沖繩二段料理 (荷里活廣場)

營業中

休息中

之前喺megabox食過呢間嘢嘅分店，之前覺得真係好難食，諗住永遠都唔會嚟多次。但係今次機緣巧合之下，又食多次，居然發現又幾好味喎。 心諗，megabox嗰間分店搞咩。。。叫咗個蝦撈麵，啲蝦汁好濃，其實有少少似台灣嗰種蔥油撈麵。係好食嘅。配咗兩粒餃子，都係好好食嘅。如果再煎得香少少就更加好啦。最surprise係流心蛋炸豬扒，下午茶嗰個小食嚟。 真係好好食囉，食落去豬肉同蛋白撈埋一齊，蛋黃仲流出嚟。。。正呀！！有個黑糖檸檬茶，我覺得普普通通，普通糖仲重好過黑糖。之前喺megabox係食飯，我諗可能係呢度啲撈麵好食過飯好多。

每次黎到鑽石山都忍唔住要黎Antoshimo Cafe & Bakery 買返幾個donut 食！佢地嘅donut 每款都好colorful 好可愛，仲有隻little monster 係上面，得意到唔捨得食呀！今次買左5款唔同味道，最好食嘅係熱情果味同檸檬味，食落唔太甜，比較fresh 😋原味同朱古力就中規中矩，焦糖味就令人有d失望，得個甜字，下次未必會再 encore 啦！見其他人係夜晚去買會有discount ，下次夜d再去望下先！

因為唔想食太熱氣或太重口味嘅食物，所以決定食呢間！ 已經食過幾次～鋪頭主打日式炊飯，炊飯意思係煮飯，將煮熟後嘅材料，同飯撈埋一齊，或餸放係飯上面蒸，菜汁就會流到飯上！鋪頭上菜嘅時候，會連蒸籠一齊上！由於飯嘅質地比較濕潤，所以有少少似糊仔飯😂【芝士蕃茄炊飯】蕃茄預先同飯撈埋一齊煮！之後，放芝士上去一齊撈，做到好勁嘅拉芝效果😂 鍾意食芝士一定超開心🤣 蕃茄炊飯食落酸酸地，配上芝士都唔錯！ 但冇其他餸食，有啲寡【蜜糖芥末脆皮餃子濃蝦撈麵】同行朋友叫嘅，偷食左幾啖😝 麵質幾滑，而且加左少少好似芋絲嘅麵條，爽口，撈埋蜜糖芥末醬超正👍🏻 餃子皮真心脆但唔知點解，佢地嘅炊飯，無論咩口味總有少少相同嘅奇怪味道🤔 唔識形容【黑糖蜜甘薯條】用蕃薯條炸嘅，雖然炸得唔夠脆，但超重蕃薯味😋😋 又甜又香，好好食👍🏻 推介

今晚要趕住食完晚飯，就去練習。於是就在附近找一家麵食店吃。該店吸睛點是店內有棵如聖誕樹的裝飾，讓人有種身處樹屋用餐的感覺。入店叫了濃厚蝦寿喜燒麵配沖繩餃子。等了大約二十分鐘，店員捧著一個四四方方的盤子，一看才明白，原來是寿喜燒獨特的盤子🥏，旁邊是一籠撒滿醬料的餃子🥟。吸一口，很濃的蝦香味，餃子上面估計是沙拉醬。湯頭很濃郁，烏冬浸泡在湯裡，充分吸收湯汁的味道，夾一個餃子配着湯汁，口腔充斥著蝦湯的鮮甜，餃子咬開的肉汁滲在湯裡，讓鮮味升級。

行過見到個MENU $28UP 咁抵? 老虎都餓餓地都係時候食下野...叫左個C餐 $58 有黑椒味燒雞又有個壽喜燒WU東,有肉有麵咁幾滿意。好老實食物個賣相就一般到唔洗點形容你都望得到,但食物味道同服務唔差既,係搭夠既。個雞係有充足黑椒味而口感又唔柴既,而配菜類都係MATCH個雞,例如係洋蔥。麵食壽喜燒湯底唔太濃,覺得可以再似壽喜燒多D。但呢個午茶都食得飽我。飲品就熱黑糖檸檬茶Antoshimo Cafe & Bakery 整體評分 7.0 /10推介: N/A(五分滿)老虎回頭率：🐯🐯🐯

