泡泡屋 (已結業)

我好少寫食評，近日同友人傾開計先知大家一齊奶野，所以今次食評實在不得不寫!!!某天友人於雜誌上睇到呢間餐廳，見環境好似唔錯，openrice食評又OK,就一齊去食啦首先,食物質數已經唔得,魚生唔新鮮，可以稱得上難食!!!我未試過食魚生我係唔食最愛的三文魚!!!一口吃下去，除了凍味，還是凍味;帶子是腥的,亦沒有肉質可言，其他刺身算不上十分難食，得過且過罷了;唯一係甜蝦仲有d甜味.....熟食方面，選擇唔算少，但無一樣做得出色，到依家你叫我講有咩好食，我淨係諗到條食天婦羅粉嘅大蝦........呀..個紫薯都幾好食嘅其實同三五知己gathering,最重要有個地方可以清靜咁傾計，呢度就完全滿足清靜傾計的條件，因為成間餐廳咁大,係星期日晚黃金時段都淨係得兩,三枱客ONLY.雖則我唔expect$300的放題會有好好質數，但大佬你都唔係比d咁嘅野我食架...唔該寫食評嘅朋友公道d!我唔理係打手又好幫朋友都好，請你寫野要對得住自己良心!

火灸左口魚壽司有D餐廳會燒得唔夠 有D餐廳會會燒得太耐燒得太耐燒左口魚裙邊會熔哂燒得唔够耐就外熱内冷...今次就ok可惜舊魚細塊咗少少北海道帶子刺身甜美肉質鮮嫩滑滑...服務非常 very good沒有黑面情況蛋黃醬蟹棒火灸去壽司蛋黃醬+蟹棒既美味要親自試先知蛋黃醬令所有野都好滑舊飯又細encore了N次刺身:very fresh!!!三文魚新鮮唔系超市货色肥油紋理清晰油甘魚甜quite 新鮮蝦so lovely!!!!劍魚腩quite fresh this time!I will be back!!!!清酒煮蜆not so nice, sake isn't enough...蜆 was quite hard...

各款魚生very fresh!可惜切得薄其實既然唔係放題咪切厚D囉晚市放題咪又係任食!!!I'm not  impressed with the shredded cucumber!!! 咁多青瓜絲做咩呢???what is with that?咁D魚油咪唔可以滲入壽司飯中囉???冇啦啦多撻'啦'...午市放題選擇少so I picked set lunch!Maybe not a very good idea...but will go back for dinner!service, again, very good!!!

朋友生日，朋友話想試下呢間日式放題。我地三個7：00鐘到左，唔多人，環境都唔錯，我地坐卡位，好舒服。食物係自己係張order紙tick,款式都有好多，沙律，炸物，燒烤，麵同烏東…當然主角刺身同壽司一定唔小得。咁多種食物最出色都係刺身，上枱時每款都好新鮮，賣相亦很吸引，溫度夠凍--最怕食室温刺身，各款魚都很鮮甜，以呢個價錢算係高質素。其他食物都唔差，好似炸蝦天婦羅，個皮算薄，脆口又唔油膩，但蝦就比較細。沙律我只係叫左蟹子沙律，我一個人order左三次就知有幾好味啦，其實呢個沙律都唔係易做ka，切青瓜條嘅方法同粗幼都好影響沙律嘅味度，如果全部去皮就會好食好多，佢地個蟹子沙律就係青瓜較軟身同幼，容易伴埋蟹柳絲，蟹子同沙律醬一齊食，好鍾意呀！講到壽司，我覺得都好出色，米粒軟硬適中，唔散又唔乾夠潤澤。壽司飯面件刺身當然質素一樣好，但因為放題，飯，麵都係食唔得多…唯一一樣覺得要改善係個燒烤同串燒，唔知係肉唔新鮮定係燒到過耐，好硬好乾，好似放左好耐咁，我唔鍾意。整體黎講除左刺身表現較出色之外，其餘食品味道較為參差，如果要二選一，我都係會幫襯反之前團購間酒店日式餐廳嘅放題。最後要讚下員工嘅服務態度，動

