沙嗲王 (已結業)

睇完戲同朋友相約食埋晚飯先番屋企但又諗吾到食啲咩好見到銀包 咁岩上次食完沙嗲王 有張200蚊既coupon好喇 今晚就食沙嗲王喇！一黎到 見到有個二人套餐既餐牌二話不說望兩望先前菜有得揀薯仔沙律或者餐湯小食我地揀左蒜香牛油雞翼 真系聽到都流晒口水而主菜就叫左白咖哩香茅豬扒飯 同蟹粉豆腐煲配薄餅初頭聽到蟹粉 豆腐 薄餅呢三樣野都不禁打左個突 但食落系估吾到原來系夾到加最後我地食得太飽食剩左好多野打包番屋企 竟然飽得濟漏左個甜品未食！我既haagen dazz雪糕就咁就錯過左下次大家如果食湯嗲王會嗌二人套餐 記得吾好好似我地咁漏左個甜品無食阿！

晚上在旺角找位食晚餐有時好頭痛，間間都勁多人,經過山東道見沙嗲皇招牌二話不說上樓入内用餐,因為真系多位,吾洗企系度等。見到個餐牌勁多野食又餓,一口氣點左3款野食。首先到ga系咖哩簿餅,食落質感好鬆軟，外皮帶點酥脆，不論配上一口雞還是白咖哩，味道同樣地好夾。另外,值得一提系佢個一口炸雞球,雞肉軟滑香脆,一口一粒,乾淨俐落,好適合注重食相ga女生!!之後再叫左一個招牌白咖哩豬扒,d豬扒大大件又厚身, 咬落去好彈牙, 又有矛香味,正到我個人,好吾冷靜丫!但系,雖然吾洗等,但d野食要等好耐20min啦差吾多!!

鐵板嬌嫩巨髀 Chicken leg on Iron Plate💰HKD 72-鐵板雞髀嘅表皮揸咗層蜜糖先燒，所以好薄好香脆，雞髀肉嫩滑有汁。👦🏽特別推薦👧🏻叫沙嗲王出名嘅白咖哩，果然真係超好食😍白咖喱好香濃，配埋粟米一齊食，唔會覺得太膩，飯同白咖喱汁嘅份量足夠。店員將鐵板上枱前有細心咁用錫紙包住下髀嘅骨，等👧🏻食到最後可以用手攞住嚟食🤤-There was a thin layer of honey evenly spread over the surface of the chicken😍. The skin, coated with a layer of sweetness, was crunchy and the meat was juicy and well-seasoned 😋. 👦🏽 highly recommended the famous white curry sauce. It went well with the rice and chicken❤️.

沙嗲王這個品牌已屹立在香港好多年，以前中學時代，同學們在暑假期間出黎聚會食飯通常都會提議到沙嗲王食飯。今次同中學同學食飯，揀了久違沒有食過的沙嗲王～蟹粉豆腐鍋配簿餅兩件 ($82)，這個是石頭鍋系列的經典食物，每次見到還想叫，店員送上黎時，石頭鍋發出咋咋咋聲音，真的好熱，蟹粉煮到金黃色，食到粒粒的蟹膏味道，豆腐好滑～簿餅質感好鬆軟，外皮帶點酥脆，不論配上蟹粉豆腐鍋還是白咖哩，味道同樣地好夾。白咖哩香茅豬排飯 ($60)，同樣是人氣之選，豬排炸得好鬆脆，香茅味醃得好入味，白咖哩味道帶有甜甜的味道，而且椰汁味都好重。凍抹茶珍珠鮮奶 ($18)，跟食物加配會平d,味道不過不失，不過飲到落底有D茶粉感覺就有少少麻麻地。

放假相約朋友出黎食飯，每次都會簡旺角呢個中心點～沙嗲王就往往係我地最後食飯嘅地方🤣因為又平又可以坐好耐！今次叫左個招牌白咖哩香茅豬排拉麵，一如以往甘好味，湯底好濃豬排又煎得香噴噴～唔少得緊係一杯芒果特飲！以後相信都會成日黎呢度食😋