就快兩點先食lunch，所以可以唔駛排隊即刻入去食。嗌咗個8倍濃湯蕃茄烏冬配撘餃子餐（$62另收加一），一開始擺盤幾得意，下面係烏冬，上面係用蒸籠裝著嘅餃子。稻庭烏冬煙煙韌韌，幾掛汁，蕃茄湯底似用粉開，係幾濃郁同有少少辣味，但得一塊真番茄，如果多啲真番茄會好啲。個餃子望落去好吸引，有啲橙橙哋類似千島醬喺上面，蒸出來熱辣辣，但我覺得啲醬有啲漏，之後撥走咗啲醬先食。味道正常，無乜特別，同一般超市蒸餃差唔多味。跟餐仲有杯嘢飲，叫咗熱黑糖檸檬茶，原來啲黑糖係另上自己畢落去嘅，茶味似茶餐廳啲茶咁。呢間嘢賣相好靚，食物份量都好足，但食落味道普通，如果只係貪得意都可以試下嘅。

假日放假，每個地方都人山人海，非常令人討厭，無論是平民餐廳，或是貴價餐廳也高朋滿座😕假日吃飯比洗手間排隊更困難。本來是想吃日式燒肉，可惜太多人，店員吿訴我們可能要等到20:30先可以進食，我們當然不等了。現在才剛到19:00，何時才20:30☹️鑽石山廣場也有不少的餐廳，受歡迎的餐廳都被人潮擠爆，行過一樓見到這間平時很多人等的餐廳竟然有位，當然直接入位。這間是一間特色沖繩菜餐廳—Antoshimo店內有一條大柱裝修成一棵大樹，進入時，安排了大樹邊的位置，大樹邊的位較窄，對出的位闊很多。店員給了我們一張下單紙和餐牌，下單紙是膠的，可以重用，可惜用了太多次，看起來太多筆印，太亂了！餐廳主要是吃定食，分別是蒸物加鍋物和一杯飲料。😬蜜糖芥末漢堡扒豆腐配超番茄烏冬漢堡扒是正常的，可惜蜜糖芥末的味道有點奇怪有點酸的，配菜是沒有味道的，超番茄烏冬是正常的味道。椰子咖喱燴飯配檸檬蜜糖芥末豚肉蜜糖芥茉都是一樣的，沒有檸檬味，豚肉好乾，好像一早煮好的。說好的燴飯結果出來等到鍋不熱也是像湯飯多些！小食只是$9，所以加了三個。黑椒脆炸雞把一早炸好的雞肉加上的些黑椒汁，如果不是$9，我也覺得不值得吃。😤黑糖蜜蕃薯

上菜既容器幾得意，配菜係用蒸籠疊係主食鐵鍋上面蒸熟既。麵食既兩個湯底都唔錯，特別係四倍番茄🍅湯，加烏冬好正。最後既焦糖donut加雪糕好好食，有d似mr donut既口感，nice!

晚餐時段點餐點了濃湯蕃茄烏冬配撘甜酸燒賣，稻庭烏冬都幾好食，煙煙韌韌，蕃茄湯底濃郁，帶有少少咖哩味道咁。甜酸燒賣感覺一般，淡而無味，好似食緊一舊麵粉咁。黑糖薯條好食，黑糖凍檸檬茶沒有黑糖味道。芝士蕃茄飯配漢寶扒豆腐，芝士蕃茄飯加了兩碗芝士碎好濃郁芝士味，因芝士碎可任加的。漢寳扒都juicy㗎！

晚上九點唔知食咩好 就見到呢間價錢唔貴多看似好食既餐廳 一入去侍應就比張卡我地自己落單 我地兩人點左兩款 包埋野飲。個人最推介係漢堡牛扒 好多肉汁 好juicy。想再點可惜冇得單點。最後埋單百幾蚊 算係抵食唔差

