沙嗲王 (眾安街) (已結業)

這天小妹在荃灣工作，想起好耐都無食沙嗲王啦！白咖哩豬扒飯好出名，我都好鍾意食架！就上去食了！剛過了下午5:30，沒有下午茶，就直接叫左白咖哩豬扒飯。百物騰貴，佢加左價，加一後要成70幾蚊一個白咖哩豬扒飯。可惜個份量就細左，得3塊豬扒仔(每塊是切半)疊埋。如果下次想吃白咖哩豬扒飯，建議係下午茶時段食，會比較抵食d。飯就分開上，份量也是比以前少，看上去好似好多，但比較鬆散，大約半碗左右。以前D飯量係可以撈埋D汁食，而家就不能了。讚的是味道搭夠，保持到水準。香茅豬扒也夠入味。因為食完未飽，所以叫多了標準size的鹹蛋黃軟殼蟹。共有4塊(切半)的軟殼蟹，味道幾好，有鹹蛋香，但不夠均勻，一塊好鹹，一塊則無咩粉，唯有飲水調節下。可能同以前有對比，感覺而家貴左，份量又細左，同預期有d出入。不過佢既味道依然好食，又有coupon送，也是鼓勵到我再去食既。

星期日行完NIKE FACTORY 搵個地方食個飯，見時間都早想去沙嗲王食個TEA SET。5:30 去到樓下，見唔到有下午茶餐牌，不過一場行到去就繼續上去食la!  上到去做低睇下食咩好，點知偷望到餐車，竟然係有TEA SET出的。問返職員，原來咁岩下午茶時間就係去到5:30。TOO BAD!算LA，飯始終都係要食GE! 照叫招牌菜---白咖喱豬排飯! 白咖喱汁惹味，用來拌飯一流！香茅豬排很香很入味，肉質很嫩。走果時用支付寶俾錢，可以SCAN到張$10減$5劵。所以餐飯減左5蚊! 正呀!

沙嗲王一啲都唔陌生，白咖喱豬扒飯好味就係人都知，而且是每次必點另外，巨脾係今次另一推介，表皮脆，但入邊肉汁juicy! 仲會特登起埋骨，成大嚿雞脾肉，大隻過我隻手掌！蟹肉西蘭花：想不到不只是蟹肉汁，可以夾到大大嚿蟹肉，真蟹肉，蟹肉味濃，夠誠意！西蘭花不是煮得很耐，爽爽脆脆就是最好味！咖哩薄餅好味野飲方面，芒果椰汁沙冰配西米都係好多人點，芒果啱季節，所以好甜而另外一杯就係特濃阿華田朱古力沙冰，個人覺得沙冰太多，變得比較淡，完全不是特濃

下班拖著疲累的身軀回到家已經9 點多，不想自己動手煮晚餐，最佳的方法就是叫外賣，由專人送餐，安坐家中等食。今次選了非常有名氣的沙嗲王，出名好食又唔貴，而白咖哩系列更是他們的皇牌招牌菜。「 白咖哩香茅豬扒飯」餐廳很細心地把白咖哩汁和豬扒飯分開，免得炸豬扒變軟和不脆。薄薄的豬扒醃得很入味，帶有口感但又不會韌和鞋口，很美味，而白咖哩汁更是整餐飯的靈魂人物，內有很多炸蔥頭，使白咖哩變得不平凡和更有層次感［ 勁脆厚切吉列豬扒飯］吉列豬扒真的很厚身，很香脆，但也很容易咬開，內裏還有小許肉汁流出， 令人感覺驚喜，配上白 咖哩汁同食，可以再食多一碗飯

荃灣食沙嗲王一直都去大河道那家，今天出外坐地鐵回來早過了午飯時間，經過眾安街才想起這也有一家沙嗲王。過了午飯時間人不多，不會很吵，坐的很舒服。除了午餐，還可選擇其他食物包括小食，來沙嗲王必吃白咖哩豬扒飯，另點一份沙嗲肩胛肥牛拉麵，本來想加一份黃金雞翼，但又想食春卷，點子兵兵點出份春卷，好吧，下次食雞翼。令人期待的白咖哩，半甜半辣的，配上豬扒，真的無得輸。沙嗲肥牛夠香，拉麵彈牙。最後配一杯凍珍珠奶茶，超滿足。

