沙嗲王 (已結業)

早2星期約咗幾個舊同學一齊聖誕節飯聚同交換禮物，由於節日前後周圍都好多人，我地最後揀咗吸食沙嗲王。今次叫咗沙嗲肩胛拉麵、日式蟹粉豆腐鍋配飯、黃金鹹蛋黃雞翼、黃金鹹蛋黃軟殻蟹、一口炸雞球、xxx紫薯球。沙嗲肩胛拉麵d牛肩口感麻麻，唔係難食，正正常常咁，但個沙嗲汁的確正，不愧叫沙嗲•王！而個日式蟹粉豆腐鍋因爲次次嚟都會叫（其實嚟過2次），只可以講仍然係水準之作，真係好好食，非常啱送飯。個黃金鹹蟹雞翼同黃金軟殻蟹就有小小失望，鹹蛋味淡咗d，但係炸得香口既。個一口炸雞球不過不失。而個xxx紫薯球就經典啦！超難食，我直頭咬2啖即時反胃吐返出嚟用紙巾包住，佢有陣臭塑膠，車肽味咁好耐未試過出面俾錢食飯係會難食到要吐出嚟。

曾幾何時，沙嗲王都屬於中價食肆。走馬來西亞美食路線，XO醬炒蘿蔔糕更加迷倒唔少年青人！但今時今日，佢已經淪為茶記無異 所謂茶記又唔算係貶意嘅！食品多元化都係好事嚟，只係冇咗自己特色啫。而家嘅沙嗲王，除咗沙嗲，咖哩外，仲有日式、韓式、台式、美式港式都有。今日又點咗幾款試吓！明太子釀雞翼 - 雞翼炸到好乾，明太子好鹹，雞翼本身冇味，下次唔會再點！焗芝士雜菌 - 油加膩嘅組合！雜菌乜調味都冇，真係原汁原味然後加咗大量車打/水牛芝士嚟焗，但芝士一啲都唔香似片裝芝士咁冇味！雜菌吸飽芝士嘅油份，非常油膩 石鍋泡菜海鮮鍋（配白飯） - 有湯有飯，泡菜微辣份量適中，豆腐嫰滑，但可惜海鮮係急凍貨，否則海底就多一份鮮甜，味道就更上一層樓！鐵板嬌嫰巨脾（配沙嗲汁跟飯）- 所謂巨脾，其實係一般大少少嘅全脾切開攤開啫！雞脾表面焦香，切開雞脾都有少少肉汁，但同嬌嫰就有一定距離！沙嗲汁好香配飯一流台式飲品 - 絕對唔推介，因為全部用茶粉開，味道又甜又假，仲貴到死！行出街有大把好選擇。至於人人講嘅服務 - 同茶記一樣水準，唔差嘅！但好奇問：「乜去幫襯茶餐廳你會期望有服務嘅咩？」

我問；「下午茶幾點？」服務員答：「三點幾wo」我再問：「唔該比個午餐牌比我呀！」佢勁大聲答：「今日冇午餐wo」因為平時我食午市系有午餐單！ 我不知道這間沒有！ 所以我是有理由才問！ 而不是無理取鬧！ 但服務的人唔知系咪見我一個人食！ 態度便勁差！ 大聲到旁邊的人都望一望我！ 比錢買難受！惡劣到我想馬上走嫁la！ 不過因為我已經入座，所以不便離開！ 不過我唔會再去這間店！ 我覺得食野系一件開心概事！ 但而家我覺得勁唔開心。因為這件事！

点了个双人套餐，超级划算的白咖喱猪扒好好吃，猪扒又脆，有一点点姜味。总之就是好吃啦😋。豆腐也好吃，就着饭和饼吃超香的。一口芝士贝就麻麻得了，可能对芝士比较无感啊又是吃撑了的一顿

平心而论，食物出品几好，我最中意个黄金咸蛋鸡翅。外酥里嫩，特别香脆。白咖喱都OK。加左服务费但系体验好差！可能觉得我系内地人挂。面左左好似冇比佢钱甘，罗杯同碗过来黎ban'ban聲，冇笑容就算，係隔離執檯，部餐車架離我地超進。框框聲超到死，殘渣餘飯啲味道係度，叫客人點食！超嬲，唔會再去！

