河內越南餐廳 (已搬遷) 新店位置

睇過食友們所講,似乎由越南人主理、同埋為那碗「檬饒」而來。(但其實睇勻全本餐牌都無「檬饒」這二字)一入店內,有朕廁所「壓味」,唔通走番出去咩。已經諗好食乜,跟不正廣東話音的侍應落單。蟹膏湯檬粉$40,撈勻後,橙紅色蟹膏湯被打散了,睇黎只是啄頭手法,因為「蟹膏湯」,沒有預期中的濃蟹味。那些無口感,疑似肉碎物體,應是越南人愛吃的鵝肝醬吧!另外有三片行貨扎肉。整體味道都ok,不過唔似食緊越式湯粉啫!火車頭$50,就像「牛雜」薈,有牛肉片(我諗係牛展來的,因為片片都有牛展紋,好腍)、牛丸、無味牛筋,仲有大量的莞茜/蔥/洋蔥。湯,沒有清甜感,味道尚可。扎肉米粉卷$30,去過越南,愛上左米紙卷!呢度張「紙」都好煙韌同夠薄。包著米粉、花生碎、紫蘇葉、扎肉。呢個組合,點魚露係非常之正架!但呢度D魚露很淡,扎肉質素唔靚,失色不少。雖然呢度係越南人開,但可能沒有由越南入食材,所以做唔出越南味道。

6-3-2010喺佐敦的「任務」終於完成, 9:xx pm 搵地方食個 quick dinner 先返屋企. 記得睇過食友 JJcaptain 的食評提及呢度有檬饒供應, 又嚟食個「越南特式蟹膏湯檬」($40), 加杯菠蘿冰 ($18).先嚟菠蘿冰, 乜色水紅成咁!? 菠蘿係罐頭貨,「紅色液體」就完全係「罐頭菠蘿水」, 味道人工, 而且甜到喊, 打晒冷震! 檬饒就好聞, 但唔好睇又唔多好食... 面頭浮了不少橙色油及肉碎, 聞落幾香蟹膏味, 不過湯底本身就唔夠濃鮮, 而且無預期中的蕃茄味, 諗起芽莊 (http://www.openrice.com/restaurant/commentdetail.htm?commentid=2007178) 的麻麻哋同類出品, 有點掃興, 不過最後我仍然飲晒成碗湯 檬粉幼身, 軟硬度適宜, 還 ok; 配料就有扎肉, 蕃茄及大量生洋蔥, 芫茜, 鵝蒂 etc, 不過生洋蔥實在落得太多, 味道太搶亦太嗆, 飲完鼻塞都通埋 是否正宗我唔知, 始終無去過越南, 不過呢碗所謂檬饒實在唔太啱口味, 還是紅跑車 (http://www.openri

聽說這裡的越南菜很地道，就找了個下午一枝公來吃份午餐試試....看到餐牌上有自己最愛的越南檬要(曉)，就決定加多一些錢來點吃，放棄了平價一點的午市套餐。要試一下未嘗過的越南菜店，小弟通常的指定動作都是會叫一客春卷或蒸粉包(卷)。今次選擇了前者，主要在於近期吃了不少的粉包，感覺開始有些膩了....檬要看上去的色水甚橙紅，味亦很濃，看來蝦醬及蕃茄皆下得重手，吃落亦覺先前的估計是不差。香葉如金不換是存在的，若多一點味道就當然更複雜更好；配料如蟹肉及鮮蝦隻皆甚足秤，呷一口湯，感覺也很濃鮮。再過一會，喉嚨的不舒服感不是太重，師傅應是下得不多吧....春卷是homemade的，不是平常超市也可找到的"網紋"外型的雪藏貨。肉碎、木耳絲及粉絲皆齊備，味雖濃但不特鹹，一咬下去是格格聲作響，很脆但不過油，很不錯。醮點的魚露雖不及老趙的香濃，但也不是流於淡如水之貨色，已收貨....現在在香港已難找到稍為像樣的越南菜館了。看到一間稱為似樣一些的，自然少不免要支持一下了.....

老公接收工原本想食日本野 不過門口排晒隊又唔想等行過對面食越南野 老公叫左個火車頭 我就叫左個香茅豬扒飯個火車頭四十蚊 細得可憐== 個湯底就唔錯 其他野都係好普通 豬扒好香口 我癿得幾好食^^食完埋單 單上砷寫o既都係越南字@o@奇怪要收我地百幾蚊原來係調轉左張單 下次真係要小心呢.....老公食完出黎都未飽

在她開業當天剛好路經，本人對越南食物一向很有興趣，決定一試，這次已是第三次來食了怪味雞飯:同事點選這味飯，雞肉並沒有“怪味”，肉質頗為嫩滑，唯獨厚身少許的雞肉無味，全靠醬料來增加雞肉的味道，這醬汁有點似泰式甜酸醬香茅雞翼撈檬最普通的一款撈檬，就憑這味普普通通的檬粉與隣近越南餐廳作比較(附近確有不少間)，這店的雞翼夠入味，有黑胡椒粉及一些不知明的香料，可是煎得有點焦，兩次來兩次都如是，我估計是香料導致雞翼變黑原故馬拉盞炒通菜不知是否通菜已過了季節，有點老身，但越南的馬拉盞炒通菜沒有辣椒，色香味的色澤方面就較失色了，賣相似少油但吃下就知油不少餐飲:熱檸檬茶茶很濃，浸了很久的茶是不好飲的啊環境+服務對這裡的感覺是食物"似"很正宗，由越南華僑處理，餐廳內掛滿越南風景畫，又有穿傳統傳越南服飾的畫，感受置身於越南的越南餐廳侍應人手調配有點混亂，侍應個個緊張不定的面容顯而易見，我要的餐飲品遲遲未送來，追問過一次，邊吃著邊等了10分鐘，後來查問下知仍未處理，唯有以外賣杯帶走

睇嚟呢間應該係食傳統越南食品,侍應應該都係越南人,因為佢用越南文落單.烤牛肉金邊湯粉 -- 烤得不錯,湯底完全不咸,但很夠味道.扎肉雞絲金邊湯粉 -- 扎肉很彈口,好像魚蛋般,切成條狀,雞絲則ok.油菜 -- 生菜ok,幾鮮嫩.龍眼冰 -- 不同別的龍眼,是真的龍眼肉,細細粒有好多好多,幾好飲.食咗咁多嘢都係$98,比$100唔駛找.