沙嗲王 (金馬倫道) (已結業)

睇完戲，未食晚飯又唔太肚餓，路過見到沙嗲王，又見好耐無去咁就去試下啦，點知有啲失望😞😞😞打開餐牌見到個蟹粉豆腐鍋飯好正咁，所以諗都唔諗就點左呢個鍋，覺得呢個鍋配飯好似match 過配薄餅，所以選擇了配飯，上枱時仲滾起架，開頭食時都覺得味道唔錯，好香，豆腐又好滑，但食耐左就覺得有啲鹹，一定要連飯一齊食另外，點左個小食「蝦兵蟹將」，諗住又可以食到蝦丸又可以食到軟殼蟹，個賣相好靚，炸得都脆，蝦丸就無乜特別都可以接受，但個軟殼蟹就好鹹，我同朋友食左一件之後都真係食唔到第二件食完呢餐飯，回到家飲了好多水🤣🤣

p.p1 {margin: 0.0px 0.0px 0.0px 0.0px; font: 12.0px 'Helvetica Neue'; color: #454545; min-height: 14.0px}p.p2 {margin: 0.0px 0.0px 0.0px 0.0px; font: 12.0px '.PingFang HK'; color: #454545}前幾日收工之後，同朋友係尖沙咀行街，順便埋晚飯，睇咗好多間餐廳都發現唔係太啱胃口，想轉落佐敦找嘢食之際，比我地見到沙嗲王招牌，真係好耐無食過，我同朋友諗都無諗就入去食了。尖沙咀呢間應該係新店，店入面既裝修都比較新潮華麗，座位寬敞，燈光光猛，坐得幾舒服，枱面一樣有制比你叫侍應。基本上黎親沙嗲王必點蟹粉豆腐鍋，豆腐加蛋黃，個汁勁香勁濃，加埋蔥花係面成個鍋更加香。蟹肉份量都好多，好好味。 送飯一流，一鍋已經可以送晒成碗飯。Pizza 份量唔算好大，但已經夠晒兩個人食，pizza餅底係薄底，焗得香脆，表面芝士好濃，好香蕃茄味，唯一無咁好既地方就係海鮮唔夠多，但整體唔錯，可以一試。整體黎

2個人入到去，全場數埋都係5枱客，坐4人卡位打橫2個人坐沙發位話唔得，有廿幾張枱，坐得舒服d都唔得，問個侍應點解就話公司規定係咁，總之就係唔得，冇野講起身即走!!!

有一段時間沒吃過沙嗲王，位於尖沙咀的沙嗲王，改變以往的裝橫設計，非常適合打卡用。地方也寬敞。由於附近上班，晚餐就跟朋友一同在這裡享用。雖然裝飾設計不一樣，但點餐方式依然要按制，叫人過來點餐。由於接著晚上有活動，再加上腸胃炎未清，所以只點了白咖哩豬排飯，依然非常好吃，是我懷念的味道😭😭 豬排也炸得脆口，醬汁也非常配合。另外，值得提一下加飯要加5元。我下次一定會再來，有好幾道小菜都很想吃。而且價錢也很平民。

沙嗲王，我細細個就聽個呢個名~原來已經搭入第27年，餐牌不斷有轉變，幸好我最愛既食物仍然保留係menu中今晚同男朋友2個人黎食叫左4樣野，每次令我想黎沙嗲王都係因為白咖哩豬扒飯+沙嗲肥牛粉絲，食飯可以加16蚊配印度薄餅，另外27周年，27蚊就食到脆蝦棒，好飽肚既1餐白咖喱豬扒飯~呢個唔洗介紹啦，絕大部分人都食過，濃郁既白咖哩汁淨撈飯都已經好正，再跟3件鬆軟既豬扒，難怪一直都係餐單上既王牌number 1沙嗲牛肉粉絲~呢個真係退步了記得以前用肥牛，雖然依家用牛肩肉好似無咁肥膩，但真係un到唉唔開，好在粉絲味道不變，吸晒沙嗲汁！脆蝦棒~呢個似fusion菜，蝦餃既內涵配上春卷既皮，加上沙律醬，一直都係我必食小食之一印度薄餅~有2大塊，lum下白咖哩汁，又lum下沙嗲汁，好味又好飽好飽好飽，但略嫌個皮唔夠酥，再酥d就可以滿分

