泉記 (已結業)

(10/6)冷靜後，吃吧！魚蛋粉繼續叫，食友亦認為魚蛋是店中最好吃的，而雲吞實屬一般貨色，多肉少蝦，亦欠缺那份應有的蝦籽，魚皮，比起夏銘記還欠一大截，反而個牛腩幾入味，吃了食友的牛筋，味道不俗，少食多滋味。而這處的辣椒油有料到，一湯匙夠火辣。風吹雞蛋殼，賽後人安樂，哈哈哈～

快快手食個晏想起上次來這裡有個紫菜蝦尾未知是乜東東儘管叫一個蝦尾魚片麵等了五分鐘才見出現一望開始懷疑係咪俾錯左我架食完到宜家已經幾日我仲未講得出究竟咩係蝦尾無論從外型從味道橫睇掂睇都聯想唔到究竟同蝦尾有咩關係外表似一舊菱形既魚蛋食落就似一舊好大舊不過比較爽既生菜魚肉或者內涵真係有蝦啦不過我食唔出真係唔係好知想點反而魚片炸得好香麵餅亦好鬼大好夠飽也許世上實在有太多唔知想點的事和人這種人又叫老闆

碧咸開出的烏龍波為英格蘭先開紀錄，好的開始是成功的一半能否如願？管他的，睇完波，大夥兒醫肚去。唔知點解會落到泉記，反正未試過，也主沒有異議的理由，一行六人分別叫了蝦尾麵、炸魚皮、淨雲吞、魚蛋河／麵、牛腩麵。幾款麵陸續的上場，賣相唔掂，潮式湯底，連雲吞麵都是一樣，失望，雲吞大大粒，蝦、豬肉各佔一半，味道唔見出色，幸好不至散修修不，點都好過永華近期的表現。見識少，唔知咩係蝦尾，就點了蝦尾麵，等了又等，好耐都未出，又追單，阿姐好似發緊夢咁，話蝦尾賣晒，真的火滾，辣塊媽媽的賣晒又唔早響，是有錢唔想讚乎？只好追加四寶河，炸雲吞、牛丸、紫菜、魚皮餃、魚蛋，牛丸是交來貨，羶味十足，只吃了半口，魚蛋、魚片內付Msg，幾惡頂，惟一可取是河粉，雖然無麵粉味，但都叫做滑，易入口，可惜湯加了大量Msg，吃了兩啖，放棄，食友問好難食？難食算不上，是頂唔順Msg而已。

我叫左魚蛋魚皮餃河, 男友仔叫左牛筋墨丸河, 另加一碟炸魚皮.魚蛋幾好, 不是彈牙果種type, 但有魚香, 魚皮餃則無乜特別.牛筋炆得很淋同入味, 墨丸普通河粉唔夠滑, 但分量夠.炸魚皮唔夠鬆化, 可能擺得太耐

(17/4)去完旺角，再落灣仔，回程前應要去吃東西，涼茶小食後還飽，故去吃粉麵就適合。一行五人叫齊了魚蛋河米麵，還有牛什河及細蓉。魚蛋真的不錯，同行的說昔日更出色，有魚味，彈牙爽口，沒有粉狀，加色更好；牛什中的牛肚可以去其他的吃到更好，牛膀炆得不錯，而個腩湯是意外，很有衝動繼續飲；辣椒油，佳作，一大湯匙先夠吃。還想吃魚皮及菜，但晚餐而適量。越吃越熱，鄰旁親友已經汗流浹背，不欲多談。

話去好多次, 今次去左食啦! 由於平日去, 唔係太多人, $18一碗魚蛋粉, 唔係平喎.....叫左個魚蛋雲吞粉, 魚皮, 油菜.油菜係生菜, 大碟而且好甜, 無咩油, 唔錯唔錯....魚皮就一般啦, 細細塊的, 油多而且有d un....魚蛋雲吞粉上枱時送埋"上湯螞蟻" 一隻, 但無同佢complaint, 唉....一早都知香港食肆d清潔水平係咁上下啦.......雲吞一般,雙併只有2只,蝦唔夠大隻, 只係一般水準.....魚蛋只有3粒, 彈牙但係魚肉唔夠多, 但overall都算係好味的魚旦, 湯粉夠滑不過腍左少少, 但最估唔到係佢個辣椒油好正喎, 味夠辣之餘又好香口, 無論油同渣都正喎, 估佢唔到!!

