沙嗲王 (已結業)

食晚飯，叫咗四個白咖哩朱扒飯，因為男人胃口大少少想加多少少飯要加＄，好加飯要加＄我收到，但加咗飯想要多小小汁，侍應生竟然會答我唔可以，話公司有標準！真是估唔到沙嗲王今時今日嘅經營，是要賺盡每分每一毫，不如你同我講要汁都要加＄！

一直都有食開 其實佢道道茶都好味 只係今次食蟹粉豆腐 發現佢個煲比以前細左一半 雖然味道照舊不過都覺得好唔抵 之後仲叫左個咸蛋黃軟殼蟹 好硬 同埋好乾 試一次就夠了🥵不過仍然會想去食 因為個白咖哩豬排真係好正😆😥😥

好耐無食沙嗲王，係時候要重口味一下。咁耐無去，選擇好似少左，不過依然香口重口味。先黎個春卷，熱辣辣好香口，包埋生菜，加埋d甜酸汁，好balance～我同男朋友兩個人都比較細食，share左個大大大雞比排飯嗚呀真係好大塊，應該係連雞比附近d肉都切埋，先有咁大，我覺得有兩隻雞比嘅份量。雞真係多汁香滑皮嫩肉厚，好正架，配埋沙嗲汁，不過我覺得個汁真係好濃，會搶左雞肉d味，撈下飯食算了。最開心係用埋沙嗲王d無限張數嘅現金卷，埋單$128變$86

今日行旺角買野，見平時食米線食得多，又想食d濃味野，自然諗起沙嗲王，佢個招牌白咖哩香茅豬扒，餸飯一流，每次我都要加飯，另外嗌多個雞軟骨，外脆內軟，又平份量又多，依2個組合，每次我黎到必點。

呢日去到旺角唔知食乜好，行行下見到沙嗲王就入左去食。同個frd本身就想叫個最出名既白咖哩香茅豬扒飯同埋日式蟹粉豆腐鍋配薄餅，再加一d 小食，但之後見到佢個二人餐有包晒我地想食既野，仲有個蕃茄湯，配飲品再加甜品（有haagen-Dazs雪糕) ，都係$253。因為太吸引所以我地就叫左呢個set😍 我地就簡左蒜蓉牛油雞翼做小食, 一杯菠蘿碧海，一杯特濃朱古力沙冰，最後叫左兩杯haagen dazs 雪糕 😋 埋單個時送左一支細既辣椒醬，同埋一張現金卷😊 兩個人食呢個set都食到好飽😁但個人覺得個蕃茄湯就麻麻地，有d似意粉醬，但個香茅豬扒真係好鬆軟好juicy，再加d薄餅點個咖哩汁真係一流；豆腐鍋就稍為咸左d, 但味道都幾好; 杯朱古力沙冰都幾正，好濃，味道又唔會太假；最後再加個雪糕真係好滿足😋😋😋😋

本身想去山東街一間cafe 食晚飯奈何間cafe 太少位一行五人等唔到位落去😂🙈抬頭望下四圍見到沙嗲王好大個燈牌😂好啦算啦橫掂糧尾都係冇乜錢人多又要坐得耐嘅話呢到都係一個選擇🐷感恩嘅係唔使等位即有檯✨三男二女咁一齊叫嘢食每人自己鐘意就點一樣🦄作為菜食達人知道大家唔會叫菜就先點蟹肉西蘭花🥦一嚟到五人大笑話似大家飲嘢嘔出嚟咁款😂賣相曳到呢然後蟹肉真係漆黑中嘅螢火蟲咁但係啲芡汁又厚又多吞噬晒啲螢火蟲表示食得一兩粒蟹肉其實蟹柳我都唔介意😭點解呃都唔呃下我西蘭花煮得太稔🙃🙂又好大浸麻油味呢隻真係no good no good鐘意炸物嘅點咗椒鹽豆腐啲friend呢個又唔錯皮薄餡又靚💖豆腐好滑外層炸皮好脆口仲有紅酒汁薯條薯條本身都好味⭐️加芝士好正👌仲有得拉絲🤪係紅酒汁十分奇怪😂😂😂咸得嚟又唔知咩味咁情願正正常常就咁芝士薯條算😂😂😂唔少得白咖哩同薄餅😎💕薄餅熱食好正😋成塊都好鬆軟🤘點咖哩一絕白咖哩正正常常啦🤘甜甜地咖哩味道濃郁豬扒有兩大塊😋豬肉軟熟都唔錯主食類有溫泉蛋牛肉芝士焗飯一口牛肉好夠咬口肉味濃郁🤘配芝士一流係焗飯個汁又有薯條啲汁嘅感覺😂😂😂奇奇怪怪但係又畀芝士救返最後有冬蔭公湯烏冬冬蔭公湯底偏

星期六夜晚突然間好想食辣野，所以去咗沙嗲王食咖喱叫咗個最受歡迎嘅白咖喱豬扒飯，白咖喱有少少辣，但係辣完之後有甜味，就算係唔食得辣嘅女仔都會用黎撈飯，咖喱汁好企身，一啲都唔稀。至於豬扒好大件，咬落去充滿肉汁跟住有個沙嗲牛肉拉麵，雖然牛肉唔算多，但係勝在沙嗲搭救，啖啖充滿沙嗲味呢個避風塘炒軟殼蟹有少少失望，因為只有四件，好快就食晒，份量唔夠。但係就味道而言的確好惹味，上面有好多炸蒜呢一個炸雞粒係加量版，應該比平時多左一半，因為慶祝店舖周年紀念，雞粒送上來嘅時候仲有他他醬，連埋一齊食冇咁膩，但係咬落雞粒之後會覺得有少少辣，因為裏面原來有辣粉。對我來講係刺激滋味嘅，不過女朋友就覺得太辣喇