朋友好鍾意食沙嗲王係都要拉我去食。小妹甚少食沙嗲王，對上一次食係喺佐敦恒豐中心嘅沙嗲王，但佢已經執咗N年，所以小妹對沙嗲王嘅印象依然停留係當年好多款咖喱，餐廳有海盗裝飾嘅嗰個沙嗲王。一坐低見到餐廳嘅環境已經同當年嘅沙嗲王唔一樣，餐牌亦見有新款食物。其中，依個麻辣青咖哩軟殻蟹米線配溏心蛋深深咁吸引住我。麻辣、咖哩、軟殼蟹，全部我都鍾意食，但麻辣加青咖哩個配搭又覺得好似伏伏地，但朋友大推所以就試下。食落真係唔錯，麻辣湯底加青咖哩汁居然好夾，食落好惹味。軟殻蟹大大隻，炸得好滋味。溏心蛋煮得剛好。成碗麵雖然會油咗少少但整體係好食的。招牌嘅白咖哩豬扒飯同樣都係好食，豬扒可能會有d細塊。白咖哩汁上有洋蔥絲、炸蒜，撈飯一流！

不嬲對沙爹王嘅印象都唔錯因為都算幾街坊價錢又選擇多今次撞啱落大雨係尖咀搵地方醫肚,原本想去厚福街碰碰運氣,不過剛啱見到依間唔知幾時開業嘅新店吸引到摩上去四個套餐加一客單點嘅印度薄餅。薄餅上檯有啲凍冰冰清湯豬軟骨米線,米線比較硬身好彩鹵蛋都幾正。啲豬軟骨夠入味都算焾,OK嘅肉醬溫泉蛋飯相當好味醬汁好足夠而溫泉蛋超正,一眼望到就即刻想食最欣賞嘅都算係咖喱製品,依個咖哩豬扒飯水準最高。次次嚟食咖喱都感覺啲白飯唔足夠嘅兩款雞翼雖然有四隻咁多,但都俾一個小朋友一個人獨食晒。咁應該都唔使點寫食評喇春卷好脆但略嫌饀料少啲 雞軟骨好好食,每次必食嘅最後講返個場都坐得好舒服,應該會有下次

之前尖沙咀既沙嗲王執咗，佢開番就梗係要幫襯啦，佢呢間餐廳既地理位置確實係無咁接近旺區 但佢內裡既環境同裝潢都比之前既舖位闊落同華麗，光猛啲係精神啲既！啊，呢排興Monster Hunter，都幾識搞gimmick喎！雖則如此，我都係無order佢呢啲有theme既野食同飲品。一坐低，侍應要求我同朋友坐係路中心既二人座，但我地都想坐卡位，於是就問下可唔可以坐旁邊既卡位，誰不知某侍應話已經執咗位，回答說：唔得。但當我地坐低咗係另一邊無幾耐，就見到有兩個人坐咗係我地target既卡位，心諗.....公正少少，評論返食物方面，我地兩個女子都食咗頗豐富既一餐，嗌咗唔少野食，兩個飯一個薄餅一個小食，等我逐一分享1. 白咖哩豬扒飯黎到沙嗲王，呢個飯係少不得！香炸豬排香茅既白咖哩汁，白咖哩辣味細緻易入口，肉質嫩滑多汁，多肉香口，加入蔥粒同蒜粒後，更令口感豐富！而且，佢地選擇既米飯係珍珠米，米飯分明2. 秘製咖哩薄餅佢既薄餅層次豐富，雖然跟白咖哩飯既汁相若，好似多餘地order多咗咁，但佢除咗配咖哩汁，實在別無他選，或許建議少食既吃貨少叫一個飯。兩大塊既薄餅，一人一塊食落既份量都可以當係一個飯。3. 越

👅芝士焗牛腩粒飯配紅酒牛扒汁（$80）👍🏻厚厚既芝士下面收埋一粒溫泉蛋🍳穀飼牛腩粒都幾有牛味，又唔會過熟，推薦要試下！👎🏻80蚊一個焗飯cp值一般🤔.👅鐵板雞扒太陽蛋飯（$58）👍🏻雞扒好juicy~煮到啱啱熟透，雞皮仲脆卜卜🐔自家豉油偏甜，加埋太陽蛋上面嘅蔥油，十分惹味👎🏻炒雜菜有啲燶味=========================🚩總結🚩：間唔中都會食下沙嗲王，有時仲有唔同既卡通主題，焗飯出乎意料地好食=========================🌟注意🌟：凡惠顧滿＄20送＄2優惠券，滿＄250送沙嗲王XO辣椒醬乙枝

好耐都冇去沙嗲王食嘢，原來已經搬咗去金馬倫道唔係加拿分道，真係脫節對於沙嗲王最有記憶嘅就係白咖喱豬扒飯，係唔知幾多年前每次團契完咗都會去佢嗰度開餐咁今日就去食午餐睇下佢有冇保持水準啦我見到個肉醬溫泉蛋就急不及待order左一個我隔離有朋友就仍然支持白咖喱豬扒飯，據聞個位小食家話白咖喱豬扒飯仍然保持水準，而我嘅肉醬溫泉蛋呢，賣相都幾唔錯肉醬同嗰啲溫泉蛋汁配合得恰到好處可惜對我來講啲飯就淋左少少我有加到＄10嘅娃娃菜，不過唔記得影相，但係都唔錯，＄10來講嘅份量咁上下啦😅😅😅不過佢杯野飲加兩蚊有荔枝紅茶加啫喱，確係好抵

