沾仔記 (兆英商業大廈)

營業中

休息中

十二月廿九日(星期二)是日有點飽和想吃點粥麵,可是忠記又多人,於是老公仔提議到沾仔記我們未到過這間分店!在地庫....比較早去,所以不用等位!我當然點了它的招牌菜:雲吞麵,彈牙多蝦的雲吞,令人回味無窮!!只是$16,在中環來說是算平了!老公仔點了三寶河,牛肉很稔有牛味,魚肉,很大粒,味道好!雲吞不用多說了加了豆漿,是樽裝的!都富豆味,推介!!!!

個friend琴晚考完試，今日就迫不及待去中環shopping~~~之前體到話依度好抵吃，而且味道唔錯，今日特登空住個肚黎摸索路吃啊~~~去到已經12點半，入去果陣仲未坐滿，我地仲可以揀位坐添。跟住個friend要左個招牌雲吞面，而我就要個雲吞同鯪魚球淨食。去左個廁所，翻黎見到d野已經擺系臺面，效率高~~~果然名不虛傳，足足有3大粒雲吞，而且入面足足有2只蝦，咬落去好彈牙，但系覺得d蝦唔算話特別新鮮，但起碼對得住個價錢同聲望啦。個鯪魚球真系好大粒，足足差唔多1個拳頭咁大，吃到我不停咁加醋黎送添.....講真，真系比出面買既好吃好多，好香魚味，吃落去好爽，不過2粒鯪魚球+3粒雲吞就真系超級頂肚，下次要分開吃先得啦。anyway，系一個抵吃既地方，下次仲會幫襯噶。

與朋友聚舊，但因為大家都想慳錢，所以來了這間沾仔記。我和朋友都是要了招牌菜－－雲吞麵。三大粒雲吞，內有很多蝦，用料絕不馬虎又好味！麵和湯底沒什麼特別，Ok~最驚喜的是，二時半後至晚上都是下午茶時間，所以這頓晚飯才$14，很抵啊！又平又好味，而且地方整潔，值得光顧。

2009年08月23日，20:25替太座到樓上買八段錦光碟後，到這店吃麵。麵食選擇不多，要了雲吞麵。乒乓雲吞確實份量十足，遮蓋了2/3的碗面。湯底：有脂肪香味和疑似羅漢果甜味麵底：偏腍、未全煮開、鹼水味極重，最終我要加入大量醋，才不至浪費。雲吞：好大粒，皮偏軟，蝦大而不爽，豬肉口感一般。我感覺這店是最佳蛇竇：無窗的地庫，前門閃落樓梯、後門隱沒在攤檔內。

星期日中午時份，黎到冇乜人嘅中環，想搵食，行過有時久唔久都會經過嘅沾仔記，都未試過，擇日不如撞日，今次就落去試下啦。 落到去只得兩檯客，任揀任坐 (唔知係咪禮拜日嘅中環就係咁呢？)。最後揀咗張角甩頭卡位，一坐底，手執簿仔同筆嘅阿姐就走黎問食乜，我心諗：「使唔使咁心急呀？又冇人等位。」 我嗱嗱聲攞起檯面張餐牌睇，即刻明白晒。 原來可以選擇嘅得三樣嘢： 雲吞，魚肉同牛肉。 唔使諗，整碗雲吞麵試試先。雲吞大細適中，蝦有鮮味，唔會好似周街食十蚊麵啲鋪頭咁，網球咁大粒雲吞，但係裡面全部係啲腐肉。 但係食食下食到蝦殼，無非都係想話俾為大家知係鮮蝦啫。但係除殼唔乾淨，始終都要扣番少少分。另外，麵始終唔係主打，普普通通啦。裝修唔錯，地方又乾淨(可能冇乜人嘅關係)，雲吞好食，下次經過再去多次。

上環有 3 寶要食.分別係勝香園.九記牛腩同沾仔記可惜星期日勝香園.九記牛腩休息.不過都仲有沾仔記叫左沾仔記招牌雲吞麵. w a ! 三粒雲吞大大隻蝦肉爽彈外皮滑溜而且新鮮上湯鮮甜沒有鹼水味麵質爽口有咬口 ! $ 1 4 豌有咁的質素.仲可以係邊度搵到.難怪米之連都要讚