可能真的有10年、8年沒有來過這間沙嗲王，而在荃灣的大河道又開了另一間沙嗲王，我一直以為「眾安街沙嗲王」是那一間，可能因為那是「大眾在平安的日子」會聚集的地方，令到我覺得那才是眾安街。結果便要去到大河道，找不到家人，然後才發現原來自己去錯了分店🤦🏾‍♀️。沙嗲王，原來現在的裝潢極為新穎，因為以往沙嗲王的室內裝修都是黑沉沉，卡位的沙發又長又闊，如果四人坐，好像霸佔了六至八人到位。可能有見及此，店方裝修之後，就弄到桌子非常之細小，四人座位都很狹窄，基本上四個人吃兩個兩人餐，食品到齊的時候，就剛好擠滿了桌子，沒有空餘的位置。🤔有時覺得，餐廳的餐牌弄兩人餐或是單人餐，其實是萬無一失，因為有陣時，如果天氣炎熱都有或是很多食客趕時間，又或是像這天，我原先已經去錯了地方，再改來這邊，還要下雨濕濕，都不想太費時間看餐牌，於是便聽從家人的勸喻，點多一個二人餐。但其實，二人餐份量相當多，又有沙律、又湯，又有飲料、又有甜品，再加一個主食以及一個小食，基本上份量都極之多。但其實，這次都沙嗲王，很想再一次試一試它那些椒鹽又或是避風塘風味的食品，但是因為點了兩人餐，因此便失去了這個機會。沙律普普通通，叫做有幾塊菜葉

好耐無食過沙嗲王啦！所以今日lunch去左荃灣眾安街間沙嗲王回味當年$38一份既白咖喱豬扒飯兩個人，於是就叫左兩個lunch set!1. 白咖喱豬扒飯 （必食）香茅豬扒好香口，而且啲肉好鬆軟，配埋白咖喱，真係一流，成碗珍珠米白飯食晒😂😂😂2. 蟹粉豆腐鍋配飯侍應拎個鍋過黎果陣熱騰騰的，有少量蟹肉係面，再有一鍋滑滑既白豆腐配上咸蛋黃，有啲咸，但連飯食就好開胃跟住我地嗌左一杯珍珠奶茶同一杯紫薯鮮奶珍珠坦白講野飲一般，不過不失，無咩驚喜黎沙嗲王都係為左食白咖喱豬扒飯

好耐冇去過 "沙嗲王" 了，今次經過荃湾又唔知食乜好，見門面裝修得幾企理，而且好似好多選擇，我同朋友仔就入去睇睇……脆炸爐魚配白咖哩粉絲，白咖哩湯底出奇地香，亦晤會有太多椰子味，入可不覺辛辣味，清清的反而與粉絲好爽，而原條脆炸爐魚，上台熱辣辣，外層炸得很脆口，魚肉刚刚好，有水準！沙地厚切豬扒烏冬，就比較普通一點，加上脆槳較多而豬扒較為實的的，但烏冬都好好食！脆蝦棒，即叫即做，十分鬆化，而蝦膠亦好理想！

好食病左唔想食咁飽，所以揀左西蘭花，我預左口寡寡但佢個汁好鮮，仲唔只係汁，有極多蟹肉。仲好大舊添。沙嗲飯好食！ 湯有啲油但味道好好，牛肉不過不失。雞軟骨食到😋😋，夠熱夠脆夠味，正。

今晚又懶得煮，出街食。好耐無黎沙嗲王，一於約埋老公去食。荃灣有兩間，我多數都黎舊店，因為就腳d，而且食完又方便行街。老公飲呢個味道似「青檸梳打」的汽水，我見到d色素就怕怕我飲呢杯芒果珍珠沙冰，由於太多雪，凍到d芒果味都唔係並夠。老公最愛「牛」，雖然望落好有色水，但係個「醬」無乜味，牛肉夠林。我就次次都食白咖哩豬排飯，豬扒鬆軟，勁多汁，水準keep到，無令我失望埋單送現金券，望你下次再黎實在是令人回頭的好招數。