友人相約到Bubbles吃日式放題，本來對放題期望不大，但竟然有意外驚喜。七點到達，只有兩枱客。樓底頗高，不會太迫，坐得舒服。食物都是像點心紙般自選的，分類有刺身、燒物、天婦羅、甜品、飲品等。啤酒是韓國的，真想配炸雞啊！點菜時店員詢問是否會員，若即時申請，便可免費送一碟香芒軟殼蟹卷，免費入會，有效一年。先來的刺身頗新鮮，以冰鎮著，保持鮮度，賣相吸引。我們選了蝦、帶子、三文魚、𩶘魚。燒牛舌不夠肥美、不夠熱。燒小蕃薯，好味。燒冬菇和蕃茄，普通而已。香蒜牛柳粒肉質夠稔。羊架味道ok,以放題的價錢，品質已合格。洋蔥肉片，令我想起吉野家。天婦羅水準相對較低，粉較厚。試了蠔、蝦、茄子和蕃薯。較喜歡炸蕃薯。原來星期一至三六點至十一點，大人$208，限時兩小時，星期四至日$238。非常超值，會再帶朋友去！

Sparkling sake!!!ice bucket and champagne and everything!!!service very nice!!!nice bubbles! abit too sweet, but something different;p作為超級fans, 食嚟食去都係 same things今次D刺身真係切得薄咗D, 細塊咗Dbe honest, you can not blame them!!!D 人喪order勁多人食剩大量魚生勁憎! 勁無品!ruined it for everyone!!!quantity no good, but they make it up from quality!各種刺身新鮮肥美下次order可能會叫佢厚切亦冇換cheap魚種焗蠔細粒咗D

本來一行五人打算到茶木，但是要等廿多張桌，奇怪的是，星期二六人到茶木，等兩張大桌便到。糊里糊塗經過金馬倫道，有位阿姐在派傳單，眼見當時半後宵夜時段有$98放題，當時已2030，而我們亦在等待老闆朋友，就先到附近歇一歇吧。再回來，上去便等位，順道選擇哪款價錢的放題。一如所料，$98只屬招徠價，一張食物單中只得零星的食物，感覺很頹，惟可照吃$168。生魚片三文魚還好，不薄不厚，不肥不瘦，中規中矩；馬刀貝極少極薄，即使之後加二十片亦像是只得十片般，友人首輪劃了五片，情況小得不堪入目；帶子小型而沒鮮味，圓周比一元硬幣小，而且欠缺鮮味，殆矣；吞拿魚更奇怪，有齒輪邊的，就像用剪刀剪出來般；鰹魚很腥，賣相亦像雞腎片一般。串燒雞腎，一串五顆左右，硬爽，練牙力佳品。羊架，不算太小，嗅起來有羊羶，吃來沒味，還好不太韌。牛舌，不錯，軟腍，入味，是串燒中最有味的墨魚咀，小得像是考驗大家的筷子功，以實物比擬，大約是女生佩戴的小顆型耳環般。吃一口，感覺炸味甚強，朋友指這就是油益味。炸蝦天扶良，皮極厚，厚得滿口粉，比同行女友人的粉底厚得多，完全吃下外皮的話，相信飽膩感勢必激增。豆腐，明顯中間是百福豆腐，絕無豆香，外

食左好多次，但都會繼續食😊九點半後就可以$98一位，食一個鐘，但質素一啲都唔差，三文魚好厚，好味好新鮮，仲有啲甜蝦都一樣咁好味，完全唔會係宵夜而懶做囉，另外一定要食嘅係甜品，一口puff，出面熱熱地，入面就係凍忌廉，一熱一冷，好有口感！要食正野又唔想太貴，不妨一試！

又係我! I'm back!!!!Dear my favourite 放題 resturant,sorry ar,這個冬天真太冷!!!冇食凍嘅嘢衝動!!!所以咁耐冇黎探你Hope you are well!!!Fans 上可能冬天D魚肥D!!!刺身very fresh!!!every kind is very 肥美!!!!!!!!!!!!!!!!!!!!!!!!!!!!!!尤其係蝦!!!新鮮到一掹就連蝦腦連汁一齊掹埋出嚟老闆連蝦種都換埋！！！連羊扒都換咗高級D嘅I love u 老闆!!! Service very good!墨魚咀有咬口 LOVELY!!!!!!Service very good!!!!