之前去上環見工,知道附近有沾仔記,想去試下.滋味真一流.我知道沾仔記有數間之多,這間豪裝沾仔記是唯一被米芝蓮推薦的食肆.餐廳以中國特色的主題.有字畫,有裝飾,不過人多,感覺像茶樓,而且是地下茶樓...找位置坐下,看看餐牌,選擇不多,食物飲品全散賣,實不宜多叫.價錢方面,雲吞麵16元,郊外野菜9元,任何飲品6元.中英日文餐牌方便外國人點食.我隨口叫招牌雲吞麵,通菜和豆漿之後,正想做自己的事之時,我叫的東西全上檯了,真快.開始進餐,三顆雲吞大大粒,每粒雲吞的份量可頂上其他麵店兩至三粒雲吞.我這一生未試過要咬開雲吞,分開數次食.內裡塞了兩大條蝦,大分飽滿.麵的質地與其他地方的潮州麵差不多,但因控制得宜,麵身食到尾都是彈牙的.通菜與眾不同的是,它上檯時仍有大量的水份在下面,吃的時候不怕通菜凍乾,而且比其他餐廳的通菜易咬.至於豆漿應是外面的樽裝豆漿,除非口喝,否則不需點選.

久久無番去上環...以前係COSCO番工都好似無食過類似GE野...但係琴晚因為番去做西裝...行開有D餓+累...見到沾仔記係米芝蓮推介食府...二話不說就先入去吃吃...本來以為米芝蓮推介...都係貴夾唔飽GE選擇...好似季節酒店啊...麥乜記之類...入去見到個餐牌...首先有點驚喜...價錢相當大眾化...點了雲吞面跟腐乳通菜,到上臺時又來一個小驚喜...因為一D都唔細碗....3粒大大雲吞...忍不住先飲口湯...不太清澈的湯底...味道帶點蝦味,都OK...鹼水面一向都不是我杯茶...因為我好怕那一浸浸的鹼水味...而且面總是堆在一團-.-不過這邊的面是分開的...可以輕易夾開...而且鹼水味不重...連我這個不喜歡吃的人都覺得滿好吃...雲吞相當讚...雖然只有3顆...但每顆都足有乒乓波的SIZE...入面啖啖蝦肉...配上一點的肥豬肉...令口感更軟滑&香~而且其實食完一整碗面...會覺得3顆是剛剛好...多一顆太多...少一顆又"唔夠喉"...菜跟豆漿沒什麼特別好說...菜的腐乳應該是水口辣腐乳...很難說味道會差-0-豆漿有可能是自家作的...因為沒出面一貫的甜

今次是第二次幫襯沾仔記的新店，沾仔記於舊年年尾得到米芝蓮評為推介食肆之一，搬了新鋪後店面裝修雅緻整潔，但假日時間客人稀疏。照舊叫了招牌雲吞麵，這裹的雲吞以它的珍寳大小著稱，饀料以原隻中蝦配以少量猪肉，生麵麵質爽口，一碗有三隻大雲吞，份量比麥奀記大很多，食完也不會有空虛感，以比平價麵店多數元便可以在較舒逍適的環境中享用質量不俗的雲吞麵，也都算物有所值。

個F話想餓，我就唔肚餓，唯有陪巨吃碗麵啦，本來我想行去LKF附近搵間caffee飲下嘢的，點知巨唔等得，就落佐沾仔記吃麵了。落到樓下，幾乎沒其他人，冷氣好勁！ 一係雲吞麵，一係就鯪魚球，米芝蓮推薦哦，係咁嘎啦，呃D游客來食的。雲吞同鯪魚球都好大粒，我就要佐個凈雲吞16。再要佐碟油菜，不過太多耗油了，好咸。D生麵係幾得，雲吞真係好大粒，好JUMBO！不過如此囉，我就唔多鐘意。