-尋晚食完晚飯經過呢間舖頭遠望👀到「大激安50% off $8/個」嘅牌😻 我當然一支箭咁標過去望下啦！！🏃玻璃櫃度望落仲有好多不同口味嘅沖繩獅沙冬甩😽。$8實在太平喇👏👏。 職員話買四個有個盒裝住 好啦！！一於買四個啦！！原味朱古力 （$8）原味海鹽焦糖 （$8）抹茶 （$8）海鹽焦糖士多啤梨（$8）一問之下，原來呢間鋪頭嘅冬甩，每晚九點就開始做半價。 太好啦‼️下次再食埋其他味道先😋。 =====================Antoshimo Cafe & Bakery地址: 鑽石山龍蟠街3號荷里活廣場1樓182號舖

不是沖澠味道行完街，搵地方坐下食少少野。小店外，有十幾人等位中，眼見有空枱就等一陣。15分鐘左右有枱，入座後自己劃單，ABCD, 1234跟住寫就可以，donut要另外點的。二人份的下午茶，兩個女的份量剛剛好，兩人秋葵茶漬飯套餐。$68有一份柚子窩雞，兩碗迷你茶漬飯，兩杯黑糖檸水。茶漬飯🤨要喜歡食秋葵才好食，因為是黏黏的柚子窩雞比較油，但惹味香口另外，點了有沖澠公仔的donutDonut試一次足夠了放久了，硬硬的

去戲院睇完戲之後想食少少野，行下行下先到好耐幾年前幾喺朗豪坊度食過幾好味嘅餐廳，尤其係佢個炸面包雪糕。入去之前睇過個menu好似已經冇左炸面包（類似豬仔包咁），但見有冬甩所以就照入左去食喇。3:15左右入去menu選擇唔算特別多，但價錢唔貴。最後同家人分別叫左一個黑豚壽喜燒湯鳥冬同埋芝士蕃茄炊飯配漢堡扒。烏冬普普通通，湯底薑味幾漢堡扒非常出色，連家人都要拎一半去睇，蕃茄芝士飯都唔錯最後黎埋甜品海鹽冬甩雪糕，冬甩熱熱地，唔錯！由於漢堡扒出色嘅關係，下次會再食

今日放假到荷里活商場睇戲，好少來這邊，原來都幾多人，到了晚餐時間就選了呢間日式料理。樓面細細內裏只有10零張枱，但食飯時間都爆滿，兩個人都需等15至20分鐘。二段定食概念成功讓我等下試下，好少見。我叫啲係蕃茄芝士釜飯，一嚟到好多湯咁唔夠傑，上餐附送知是誰讓客人自行加入飯入面撈勻，之後會有拔絲嘅效果。二旁邊嘅炸魚樓出奇地清淡得來外面有少少脆口又不肥膩。所有嘅晚飯套餐都配上一杯嘢飲，分別有凍或熱嘅檸檬茶或檸檬水及可樂。食物方面都幾好。但觀察到其實入面有枱，我同朋人攞飛嘅時候下一張二人枱就係，但等左一陣見到餐廳內有兩張空嘅兩人枱，但都未叫飛，我哋會諗點解仲唔叫飛但係我哋不趕時間所以再等一下才被安排入坐。同時見到一家四口手上抱住BB都等咗好耐都未能入，可能人手不足，但等待時間及安排坐位方面相信餐廳可以改善，客人都開心啲。

平時都有食開呢間，味道唔錯既。今日再黎，諗住試新野「黑豚濃8蕃茄鍋沾面」D面痴埋一堆。已經唔大期望，入到口就得點知一咬，勁硬🤯，入面仲見到一粒粒面粉（無影到相，諗住整番個就算），咁同職員講個情況，佢就話整過個新既！等左十幾廿分鐘，個面到啦，但無湯既，明顯係岩岩戈個黎，只係換過面底，問個職員話濃蕃茄係咁喎。好在本身有影相😡😡 如果比左幾啖仔湯就算數🤮 我都做過餐飲，無換過新，就咁煮多次都做得好睇D啦👎🏿