白咖喱汁，加白飯，加巨脾（雞脾），正！😁😁（有少少配菜： 西蘭花和車厘茄，還有一小杯用紙杯裝住的粟米）巨脾（雞脾）真心好味。雞的皮好香脆，皮好薄，好好味。而雞肉的肉質好嫩，好滑，醃得又好惹味，好好味。哈哈，又說了好好味，因為真心覺得這個巨脾味道和質素都好高。巨脾的尾部，有用錫紙包住，我猜想應該是方便我用手拿來吃吧👅👅👅所以我覺得餐廳和廚師都幾貼心😃😃白咖喱汁用一個紅色的碗裝住，所以可以因應自己對醬汁的需求而添加到白飯之中～～～☺☺好飽～～～巨脾份量食到好飽😁😁滿足滿足👍👍

隔左成年再次去食，揀左二人套餐，主食揀左白咖喱豬扒同蟹黃煲，另外叫左個冬陰功麵。白咖喱豬扒鬆軟，咖喱有d微辣但送飯一流。蟹黃煲第一次食覺得好驚艷，好香蛋黃蟹味，不過我有d唔明要點樣送薄餅食，夾住d豆腐？冬陰功麵無想象中好，個湯底好淡，唔香。小食方面點左魷魚同韓國雞翼，魷魚都幾多，兩者味道正常水準。飲品點左柚子茶，芒果沙冰西米露，我印象中以前沙爹王既飲品都好似溝水甘，但黎次食覺得好足料好飲。甜品要左個芒果西米露同一杯雪糕，正常水準。隔左一兩個禮拜有去食多次，又系叫白咖喱同蟹黃，同上次一樣好食，今次蟹黃特登揀配飯，感覺比薄餅好。上次因為軟殼蟹賣曬食唔到，今次特登黎食，一如以往好食，今次仲試左個香芋奶配西米露，感覺都系芒果沙冰好飲好多。一次去系夜晚十點，另外一次六點食，兩次都唔洗等位，每次食完都有現金券幾好，如果吾系離屋企遠我都會成日去食

今日去沙爹王，本來想叫白咖喱豬扒飯，但想來想去，都是食其他吧🙈🙈最後叫了咖哩炒飯～～～一如以往，不叫凍熱飲料😆😆😆🤭🤭🤭原因好簡單，因為晚市沒有飲料送，要另外付款，所以我倒水飲算。🤷🏿‍♀️🤷🏿‍♀️🤷🏿‍♀️咖喱炒飯味道正常，每一粒飯都炒得幾香，飯粒粒粒都幾分明。重點好食是另外加錢的流心蛋，我一次過加了三隻👅👅👅因爲雞蛋裏面真是流心的，蛋黃又橙又黄的顏色，蛋白鹹鹹的，好味道。聽講電視說每個人每日只可以食一次兩隻雞蛋，我今日就食了三隻，太好味啦，所以今日破一破誡😆😆😆 $8一隻流心蛋，我光是食這三隻流心蛋都用了$24，可想言之我覺得流心蛋有多麼好味。😍😍😍

今日食下午茶 下午茶餐好抵食 有Main, 小食 同野飲 香茅豬扒飯一定要試 有黃咖喱同白咖喱可以選擇 小食食咗脆蝦卷 配埋沙律醬好好食 最後嘢飲叫咗 朱古力沙冰 有朱古力曲奇碎係面 好有口感❤️

好耐冇食過沙嗲王喇😀都多左好多款唔同野食，呢點我都幾欣賞沙嗲王，因為唔會成日黎黎去去呢啲款式。🥘🍣🍱🍝🍲🥗但白咖哩豬扒必須保留，因為好食😅佢啲野食甘多年黎都保持水準，真系唔錯。今次都唔例外，叫左個白咖哩豬扒，但系要烏冬 $60🍜如果食烏冬，比起用汁撈飯，食飯會惹味啲。🍛但烏冬都唔差，我覺得都好好味。豬扒肉質又鬆軟，又醃得夠味。蟹粉豆腐鍋飯 $72個汁好有咸蛋香味，撈飯真系冇得頂，食完個石鍋都系好滾好熱。脆炸蝦球 $29炸得好脆，但味道比較淡炸饅頭 $22外脆內軟，🍞🥖🥐🍞🌟我左邊叫緊野食，右邊倒㵼野，落緊單個職員幫忙叫另一個同事拎紙巾，但系我右邊個客人無叫，個職員👩‍💼好主動搵人幫手👍🏻👍🏻👍🏻👍🏻👍🏻 真心想讚個女仔