上星期五先來食過，今日又來。並唔係真係咁好食，只係要係呢頭做野又想食過快所以就一食再食。以前係灣仔番工，經常都會來，覺得以前好味好多，而且經過時都會覺得好香，客人多到常要坐出門口。呢兩次去都覺得少人咗好多。上一次叫咗個四宝河，牛丸同豬肉丸都不錯，感覺好彈牙同滑(竟然丸都可以用滑來形容)另外仲有炸雲吞，第一次食四宝竟然有炸雲吞，不過幾好味，雲吞皮都吃到d味，河粉略為太腍，而且好快就"爽"晒水。今日叫咗個牛什米，湯底加咗腩汁比較香，但就覺得比較"漏"咗。牛什只有牛膀同牛毛肚，牛膀只有一件，毛肚比金錢肚平而且無咁爽口，而且今次既牛肚比較難咬。紫菜四宝河23蚊牛什米18蚊唔係太貴，但係如果要食牛什就真係唔好來呢到。呢到食丸既就唔錯，可以推介。呢到既服務就明顯好左。

泉記的魚蛋粉.. ..好好味...雖然冇以前超好味...但仍有一貫魚蛋粉特色...我最鍾意叫"紫菜魚蛋粉"食...好好味...$23算合理...(香港好少有中上的魚蛋河食)

下午去吃, 都幾多人, 見這間店的招牌, 都應該好多年了...叫了個魚旦米, $18...幾彈牙, 幾有魚味, 湯底就冇乜味..水準算是中上啦, 但好似貴左d咁!

幾年前去過，都唔錯，咁早幾日去開灣仔，突然癮起走去食下，點知，失望啦！我叫左碗紫菜魚蛋河，$23，但我諗好食貴少少冇所謂，點知魚蛋”林”che che，冇晒口感，味道亦唔覺好，我記得以前唔係咁，湯又唔多夠味，好彩魚片都仲有少少水準，overall普通都非常，唔值$23！

好耐無去泉記食野. 今日lunch去鹿島做d 野, 順路咪去食la, 叫左碗紫菜蝦尾牛雜麵, 盛惠28個大洋. 泉記除左蝦尾其他都麻麻地la,牛雜就比華南差好多. 紫菜又少.麵算ok, 但28蚊都算幾貴. 唔怪之得lunch都咁少人la. 以前多人到癲左. 下次都係去再興食燒肉吧.

上兩個星期三的晚間聚會前，打個底先，再興對面有間粉麵舖平日午飯時間都好旺場，趁有時間入去食個粉，份量不算大，牛丸好似魚蛋咁冇乜口感，始終喜歡粗粒牛丸，魚皮餃反而比一般的大，不是浸係水發大左咁。相對十八蚊係灣仔來講，在其他區俾十蚊都有咁既貨色，俾多的錢就有好的既質素。

都有成三、四年冇黎過，記得以前呢度o的魚蛋唔係咁差o格~都幾彈牙又有魚味喎.......但而家咬落口諗過頭，一pat pat咁，唔掂唔掂！而且仲要$18一碗，太貴了！牛雜還可，但牛肚亦嫌諗過頭。河粉同湯就一般啦~

泉記0既蝦尾丸好出名架,我次次去都會叫,另外佢個炸魚皮都好香脆.雖然佢俾其他粥麵店貴少少,但好味就得啦~