沙田一至尊燒鵝·生滾粥品專門店 (已結業)

聽我朋友講過好多次，石門有一間燒味店好出色，今日放假同老婆大人經過石門，見冇乜人就會一會。店舖入面裝修簡單而清潔，給人一個良好的印象。因為下午茶時間的原因， 我點選了燒鵝燒肉飯，店員下單時已再三提醒， 下午茶的份量是少一點，我反而欣賞他的善意提點，以免爭拗。雖然燒肉比較多肥膏， 但那層脆皮做得10分好， 咬落去有脆脆的感覺。至於燒鵝的味道，食落果然如海報上的描述一樣，有一個淡淡的荔枝香味。我相信在沙田區這一個燒味飯，應該會係頭三位之內！

朋友常說石門站近年新置了新商場，開了很多餐廳。今天終於經過這裡，與屋企人閒逛這個商場。到黃昏要選擇晚餐地方，始終家人愛食中餐，經過門口見到呢度食物包羅萬有，燒味小菜粥品樣樣有，總有一樣岩每一位屋企人。呢間餐廳裝修好特別，保留一般燒味餐廳的大玻璃display（吊住叉燒燒鵝）之餘，又有新潮裝潢，牆身貼有漫畫好得意，入面地方闊落，好適合一家大細夜晚食飯！7點多已經滿座，好彩等左10多分鐘就可以入座。餐牌選擇種類繁多，有燒味有粥品又有小食，夜晚還有小菜套餐，每一樣叫少少都已經好豐富！當然要叫這裡的招牌菜燒鵝，我們叫了古井燒鵝（下莊）下莊即燒鵝的下半身，包括鵝腿。燒鵝色澤光鮮，肉質較實淨又濃肉味，一咬下去油香不得了，加上酸酸甜甜的梅汁，一家人都讚不絕口，竟然可以在沙田石門吃到如此高水準的燒鵝！見燒鵝那麼好吃，我們另外加了一個蜜汁叉燒叉燒肥瘦分明，厚切又大舊，燶邊位有焦香味，肉積稔身，蜜汁同平時食開的不太同，有少少其他果味，好特別，油而不膩，一啖又一啖，加上白飯，真係幾滿足！粥品我們叫了生滾及第粥連我呢個平時不太愛粥的人都覺得好食，粥身好軟綿綿，樣樣材料都有，包括豬肝、豬粉腸、肉丸，材料不會過老

石門近年開了新商場，進駐了不少新餐廳，特別喜歡呢度較少連鎖食店，好多都係自家經營嘅小店，加上交通又方便，所以我間中都會找來覓下食。早幾日晚上來到石門見到呢間沙田一竟然要排隊，明明呢頭旺場得來又未至於要排隊食飯，所以諗住呢間一定係質素保證就同屋企人入去一試。餐廳嘅裝修新派，給人很整潔嘅感覺。見到差唔多每枱都叫了碟叉燒，賣相十分吸引，我地當然都要一試。叉燒肥瘦均勻，咬落軟冧又不會油膩，加上叉燒汁並不是一般嘅蜜糖汁，有蜜糖甜味之外亦帶陣陣梅香味，叉燒汁作為叉燒嘅靈魂比出面更勝一籌。另外餐廳作為燒鵝專門店，燒鵝一定係必叫嘅菜色啦! 我地叫了燒鵝下莊，燒鵝偏瘦唔會食到滿口油，但肉質又保持到一啲都唔靭，啱晒為食得來又想追求健康嘅我，再配上酸甜嘅梅醬汁更加係令鵝嘅味道昇華。我地再叫了個蝦乾辣炒椰菜花嘅客飯套餐，小菜煮得有鑊氣，蝦乾嘅鹹鮮味同微辣嘅醬汁更係炒得惹味。最後眼闊肚窄嘅我地再叫多個蜆芥炸鯪魚球，鯪魚肉入面混和了陳皮碎，每啖食落煮傳來淡淡陳皮香味，現時陳皮價格咁貴已經好少餐廳會用，呢度依然保存用陳皮嘅煮法係一大驚喜！

食物是可以的。價格偏貴。坐位極迫，重點要講嘅都係門口叫飛的一個男員工，態度極囂張，常呼喝客人，黑社會一樣，該員工經常在該集團附近的牛腩海南雞和一間茶記叫"沙田友"叫飛（間茶記差到一個點⋯另見食評）, 同樣價格高，性價比極低，重點是，那個態度惡劣的男職員，咁真係令人食都無心情食。食個晏又要勞氣，又要同人嘈，咩心情都無，咁唔滿意咪唔好做囉，做飲食做到佢D服務咁，仲衰過澳牛，D嘢幾好食都無用，分明同老闆趕客，當D客係狗咁，仲要寸同頂D客咀⋯唉⋯無第二次。

星期六收左工同男朋友去左石門食野，唔經唔覺石門真係多左好多野食，今日想清下腸胃，於是去食粥🥣🥣下午餐既叉腩飯$36，細細飯但對女仔黎講就岩岩好，叉燒半肥瘦，燒腩仔皮脆肉滑粥底夠棉，魚腩爽滑蔥花炸兩，哩個一般，油炸鬼太乾太硬啦😓鵝絲腸皮薄料多總結除左炸兩要改進，其他都ok