食左中午飯有幾耐，3點半又口痕想搵野食，同行的同伴又未吃午餐，見到未試過食沙嗲王的下午餐，決定一試。地方都大，燈光較暗，只係開左半個場做生意。行到上去，見到都係年青人居多。樓下廣告話下午餐$24起，諗住應該都幾抵食，看一看餐牌，原來唔係一回事。於是我地4人決定要3個餐，大概3點10落單之後，等左好耐都未有，連飲品都要等15分鐘。分別叫了2杯特色飲品和檸茶。友人的青蘋果綠茶的味好重，坐在旁邊都聞到。另外，友人加了$13叫了特濃朱古力沙冰。等了20分鐘，終於有第一碟野送上......本來想吃春卷，但已經冇晒，所以叫了脆蝦棒，都幾細件，因為這個是配豬軟骨米線$48的小食。其後上的米線都有3件豬軟骨，如果不太肚餓都可以接受。如果輕量餐也可以自選麵底就更好。我因為中午吃了一大份麵餐，只好叫印度薄餅$25比較簡單一D。一碟有2塊的薄餅，配上黃咖哩。上枱都係暖的，但始終都係到印度餐廳食會好味好多。友人的香蒜燒雞翼$33，距離落單的時間都等了40分鐘先有。咁簡單的食物，都要等咁長時間，都唔知係咪未預先解凍添慢得太可憐，好采友人不肚餓咋!整張單連加一$133，最後都有張$12優惠劵下次用。講真，如果唔係

次次去沙嗲王一定係食蟹粉豆腐煲 而食蟹粉豆腐煲 識食一定係配白飯 而一定唔會簡簿餅！！！但係每一次蟹肉份量都唔太平址 今次係比以往小 而唔知係咪旺角有成4-5 間沙嗲王e加就算煩忙時段都唔洗點排隊

係蟹肉豆腐煲呀！！！！旺角宜家開左三間沙嗲王，我要食豆腐煲亦愈來愈方便，唔洗再成日排隊。去沙嗲王最必食既係蟹肉豆腐煲，係必食！行過路過唔可以錯過既程度，送飯一流！

係旺角同朋友諗唔到食咩果時可以選擇下沙嗲王但晚市黎親都好多人可能要排15分鐘隊我最鐘意既係白咖喱豬扒 佢最好味係個白咖喱汁甜甜地 咖哩味唔重 但好夠濃同重口味送飯一流 岩哂香港人所以呢個要比likelike但個豬扒就普通 可能同個汁一齊上炸豬扒軟哂 所以冇咩特別呢個豆腐鍋都係一般 冇咩特別豆腐唔入味 同埋配料都比較小 同平睇落其實唔太抵食同埋呢個係比較淡味可以比較岩鐘意淡口既人同埋食完之後每次都會送番d優惠卷如果下次帶埋黎既 可以平番小小

又出動搵食，無心插柳, 本來唔諗住去呢間，因為今日人多（5位）無位，所以行黎食左沙嗲王~首先有EVA主題，有啲EVA既特式套餐，但當然吸引唔到我，因為呢啲通常都伏多。。。好直接入主題先:咸蛋王雞亦好食既，唔太咸，好香，雞亦既肉都好厚，炸粉唔厚，好高分。白咖哩豬排飯食左咁多年，都保持到水準，係不二之選，有時會想食沙嗲王，都係明顯因為佢。冬陰功海鮮烏冬試下樣新野啦～又不能太悶既湯底可以，海鮮既份量抵讚，當然同專門食呢啲既仲有好大距離啦！鐵板巨雞髀我就第一次食，其實唔錯，做到皮脆肉滑，件肉都算大件，有樣都有內涵。炒生菜開始求其喇，可能睇到開始多人，廚房冧檔掛😂好細碟，好多油，不過唔係老婆要食，點都唔會叫🤣芝士年糕戲肉黎喇，等左好耐，我諗佢炸到唔記得左，黑哂。。。仲聞到燶味。。。由於等得太耐都飽左，跟手叫侍應幫我收左佢，食唔到，改返單。