平時很少食放題，因怕好迫，好似打仗咁坐得唔舒服。今天特意約朋友一試，這尖沙咀日式放題，依度地方很寬敞，而且食物種類亦很多，我們首先叫左刺身，剌身口感ok，三文魚最好味。另外點了些壽司，熟食......其中軍艦D料放得好滿，而且紙紫菜很脆，讚!熟食同串燒都可以，熟食種類亦有D比其他放題特別，例如苦瓜炒黑豚肉，豬肋骨等等.....炸既食物，吉烈炸蠔好味!外面脆脆的，咬開後軟軟的蠔肉還冒緊煙最後輪到甜品，估唔到甜品係咁迷你同咁細件，甜品就正常，無乜驚喜!以兩百零的價錢，有卡位坐得舒服，食物又幾好，會值得再約朋友聚會晚飯

見到openrice食評都唔錯,咁岩又有團購優惠一心諗住買黎試下!!一開始梗係叫左刺身先la,叫左三文魚、吞拿魚、鰹魚...但係都唔知佢放左幾耐,一d都唔新鮮,放得太耐仲要有層薄薄地一層冰係面,全部食出來都係同一種味道!!天婦羅、吉列炸蠔又唔新鮮得炸既香味,入面既料完全係唔得!!!其他都係一般般.....最衰係俾我發現到一樣野!!!團購同正價係差一張紙!!人地有甜蝦,芝士焗生蠔叫....但係我地係完全冇囉!!仲要人地刺身有跟冰上,我地都係得個碟上!!!真係一分價錢一分貨!!搵笨既,我懷疑團購個d刺身係會特登俾d唔新鮮既你!!鬼叫你平人幾廿蚊咩!!

因為惠顧過灣仔分店4次都非常滿意, 今次為了就朋友位置, 改了到TST分店~非常失望, 食物質素 / 服務 / 環境 都失望!食物質素差) 三文魚刺身 - 暗啞, 滑滑霉霉, 就像平價自助餐貨色(差) 辣汁虎蝦 - 最愛吃既虎蝦, 竟然堆在刺身堆中, 不是分開盆上, 所以辣汁很少, 以致本身泰式風味盡失, 辣汁少我估計是因為擔心刺身都會沾到吧~(因為放在同一個盆上) 虎蝦都不夠新鮮~(差) 甜蝦 - 甜蝦只得手指尾那樣大, 若餐廳供應這個質素的甜蝦, 我見議倒不如取消甜蝦供應(好) 北海道帶子 - 帶子新鮮夠大粒, 這個難得比灣仔更新鮮及大粒(好) 牛油雜菇 - 做得好香, 不算多油, 這個讚(一般)  其他熱食都是一般, 燒物和灣仔一樣都是燒得乾了一點~(差) 刺身 - 若點得少(他們可能認為20-30塊刺身都算少吧), 都沒有冰塊墊底~ (差)  沒有雪米滋供選擇, 要吃雪糕都要先like餐廳(TST)的facebook page服務:服務員態度沒有熱誠, 最怕的是, 在我身後那枱客走咗之後, 有服務員(嬸嬸)邊執枱邊咒罵客人浪費食物, 浪費食物確是不對, 但服務員這樣亦大失餐廳專

