沙嗲王 (已結業)

好耐之前，都幾鐘意沙嗲王，不過完來變差咗咁多！成餐飯，淨係食曬個芝士年糕。已經係最正常… 雖然有啲油。 白咖喱鱈魚 + 印度餅食得一半。白咖喱冇茄喱味，鱈魚好乾，印度餅ok。XO醬蘿蔔糕 & 蝦餅食咗一兩舊就放棄咗。XO醬隻味係冇問題，係本身蘿蔔糕隻味有啲怪，好假。蝦餅？？ 食完一舊想話… 都唔知咩來！？ sorry 今餐做咗大嘥鬼，不過真係無能為力。原來沙嗲王已經冇沙嗲串燒，得沙嗲汁嘅菜式。  

好耐無食沙嗲王喇。一場嚟到必叫石頭蟹粉豆腐鍋 配 薄餅 $77蟹粉就咁食會過咸，但配上飯/薄餅就剛好。豆腐好滑👍🏻 白咖哩都係必食今次揀左魚柳 $59白咖哩依法好味。但魚柳麻麻。都係食返豬扒好啲。芝士牛柳焗米意 $75 紅酒汁太多了，幸好啲米意無淋哂，有少少qq地嘅口感。中間除左芝士，仲有隻倒心蛋。牛柳都算多，已經唔韌。不過試一次就夠了。蕃茄芝士焗餃子 $42勁少芝士囉，比個名呃左😑不過個蕃茄醬唔錯，餃子焗完都無乾真真。

今天我和男友去沙嗲王吃午餐，平時我最喜歡吃白咖哩雞扒飯，不過今天發現原來出了新產品-------嬌嫩巨脾，我當然立即叫一個嬌嫩巨脾白咖哩飯！另外我叫了同樣是新產品的勁厚蝦堡串。嬌嫩巨脾白咖哩飯方面，嬌嫩巨脾十分大份，雞皮燒至金黃色，走去雞皮後，看見了白雪雪的雞肉，而且熱騰騰的，立即胃口大開^_^ 雞脾肉十分厚身，而且肉質鮮嫩多汁，完全沒有（鞋拾拾）的感覺！另外雞脾沒有太多肥膏，淡淡都是鮮嫩的雞脾肉，十分美味！白咖哩甜甜的，完全不辣，和巨脾&白飯一起吃時十分美味。勁厚蝦堡串方面，蝦堡上碟時只是暖身的，不過蝦堡都算脆口。蝦堡以蝦肉製造，不過我看不見有原隻鮮蝦。不過蝦堡味道都不錯。2個餐都沒有送飲品，飲品半價，但熱/凍檸茶原價都索價$24，即使半價都要$12，為了省錢，都是喝水算了。價錢方面，嬌嫩巨脾白咖哩飯$72，勁厚蝦堡串$48，餐廳需要加一服務費，即使沒有叫飲品，2人總共$132，其實都算昂貴。總結來說， 嬌嫩巨脾白咖哩飯十分美味，喜歡吃雞肉的朋友一定要一試！

去沙嗲王食沙嗲食到厭？今次試下其他野芝焗一口貝見個一口貝好似幾抵食，所以即使抱住中伏既心態都叫左但竟然完全唔伏！仲幾正添呀！上面有幾多芝士，幾足料！隻貝都唔細，幾厚肉架仲有，估佢唔到個底有d焗薯蓉，再加d芝士上去真係不得了！xo醬炒蘿白糕其實呢個係次次我都必點既佢個xo醬唔會好辣，反而係幾香既，會好開胃！不過佢既分量就唔會話好多咁，如果一班朋友去食當餐前小食都幾好沙嗲王真係好好既gathering地方！

今日和朋友去書展掃貨，差不多十點半才走，在灣仔那邊已經唔太多選擇，所以落銅鑼灣找食店，最後決定食沙嗲王，不過一上到食店，食店員工已經講明，一小時後就關門，但我想應該不會食唔完就決定這間了。我們快速點了一個二人餐和散叫了一、兩個小食，態度都可以。以下是部分食物的賣相：芝士味其實唔太濃、這間連鎖店菜的類別小，都係芝士焗多。Pizza永遠都係熱食時最好食😍，不過其實它的Size真係太細年糕本身唔太出味，用泡菜炒就剛剛好有點微辣口味，正評這個炒飯很香口，因為有泡菜，所以感到有點微辣。我們還點了一些熱爆選擇，例如：白咖哩豬扒飯等等⋯這個二人餐真係幾抵，大約每人一百蚊左右。

5個女仔嗌左1個2人餐，另加蟹粉豆腐煲。二人餐有泡菜牛肉炒飯，白咖哩豬扒飯，一個小食豆腐同2杯野飲。泡菜牛肉飯泡菜太少，自己撈完簡直唔見哂啲泡菜。但飯味辣，應該落左好多辣椒醬。蟹粉豆腐煲就不嬲中意食。豆腐入味，蟹粉蟹肉又鮮味，撈飯一流！ 可惜，有條頭髮係入面⋯仲要唔短，似係女性頭髮⋯另嗌了芒西，芒果幾味，幾好味，應該係落左好蟹芒果醬所以咁甜!