食飯時間在旺角找位食晏有時好頭痛，今日經過山東道見沙嗲皇招牌二話不說上樓入内用餐，無他那裏有我年邁媽媽及自己都愛的白咖喱豬扒飯。很久沒有食了，午市套餐都是$58加$2有凍飲加一之後都只是$66。白咖喱用小砂鍋上滿滿的汁還有2塊厚切的醃到入哂味，稔軟多汁的豬扒，汁叫咖喱但一點也不辣，滿是檸檬葉、香茅、香草，椰奶味，滑而不膩，送飯一流。杯奶茶，茶底濃，好似錫蘭紅茶好香滑。不用花費太多，輕輕鬆鬆熟食到心滿意足的美食，心情也好起來。

一直都係白咖喱豬扒飯嘅忠實粉絲，由中學食到而家個味道同質素都冇乜變過（係價錢貴左好多）豬扒炸得鬆軟唔乾，份量OK，有2大塊，重點係個白咖喱汁，加埋D炸蒜同洋蔥絲用來撈飯一流

喺旺角番工的話，真係會比沙嗲王嘅下午茶吸引到。當然係食佢嘅白咖哩香茅豬扒飯，白咖哩少少辣，但香味十足，落了足夠的椰汁，香茅豬扒煎得十分香口，咬落肉質夠淋，而且下午茶叫埋杯荔枝特飲更加係絕配！🤤🤤🤤🤤

同事今天說要去沙嗲王lunch，原因就是他的現金券快到期了。從很久以前就覺得沙嗲王好識做生意，每次食完都送現金券，兼使用期不長，令客人很快又回頭，我同事便是。就此形成循環，屹立不倒。每次來都是吃白咖哩豬扒飯，個人覺得是招牌了吧。今次就改少少，試試白咖哩豬扒粉絲。豬扒就如往常一樣，普通香茅豬扒。變粉絲後，白咖哩味變淡，應是因為要稀釋，總不能一坨汁吧，又不是撈面；但粉絲吸湯力特強，很快都係變左撈粉絲，好杰，口感讓人不太喜歡。好吧下次還是回歸原始。

係旺角行完街，攰攰地又唔想等位，見GULU可以預先攞位，又唔使等好耐，就決定食呢間。之前都食過，佢一向都係sell平價同多選擇，不過水準就間間唔同，好唔好食就要睇你好唔好彩勒！可能因為下晏食左個豐富下午茶，一d都唔肚餓。所以放棄左招牌菜白咖喱豬扒飯。2個人叫左3樣野食，都已經夠飽。1/ 石鍋泡菜海鮮湯配飯個湯都ok，唔算好辣，有蝦、蜆、青口、尤魚、豆腐、泡菜，仲有溫泉蛋另上。份量都好足，咪道都唔錯。2/ 印度薄餅配黃咖哩汁呢個係本人好鍾意食既，去到邊都要叫薄餅所以......又叫左3/ 越南薄皮春卷諗住叫多個小食，又唔想食雞翼呀，軟殻蟹呀d太油膩既野，見到menu幅相好似幾靚，就試下你啦！呢個春卷真係有驚喜，個皮炸得好脆，裡面d料有蘿蔔、粉絲、肉碎、木耳等等，味道調較得啱啱好，包埋生菜仲好食。估唔到呢到都做到呢個水準下次可能會為左呢個春卷再黎👉🏻👈🏻

這是我第二次食沙嗲王嘅蟹粉豆腐煲，我係喜愛偏鹹重口味嘅，而第一次食嘅感覺係好夠鹹香，味覺係集：蟹粉、鹹蛋、鹹魚咁嘅氣味，盛在熱騰騰嘅石窩上，超級野味嘅煲，直情可以送兩大碗白飯！真係非常驚艷！可惜......今日再去卻好失望，因為味道偏淡，無咗嗰三種鹹香嘅化學作用，亦稱唔上野味兩個字，變成只係得個熱字嘅蟹粉豆腐煲，試下改配薄餅又發現原來配飯先係最理想......唔能夠食到保持水準嘅食物，真係非常失望......

