河夢

營業中

休息中

與沙田親友食晚餐，餐廳越式燈籠🏮很美觀，戶外坐椅舒服又寬敞，方便帶寵物。我們點左越式串燒$168（雞肉/牛肉/豬肉）共六串，雞肉串燒：厚身啖啖肉，嫩滑美味。牛肉串燒：配彩椒和洋蔥，顏色配襯得美，厚粒牛肉質好嫩，又好香。豬肉串燒：豬腩肉肥瘦均勻，有蜜糖香甜味。河夢精選拼盤$218，有柚子蝦沙律：大大粒柚子肉，新鮮味美。扎肉米紙卷：材料豐富，頗大件。芭提雅蝦餅：蝦肉彈牙，香脆可口。越式炸春卷：炸得香脆。越式粉卷：大大件又美味。泰式香辣牛肉炒河粉$148，牛肉片頗多，河粉幼滑好食，味道不錯。

📍 河夢 Vi 🌍沙田大涌橋路34-36號麗豪酒店地下G/F, Regal Riverside Hotel, 34-36 Tai Chung Kiu Road, Sha Tin📝整體評分：7／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝露天座位，可以帶寵物黎。⤫ 火山排骨 ⤫呈上一大盆火山排骨，再澆上酒燃點，架勢十足！醬汁極具濃郁嘅香料風味，由香葉、蒜粒、辣椒、青檸汁、椰糖、魚露調製，排骨肉質鬆散唔老，浸入哂味。２個人食會太多，要多啲人share，肉多到你食到怕~⤫ 泰式明爐烏頭⤫魚肉肥美嫩滑，加左大量香茅、南薑、芹菜煮，完全無土泥味，仲愈煮愈入味。配菜有少許肉末、粉絲同椰菜，另外會比一碗上湯同泰式醬汁。⤫ 芒果糯米飯 ⤫ ＄９８壽司造形，一片芒果疊一舊糯米飯，底下墊左塊斑蘭葉，原來係心思位黎，當你用叉刮到斑蘭葉，會令糯米飯有陣斑蘭葉味~～～

平時食西餐日本嘢就成得多啦😂今日就係轉下口味試吓啲泰國越南菜先🙆🏻‍♀️泰式海鮮冬陰功湯（兩位用）$168冬陰功係兩人份，所以份量都幾多，入面仲有唔少海鮮，好似係青口魷魚等等～但係佢呢個冬陰功就唔算太辣，比較重香料同埋椰香味💕🥰我自己就鍾意辣啲嘅扎肉撈檬粉 $108一樣份量好多，我鍾意佢除咗扎肉之外，配菜都唔少，令到個味道更加豐富😍例如炸蒜蘿蔔絲～越式串燒雞肉 （3串Skewers)越式串燒豬肉 （3串Skewers)串燒都唔錯😍我自己就鍾意食雞肉芒果糯米飯 $98好想食芒果糯米飯🔅見到有就叫咗，擺款有啲得意😎好似壽司咁～鍾意佢糯米飯仲係暖笠笠☺️非常好食青檸梳打

佛誕假期，不想煮飯，想找個坐得舒適的地方吃晚餐，於是去到 Vi 河夢。餐廳主要提供東南亞美食，由前菜、小食去到主菜，一應俱全。泰式炒金邊粉口感煙韌，味道甜甜酸酸，非常開胃。泰式燒鱔共有四件，肉質鮮嫩又滑，外層燒得焦香，配合特色醬汁，味道更勝一籌。泰式炒椰菜苗是補充纖維和營養的選擇，新鮮爽口。泰式奶茶體會安排的細心，因為冰塊使用奶茶製造，避免溝淡奶茶味道，而且冰塊和奶茶分開上碟，萬一想減少冰塊數量，也可自行處理。奶茶甜度很低，茶香極濃，口感細滑，令人一試難忘。芒果糯米飯賣相相當有趣，遠處看來還以為這碟是壽司呢！這樣安排糯米飯和芒果的組合，方便和同桌分享。糯米飯軟綿綿，配合香甜的芒果以及椰漿，是一份為這餐畫上完美句號的甜蜜。

