波士冰室 (已結業)

趕時間做野要食個快飯，茶記就岩哂啦！波士冰室有晚市套餐同埋炒粉麵飯供應，望下望下裡面既餐牌就比西多士吸引埋套餐都會跟左餐湯同飲品，飲品可以加錢升級特飲，而我地就升級左杯黑糖波波咖啡，以黑糖波波冰塊取代傳統冰塊，冰溶左後唔會搞到杯咖啡味道變淡，仲有黑糖既甜味，呢個諗法幾好！晚市套餐就叫左豆豉鯪魚炒油麥菜，炒得幾香，成碟餸既份量都幾多，油麥菜炒得岩岩好唔會過硬或過腍好耐冇食過瑶柱蛋白炒飯，所以就叫咗個！入面都幾多瑶柱，味道都唔錯最後就係邪惡既西多士！我地揀左芝士西多，牛油香加上糖漿一咸一甜既組合已經係絕配，再加上芝士令味道升級！所以話茶記都可以好正架

同小朋友上完課外活動，中間有個空檔就走咗去食下午茶，荃灣沙咀道近近地有一間波士冰室，啱晒帶小老闆去食。地方乾淨企理，特色裝修充滿懷舊色彩，座位闊落，空間感十足。生炸雞脾伴雜果沙律 $45老闆想食炸雞🍗我又想食沙律，下午茶最抵食！生炸雞脾熱辣辣香噴噴，皮脆肉嫩又多汁，雞髀調味很入味，啖啖肉老闆仔食得好滋味！雜果沙律正宗冰室的懷舊味道，蔬果蔬菜健康的，食得平衡啲人都靚啲。阿華田沙冰 下午茶餐加錢要特飲，個人極力推薦阿華田沙冰 ，濃郁的阿華田味道，沙冰 creamy 口感，軟綿綿又滑。豬扒脆皮菠蘿包 $38豬扒炸到脆皮口感，豬扒厚肉好味道，新鮮出爐菠蘿包，甜得來又夠酥脆，越食就越想食。紅豆冰勁有特色紅豆冰，香滑奶味，又有紅豆🫘香。＋$8 加半份花生醬西多士呢份西多士真係滋味無窮！花生醬勁厚，西多士充滿蛋香。楊州炒飯 $46因為驚唔夠飽，所以最後叫咗個迷你炒飯，材料豐富，炒飯粒粒飽滿，很滿足的一個下午。

上星期到荃灣「波士冰室」食下午茶，我點了一份「瑞士雞翼搭半份西多士」，而友人點了頗多人叫的「手打牛肉煎蛋漢堡伴薯條」。先上台是我的餐，眼見瑞士汁顏色濃濃，直覺告訴我是十分入味，到第一口咬下去，都已經有濃烈的醬油味道進入口腔，味道是不錯，但，略嫌偏咸。如果甜少少，我覺得效果會更加好。至於，西多士，我認為半份的份量，對不大食的我是恰當的。如果比較大食嘅朋友，可能會覺得份量未必足夠啦。而友人的漢堡，大至上是Ok! 但很可惜，或令人失望的是，食到一半，已經有兩次，食到有「牛肉碎骨」，友人咬到都覺得有點牙痛，因為佢本身沒想到，食「漢堡」竟然食到兩次碎骨。。。。這實在是食漢堡不應該有的情況吧。除此之外，味道是ok.只係想提大家，如果下次點牛肉漢堡時，下次便要多加注意！小心！小心！

是日晚飯，去波士冰室就可以滿足到我 ( 無飯煮婦✌)。這裡有不同晚市套餐供選擇，有主菜+飯+湯及飲品，兩口子叫兩個套餐🆗️啦；但想自由配搭套餐以外的，可在主餐牌再揀粉/麵/飯/小炒，一定有一款啱你。食飽飽後由我的Boss埋單走人，碗碟不用洗🤭🤭🤭，省時方便又快捷，味道好，價錢合理；環境整潔，懷舊的裝潢具特色；服務員有禮招待，整體非常滿意。🤗 蘿蔔牛腩煲($80)熱辣辣的煲仔菜，煲內的汁還在彈跳著，充滿動感💃💃💃。蘿蔔吸收牛腩的味道又保持蘿蔔的甜味，咬落多汁且一咬即溶感覺，不過要小心燙口喔! 牛腩炆得腍又有質感，入口軟嫩，咸淡適中帶微甜，牛味濃，有白菜墊底， 非常豐富，真係食到舐舐脷呀!😋😋😋 惹味醬蒸倉魚($80)倉魚煮法有好多，有煎，蒸及炸， 總是覺得用蒸加豉油就已經好好味， 今次仲有惹味醬，多了一種味道，食落係惹味D喎! 兩款菜式配白飯真係一流，無得輸!💯 見到有🥐🥖🍞是現場烘焙，可惜晚上已經沽清，為食的我又其實想食個蛋撻作總結，唯有下次早些時間來試吧😃!

