沙嗲王 (金馬倫道) (已結業)

最想食已下架的冰鎮活煮蝦員工好似唔慣睇個電子牌，整到要出聲叫上菜較慢，叫佢拎沙律醬無黎過。同埋希望啲待應抺枱時唔好用比客人飲嘅果瓶水倒落條毛巾到我睇到覺得瓶水好污jo————————————————————今日放工黎到尖沙咀呢間沙嗲王咦～ 咁熟嘅 原來今期主題係最新嘅 Monster Hunter 但本人就無玩開但玩過下我諗好多粉絲見到都幾開心重點仲係沙嗲王啲野食一向都唔差～特制菜單：我都想試下嘅，但係一心我係想食沙嗲肥牛拉面同飲台式奶茶，所以今次無試到最愛食的沙嗲肥牛拉面～沙嗲味夠牛肉唔un炸雞軟骨-成日食 但欠沙律醬最終點左白咖哩黎食白咖哩炸冰魚飯-白咖哩常客 但配冰魚第一次食我覺得係可以試的牛油雞翼～超油～超香～夠哂熱同熱氣

前晚同兩個好耐冇見嘅朋友係尖沙咀度聚餐，我諗我哋去到應該係九點半左右啦，已經問咗佢哋幾點last order..佢哋就話10點半，但我見我地點左嘢食無耐，我諗應該10點到啦已經叫我地買單啦問我地仲有冇野加，其實我都想同佢哋講，我哋連啲嘢食都未到， 好難答佢仲需唔需要加嘢食放咗本簿係枱面，走開左，勁快返嚟，我哋未有反應，又行開咗，之後又勁快返嚟，個感覺有啲chur趕你走咁，服務質素認真係麻麻地。。。不過再講番食物質素先，沙嗲王最吸引我嘅就係白咖喱豬扒飯，水準都keep得到冇問題軟殼蟹，津白，味道唔錯，有驚喜嘅係椒鹽豆腐好味，必試全晚最敗筆就係呢個豆腐煲。。難吃，仲要加薄餅。。個人意見不太喜歡，如果係食物質素我覺得係OK嘅

好多時候在尖咀決定食普通一點的晚飯都會係一個難題,沒什麼好揀! 尤其是9點15分之後, 這晚來了平日午餐迫爆嘅沙嗲王, 款式選項雖然唔算多但是"精"主要講食物! 因為飲品主打是普通的咖啡或茶, 又或者台式飲料, 個人唔識欣賞, 所以無叫飲品, 餐廳提供免費水可飲用, 對水的要求唔高的我們, 還可以接受,大阪極究薯仔沙律$33 以這價位計, 份量算俾足, 材料亦混入了菇碎,煙肉碎同Mayo,可能用了那隻公仔牌子嘅Mayo食落"和"味十足鐵板嬌嫩巨脾飯$76加印度薄餅兩件加$18鐵板嬌嫩巨脾跟名字一樣, 雞肉嫩滑爽口, 不過雞肉就無咩雞的肉味, 全靠個醬汁帶起整個雞扒的味道, 這天是白咖哩汁, 感覺是沒以前般辣! 印度薄餅則是一般食物工廠質素但可喜的是不太油膩, 而下面嘅水手薄餅口感也是跟這印度薄餅很相似, 可能同一工廠嘅出品?水手(蕃茄芝士Pizza)薄餅$34 蕃茄芝士的蕃茄係車厘茄半切, 芝士落得慷慨, 但如果要歸類的話這薄餅很容易聯想到義大利式, 但這是個混血兒薄餅呢服務有可以收改善的地方, 在差不多10點15分過後, 那些收碟的動作變得頻繁, 客人食乾淨一隻于佢就收走一隻, 還要

以連鎖餐廳來說，不敢說沙嗲王的價錢相宜，但食物質素總能保持水準。今次去的分店開了不久，是從後面幾條街搬上去。午飯時間等位的人數多，門口有五、六枱的人在等，建議想食又不想等位的朋有用GULU 提前攞位，節省時間。餐廳的裝修新穎時尚，黃黃藍藍充滿活力。食物方面，午餐選擇多，共十款可供選擇，今次點了白咖哩香茅豬扒飯，白咖哩椰味香，辣度適中，適合香港人口味，豬扒分量足，煎得香口，香茅果重，配合白咖哩，豬扒的味度更具層次。值的注意的是，餐廳會有10%回贈，埋單時會有一張相等於總額10%的現金券供下次使用。