酒店餐廳好少會令人失望，今次食越泰菜都一樣。位置沙田麗豪地下的越泰菜，裝修都有越泰味。如果天氣好仲可以坐戶外位，對住城門河食飯。餐牌上越泰菜多不勝數，比較出名嘅海南雞飯，生牛肉湯河，芒果糯米飯算等都有得揀。泰式奶茶 $48呢杯奶茶價錢唔平，但誠意十足。除咗奶茶茶味香濃，連杯冰都係”奶茶冰”，香滑奶茶味係幾吸引。芒果糯米飯 $98我叫佢壽司芒果糯米飯，一啲都唔誇張。將糯米飯整成壽司飯既模樣，再放芒果係上面，好有特色，然後淋上椰漿，好睇好食。泰式海鮮冬陰功湯 $168酸辣味恰到好處，大蝦， 魷魚，青口鮮味十足，仲有大量既菇。越式特級生牛肉湯河 $128牛肉大大份，湯頭濃而不是死咸，配料的調味得以發揮出來，河粉幼滑好食。越式炸春卷 $88炸春卷酥脆好食，配生菜食清新又減膩。

以往每次來沙田麗豪酒店都是吃自助餐，今次就來試試位於地下樓層的越泰餐廳 - 河夢。室內環境寬敞，裝潢洋溢東南亞熱帶風情氣氛，悠閒輕鬆不侷促。一列偌大的落地玻璃窗，透進了柔和的自然光，使整體室內風格和諧溫暖。戶外用餐區一覽城門河全景，空間較開揚，亦是Pet-Friendly餐廳，可帶同毛孩入場。餐牌結合傳統越南菜及經典泰國菜，款式繁多。一到濕熱高溫的盛夏，更是需要酸辣又帶勁的口味讓胃口大開。越式燒雞法包 $98法包即點即焗外皮脆卜卜，內裡鬆軟中帶點煙韌，重量級餡料層層疊起後確實是一口無法掌握。法包夾著肉質嫩滑的燒雞，佐以酸瓜、生菜、酸中帶辣的越式醬料，即使法包外表看來很「法式」，但吃起來其實很「越南」，盡現殖民文化下誕生的混血特色。越式串燒 $168串燒雖然看似是簡單直接的烹調技巧，但其實難在如何控制以高溫烤熟食物又不傷食材。豬、雞、牛各有兩串，每串都是啖啖肉，串燒燒至表面帶焦香而肉質入味不鞋口。泰式菠蘿炒飯 $158以菠蘿果肉入饌，米飯的熱力和酸甜果香相融合，份外醒胃。炒飯炒得夠乾身，不算過油，粒粒分明，不會黏作一團，撒滿腰果、提子乾和豬肉鬆可以添上多重口感。芒果糯米飯 $98夏天正值

👧🏻😋👅🍽✨酒店級越南菜😳-河夢 Vi @regalriversidehotel🇭🇰 沙田大涌橋路34-36號麗豪酒店地下 🇭🇰-🇻🇳 Vi 係越南文, 意思係味道; 餐主要serve越泰式食物, 亦不乏特點餐點, 例如火山排骨😍🇻🇳假期前夕都好多一家大細黎食飯, 呢度勝在位夠多出餐又快, 服務仲好殷勤-🌋 🐷 火山排骨 $228💯上碟時淋左酒再點火, 打卡一流💯揀左微辣, 排骨啖啖肉同超級腍, 但精粹係重茜酸辣汁, 超開胃☺️-🍛 🐮 越式咖喱牛筋腩 $138✨少少紅油蒲面, 牛筋腩筋多過腩煮到勁腍, 份量都好多-🥖 越式法包（5片）$45💯將越式bahn mi切開一塊塊可以點咖哩, 超級外脆內軟-🥭 🍚 芒果糯米飯 $98✨切開左5等份好方便share, 糯米綿滑花果甜✨仲有擠左係碟底既芒果醬, 賣相同味道都更突出-🇹🇭 🧋泰式奶茶 $48💯用樽仔加有奶茶冰既透明杯上, 茶味香濃, 奶滑, 驚喜在唔太甜!

