沙嗲王 (新都城中心二期)

營業中

休息中

屋企人有幾年喺外國，無食過沙嗲王，今次返香港指名要食返呢個童年回憶。我哋3個人試咗幾款野:❤️必食白咖喱香茅豬扒飯: 同細個食嘅味道同份量一樣，都係有3塊大大舊嘅香茅豬扒，豬扒冧得來好有質感，白咖喱多汁，送飯一流😍另一必食沙嗲肥牛粉絲煲: 沙嗲王另一招牌之選，有濃濃嘅沙嗲，食完成碗都唔會覺得漏👍🏻小食方面就嗌咗海皇焗蟹蓋，XO醬炒蘿蔔糕，脆蝦棒。呢幾款都係經典小食，全部都冇令人失望佢都仲有推出好多新款式，期待下次再encore

沙嗲王真係可以話係姊青年時代既飯堂，以前觀塘有一間好大間以海盜主題既沙嗲王，成日都去食。去沙嗲王一定要嗌白咖喱豬扒飯，我諗人人都明白，到而家食返都好好食，同以前既味道一樣，豬扒仍然有香茅味。而家沙嗲王多左好多唔同小食，以前就最鐘意食脆蝦棒，今次試牛油雞翼、炸饅頭 & 印度薄餅咖喱， 印度薄餅就唔建議大家嗌啦😂 📍沙嗲王 (新都城中心二期) (將軍澳)將軍澳寶琳欣景路8號新都城中心二期2樓2001-02&2087A號舖

星期日兩個人5點左右去到食個飯，一人一人個餐加碟菜，等左十分鐘左右就上齊。味道和細個食嗰陣差唔多都保留到合格水準。先講食物質素後提及服務態度蟹黃豆腐飯其實都好食，和十年前味道幾乎一 樣，份量都好夠蔥油雞扒蛋飯就比較一般，和其他茶餐廳味道差不多，不過不失炒菜反而幾好，有d鍋氣但就細碟d。餐廳也有提供自助水吧，方便食客自己浸水飲大約食左50分鐘，未到6點鐘，餐廳開始滿座。其中一個員工走過黎和我嘅講食夠90分鐘就要交枱，我即刻反映要求佢檢查清楚先，因為根據我哋張單係唔夠60分鐘。然後再等多10分鐘左右，另一員工過黎重覆我哋食超過90分鐘，我又重覆講多次未夠60分鐘和埋拎埋張入座收據（電子單有寫入座時間）。今時今日政府仲講要推動「好客之道運動」，本地客食都唔開心，何況係遊客？ 原本限時食飯都算，今次仲要係未食夠鐘就已經催人交枱。0分服務係俾嗰兩個催枱員工！

今日又心思思掛住沙嗲王,所以趁唔係好夜,就早D去食,點知都等左一段時間~龍蝦湯第一次叫,估唔到係咁好飲架!!~食極唔停芝士條真係次次都必叫~蒜香牛油烤餅好香蒜蓉味,正阿!!~印度薄餅配黃咖哩汁印度薄餅好香好好食,配埋黃咖哩汁好夾,一D都唔辣架~泰好味之叉燒豬頸肉配泰式汁 (半份)哩個豬頸肉d肉好夠淋,配埋泰式汁酸酸地幾好食!~蟹粉豆腐鍋飯唔怪得係皇牌,真係好好食!!

今日一個人食飯，唔知食咩好，行行吓見到沙嗲王，就決定入去啦叫左d吸引我嘅食物~食極唔停芝士條真係食晒都覺得唔夠喉🤣～沙嗲牛肩胛烏冬沙嗲湯底濃郁，烏冬彈牙～蒜蓉牛油雞翼即叫即炸，所以等得最耐，但係值得嘅