最近洗大左 但又要同朋友出街究竟食咩好？ 如果想有個地方坐得舒服啲傾下計 又唔會太貴 沙爹王就岩哂啦我同朋友琴日去左尖沙咀金馬倫道新新地個間沙嗲王到食 樓上鋪 地方地幾大 藍色佈置 幾新淨同舒服 如果想幾個朋友揾個地方坐耐啲吹水 依到都幾值得推介!!食物方面 我地今次三個女孩子叫左個二人套餐 都幾扺食 個套餐裏面有係沙爹王必定要食嘅 1.白咖喱豬扒飯 2. 蟹粉豆腐煲 仲有兩個前菜(一係沙律醬薯蓉 一係餐湯） 仲有一個小食 兩杯餐飲同兩個甜品 我地就叫左蜜糖芥末雞翼 一杯熱紫薯牛奶 一杯芒果西米汁 同兩杯haagen dazs 雪糕個白咖喱豬扒飯個汁唔駛講 佢甜甜地 好有香茅蒜香味 送飯係一流 而且個豬扒都好大塊 煎得唔會好濃 好香口 至於個蟹粉豆腐煲 佢係個煲到"咋咋"聲 啲蟹粉嘅香味傳入你的鼻 依個飯雖然冇咩肉 但都會令你每次黎到都想叫!!! 至於個小食 雞翼雖普通 但其勝在個蜜蜜芥末醬夠多個香 雞翼都幾大隻 都值得推介！而我個朋友話杯芒果西米汁成個糖水咁 飲到佢好飽xd 不過幾好飲 而我會推介個紫薯牛奶 冬天飲下熱飲嘛 再加上佢唔會好"溜"好濟 甜度適中 我下次都會繼續飲 你地

呢間沙嗲王，係尖沙咀lunch 時間，長期都勁多人拎飛等位，今次我地預先用左app 拎飛，所以去到唔洗等好耐。間野係樓下等位，樓上就係食野既，有位就行樓梯上去。我地坐底，望完餐牌，就禁佢個機仔，要求落單，但禁左幾次，都未有店員過黎幫手，所以我地最後都係舉手叫店員過黎落單嗌野食。咁我就嗌左個巨脾飯配白咖哩，朋友就嗌左白咖哩豬扒飯同沙嗲肥牛米粉佢地既野食都幾足料，賣相唔錯，朋友話味道岩岩好。仲有呢個拉麵，佢又可以揀轉其他麵，朋友話轉左米粉，d 米粉吸晒d 沙嗲汁，所以好好味。我呢個巨脾飯，落單前，店員都有講會等耐少少，所以大概15分鐘先有。隻脾真係幾大隻，同埋雞肉好滑，有肉汁，個白咖哩又好好食。佢個餐有得配荔枝紅茶同青蘋果紅茶既，我地都有嗌黎試下，幾好飲，唔會甜，有茶味。因為平時出去飲呢d, 都覺得太甜，所以今次呢個唔甜既，好岩我飲。今次埋單個時，店員比左36蚊coupon 我地，即係下一次黎食有得減36蚊，都唔錯。

自己一向都鐘意食沙嗲王，雖然來來去去都係食果幾間，食得最多係觀塘裕民坊果間（已結業），跟住就旺角女人街，另外由於自己響尖東返工，最常食就係加拿芬廣場果間（已搬遷），近日知道尖沙咀又開番沙嗲王，尋晚即時同同事去食番餐先平時其實都係食開幾樣野，每次都係必點之選，今晚都唔例外！今晚照舊點左⋯⋯肥牛拉麵（加糖心蛋），呢個真心要讚，我一向都對麵類麻麻地，但就極鐘意食呢個拉麵，特別個湯底最惹味，一定成碗清底，仲有隻糖心蛋，蛋黃係溶既，超正👍越式春卷又係超好味，既香口又脆口，配上甜酸汁特別開胃👍，牛油雞翼好重牛油味，又炸到脆卜卜，非常滋味👍不過今晚點左兩樣新野就感覺一般，一個係薯蓉沙律，薯蓉裡面有吞拿魚，外面淋上芝麻醬，我覺得好似食緊吞拿魚三文治既餡一樣，吞拿魚味搶晒薯蓉本身既味道，另一樣好似係咩蟹肉朱軟骨配薄餅（好似No.606)早知我就揀配飯啦，配薄餅就唔好食，個汁唔夠多而且又杰身，所以話配薄餅永遠都係食咖喱最正！想當然呢兩樣就一定食唔晒啦！唯有打包返公司請其他人食～嘿嘿🤣最後我想講，尖東呢個位置正呀！又近地鐵又近我公司，耐不耐就可以去食，唔洗吓吓專登出旺角食完再返工，所以千其唔好無啦啦又話搬遷

都好幾年無食過Satay King, 見公司附近最近開左間Satay King Junior, 即管試一試啦讀書時候最經常食到既一間餐廳，白咖喱豬扒飯就唔洗多介紹啦點左紅酒牛柳粒焗飯，好足料，勁多芝士，好味！跟餐可以加小食，我就選左15蚊既蒜香燒雞翼，keep到水準！至於餐飲，杯熱朱古力就真係可以慳返😅😅😅應該間中都會食下既，始終尖沙咀既午餐選擇不多，不過就最好12點或兩點後食啦，一到12:30就真係排餐死