沙隴餐廳

營業中

休息中

穩定的出品，是任何餐廳的經營來說都十分重要，不論是五星酒店或茶餐廳亦然。近兩個月開始幫襯沙隴，第一次惠顧時，令我印象深刻的，是其餐蛋米粉。雞蛋是雙面煎到有金黃色，但仍是流心蛋黃；至於午餐肉則是有足夠厚度不孤寒，煎得香，邊位還有少許脆的，以一間街坊茶餐廳的出品來說，夠晒誠意。不過，兩個月食下來，幫襯不下十次，但就出現出品不穩定的情況，例如有時一隻蛋煎得剛好，另一隻卻熟晒；今早更是兩隻都熟晒，更甚的是餐肉一塊有煎，一塊竟然無煎，就咁滾熟就算。究竟係個廚唔記得，還是貪快呢？其實那時候餐廳又無乜食客。

繼續我的大埔早餐生活，是日就選擇了大埔廣場內的一家老字號茶餐廳，當然，也是簡單地食個公仔麵。更簡單的，我來一個五香肉丁加隻煎蛋。麵，煮得剛剛好，食落是帶少少爽的公仔麵最是一流，而且湯底不是一般的無味湯，而是有點雞味的雞精湯，加埋五香肉丁的辣汁，更是美妙。更好的是肉丁方方正正，純瘦肉，雞蛋煎得薄薄，全熟而又保持到蛋的香滑，而且不太油，真的是一碗不錯的公仔麵。再說奶茶，香濃香滑，飲後，的確是精神爽利。上次吃了個炒粉麵感覺不行，但是日的早餐卻是非常之好，可以說是一個大平反吧。吃飽，精力旺盛的上班去。

普通一間茶記...由午市開始就多人.....呢到無野好最好就夠份量多...好多時都係見兩三個人炒兩碟粉面一齊食款式多...不失火喉同鑊氣....一碟炒粉面可以話拍得住mk價...差唔多40好彩份量同味道搭夠....只係無餐茶跟...叫埋餐飲都要$60...平與貴見仁見智喇另外湯粉面都多人幫襯....我鐘意呢到啲碗夠懷舊...平底大白碗有幾隻雞果款呢不過價錢就廿幾蚊開始...對我黎講就唔係咁抵喇所以平時既快餐都多人叫....日日都有5款.....都係$28左右隔離都係學校銀行...難怪無時無刻都咁多人經營左比我還要大既日子(小女子26是也)...媽媽話差唔多開左40年到今時今日金融問題仍然不倒....果然有吸引之處!!

是日去到大埔工作及行街，聽朋友講呢間位於大埔廣場的沙隴餐廳的生妙排骨飯幾好食，所以特登來食吓。去到門口都有幾個人等位，但因我一個人，即時被阿姐叫我去搭人枱，所以唔使等。熱檸水的檸檬好香，好有檸檬味，我自己加少少糖，好好飲。生炒排骨飯好好食，外面炸得非常脆口，裡面好冧好滑，往有骨的地方咬下去(骨是脫口而出的，唔簡單)，飯就個人而言硬咗少少，整體感覺好好，有機會要再來食其他嘢。

一放工回大埔, 首要任務不是回家, 而是陪太太逛逛商場. 滿足一下她的window shopping欲. 她吃了東西才出門, 我就決定來到先吃, 再陪行. 我們在大埔長大, 各自有自己兒時的食肆回憶, 而沙隴, 就是她小時放學後, 經常同同學流連的茶餐廳. 好吧, 今次既然來到呢一頭食飯, 就欽點要試下呢一間東東.我食野, 齋妹就爭取時間行街街. 一個人係茶餐廳, 於晚飯時段. 不吃湯粉麵, 就是小菜炒粉麵飯. 看了menu仔, 選擇多多的, 再看看牆上面有什麼special. 就選定了廚師推介的干炒豬頸肉米線. 先來一杯凍奶茶, 茶底只是室溫的茶. 加了冰就當係凍茶. 茶底雪都唔雪下. 雖然, 奶夠滑, 茶底好. 但茶底不凍, 始終有點兒那個.炒米線, 從來沒有想過干炒米線的. 香港人的確什麼都諗得出. 用料其實幾上乘, 炒米線內有不少洋蔥, 芽菜, 豬頸肉也是多多. 味道香濃十足十干炒牛河咁. 不過, 干炒一向有一個弊病, 就是多油, 不過, 有一些食肆, 控制得好, 其實是冇乜所謂的. 不過, 呢碟干炒, 光彩十足. 食落, 啖啖油, 頓時覺得腸胃有點不安, 而且佢地既用油, 感

有次叫左腰果肉丁飯諗住簡單D希望好D飯/餸都ok 凍 算喇... 點知... D腰果林都算喇... 肉丁真係XD 又多鬆肉粉又一陣雪味都問辟好唯一好就西芹夠林 本人最唔鐘意食鬆肉粉成口"那"到XD.... 有冇攪錯收人$3X 畀呢D野我???? D茶唔係太甜就太苦凍檸茶甜到XD 茶味就冇甜味多多 熱好茶wa............ 又苦又濃 落好多糖先飲到大半 唉.... 一個字差 !!