前兩日同朋友去石門搵野食,見到係商場側邊有間粥店,最近又叫得油膩野多,決定食清淡少少我地叫左一碗豬潤粥加個炸兩都係$52(全日生滾粥品套餐)佢既粥底好綿,豬潤係黃沙豬潤,特別好食,而且有好多豬潤,份量好足。至於炸兩,佢既粉皮好薄,全部都係即叫即整,新鮮滾熱辣

裝潢幾靚，menu design 幾特別，清潔度Ok，食物不錯。男友叫左個叉燒燒鵝飯 大概50蚊倒，request左要肥叉，黎到個燒鵝好surprise，整咗隻燒鵝脾黎，好吸引，食左啖，正！仲有個雞腳唔知咩例湯，都幾大碗叫左碗咸雞粥 大概30幾蚊，有套餐揀多碟腸粉，不過無叫套餐怕食唔曬。個人比較鍾意食咸雞多過滑雞，雞件係多既同埋唔係多骨個d所以個人都表示滿意同埋估唔到粥都有例湯飲！好飽整體上都唔錯 下次會再黎

點左鵝瀨，叉燒飯，豬潤粥，腸粉！鵝燒得好靚，又滑又多汁，不過味道偏淡，可以再入下味更好，個酸梅醬味道好特別！叉燒好正，$60半斤 /$98例牌！豬潤粥足料，唔錯！整體價錢有啲貴，如果下午茶時段黎食會經濟啲！

難得今日休息，約左朋友過來石門食野，行左一陣見到有間燒鵝店入邊有粥食，入來試下，坐底睇下歺牌，店員介紹左粥套歺52蚊，見又五系太貴有2樣野，粥配腸粉，我叫左招牌及弟粥配燒鵝腸，朋友就叫左魚腩粥配炸兩，等左吾系好耐就有得食，試下粥底吾錯，几棉又吾覺有咩味精味，D料都算新鮮，特別炸兩都脆，52蚊几抵食，話晒燒鵝腸都知貴野，今時今日隨便食碗野都要40几啦，值得下次再來

今日星期日，一起身已經2點幾，所以又走去石門食個下午茶，咁岩見到石門又新開左間叫沙田一，專門食燒味同腸粉粥果d嘅，就走入去試下。我地叫左一碗單拼燒鵝瀨同一碗雙拼叉燒燒鵝瀨。叉燒燒得好淋身～半肥瘦好好食。燒鵝就不過不失啦～但我單拼佢居然比左個燒鵝脾我～正😋。燒鵝最特別系個醬，佢用嘅系梅子醬～同平時食開果d唔一樣～都幾特別嘅。單拼$37，雙拼就$40，凍飲加$7，下午茶黎講唔算特別平，但想食燒鵝都可以試下嘅！

新店開張，照排寫到自己好掂，附近又無其他店食生滾粥，一於試吓先，$40 碗雞粥，話就話生滾，比完錢在門口等咗唔夠5分鍾就有，買完行返公司唔使3分鍾，食時碗粥只係暖唔熱囉。料唔算少，但$40 來說，佢算細碗，食完一定唔夠飽幾個同事試過燒味飯，個個都話分量少，食唔飽，個個都話無下次。以咁㗎價錢和分量+質素來說，我試一次就夠，附近還有更多更好的選擇。

燒鵝無味，皮un 乳🐷柴皮炸兩林的...仲要油益味...腸粉皮厚蝦腸..腥冚冚⋯⋯皮又厚又唔滑三個人Lunch 食左3xx..仲要三個人坐二人位...過對面PAPa食好過...無下次...

點了「布拉」腸粉、腸粉皮厚（好似食緊果mask)至尊燒鵝雙拼飯（燒鵝食緊要食皮，結果食左柴皮鵝）粥就麻麻地，稀稀地阿壹真係試一次好。完。環境ok,有待進步喇。加油

終於有粥舖，病左唔駛行咁遠先有粥食!今日外賣, 肉丸鯪魚球粥，見佢係門口不停話油炸鬼自己炸，本身自小就好鐘意食油炸鬼，就試一試!點知....油炸鬼($15) 好貴.....油到不得了，差不多滴出來，特登影特寫俾大家睇下。有其中一邊入晒油，根本食唔到。我用左半盒tissue索油先食到果少少，決定放棄！好心瀝瀝油先俾人啦，仲係門口不停sell =3= 希望大家唔好中伏。今次無食到佢話攞獎既燒鵝飯，下次會試埋先決定再唔再幫襯....

上星期夜晚去，叫咗個燒肉燒鵝瀬粉，成$56，湯底淡而無味，d肉碎碎咁，份量少又無分開上，俾湯浸淋晒 (呢度係我自己拎碗分開裝起，乳豬是我老公叫的)。酸梅醬和芥辣竟然放喺同一個碟，請問可以點樣點呢？成個晚餐我係咩味都食唔到!最抵死係我們俾錢時建議餸和粉、不同醬汁分開上，那位疑似老闆的肥男士冇理我們。我們離開一陣之後再經過門口，竟然聽到個老闆大聲講: 咁3樣餸3款醬係唔係要分3碟呀？! 一間不聽意見的餐廳，好極有限! 咁都可以拎獎，我真係見識少。。。