每次想不到食甚麼好的時候，就會想到「沙嗲王」。今天晚上也是，照常的去到了位於銅鑼灣廣場一期的「沙嗲王」。週二晚上九時，沒有人等位，餐廳內只有五成滿。喜歡「沙嗲王」，就是因為不用等位之餘，又坐得舒服，因為地方夠大。我想「沙嗲王」是好多80/90後人的回憶吧！？記得當時學生時期，「沙嗲王」是個學生哥食飯的熱門地方。有特色的裝橫，好味的食物，價錢又公道，理所當然的成了話題。現在的「沙嗲王」的分店已經沒剩下多少間了，只因香港在這十數年間，不斷地有新的主流餐廳加入，更是間間都甚有噱頭。競爭如此激烈，再加上租金升幅，要經營，真的要比對手想更多。所以，近年我們是可以看到「沙嗲王」的努力！與不同的動漫遊戲crossover！上次的比卡超就是個非常討好的噱頭。而今次就是monster hunter。雖然上次及今次，甚至是之前的crossover, 我都並沒有太大的興趣，但能見到有不同的活動，也是會令人愉快！說回我們的食物。泡菜安格斯牛柳粒炒飯 HKD 69.00這個飯是帶辣的，點的時候要注意。不過說回過個飯，是認真的好味。亦如一向印象中的「沙嗲王」一樣，夠惹味好鑊氣。這個炒飯，炒得好惹味！帶辣得飯炒得粒

好耐好耐冇來過呢度吃嘢喇，出咗好多好多新嘢吖，不過我一樣都冇點，哈哈哈……我隻係想再試番豬扒飯，下次再食新嘢喇。白咖喱香茅豬扒飯，一如既往嘅好食，白咖喱有小小辣，仲有香茅嘅香味，混搭係一齊有雙倍嘅效果，豬扒大大嘅三件，外蘇里嫩，香到不得了，用d咖喱汁撈飯食真係香到不得了吖，果斷加咗次飯吖！沙爹牛肉麵，好大一碗面，裡邊牛肉好多，麵好彈好滑，麵湯都好香，沙爹味好濃郁。鰻魚飯點錯咗，味道真係麻麻麻麻地……蟹粉砂鍋豆腐煲，唔錯，好香好滑，蟹味好濃郁，呢度真係幾值得來食，特別係豬扒飯，好抵食！下次再來試下新嘅嘢先。

數一數，大概有五年沒光顧沙嗲王了，機緣巧合下，就當是回味一下吧。以前的沙嗲王總是大排長龍，可能今天到店時間較早，店內仍有不少座位。一場來到沙嗲王，當然要點我喜愛的白咖哩豬扒飯和脆蝦棒。白咖哩豬扒飯，先說白咖哩汁，香而不辛辣，配飯一流！再說豬扒，外脆內軟，正！而且豬扒數量不少，絕對是抵食之選！脆蝦棒依然是皮薄而脆，餡料簡單但味道不俗。另叫了一個油酥餅，鬆軟不油膩，不過咖哩汁對不太能吃辣的我有點辣，點白咖哩反而不錯。飲品名字我實在記不起，總之就是利賓納加上梅子和蘭香子。利賓納不太濃，梅味不太出色，但可以同時喝到兩種味道，當中並沒有其中一方蓋過另一方的味道。蘭香子只是配角，為數不多。沙嗲王的餐牌比當年多了很多新菜式，試點了一個煙肉流心蛋，其他東西吃光了才送到，雖然是鐵板上菜，但整個菜都涼掉了。煙肉涼掉了當然不好吃啦。新不如舊，還是舊有菜色比較好。

FB出現好多比卡超既面孔原來係比卡超同沙嗲王有CROSSOVER!特登約埋友人一同去食一入到去就叫左個飯食哇一見到係比卡超個樣真係超搞笑像真度100% 味道同普通沙嗲飯差不多但都係好食既！賣相就加分 希望黎緊會有其他合作啦