尖沙咀這分店午膳時間的食客頗多，即場攞位往往要等超過十五分鐘，但聰明的人可以用應用程式THE GULU 預早拿張電子飛，邊行邊等位，節省時間。沙嗲王午餐選擇多，有十多款，價錢由四十五至六十九不等，今次點的必然首選是白咖哩香茅豬扒飯。白咖哩椰香味重，略帶甜味，與印度或泰國咖哩相比，辣度不能以辣來形容，但亦不失咖喱的香味，香茅豬扒煎得香口，咬落鬆化，而且份量都算足夠，總體分數九十分以上。大家埋單後，侍應會給你一張相等於帳單10%的現金卷供下次使用。

以前暑假其中1份暑期工就係做沙嗲王侍應，個陣真係覺得食物質素好好，暗暗既環境，型格海盜既裝潢，就算無返份工都間唔中去食下飯。不過10年前後幾翻新，幾年前荃灣個間太難食，中伏後無再食。到今日同事一行8人再重遊舊地去左銅鑼灣分店，眼看裝修已變得光猛，有關海洋既裝飾變得可愛，近排仲同"Mon hun" crossover...嘜都變哂~無左以前我鍾意既沙嗲湯底麵食咁就試下個豬軟骨米線點知又中伏其中一舊豬軟骨好似食魚骨刺咁好多碎條條，似食人地咬骨吐出黎既feel,真係即時吐左出黎，湯底無湯底可言，米線勁碎，最難食既體驗友人點crossover menu反而食得津津有味，尤其係成舊爆炸菇山咁果碟好味喎...雖然中左伏但仍會比多次機會沙嗲王，因為埋單後有現金券，張券係食滿每$20就有回贈$1(?)，而且可以夾埋幾張一齊用，但要得券後第二日先開始用得仲有有效期，同埋食滿$200定唔知$250就送小辣椒醬，咁咪搵日再試多次lo埋單必拎收銀位薄荷糖，連糖都轉左牌子但都係好味既僻下口氣~

曾幾何時，我地一班人都經常光顧沙嗲王，唔知幾時突然接左，就去咗其他食店。最近金馬倫道開左，加上朋友有券，可以去啦。以前舊底snoopy cafe位置，沙嗲王同mon hunter有合作，有啲裝飾都用咗佢地做招徠（不過打機人表示都係回家打吧）以往都唔覺有午市套餐（定我太耐無食），有經典嘅白咖喱豬扒飯（唔駛諗直接揀呢個，肥牛粉絲並不在此套餐內，要當另點）。餐具有啲唔夠乾淨，朋友見到杯水有一層疑似油。飯太濕，一餅飯上。豬扒同汁無變，都ok，可以唔好太油就好啲。五十幾元有個飯加杯飲品，可以啦。

去開尖沙咀行街，真心諗唔到食咩好。見到加拿芬道二樓新開左沙爹王，諗住平平地食算。。。上到到去啲裝修同其他分店好唔同style，仲有crossover monster hunter world嘅特別menu!好搞鬼最後兩個人分別叫左芝士牛柳粒配紅酒汁焗飯同自選粉麵:白咖哩汁粉絲配厚切吉列豬扒個飯料幾足，係個汁唔太夠香，好彩有隻流心蛋補飛不過太餓就唔好叫呢個，因飯對男人來講真係太少。。。講返白咖哩粉絲配厚切吉列豬扒，豬扒真心名乎其實地厚，目測有1.5cm,而且唔乾又夠淋，讚！ 白咖哩就較'傑'，所以賣相好一般睇圖，但味道都ok成餐hkd154，係尖沙咀都算平嘅選擇，味道ok都可以坐耐啲吹下水

得知沙嗲王最近在尖沙咀重開，今日路過即來光顧尋回昔日味道😋新址就近漆咸道 (Charlie Brown Cafe舊店址)。 從樓梯走到一樓赫然發覺是新式裝修，跟以前較暗燈光截然不同。新店面積大，十分光猛，裝潢設計舒適整潔。 新餐牌當然有我至愛嘅白咖喱香茅豬扒飯$58😬味道依然保持水準。香茅豬扒肉質鬆化，味道相當好。白咖哩汁另上，不辣但好香。每次必點👆🏼惠顧任何食品滿$30可以半價選配飲品。特濃朱古力沙冰(半價後$24) - 味道非常濃郁，面層舖上Oreo碎，增加整杯沙冰嘅口感。