢嘅冬甩吸引住。香港真係好少地方有冬甩賣，所以我地決定入去試試。食甜品前緊係要食左正餐先，我地叫左燶蝦壽喜燒湯麵($68)同牛肉壽喜燒湯麵($52)。每個餐都有一個小食，我地叫左沖繩辣豆醬餃子同黑糖雞翼。牛肉壽喜燒湯麵薑味比較重，牛肉份量較少。燶蝦壽喜燒湯麵只有一隻蝦，如果多一隻會好啲，而湯嘅味道有啲似冬陰公。餃子有驚喜，少少辣，皮脆脆地，味道唔錯。雞翼味道不過不失。最後緊係要叫埋原味焦糖冬甩($16)同榛子朱古力冬甩($16)。冬甩上面有沖繩嘅招牌公仔，煙煙韌韌，都幾彈牙。

週末黎到鑽石山荷理活廣場行街，首先要醫一醫肚先！上到一樓周圍行下睇下有咩好食，無意中發現左呢間食沖繩面既餐廳，見佢個下午茶都幾吸引幾抵食就入去試下！睇睇餐牌很多選擇，最後揀左個濃蝦湯壽喜燒麵配黑糖雞翼，野飲就叫左黑糖凍檸茶！呢間餐廳都幾特別，野飲既糖會用返黑糖！不過落左好多糖水都冇咩味個濃蝦湯麵面頭就有一隻蝦，食落有少少蒜蓉味，湯底就比較特別，食落甜甜地好似冬陰公咁，好搞笑！黑糖雞翼新鮮整起，脆卜卜好香口！

同女朋友去睇戲同埋食晚飯，見到呢間餐廳好得意就入去試下。餐廳細細，所以座位都有少少迫，加上每個套餐都有兩個碗，擺埋嘢飲就無曬位喇。佢有好多款配搭，搞到我有少少選擇困難症發作。女朋友揀咗沖繩蒸餃子配蕃茄烏冬($68)個烏冬就係得蕃茄同一片竹輪，無其他餸。份量都算多嘅。餃子不過不失。我揀咗椰子咖哩炊飯配粟米雞($82)咖哩飯軟淋淋，好重口味。粟米雞炸到好香口，加埋啲沙律醬好好味，側邊仲有啲無味伴菜。個餐包埋甜品，啱曬我女友。海鹽焦糖冬甩雪糕。冬甩皮脆內軟，加埋雪糕真係又幾好食喎。跟餐有嘢飲。熱黑糖檸檬茶，即係普通熱檸茶，然後畀樽黑糖你自己加。見到隔離枱嘅凍黑糖檸檬茶，即係普通凍檸茶自己加啲黑糖糖漿落去。

DINNER TIME好多人下, 都要等4,5個字。大部分係梳化位, 幾好坐。叫左個湯飯SET, 有豚肉湯飯+ 甜品, 另加錢叫左個炸雞黑椒炸雞有微微的黑椒味, 炸就唔怕油膩, 粉漿唔厚, 有D 似鹽酥雞, 好食! 加9蚊就有, 都有3,4粒豚肉湯飯我覺得似一個鍋多D, 最初以為好清, 原來用左日式濃湯, 好鮮味, 入面都幾多豚肉, 仲有鳴門卷同一D 菇。飯另上, 入面竟然有秋葵粒, 多左層口感又健康。甜品係佢地GE 招牌DONUT + 雪糕, 我見佢地單賣都十幾蚊, 估唔到跟餐送一個! DONUT係原味, 厚身的, 感覺似CAKE, 醬汁係焦糖海鹽, 有D 似拖肥糖, 但咸咸地又唔會太漏, 好食WOR! ICE CREAM係VANILLA 味, 入面有D冰，一般般。跟餐叫左黑糖ＬＥＭＯＮ　ＴＥＡ，但無乜黑糖味, 似普通LEMON TEA

行過見到晚市價錢ok就同朋友入左去食，叫左個壽喜燒湯面加蒸餃子既套餐，套餐仲包一杯飲品同一款小食，價錢$68，但飲品只得可樂同黑糖檸茶/水簡。主食黎到後，餃子皮好爛，感覺蒸得太耐，而且餃子上面既醬亦怪怪地，食吾出咩醬，但寧願佢吾加，至於面就普普通通，面質好似上海面咁，小食簡左黑椒雞翼，係成個餐最好食既食物，而飲品簡左黑糖檸茶，個人覺得普通檸茶好飲好多，我同朋友都覺得野食好一般，均表示吾會再黎食🤦🏻‍♀️。