成日聽啲沙田友話麗豪啲野食好伏🤭 其實應該都係N年前嘅都市傳說今晚行完城門河，就想去搵間望到河景嘅餐廳食野，所以揀左河夢vi!i!i!i!呢間餐廳環境其實好好，成個場好有空間感，檯同檯之間好闊落，坐得舒服，最緊要係大部分檯都可以望到河景，如果兩個人黎靜靜坐下食下野，感覺係好好嘅。食物方面呢，越泰菜黎講算係有好多選擇！ 樣樣都勁想試，不過望一望格隔檯，份量都唔細，所以兩個人食嘅話就叫幾樣先，之後再慢慢加食越泰野無奶油唔食串燒呀？呢個串燒一定係即燒，拎緊過嚟已經聞到香味，食落去勁熱。牛豬雞各兩串，個汁係重點，辣辣地好有泰國風味。海南雞飯，唔使講必試。雞同油飯都係有酒店嘅水準嘅，特別一提就係佢個湯，完全唔係一般海南雞飯嘅鹹雞湯味，佢加咗好多薑汁，但又唔會好辣口，作為薑嘅愛好者，呢個湯令成個晚餐加咗唔少分。泰式椰汁雞湯🤣 又係另一道雞，因為真係好耐冇飲椰汁湯，好想試，一啲都唔辣，份量啱啱好最後仲加咗個炒雜菜，乜都有齊，一望落去就覺得好多維他命啊🤣🤣 正

估唔到沙田麗豪酒店嘅地下有咁多餐廳！今次揀咗呢間越泰料理，環境好大，性價比同食物質素都幾唔錯😋越式串燒 $168豬牛羊每樣兩串，每種肉類都用咗唔同嘅醃料製作，非常入味，旁邊仲有生菜比你包住嚟食🥬越式香燒魚🐟 $218外皮燒得焦香，魚皮表面微甜嘅燒汁好惹味，魚肉嫩滑夾起唔易散，配埋佢個酸辣汁真係💯泰式飛天通菜🥬 $98唔會太淋，食落口幾爽，就算咁大碟兩個人都好快清晒😋芒果糯米飯🥭 $98第一次食咁有擺盤嘅芒果糯米飯🤣切開咗做5嚿，每嚿都有芒果同椰汁喺上面，食起上嚟都幾方便。

之前食過幾間沙田麗豪酒店的餐廳，幾間都唔錯，今次選擇泰越餐廳，位於酒店轉角，亦看到城門河景觀。座位寬敞，裝修雖然唔算好新，但整體保養都唔錯。泰國曼谷火山骨，呢個菜式最近都幾熱門，有少少辣同埋酸，上枱時又會特別加一啲火燒效果！豬骨經過長時間的燉煮，肉質變得非常嫩滑，同時醬汁的味道也非常濃郁，唔會覺得好油膩。泰式燒鱔也是一道特式的菜式。這道菜的鱔魚肉質非常厚身及肥美，經過燒烤後表面變得香脆可口。泰式芒果糯米飯係我老婆至愛，佢哋糯米飯的水準非常高，口感十分細緻，唔會好黏口，擺設此壽司，加入的芒果也新鮮。食泰國餐，泰式凍奶茶及珍多冰差唔多係必然之選。這杯奶茶口感清爽，還可以加入奶茶做的冰塊，避免奶茶變淡。

河夢餐廳裝修別緻，好有東南亞氛圍。餐廳嘅職員都好友善，每道菜都認真製作。我嘗試咗以下幾款菜式：越式豬頸肉法包越式豬頸肉法包係河夢餐廳嘅招牌菜之一。呢款菜色香味俱佳，豬頸肉有少少脆口，配上酸甜爽口嘅酸菜，好好食。法包嘅表皮好熱好脆口，入面鬆軟，完美地包裹住內餡，令人一口接一口食唔停。海南雞飯海南雞飯係一款簡單嘅菜式，但係如果做得好，就會令人回味無窮。河夢餐廳嘅海南雞飯係我試過嘅最好味嘅海南雞飯之一。雞肉好嫩滑，米飯香氣十足，再加上醬汁嘅調味剛剛好，令我食得津津有味。如果你鍾意食辣，唔好忘記配上酸辣嘅醬料，味道更加升呢層樓。泰式明爐烏頭泰式明爐烏頭係一款比較特別嘅菜式。呢款菜使用嘅係烏頭魚，煮得好入味，肉質鮮嫩。配上泰式嘅香料同辣椒，味道好濃郁。不過，呢款個汁係偏辣，建議唔太能食辣嘅人可以唔好點太多。越式炸春卷越式炸春卷係一款好經典嘅越南菜式。河夢餐廳嘅越式炸春卷做得好好，外皮香脆唔油膩，內餡豐富。配上甜辣嘅醬料，味道更加鮮美。

