沾仔記 (兆英商業大廈)

營業中

休息中

比總店細碗又細粒，不會再來！ 上菜又慢 莫名其妙 明明就在總店附近 為什麼差別那麼大 建議大家要去總店 千萬不要來這裏 環境亦非常嘈吵 冷氣機聲好大 雲吞和湯底都沒有 總店 好食， 不會再來

Terrible food, noodles and soup were both bitter, fish balls tasted disgusting. Waiters/waitresses were rude DO NOT EAT HERE

因為知我好中意食野，同事就話同我一齊食呢間沾仔記，唔講唔知原來佢咁出名！lunch hour去食大排長龍！去食既差不多全部都係岩岩放lunch既打工仔(姐係我XD), 由地庫既樓梯一直排排到地面，而為左令點餐效率快d, 我地係排隊果陣已經有人幫我地落左單，到有得坐低既時候，好快就有得食啦因為係第一次食+佢咁出名既關係，就忍唔住叫左個雙拼係鮮牛肉拼雲吞面！首先飲啖湯，好甜呀！唔似出面既雲吞面湯，唔知係咪加左牛肉汁呢D面好彈牙，雲吞好好好好好大粒！好爽口！真不愧為米芝蓮餐廳！牛肉不過不失，但相比之下雲吞較為出色！ 廿幾三十蚊有碗靚雲吞面食，真係正

落緊雨既星期日下午，張仔同寶仔係中環遊走，打算搵地方食午餐兼避雨。行過見到係賣雲吞麵既鋪頭，仲貼有米芝蓮既海報，就入左去搵食啦。入到去睇到餐牌，原來剩係賣三樣食物：雲吞，鯪魚肉，鮮牛肉。咁去到雲吞麵店梗係食招牌菜啦。寶仔細食啲，就叫左雲吞湯麵。張仔就好肚餓，叫左大份啲既雲吞撈麵。真係一咬落去就明白點解上米芝蓮啦！先講麵身，麵質非常彈牙，條條分明，但完全唔重鹼水味。主角雲吞成粒乒乓波咁大，入面既原隻蝦肉又大又爽口。豬肉既味道調配得洽到好處，唔會有過份的油膩感。撈麵既湯頭味道比湯麵的重，將蠔油同麵撈暈之前可以先將雲吞放入湯中。超大雲吞！！！以呢個分量同水準既麵黎講，價錢絕對係適宜，推薦俾鍾意食港式麵食既朋友！

沾仔記喺中環有兩間分店, 我通常就會去地牢嗰間分店, 因為人情味比較濃, 同埋有下午茶, 都係27蚊一碗, 算係非常之抵食啦!沾仔記地牢嗰間分店, 環境比較斜路果間寬敞, 坐得比較舒服, 亦唔會催你快啲食完, 真心讚!叫咗一碗雲吞麵, 係我經常點嘅! 雲吞面有三粒雲吞每粒雲吞就好似乒乓波咁大粒! 內裏非常之足料, 好多蝦肉之餘. 非常juicy, 皮薄餡靚就係呢一類啦!雲吞麵嘅麵質非常之上乘, 入口非常之彈牙, 亦十分之掛湯, 落埋少少辣椒醬一齊食真係amazing湯底用上大地魚湯, 有味精真係少不了, 但係真係非常之好飲!

真是我愛香港，尚有，如此好味，實在(夠飽肚），又保持水凖的雲吞麵店！可喜也！鮮牛肉湯麵，牛肉有牛肉味，頗軟滑，但又有趙口，而且，份量不少，麵爽口，湯不咸！一流招牌雲吞麵，雲吞結實又彈牙，好好味！侍應勤快，有笑容！值得一提！

星期二放工去中環食飯沾仔記起我心目中係出名嘅食肆 所以想試試佢嘅雲吞麵店內環境不錯叫咗一個雙併麵麵外觀唔錯雲吞同鯪魚球大大粒但係食到三分二覺得d湯好苦完全食唔落口唔會再幫襯

雲吞、牛肉、鯪魚球，沾仔記只賣這三款餸，當然還有油菜。我只吃過雲吞，將來的日子到沾仔記，大概也只會吃雲吞。整個上午已經被工作佔據腦袋，午餐來一碗雲吞麵，不加思索。繁忙的日子加雲吞麵，是最佳配搭。雲吞大粒有圖有真相，內有至少兩隻蝦，爽脆彈牙，雲吞皮沒鹼水味。午市$29雲吞麵有三粒，圖中多了一粒，阿姐說其中一粒爆開了，請我吃的。Lucky。檯上的辣椒油出奇地香，辣但不嗆喉，而且叫人回味。想不到任加任落的檯面辣椒油帶給我一個奇妙雲吞麵體驗。油菜的份量相當多，菜心都很爽，至少沒有發黃的菜。我看錯了餐牌，午市點了下年茶餐，換來阿姐的一句「你睇下宜家幾點」。唉！