荃灣不嬲都好多嘢食 平時我就鍾意去大鴻輝搵好嘢食 不過今日見到呢間有抵食既下午茶餐 而且選擇都幾多 就一於試試生炸雞髀配薯條 - 生炸雞髀外皮香脆 而且好大隻好厚肉 薯條新鮮炸起用嘅係粗薯 灑上少少淮鹽 好適合做下午茶瑞士雞翼（兩隻）配粒粒花生醬西多（半份）- 瑞士雞翼係呢度嘅招牌之一食落去甜甜地都幾入味 西多士我真係太耐冇食喇 所以我其中一個原因點解會揀呢度食下午茶都係因為好掛住西多士嘅味道 呢度嘅西多士好典型地中間夾咗花生醬再上蛋漿去炸 面頭加埋牛油同糖漿 超級邪惡 但真係好好味另外以上茶餐可以再用優惠價加配食物 吉列魚柳 - 超級鬆脆 而且唔厚粉 都幾好食半份西多 - 因為我揀既個茶餐本身只跟半份西多 唔夠喉 所以另外加多半份 而家諗起都好掛住果種味道呀茶餐當然會跟埋飲品 我哋叫咗凍檸茶 兩個人買賣110蚊有找 但係真係平凡得嚟滿足到我哋既味蕾

之前成日經過都未試過，今日一個人唔知食咩，行過就去試吓，可能因為人手唔夠，坐低幾分鐘都冇人理，但係眼見都係10檯客左右，餐牌都係一般茶記/冰室食品，無咩特別嘢，睇來睇去决定都係叫返啲穩陣嘢，結果叫咗個黑椒牛扒飯加凍鴛鴦，塊牛扒厚度都算OK，不過有5份1係肥肉同根，黑椒汁味道相當普通，牛扒、醬汁同白飯既溫度全部唔夠熱，配菜就有一粒西蘭花咁大把，個飯$61+凍飲$13總數$74，真心講去大家樂食好過……

上星期去荃灣朋友屋企打機，不知不覺打到天黑，個肚開始叫，坐得太耐，不想叫外賣，反正荃灣咁方便，落去行吓郁動吓看看吃什麼好！沙咀道都幾多餐廳，我們入咗波士冰室，地方幾大，又有卡位，幾好！有一樣野真係要大大力讚！就係侍應姐姐超級有禮貌，做野又快手，估唔到茶餐餐廳有是日晚餐，包白飯、例湯同熱飲！另外都有唔同小菜，焗飯，等等！我哋點咗兩個小菜，菠蘿生炒骨同埋XO醬菜心炒牛肉，另外仲有鹹魚雞粒炒飯！首先嚟嘅係XO醬菜心炒牛肉，好夠鑊氣，XO醬好惹味，牛肉又嫩又入味，絕對係可以食多碗飯嘅小菜！去到邊諗唔到食咩就會叫菠蘿生炒骨，水準好好，佢唔會好多骨冇肉，反正係多肉少骨，仲要份量唔少，兩個人食都好夠，排骨炸到好脆，我對咕嚕骨要求都幾高，呢個真係冇失望，肉夠腍，汁嘅味道酸甜度、稠度剛剛好，洋蔥都好甜，讚！鹹魚雞粒炒飯粒粒飯分明飽滿，多雞肉，鹹魚粒走過油，脆脆地，有口感！2個人一陣就清晒成碟飯！整體來講，冰室水準甚高，服務好好，簡簡單單食得幾開心！

平常來到荃灣接太太收工時已經8時了，大家也累，回家煮飯也太晏，因此會在附近找餐廳食飯，波士冰室正是其中常去的地方😉✏️位置: 8/10✏️環境: 8/10✏️衛生: 8/10✏️服務: 8/10✏️食物: 8/10餐廳位於沙咀道賽馬會對面，門面大而且開揚，亦算整潔，服務就是快靚正，食物質素亦挺不錯😎🌟晚市套餐A 蒜香蒸排骨 - $65當日點了兩份晚市套餐，第一份是蒜香蒸排骨，排骨蒸得嫩滑有肉香，是有一點筋但口感仍然不錯😋套餐會跟白飯、餐湯及餐飲，可惜當日餐湯送完，配了味道甜而不酸的凍檸茶😜🌟晚市套餐F 冬菜蒸紅鮋 - $80太太選了蒸魚，大大條用冬菜蒸的紅鮋，有住家菜的感覺，魚肉新鮮香滑，味道不重，感覺健康😍餐飲選了凍華田，味道夠香濃🥳🌟乾炒牛河 - $59加點了一份乾炒牛河，油香火喉十足，河粉香滑，牛肉亦夠稔，味道不錯😘🍽波士冰室 (荃灣) 📬地址：荃灣沙咀道328號328廣場地下G9-11號舖