朋友成日帶我去沙田河畔附近搵野食，今日佢又帶我嚟食好野，係麗豪酒店到食泰菜🇹🇭🍽️泰式明爐烏頭$248🔥🐟大大條烏頭魚原條上，本身已經煮熟左，不過食之前要先將湯底煲熱，魚肉吸收完熱湯味道微酸，配埋泰式辣汁更加好味😋越式串燒（雞/牛/豬）（6串）$168🍢🍢有齊雞、牛、豬三種肉類🍖，各有不同嘅調味相當入味，而且仲有生菜可以拎嚟包肉食多一種食法泰式菠蘿炒飯$158🍍🍚份量非常有睇頭，掘出果肉嘅菠蘿裝住滿滿嘅炒飯，味道微甜，用料足，飯粒粒粒分明芭堤雅九層塔肉碎生菜包$138🥬🌮食落初初唔覺辣，之後啲辣味先慢慢滲出嚟，但係又好惹味🤤肉汁都幾多下次有機會，好想試埋蛋白蒸蟹🦀見到隔離枱係到食好吸引呀

在麗豪酒店的下方，我約了個老朋友在這家越泰菜聚一聚座位寬敞，而且10分多家庭客， 感覺坐得很舒適服務有酒店水準，非常細心也友善推介菜式火山排骨 微辣$228跟外面的火山排骨不同， 這裏的排骨用上一字排，口感細膩味道香濃，比外間用的豬尾骨多了一陣嫩滑感，肉也比較多，口味更鮮濃微辣果然不算太辣，湯底充滿了蒽 檸檬🍋 芫荽等配料的味道，口味相當開胃海南雞飯$148雞件10分嫩滑，別以為大大件就會鞋！入口滑溜不肥，口味特別。配上濃郁的黑醬油跟泰式酸醋，也是開胃得很油飯的份量頗多，淡淡的雞油香跟薑絲香，配大雞件口味不俗芒果糯米飯$98把芒果跟白糯米飯切砌成一件件，椰汁入口甜中有鹹，層次感分明白糯米入口即溶，加上椰汁跟芒果🥭別有一番泰式風味

到沙田探望朋友寒暄一會兒便到住宅旁的麗豪酒店聚餐朋友推介當中一間名為河夢的越泰式餐廳點了越式燒魚越式串燒式黃咖哩軟殼蟹越式燒魚以炭火烤至外皮金黃酥脆用蜜糖香茅等調味料腌制過這些調味不僅能讓魚肉更加入味同時還可以辟去腥味讓肉質鮮美多汁越式串燒拼盤有雞肉牛肉豬肉每種肉類各有兩串份量剛好外層燒得香脆微微散發炭香味同時又能保留到內層肉汁油脂夠多夠香做到皮脆肉結實配上泰式酸辣醬醒胃可口最後加上一味泰式黃咖哩軟殼蟹精粹在於咖喱醬的調校香料的微調得出的風味可以是大相逕庭這道咖哩醬味道略甜椰香的濃郁與脆皮的軟殼蟹相得益彰再配搭越式法包享用畫龍點睛恬適的南洋風味幽靜的河畔風景配上酒店式的優質服務不愧為沙田區高檔次的街坊食堂之一

今日放假，老公話不如去酒店食個lunch，去leisure一下。餐廳在酒店地下，河畔附近，感覺舒服。加上餐廳大，有室外同室外。室內係越式裝修，地方寬敞，天然光都夠晒光。帶寵物就可以坐室外，有狗狗陪住食飯都開心D啦。呢度好多嘢食揀，老公揀左泰式海南雞飯、越式燒魚、芒果糯米飯同兩杯泰式奶茶。泰式海南雞飯：海南雞每部分都有，有雞肶又有雞胸，口感都算滑。黃油飯份量都幾多，入口唔覺得太多油，乾身，老公滿意。越式燒魚：都算大條，裡面放左薑、蔥同香茅一齊燒。食落唔覺得魚肉太乾，皮燒得香脆，佢仲搽左薄薄一層蜜糖去燒，甜甜地，點埋旁邊個汁仲好食。芒果糯米飯：已切開一件件方便食，芒果甜甜地，糯米飯熱熱地，口感軟熟煙韌，好香椰汁味。泰式奶茶：賣相OK喎，個樽仔裝住雪凍左嘅奶茶，用黎打卡都唔錯。另外杯裡面嘅冰係用泰式茶製，就算冰溶晒，都唔會越飲越淡。奶味同樣重，甜度剛好。