朋友離港多年指明要黎先會黎。服務:依舊係按鈕叫人，好。 好過依家好多餐廳，舉左手勁耐都扮睇你唔到。食物:豉椒炒蜆。冇沙夠穫氣，份量比餐牌所展示大好多。成晚最驚喜呢個。芝士焗年糕。韓式條狀年糕，但個芯唔熟透。成碟都係芝士粉味。係芝士粉呀！唔係芝士呀！味道單一冇層次，食左一啖冇再食。避風塘炸豆腐。豆腐外脆內嫩，炸料夠香，但略微太燶，但撈飯仍然不錯。白咖哩炸魚柳飯。白咖哩夠香夠滑，可加飯底撈晒啲汁。魚柳炸皮太硬太厚。

今日收完工去搵朋友食個靚飯，辛苦咗成日諗住食好d，俾自己一個獎勵丫ma😎。不過最慘就係無乜錢☹食好d又肉痛😵食平d又頂唔順😭求其就上openrice睇下有咩好食啦，眼見又茶木又hesheeat又食到悶，見到沙嗲王諗住好耐無食，就揀咗去食。9點鐘，上到去，位又唔洗等，好快就坐底睇下有乜食。發現呢家有個2人套餐。 超級扺食！！228加一就有哂成set野食，堅正我地叫左餐湯，2個主，1個小食，再加多個勁正軟殼蟹，2杯特飲，都係320+到對俾我既要求已經好好！ 軟殼蟹 $66 好嘢味 日式蟹粉豆腐鍋 跟餐成個鍋都係豆腐同蟹粉，足料 沙嗲肥牛拉麵 跟餐 脆豆腐呢個幾好食！成餐飯已經飽到想嘔，好滿足！之後又送埋$30現金券！姐係又迫我食多次姐好！下次我再食埋其他野

午飯時間又到，正頭痛去那兒食，剛開完會的同事手執一疊沙嗲王的優惠劵出現，大顆兒不作他想，直往沙嗲王去也。就在我們看著花花碌碌的餐牌之際，一人已按制點菜，叫的是白咖哩香茅豬扒飯。時間有限，我們群起跟風，結果六人都點了同一樣的東西!  咖哩豬扒和飯是分開上的，碟頭不算大；豬扒煎得酥香，浸在咖哩汁裡也不失脆度，有肉汁，不鞋口，還帶有幾分香茅香味，做得不錯。至於咖哩汁乃餐之靈魂，有咖哩香而不辣，因加入了忌廉的關係，非常滑溜，烯杰適中，咸淡得宜，能掛在飯粒。想不到的是在沙嗲王的咖哩竟然不俗，大家一致給讚。有趣的是離開的時候，店方再送上一小瓶沙嗲XO醬及優惠券，小小心思，食物又不差，已令人有再來的念頭。

當比卡超餐飲系列登陸於沙嗲王時，即刻引起一場哄動!畢竟，它是大家兒時的美好回憶! 精靈球，小志，奇異種子等等。。將它們套入餐飲入面!究竟係點？呢日的跟堂哥相約一起到銅鑼灣分店的沙嗲王吃過飯!叫了一個芒果忌廉沙冰，涼粉啫喱，仲有比卡超公仔造型嘅啫喱♡♡杯野嘅顏值滿分! 而味道也不錯，香濃芒果汁伴淡淡的涼粉jelly, 軟軟韌韌有咬口*^O^*之後嗌左近期不斷被惡搞嘅比卡超頭咖哩飯!黃油飯黃實不難整，但砌成比卡超頭同埋貼紙，實在有心思☆跟住。。。😎😎惡搞比卡超，拎左1個藍咖哩，將佢淋落對眼，口，好似嘔白泡咁XDD玩完，正式食! 個黃油飯好香不肥，藍咖哩不辣微甜，蕃茄片幾甜少酸，啲雞肉嫩嫩好滑! 真係睇得又食得(^_-)p.s. menu 都係pikachu造型Y(＾_＾)Y

和幾個朋友經過銅鑼灣 又唔想食太貴 咁就去沙嗲王啦 平平地 又好食多款 而家d裝飾變左做街霸 冇哂d海盜lu 都有新鮮感既我朋友推介 蟹粉豆付煲 d蟹粉好濃 好似蛋王咁 豆付好軟滑 個煲熱辣辣 好惹味 但應該幾肥 哈哈 雜姑炒西蘭花 西蘭花和姑姑炒得爽身 但底個汁有點太咸 但整體ok我點左個海鮮小pizza ,食落 點解咁脆既????原來一睇之下係用左酥皮做餅底 所以特別脆 呢個有小驚喜 另外買單之後都係有小辣椒同薄荷糖送返 ok既 不太貴 又好味 保持質素