是日單車樂, 去到大埔要醫肚，係超級城一路行，想搵間唔係連鎖店都幾難，見到沙隴餐廳可以坐街，又可以粗豪D，即刻去食返餐先。啊姐話2點有下午茶，點十就比我地落單，算唔話得…我地二人叫左一個鮮牛米：$19、下午茶set炸菜肉絲米＋凍啡：$19+$1、炸肶沙律＋凍檸茶少甜：$24+$1。炸肶沙律呢個係繼豉油西餐後又一典型港式食物！沙律係百份百地道，即係青瓜、薯仔、甘筍、西芹再加d罐頭生果撈上沙律醬，。如果你食開鬼佬果隻牛牛沙律、呢個沙律你一定唔o岩，但如果鍾意食呢味港式沙律，沙隴個沙律就可以一試，雖然港式沙律技術含量不高，但淨計「用料足」已經有好多餐廳唔合格，呢度份量足、用料算係新鮮。相對地炸肶較為失色，雖然炸完都食得出醃得名味，但係叫做細隻，而且還未去到脆gei程度…炸菜肉絲米不過不失，麵質幾好，但係份量都幾細，如果用$19來說有d唔抵。鮮牛米最好食的東西，成碗size大得不成比例，同個炸菜肉絲米有好大對比。湯底係潮州湯、加d芹碎同菜圃，好濃郁的魚味道。牛肉既多且軟滑，食落無渣，正！凍檸茶少甜，凍啡全檔最有問題就在茶水，太甜！凍檸茶已經少甜，但係只係平常無叫少甜果隻味；凍啡無叫少甜，立即甜

我一向好鍾意食佢地0既河粉, 又幼又滑, 多數會食魚角河.... 老公就食四寶河...今日因為太肚餓, 叫左星洲炒米, 嘩, 好大碟呀! D米粉炒得夠乾, 又多料, 不過有少少嫌D蝦唔夠爽囉... 成碟星洲炒米食哂, 食到尾又唔覺碟底好多油喎, 又加分...不過如果地方可以乾淨D就好0刺, D枱好似好油咁....

個次我12點幾放左學就諗住去食野自己一個 就諗住是但搵一間餐廳落腳就去左呢間餐廳...位就夠多既 可以坐埋出面d服務都幾好既 唔食野既d waiter都會比佢一杯水相比其他既 呢d已經係好好嫁啦我就好是但咁食魚蛋河----$17d河粉麻麻地d湯就好鹹....鹹都要飲2杯水d魚蛋都還可以既本身我諗住叫杯野飲 涼下點知....... waiter話比我知飲野另計wow姐係要比原價佢話得快餐有野飲...唔抵食 我後來都冇飲啦以前去食 抵食(因為跟餐有野飲)味道有好d 冇咁多味精我好多親戚朋友都話唔會去食呢間野因為呢間實在太貴啦

先略作介紹: 本人來自無飯家庭, 而本人又不甚痴家, 晚餐甚少跟家母一起吃, 說落也愧對定母。偶爾孝順的晚上, 多數都是由我選擇地點, 都係大埔墟吃慣吃熟果幾間, 不贅。一晚, 家母對此店的米粉大力加許, 仲話"食左佢個米粉o係第二度唔食米粉"?! 於是昨晚就跟佢去見識下個米粉有幾好食。去到, 店裡的人代佢寫左碗豬雜米, 而我就叫左碗魚蛋米。個米粉顏色比一般的透明, 口感煙刃得來爽口, 果然是十分不錯的。魚蛋是中上貨色, 但大埔好吃的魚蛋實在太多, 相比下都不太特出; 豬潤反而幾唔錯, 生熟度剛好又夠粉, 仲有淡淡胡椒香, 加埋好夠粉的粉腸, 都幾唔錯! 要求多青都好夠多, 而"青"的content裡, 最多是唐芹, 蔥只得三四粒, 多蔥一點會再好食d。其中粉麵不設套餐, 只有快餐有野飲。 所以全檯食客清一色食碟頭飯, 忽略了那好吃的米粉。

又一個在大埔食早餐的日子.近月來的奶粉荒潮,亦燒到埋身,通頂後充充往藥房跑,只求一鑵奶粉,正所謂大既唔食,細既都要食,想不到,就連bb食品都有內地人大手掃貨.反正呆等開門也不是辦法,乾脆在附近找點吃,看看報紙.閒日九時左右,客人並不多,一如其他茶餐廳一樣,裝修欠奉,空氣中總是有一朕怪味在浮游.卡位比較窄,坐得有點不舒適.早餐亦是港式的火腿,餐肉,五香肉丁之流,心想沙爹牛肉公仔麵配腸仔煎蛋,問題不大罷!可能不想浪費食水及人力,牛肉,腸仔及蛋是一併放在麵上,大光麵是淥得不錯,至少沒有我最怕的'生'麵,牛肉醃得無乜肉味,腸仔炸得過火,表皮不單有點焦,而且起了大少不一的氣泡,蛋是最正常不過的東西,如果咁都唔得,都可以唔食了.