雖說這是2017年第一篇食評，但用餐日期卻是上年度XP 原本是要來去吃檸蜜脆脆，可是朋友下午一時前要過海，那長長的人龍肯定要等上一小時，故朋友提議吃雲吞麵。老實説，我並沒有很喜愛雲呑麵，也是第一次來吃這店。星期六12時多並沒有很多食客，朋友幾年前在中環上班，表示一碗單拼麵只需$17，現在已漲至$28。餐廳亦只有雲呑、鯪魚球及牛肉三款選擇，再選擇湯麵或撈麵。我們點了一碗雲呑麵及鯪魚球麵share吃，鯪魚球只有兩顆，但很大顆，味道不錯。鮮蝦雲吞有三顆，但味道普通。相反幼麵很彈牙，亦沒有梘水味！份量來説，比麥x記大得多，一個女生絶對吃得飽！價錢亦較便宜！

如果經過沾仔記附近，我都會選擇去食雲吞河。由中學開始，我已經好鍾意食呢度獨有，大大粒既雲吞。除左食落啖啖肉之外，蝦味亦都好鮮，每次食完都好滿足！今次除左雲吞，仲叫左鯪魚球，兩樣都係大大粒，真材實料！加埋罐汽水，超滿足啦！😋

那天晚上去完離島遊，回到中環已經８點多，原來是想吃另一間粉面店，可惜已經收舖。再走走看，見到沾仔記，去吃碗雲吞面也不錯。我們兩人，一個叫了雲吞湯面，一個叫了撈面試試，還有一碟通菜。通菜：煮得夠林，菜唔老同埋幾新鮮，腐乳醬好夠多！雲吞撈面：撈面好似湯面份量多點。豪油都夠多。雲吞大粒淡淡蝦肉,不過皮厚了少少。至於面質,師傅煮得時了,太林...如果彈牙返D就好。雲吞湯面：湯底幾香濃，唯一不足就是面質同樣太過林。平平地一碗雲吞面，又能飽肚，在港島中環區算是便宜吃了。下次再來吃的時候,希望師傅煮面的功夫有進步吧～

点了招牌云吞面和双拼，超级难吃的面和汤，云吞和鲮鱼就还不错。 没吃完就走了。除了价钱不贵以外，真的不明白为什么还会有人推荐来吃这家，真心觉得难吃啊！ 想吃好吃就别来了

工作中一個人午餐，因為唔太肚餓，所以唔想食得太heavy,麵店剛好在工作地點附近， 門面其實唔覺眼，要落樓梯到地牢，地方三尖八角唔開揚，地牢比較暗，中式木桌椅，紅雕花燈罩，午飯時間要搭枱，好在唔太迫！ 餐牌食品簡單，店員爽手落單，食物好快到 雲吞麵（$28）三大粒雲吞，好似乒乓球咁大，雲吞皮薄，蝦仁爽口，豬肉有咬口，加上蝦籽增加香味！好味，幼麵無乜鹼水味，少許彈牙，不好快索湯之後淋晒，要好快食，湯底比較濁，唔清澈，不過唔夠大地魚味，唔夠甜！ 油菜（$15）菜心好大碌，要求蠔油放旁邊，菜梗爽脆，菜葉太淋，最差係個蠔油，味道好假，唔點好過點！店員爽快，唔廢話，一食完起身即刻飛撲去收碟，好勤快！廁所得一格，雖然殘舊，幸好尚算乾淨有廁紙提供！

是日想吃雲吞麵, 剛剛經過沾仔記, 則即管一試. 平日十二時多到達,也尚有位子.店內地方頗大, 是傳統的中式格局.點選了雲吞麵(HK$27). 賣相不錯, 試一口湯底, 味道很香濃, 是大地魚的味道吧!就是看湯底的顔色便知對板了. 試一口雲吞,size頗大, 有三粒. 蝦粒爽口彈牙,又夠扎實, 美味! 麵條沒有鹼水味, 也不錯.唯一問題是分量太少了, 根本吃不飽. 要再買一點東西回公司吃呢!

每個階段總會有一段美好的回憶、而每個地區總會有一兩間食店記在腦海中……今日去中環見完客，腦海便即時浮現了“沾仔記”這三個字了~已有一年多無吃了，不知道質素會否保持呢？不知道會否因地產霸權的加租而大幅加價呢？心~在想著想著的時候，腳~已經到了沾仔記的舖前了，一切很快就會有分曉了……先看看價錢、一年多前是$33現在是$34，才漲價一蚊比起港鐵那不知所謂的(可加不會減機制)有良心很多啊雲吞依然大大粒，內裡的蝦肉爽口彈牙鯪魚肉好巨型，兩粒的體積差不多已霸佔了半碗的空間了，有陳皮的香氣而且軟熟彈牙總括而言，水準能夠保持之餘、價錢仍然經濟，抵沾仔記可以連續咁多年取得米芝蓮食店之美譽的