經上次五月花一役後，我們一家對日式放題已存戒心，女兒更說以後只吃自助餐，不吃日式放題。但我買了Bubbles的團購劵啊！ 惟有以團年飯的名義要女兒再向虎山行........ 但想不到這次不但去除了女兒對放題的陰影，更發拍掘了這間超值好食的放題向大家推介。首先到的是冰鎮刺身。憑冰鎮的效果，剌身倍覺新鮮。我推介的有三文魚、鰹魚(生木魚)、吞拿魚及醋鯖魚，劍魚腩普通，魷魚較韌；貝類吃過榮螺、帶子貝和馬刀貝，整體質素屬中上。同價錢的放題刺身只得五、六種選擇，這裡明顯較多。再來的是按人數送的黃金焗蠔，上面的芝士焗得香濃，蠔本身也有蠔香,可惜水份稍多。天富羅熱烘烘的奉上，脆而不油；同碟的吉列炸蠔香得有如金蠔，外層炸得稍微過火；羊架烤得香，但肉質太腍，有點失望。若不嫌壽司飽肚的話,可嘗嘗火灸壽司，芝士鰻魚和芝士炸蝦均很不錯。放題怎可無串燒？我較喜歡燒青花魚、牛柳、甜薯等，較差的只有粟米(硬)和黑豚叉燒。此外，汁煮豬軟骨和清酒煮藍貝均是我推介的一品料理。甜品時間！但這裡的只屬一般。 粟米甜心酥太硬；炸出來的朱古力布朗尼很新穎但恕我接受不了；蘋果批味道濃厚，但似乎油炸的甜品多了點。一百五十多元便可有那麽

同班fd團購星期六晚宵夜時段食放題 。睇左食評同啲相好似唔錯，128一個人都差唔多，不過加服務費28同星期六要加30蚊…… 雖然平時都少食放題，但今次算唔錯  ，可能星期六宵夜場冇乜人啦。一開始就點左沙律，係勁細碗份量，咁就可以食多幾樣又唔怕浪費，而且食材總算新鮮。 我地亦狂點魚生，雖然黎唔齊，但食落去口感軟滑有海鮮香味，唔錯。熟食有炙物同炸物，亦有煮炒料理，甜品小食。 全部水準都好，惟獨是炸物外皮唔夠脆，隻色睇落都唔開胃。反而甜品有驚喜，勁細件，不過朱古力蛋糕外脆內軟又夠香濃 。泡芙食落去爆出香滑cream, 令人回味無窮，嗌夠十幾件不過黎唔齊。  總括而言，哩間放題其實種類都算齊全，而且全部都細細份咁黎，係哩間放題最大既特色。食物質素都中位水平，心郁郁想試好多野既夥伴可以一試～

今日收工同朋友仔想搵個地方食好d又可以傾計 係尖沙咀行行下見有coupon送, 就去試下新野日式放題啦 好耐都未試過食放題有甘多款選擇, 有7張點菜紙, 淨係刺身都十幾款點左好多款刺身, 款款都好新鮮, 特別喜歡三文魚, 肥美甘香個個都讚yummy, 要再encore 甜蝦, 油甘魚, 三文魚!!另外我地又點左串燒類, 我勁喜歡個冬菇串同栗米, 很有日式風味, 推介!! 串燒都很出色, 熱騰騰, 有小小焦香, 所以都有encore另外壽司同熱食叫左少少, 有個苦瓜炒豚肉幾特別, 苦瓜甘味估吾到同豚肉甘match!壽司外形好得意, 波波形, 一口一件, 用料豐富, 蟹子吞拿魚腩蓉一大堆, 口感十足! 仲有火灸波波壽司好好味, 個黃蛋醬好正, 食左好多舊特別推介: 新點菜紙創意料理淨係呢張點菜紙有成二十幾樣野食, 全部都係創意料理, 有虎蝦刺身, 焗蠔, 有黑魚籽同黑松露系列壽司, 全部都係特式野食!最正都係北海道帶子刺身, 大大粒, 同埋黃金釀蟹蓋, 好多釀料又鮮味, 真係好驚喜!menu仲有甜品, 不過好飽, 都冇再點啦呢度任飲汽水啤酒, 仲有甘多野食揀, 座位好舒適, 一d都唔迫而且