18-1-09(日)這裏好像是新開不久，環境乾淨。假日的下午很清靜，卡位任坐。雲吞麵不俗，無論質量和份量，十六元一碗實在物有所值。鯪魚球麵，鮮味十足，更覺滿意，難得是並無將貨就價。這裏因為是在地庫，要行一條樓梯，門口也不顯眼，否則應有更多客人。此外餐牌選擇不多，也可能是原因。

今天本想去食粥 誰知忠記粥店竟然沒有座位，還人山人海，午飯時間只有一小時，不想浪費時間等候，便立刻轉移到附近的沾仔記。從機利文街步行到皇后大道中，不到一會便見到沾仔記，小妹已不是第一次光顧，但由於是地下鋪，鋪面不是十分顯，要留心一點才發現門口。由於是午飯時段，店裡很多顧客，今次和友人再來，也是坐在上次來一樣"一邊"的卡座。餐牌選擇不多，但全是招牌菜，我先點了<鮮鯪魚球麵>，友人就點了<招牌雲吞麵>首先，鯪魚球很大很彈牙，亦很鮮甜，友人的雲吞也很吸引，試了果然名不虛傳，不過份量好像較細。以十六元的價錢在上環吃這有質素的雲吞麵是合理，在金融海嘯下可以有一定的捧場客。

先說明：這是小弟第一次光顧，之前並無聽過它的「大名」。早前經過大道中，無意中看到沾仔記門前貼有「米芝蓮」的介紹…雖然門面狹窄，就下去試一試啦，看看有甚麼特別。可能是星期天下午，生意極為「慘不忍睹」，除了兩位外籍傭工顧客外，全店就只有兩三位店員（坐下後不久來多了三五個客）。店員除了落單、收錢外，非常無聊，收錢那位靚姐更差點睡著呢！叫了個三拼麵（雲吞、鮮牛肉和鯪魚球），一支豆漿… 原來飲品得罐裝汽水，紙包檸茶和豆漿，全部都係凍，又甜：不健康，又少選擇！ 麵來了： 鯪魚球好大球，又滑； 雲吞新鮮，但不算大，質素一般； 鮮牛肉…鮮係鮮，嫩就嫩，但吃不出跟其他賣鲜牛肉麵的地方如深水埗維記有多大分別。$24一碗在中環吃，並不算貴，不過 total $30 連飲品就真係 not value for money。證明「米芝蓮」那本書的參考價值不高（個人認為），唔好咁盲目啦，香港人！　(其實碗麵應該俾 "", 不過綜合飲品, 環境, 收費等因素, 就只能俾OK)

我已幫襯了沾仔記很多年，由十蚊一碗食到現在十六蚊，它只供應雲吞、鲜牛肉和鯪魚球三樣麵料，全都以珍寶大少及份量著稱，最近喜穫米芝蓮一星级餐廳的榮譽，踏入新一年已搬到皇后大道中陳意齋斜對面大厦的地庫中，今天下午便去新店吃碗雲吞麵。在地面的入口貼着米芝蓮的評語和OR的優秀粉麵店大賞証書，循着窄長的樓梯往下走下去，眼前登時一亮，新店的裝潢及燈光比舊店好了超多了，玩在活像一間高級的食店，整潔非常，枱面的食具都閃閃生輝，環境真的不錯。 店員都穿上整齊的制服和圍裙，一下到去時只有數枱客，也不見往日舊店不少的菲律賓女傭，侍應立即上前招呼在卡位坐下，現在已無須先買票排隊自取食物，柯打後店員自會送上枱，看來老闆是要打造一間環境及服務更符合米芝蓮一星级的麵店。當然又是叫了一碗招牌雲吞麵，不一會侍應便送來，麵的份量好像比前多了，一碗四隻雲吞不再是大散尾雲吞，但乒乓球般大的雲吞依然包着原隻大蝦及猪肉饀，味道依舊好食，食完唔會好似在麥奀記那樣感到不夠喉，不知是不是心理作用，感覺生麵比以前爽口彈牙，很少鹼水味，麵質更接近羅富記的生麵。雖然服務及環境都提高了，不過價格跟搬店前一樣没變，我相信這是全球最平宜最抵食的芝