今晚隨便去咗沙嗲王食晚飯，去到見到有個二人餐，都幾抵， $268，有兩個前菜、一個小食、兩個主菜、兩杯嘢飲同兩杯雪糕，而且啲選擇都唔係hea，小食嘅有蒜蓉牛油雞翼或者炸雞嗰啲揀，加多少少錢仲可以要XO醬蘿蔔糕或者炸軟殼蟹，而主菜嘅選擇仲有沙嗲王嘅必食三巨頭，分別係白咖喱豬扒飯、蟹粉豆腐鍋飯同埋沙嗲牛肩胛粉絲，其實好吸引，不過因為驚太多，最終都係叫返單點，每一次去都會想試新嘢，但最後每一次去都係揀返白咖喱豬扒，今次都唔例外，不過見到個滑嘟嘟炒蛋黃咖喱厚切吉列豬扒飯，個樣都好吸引，掙扎咗好耐，最後見到原來可以加錢轉白咖喱汁，why not both，所以最後叫咗滑嘟嘟炒蛋白咖喱厚切吉列豬扒飯，另外加多個沙嗲牛肩胛粉絲，個牛肩胛粉絲仲升級咗雙份牛肩胛，當然白咖喱同個沙嗲一如既往冇得輸，想講嘅係個厚切吉列豬扒真係堅厚切，比起原本嘅香茅豬扒更厚，但食落去比起更加薄嘅香茅豬扒更加腍，但係腍得嚟啲肉唔會散，又唔似係鬆肉粉，個吉列炸漿又做得厚薄適中，吉列係需要比較厚先至會夠鬆化，但過厚又會變得硬脆，但佢個炸漿做得啱啱好，而且淋咗白咖喱汁隔咗一陣都唔會令到個吉列變腍，雖然肉味唔夠香，但係成個吉列豬扒可以

見朝頭早多咗啲時間諗住食個早餐，行咗一個圈都唔知食咩好最後就入咗沙嗲王。沙嗲王同以前唔同咗，入到去同而家好多餐廳一樣都可以QR自己掃code。個人嚟講我覺得咁樣比較方便，唔使成日等店員 。另外而家做埋會員再送埋幾蚊現金券俾你。早餐同一般茶記差唔多，都係通粉米線，再加個麵包。早餐嚟講，我覺得叫做都幾平30零$40有一個早餐套餐。而且選擇都叫做幾多。環境嚟講，座位同埋地方都叫做比較多比較大同埋比較舒服嘅，唔會坐埋好似好迫咁咁樣 。

沙嗲王，位於將軍澳寶琳欣景路8號新都城中心二期2樓2001-02&2087A號舖。 相信很多人對沙嗲王都好熟悉， 記得以前最喜歡這裏的白咖哩豬扒飯。 將軍澳分店晚市都幾多人，晚餐😊 ～ 激安二人餐$268( 芝士條$8、濃蝦湯、 泰式酸辣嫩滑鮮魚片鍋$14、 白咖哩香茅豬扒飯、 石鍋xo醬炒蘿蔔糕$14、 青檸甘梅蜜、 火龍果蘋果梳打、 HaagenDazs 兩杯) 、 xo醬墨魚餅$38、 台式涼拌小黃瓜$14、 星洲黑胡椒雞粒烤餅$44、 印度薄餅配黃咖哩汁$26、 貴族海皇焗蟹蓋$32、 龍蝦湯$9. 9、熱珍珠奶茶$18。 最好味依然是白咖哩香茅豬扒飯， 咖哩汁香濃甜甜地越食越惹味。 另外這裏的泰式酸辣魚片鍋都幾好味， 魚片嫩滑， 越食越開胃。 其他菜式就味道正常， 飲品屬於一般。 整體價錢合理，白咖哩香茅豬扒飯依然是首選😉。 🏷️溫馨提示～ 整個用餐體驗均屬個人分享意見， 只作參考😊。

這家餐廳的白咖喱香茅豬扒飯真是美味極了！豬扒鮮嫩多汁，搭配著濃郁的白咖喱醬汁，口感豐富而濃郁，讓人回味無窮。鐵板雞髀更是令人驚艷，肉質嫩滑，入口即化，絕對是肉食愛好者的最愛。除了美食，侍應的服務也令人滿意。他們禮貌有禮，細心關照每一位客人，真正讓人感受到賓至如歸的待遇。更令人欣慰的是，當他們發現雞扒未熟時，立刻主動重新製作，確保每道菜都達到完美的標準。這種細緻的服務態度令人印象深刻，絕對值得再次光臨！

環境：裝修都算新淨，畢竟都已經開了好幾年，乾淨企理冇異味，服務員都足夠，勤力落單好快，上菜速度都快食物：嚟到就一定會食招牌菜就係白咖喱豬扒飯，有一點令我非常欣賞佢，就係你無論去到邊一間沙嗲王同埋就算相隔咗幾多年，佢個質素都依然保持到，這個是非常難得的，白咖喱汁濃厚入味，豬扒保持到肉汁，又唔會炸得太乾，肉質入味，嚟到沙嗲王必定推介這個招牌菜其他炸物就不過不失，好食，不過就唔夠個招牌飯咁超班，如果未食過都建議大家去試一試