同朋友去旺角睇戲 於是就係旺角搵食 我地一大班人黎食 都係等左一陣就有位餐牌有好多選擇 中式西式韓式都有 係一大班朋友食野既好地方點左白咖哩豬排 豬排口感不錯夠腍 白咖哩有少少辣味夠開胃 送飯食一流下次會再黎

24/02/2019 旺角沙嗲王今日同男朋友突然心血來潮大家都想食沙嗲王， 於是就二話不說上咗去。本身有諗過叫二人餐， 但係因為男朋友想食避風塘炒蟹台二人餐冇得揀，所以我哋最後都係決定散叫。 避風塘軟殼蟹(標準)，$61落咗單先發現張單寫住四件，嚟到之後覺得好細碟， 比以前細碟咗好多， 計返成$15先得一嚿仔，好唔抵食。 而且味道淨係得番辣味，又唔香，好失望…一口脆炸雞球，$28第一個印象係：哇乜咁細粒嘅！？ 睇落好似爆谷雞咁大粒， 食落完全搵唔到邊度有雞肉…… 淨係食到好脆， 曾經我咬開咗一半， 淨係搵到釘使咁大粒雞肉，其他嘅好似係一啲麵包狀嘅東西，唔知乜嚟…我哋估應該係炸粉……… 最衰咬開一半之後唔記得影相 呢個完全唔推薦，又係得辣味，唔知食緊乜嘢…咖哩香茅豬扒飯，$61 呢個係好食嘅， 咖哩好香，香茅豬扒有濃烈嘅醃料味，不過又係辣辣地…而且厚切都一樣煮得好冧好鬆沙田肩胛肥牛拉面，$63好香，肥牛片香嫩，拉面不錯芒果啫喱沙冰，幾好飲整體感覺都差左，味道和份量更加明顯，有點失敗。

位於旺角的沙嗲王是我吃過最平靚正之選 ，有多間分店，這間是我吃過最好吃的。 每道菜出品也很平均，很多年輕人的集中地，吃完可以到附近逛街。不熟路的也要當心的找因為入口不是在大街上，不過問當地商戶應該知道在那裡，因為以經營業很多年了，要坐電梯到餐廳。推介菜品: 香茅白咖哩吉列厚切豬扒飯 每次來到必點。 蒜香牛油雞翼: 蒜香牛油味十足，美味可口又是必點之選。 咸蛋炸雞翼: 這個不過不失，還是沒有蒜香牛油雞翼好吃。

同朋友行完街又係諗食咩嘅時候!本想食譚仔.但朋友啱啱先食過.咁不如去沙嗲王啦，好耐無黎啦。下午茶菜單選擇彼多...叫了兩個pizza 夏威夷風情pizza，辣肉腸pizzapizza好香呀，酥皮又煙韌，又脆脆，芝士味香濃可惜唔係太熱。同埋好迷你，份量下午茶都勉勉強強要了涷咖啡同可樂，飲品普通..其實加錢有許多特色飲品..兩個人至在坐底休息一下⋯⋯環境唔錯，有卡位坐幾舒服...服務員勤快，價錢合理...

在旺角處理完事務，便到沙嗲王享用下午茶餐！下午茶餐牌有兩頁嘅選擇，我選擇了ABC自選下午茶餐！價錢都幾抵$50以內便有飯小食及飲品。迷你白咖喱香茅豬扒飯 + 蒜蓉雞翼兩隻 +凍檸茶💕黎沙嗲王梗係必點招牌白咖喱豬扒飯，雖然話係迷你但咖喱及飯既分量亦足夠加上2大塊豬扒。豬扒亦都好鬆脆及juicy。建議如果吃得辣嘅朋友可以將咖喱飯加上沙嗲王辣醬攪拌一起吃，更有另一番風味。蒜蓉雞翼亦都好香好脆，十分惹味。CP值不錯的一餐，唯獨這分店的裝修頗舊!

叫個沙嗲雞扒烏冬 塊雞扒分開上但係凍既 不嬲好好味既避風塘軟殼蟹 得塊板熱 啲軟殼蟹暖既 一啲都唔脆 食落去啲口感真係怪到難以形容..............................仲有個芝士焗牛柳粒飯 啲牛肉入面仲紅既 本身牛肉唔熟真係唔係問題 問題係生到咬唔開果種 根本冇點焗過 ..............................啲嘢又唔係快 又未爆場 你話乜都整定我又覺得講唔通🤷🏻‍♀️

真的好耐好耐沒有去過沙嗲王食飯,還懷念以前學生時代,多麼喜歡和朋友一起去沙嗲王食一個便宜的午餐。但出來工作以後,反而少食了.今次經過,決定和朋友再次品嚐這間帶著回憶味道的沙嗲王。雖然很久沒有來,但菜式也依然和以前差不多。今次點了沙嗲牛肉飯.香濃的沙嗲汁加飯很絕配.還有滿佈的洋蔥在牛肉上面.而飯量也幾多,絕對夠飽的份量,加上價錢親民,雖然現在分店比以前少了,但它的質素也保持一如以往,有機會的話,也會繼續去食。

由於太耐放假都係有事忙既有日終於可以休閒下坐低同媽媽出去食過TEA爽下媽媽又中意食咖哩既 咁經過沙嗲王唔係唔食佢呀當日唔算太嘈所以傾計都算好舒服 野食一如以往都係好味D麵掛湯一流呀真係.