今日去完鑽石山探朋友，走前行下醫下肚，見到呢間日式餐廳幾特別，諗都唔諗就入左去😆。濃湯蝦幼面的湯很濃郁的蝦味,正! 但芝士蕃茄炊飯有點失望, 雖然有拉絲😍但味道比較淡,似食緊蕃茄湯飯似的~小食同飲品可以自由配搭,而小食南瓜芝士餅有驚喜,係南瓜餅中間有一層芝士,有點像流心咁,好味! 而黑糖蜜蕃薯條比較甜了些,因為蕃薯條已經鮮甜, 加得太多黑糖蜜了,就算我是黑糖控我都覺得麻麻地,不過杯飲品--黑糖檸檬茶都幾好飲,都幾似普通檸檬茶,不過只是轉了黑糖沖,如果不喜歡黑糖的你就不見議飲這個了,可以選擇其他飲品~

黎食過幾次，蒸鍋加烏冬呢個配搭都幾特別，但味道我自己真係覺得相當一般。個醬汁都幾難食下，感覺有啲9唔搭8，同餃子勁唔夾。我食左一舊已經宣告放棄。壽喜燒湯烏冬，烏冬份量好多。壽喜燒湯感覺有啲清淡，如果可以甜啲，或者加隻蛋落去就好啦！甜酸燒賣，味道唔知點形容，好奇怪，感覺勁求其。呢個都係壽喜燒湯，不過再濃啲，飯太多搞到一pat pat咁，但味道可以接受。我最鐘意就係呢隻雞翼，醬汁配搭得宜，幾香口，值得一試。

芝士蕃茄炊飯，其實上面的番茄只有一片，不是一整個🍅，小小失望，湯汁OK芝士不多，只有薄薄的一層⋯ 朋友點的龍蝦壽喜燒湯麵，味道不錯，配的小食是辣豆醬餃子，小小辣，餃子類似韓式的扁平形狀，口感吃著感覺同速凍的沒啥分別黑糖口味的雞翼味道好特別，還不錯吃～

成日經過荷里活都好少食呢間，今日經過突然諗起佢嘅甜品，就即刻同朋友入去食！我同朋友係大概接近6點時間入去食，有好多空位，唔洗等位。👍🏻我叫左芝士蕃茄炊飯+咕嚕燒賣。朋友叫左芝士蕃茄炊飯+漢堡扒嘅定食套餐，有嘢飲+甜品送，但甜品只限係黑糖雪糕冬甩。佢個飯可以瘋狂追加芝士，蕃茄味又夠。👍🏻 但個咕嚕燒賣就覺得細粒左啲，朋友嘅漢堡扒份量正常，以蜜糖芥末醬搭配，兩樣送味道都不錯。食完飯再叫佢上埋個甜品。佢嘅冬甩加雪糕真係完美配搭！雪糕唔太甜，加埋黑糖醬good good，冬甩外皮又唔淋，好輕微脆脆地嘅感覺😍。兩個人食完一個甜品，覺得唔夠決定再叫海鹽焦糖雪糕冬甩。兩樣甜品嘅分別係個醬，焦糖個隻嘅醬多啲，味亦較黑糖出，所以中意食濃味啲嘅可以食焦糖味個隻。總括嚟講，呢間餐廳無論正餐/甜品都唔錯，特別係甜品。👍🏻👍🏻👍🏻👍🏻

很是有趣，以為是一間不知甚麽來頭的餐廳，但是內裏也坐無虛設。乍看店內還見到剛聚會過的友人🧐😏，更趣。本身對這個所謂日本牛乳冬甩不以為然，不知有甚麽特別🤔，但由於上別人地方，買少少東西無壞。吃了個抹茶味道的，上面有個它的自家公仔。對於我們這代人，蛋糕甜點上面的公仔，通常都覺得非常甜，覺得是糖霜造出來的，但其實這個公仔，應以濃朱古力造的，味道也總算可下嚥。而抹茶味冬甩，意想不到那麽彈牙，因為一心想，會否像港式麵包那般軟林林，或是新式麵包空盪盪，想不到彈牙煙韌，喜出望外。