下午茶時段唔多人，唔使等位，食物都幾多選擇。自行用QR code落單。白咖喱香茅豬扒粉絲：香茅豬扒好腍，好香好入味，唔會太肥，面底可以選擇米線，粉絲，拉麵或手打烏冬。我就選擇咗粉絲，因為想佢吸晒啲白咖喱湯，白咖喱湯係唔辣嘅，好似有少少甜甜地，果然係招牌菜，真係超好味。冬陰功豬扒米線：呢個冇得揀面底，一定要米線，冬陰功湯唔太酸亦唔辣，但係有好香嘅香茅味，仲配咗青檸和春卷，春卷入面有豬肉蔬菜，本人覺得似係返炸而且有啲油膩。

{滑lulu黃咖哩吉列豬扒飯 - $75}沙嗲王又係一間細細個開始就無限encore 嘅美食，記得細個真係叫到成枱都係小食，然後好開心好滿足，快樂在當時真係好簡單！次次都係 #白咖哩豬扒飯 今次諗住俾啲新意試下 #滑lulu黃咖哩吉列豬扒飯 認真我覺得啲豬扒質地仲好過平時白咖哩嘅香矛豬扒！原來食左咁多年轉下口味都會帶來驚喜！美味程度：😋😋😋😋環境指數：🎇🎇🎇番食機會：🦍🦍🦍🦍📍 #沙嗲王 (新都城中心二期) (將軍澳)將軍澳寶琳欣景路8號新都城中心二期2樓2001-02&2087A號舖

原來下午茶咁正🫶🏻🫶🏻有$38/$48/$58套餐選擇，招牌嘅白咖喱都有做優惠，叫咗個白咖喱豬扒烏冬$58，一如既往豬扒都係整得咁好味，不過呢個日本烏冬唔夠彈牙，扣左少少分🥺套餐包埋基本熱飲，另外可以加錢要特飲，見到隔離枱嘅芒果特飲好似幾吸引🤩，下次試吓先～佢有個蒜蓉薄餅好正，做緊優惠$4/2塊，唔點任何醬汁都好好味，熱辣辣👍🏻回頭率：👅👅👅👅性價比：👅👅👅👅打卡值：👅👅👅

新都城沙嗲王係好多新都人寶琳人嘅飯堂 由細路仔學生時代窮到褲穿窿，幾個閨密聚腳一齊慳慳地食白咖哩豬扒飯， 飲住杯凍檸茶少冰少甜係咁傾傾傾，至到而家同一家大細，沙嗲王都係咁好食， 好感動佢絕對係陪伴住我哋咁多香港人成長嘅飯堂，我覺得佢真係好好嘢keep到個品牌咁多年 真係唔容易座無虛席叫咗個二人餐次次嚟到一定要蟹粉豆腐鍋 因為實在太肚餓食咗 食四分一碗飯先諗起影相沙爹牛肩胛米線牛肉唔多但係最好味係個湯底濃厚的沙嗲湯底 啲細路嘅favorite仲用嚟撈飯添 冇眼睇不過我個人喜歡揀粉絲多啲避風塘軟殼蟹提提大家一上嚟菜 千祈唔好立即咬落去外面炸到脆卜卜 咬入去真係會辣到嘴裡邊中好juicy添這個是新咗兩個月的菜式炸雞拉絲芝士拼盤真係拉絲㗎不過超好熱氣要好多人share先好食性價比最大化搵食攻略 -叫二人餐基本上餐牌入面有的都在裏面你可以揀得到所以二至三人都可以食這個餐二人餐平在計過條數你當送飲品給你如果你一家四五口的話炸雞唔好在二人餐裏面叫另叫 埋單時影埋門口隻雞 可以減十蚊埋單時餐廳仲會送你xo辣醬添仲有一招就係做會員因為每次啲積分下次用返你當等於唔使畀加一

假日到新都城逛逛，見到有沙嗲王就直接選擇這間，等位時間唔算耐，叫了兩個午餐，一個巨髀咖哩雞飯，另一個厚切吉列豬扒飯。一杯特飲及凍奶茶。味道同份量都充足，上餐時間很快。