今日工作非常繁忙,日做夜做放工就當然係要食返餐好架啦.地下同登記員講完,安排好上樓上就座今日口淡淡咁就叫返個沙嗲王白咖哩豬扒飯食下等左一陣沙嗲王白咖哩豬扒飯-個白飯都正常野,冇話好硬或太軟個白咖哩都唔算好辣,不過用黎配白飯食又真係幾野味可口豬扒炸得都唔錯,都唔算好油膩

話說自己喺中學嘅時代好鍾意食沙爹王，尤其是係白咖喱豬扒飯。由於屋企人畀咗張優惠券比我，所以今日就做一個精明嘅師奶仔，去沙嗲王睇下水準有冇退步到先。一打開menu，都係set lunch，大家留意返祇有星期一至五有set lunch。星期六日係冇嘅。雖然初頭我好想點白咖喱豬扒飯，但突然間見到有個香茅豬扒粒飯，仲要係平咗啲添，所以就一於試新嘢。老實講，佢做得優惠嘅飯，對佢嘅賣相都冇任何嘅幻想，朱扒嘅分量點都及唔上白咖喱豬扒飯嘅豬扒個喇，不過豬扒依然係鬆軟嘅。醬汁方面佢用咗黃咖哩，味道係唔差嘅。溏心蛋都沒有欺場，蛋黃好幼滑creamy。凍奶茶就一般喇，冇茶餐廳咁重嘅茶味，不過整體嚟講都香滑嘅。總結就係優惠嘅飯不過不失啦，下次都係食返招牌菜會比較好。

下午茶食白咖喱香茅豬扒飯 再配椒鹽雞軟骨 嘢飲就叫左凍荔枝紅茶加啫喱 八咖喱香茅豬扒飯香茅味好出 水準有keep到 下午茶餐有三塊豬扒 椒鹽雞軟骨椒鹽味就唔係好出 但味道都唔錯 第一次試飲依度既荔枝紅茶加啫喱 叫左少甜 但感覺仍然都係成口糖咁 啫喱有浸酸味 我都唔知係唔係正常 但因為太甜 我都冇飲太多

遊咗一個大花園，最後阿sir揀咗去沙嗲王，因為款式種類比較多，仲有佢間唔中有新菜式，同埋唔駛等位又可以坐耐dd，所以無提議果日就會嚟開飯。蟹粉豆腐鍋(配薄餅) $84❤️❤️❤️新菜式蟹粉味唔夠濃，只食到輕微蟹粉味，但個汁幾creamy幾吸引，似黃金蛋黃味道，配薄餅食一流呀，豆腐細細粒又夠滑，呢個鍋確實實不錯！薄餅係酥皮質地，有層次有質感，唔鍾意薄餅可選白飯石鍋奶油娃娃菜 $42❤️以前有款唔係用石鍋嘅奶油津白，好味程度係每次嚟必叫，但呢個石鍋款完全兩回事，首先石鍋好黐菜兼燶咗，其次奶油＋油變咗另一種味道，即無奶油味，一句講晒唔好味！椒鹽雞軟骨 $33❤️❤️❤️❤️雞軟骨有少少肉黐住，令整粒雞又軟又爽，口感不錯，炸漿炸得香脆可口熱辣辣，點他他醬超級好味芒果珍珠(半價) $24❤️❤️芒果香甜，珍珠煙韌，各有各好味，但兩者加埋就變成一個奇怪組合，大家千祈唔好試😆二人共消費：$202

好耐冇嚟過呢間餐廳，去開附近工作就順便上來午餐。午市套餐包一杯熱飲，有飯，烏冬，拉麵，米線等。另外可以加錢升級套餐，有沙律，餐湯及各式小食，任君選擇。白咖哩豬扒飯之前吃過很多次，今日點了芝士焗牛柳粒飯配紅酒牛扒汁$74，牛柳粒份量頗多，亦都夠稔，但就沒有紅酒牛扒汁的味道。焗飯芝士很多，飯的汁太多，喜歡濃味的人或許會喜歡，但我個人覺得太多汁，飯太少，有點太膩的感覺。環境舒適，開揚光猛，一人不用搭枱。