由讀書時期食到而家都會間唔中幫襯嘅沙爹王，突然好懷念佢出名嘅白咖哩豬扒飯，於是決定揾日lunch去幫襯下佢先~估唔到過咗咁多年，依然維持到水準，依然咁好食~😋太耐無食，食食下先發覺，原來豬扒有3大塊！勁抵食！而且每塊都煎到金黃色，外脆內軟！仲要有3塊，唔洗慳住食~🤣🤣叫得白咖哩，當然要配碗白飯送飯啦~平時唔多鍾意食飯嘅我，每次食親呢個飯都一定會成碗飯清晒~🙈🙈因為d白咖哩實在撈飯一流！😋唔覺唔覺就會成碗飯清晒~🤣🤣由於今次成班人去食，見到menu d甜品睇落好吸引，於是叫咗2款嚟share~1. 芒果煉奶金磚2. 士多啤梨煉奶金磚其實2款材料差不多，只係雪糕上面嘅醬&生果配料有少少唔同~金磚就係指炸多士 (食落有少少似炸饅頭)~整個甜品都好有驚喜！😍😍個金磚炸得好鬆脆！外脆內軟！再點埋少少雪糕一齊食，真係勁正！而且份量仲好多！估唔到$45嘅甜品咁有驚喜！好味之餘，仲要咁大份，真係好抵食！👍🏻👍🏻下次嚟沙爹王一定要再叫呢款甜品嚟食！（希望到時仲有啦~🙈🙈）

今日為左新世紀福音戰士去沙嗲王。叫呢個menu 主食及甜品就送一支膠叉（朗基奴斯之槍）上面係經過自行加工 （放左啲十字架印度簿餅）下面係佢岩岩送黎既樣。個色超紅，味道普通囉。白咖哩 同豬扒 基本上係沙嗲王必叫， 冇失手架啦。 沙嗲都係一個安全既選擇。唔夠飽仲可以加隻蛋。白咖哩味道幾好， 豬扒都夠淋， 夠香口， 有三塊， 份量夠飽。粉絲唔係度度都有得叫， 吸埋啲白咖喱汁好正， 粉絲煮得夠淋， 唔會頂胃。呢杯乳酪沙冰唔會太甜， 少少酸， 好開胃。

星期日的旺角，整條街都是人。行了大半天渾身是汗，又累又餓。由於很早吃午餐，下午五點多已肚餓想吃晚餐。剛好行至女人街，記得很久以前也光顧過此餐廳，於是沒有想太多便走進該大廈的入口。不料電梯壞了，唯有走樓梯，先做一點運動才吃東西吧！記得廿年前，沙爹皇好像曾經紅極一時，開了很多分店，現在感覺已經變成老店。室內裝修有點殘舊，冷氣機好像有點霉味。雖然有很多卡位，看上去座位闊落舒適，但很多梳化皮已爛，穿著短褲坐上去大腿有點刮肉。坐下不夠兩分鐘，侍應便過來收走下午茶餐牌，說下午茶時段已過。見到二人晚餐好像不錯，於是點了。我最欣賞這裏有按鐘叫人服務，不用再整天抬頭叫侍應卻無人理會。首先來的是飲料，賣相不錯，味道也不錯，但略嫌太多西米，太多料太飽又不解渴，但這裏有提供水給客人自己倒來喝，所以也問題不大。餐湯用一個小小的杯盛著，當天的是日例湯是周打蜆湯，有很多像是薯仔的東西在湯內。雖然一點蜆也沒有，但也是不錯的。我和友人各點了一個二人餐内的主菜，我吃的是沙爹肩胛肥牛拉麵。很大的一碗，味道不過不失。吃了友人幾口紅酒牛柳粒焗飯。牛柳肉質有點老，但味道也算可以。小食我們點了韓式雞翼，但其實吃完主菜已十分飽，雞翼

本身諗唔到食咩，諗住求其嗌啦，結果揀左依個無論係睇圖定或者係聽名都會令人誤會，以為佢會係好清淡嘅石鍋豆腐雜菌飯，但當佢上到黎果陣，食落就意外地發現唔係果回事，佢果個汁好好味，有少少甜咁嘅，而且杰杰地，都算幾濃味，配上淡味既豆腐，出黎個效果幾平衡，簡直一絕，超級夾，ling黎lo飯好好食、好開胃的說www上菜時石鍋裡面仲係熱辣辣，滾緊咁不斷有泡泡走出黎，食石鍋料理就係要咁，見到佢滾住上枱先正加嘛！！！！！