我比較多幫趁的冰室要算是「波士冰室」，因為餐款多，又有多間分店，位置都很「就脚」，今天晚飯就在沙咀道「波士」，我今晚也任波士（東道）。餐款多，餐牌也多，看見久遺了的公司三文治就好想吃，於是要一客大家分享！三文治裏的生菜、蕃茄與沙律醬使我胃口大開！三份晚餐分享，更富口福：老火餐湯~味道濃密、略鹹少許。Xo醬蒸豬頸肉配白飯~不太濃郁的Xo醬汁蒸豬頸肉，味道適中，豬頸肉質爽脆可口，粉絲掛滿醬汁不鹹，味道很好，是很理想的下飯好餸。 雞扒炒烏冬~被端來的炒烏冬嚇了一下，誤以為素炒烏冬，原來是角度問題， 雞扒份量蠻不少的，味道也合宜。吉列豬扒漩渦蛋包飯芝士汁~從份量角度看是十分抵食，超級大的吉列豬扒長約7吋、厚度也接近1吋了！肉質非常鬆軟，造型漂亮的漩渦蛋很香滑，覆蓋在超量白飯上，白飯上還舖有芝麻、紫菜碎，增添色、香、味與營養值。乒乓波黑糖奶茶、阿華田沙冰和我的蛋白杏仁茶~市面上已經不容易遇上生磨杏仁茶，這裏的自家製生磨杏仁茶口感很濃密，有微細的杏仁碎、微甜，稠密中又有蛋白的滑溜，是一杯很有營養又可口的舒適飲品。冰室兼售出爐麵包蛋撻，晚飯時刻全部售罄。

近年流行冰室，開到成行成市。感覺上冰室都走懷舊feel，地方乾淨企理啲，價錢又貴啲。雖然食物款式比茶餐廳少，但質素上比較精緻啲。所以深受後生仔歡迎。今日行開荃灣，一於去試下波士早餐先。早餐 (B)珍珠帶子火腿通粉，配滑蛋厚多士。味道同坊間差唔多，冇驚喜亦冇驚嚇。滑蛋蛋味幾濃，配剛烘嘅牛油厚多士，絕。早餐(F)西冷牛扒併雞肉腸，配櫻花蝦滑蛋厚多士。西冷牛扒係比較廉價嗰種，比BBQ牛扒好少少。雞肉腸係廚師腸，感覺同連鎖快餐店嘅早餐差唔多。唯有期望吓個櫻花蝦滑蛋啦！點知原來係响普通滑蛋加少少櫻花蝦乾咁，味道亦冇乜分別，真係白期待喇！早餐(G) 沙爹鮮牛肉麵，配滑蛋厚多士。沙爹味道濃郁，有別於坊間茶記味道。而且份量足，配埋滑蛋多士加餐飲，給予勞動人口一日嘅動力。食物質素尚可，但不得不提係環境安全問題。座位旁邊有「波士冰室」嘅鐵片做阻隔，但可能日久失修，個「波」字中間嘅鋒利鐵片已經飛出。一個早餐時間，我隻手俾佢刮咗兩次，件衫俾佢又刮咗幾次。真係好危險，希望店家及早注意一下啦！

波士早餐餐廳格局很乾淨，服務態度不錯，坐位寬敞，早餐選擇多，今次揀左個魚柳餐，魚柳好大塊， 新鮮炸，好食多士同炒蛋不過不失，價錢40零蚊，早餐時段去到11點半，早餐好地方。

由荃灣站落車行都唔知去邊食好…呢期糧尾😮‍💨唔想食太貴，我老公行到寶石大廈睇咗幾間，因為唔算貴，同埋睇人食好似幾正🤣食物芝士汁魚柳焗飯 ~$60 單售真係好勁芝士！超級好食！個飯份量勁多🤣我食咗一半都飽，如果我帶埋個仔就可以2個人食1個飯吉列豬扒漩渦蛋飯超大塊豬扒🫢好脆~又夠厚❤️不過真係要汁另上，因為啲汁會令個脆面好快冧個漩渦蛋一上黎係靚嘅，不過略嫌啲蛋漿唔夠多，好薄，個飯有啲鏗魚干同紫菜芝麻，好香。呢個份量反而女仔食會飽凍飲加3蚊👍🏻環境地方都幾大，都乾淨，不過如果要去廁所就要去定先，因為佢哋呢到個廁所係要$20借鎖匙，仲要行岀去(我唔識路🤣所以冇去到)服務啲姐姐好nice,因為茶記人多傾計，所以佢上焗飯都好細心係耳邊提示個焗兜好熱，因為個碟同個兜都係白色🤣🤣🤣同埋嘟Alipay HK有得減$10❤️❤️❤️好正！

第一次食2個人手打牛肉煎蛋漢堡伴薯條個漢堡幾好味乾炒豬扒公仔面味道Ok 係份量少d懷舊雪糕紅豆冰係我既至愛 +$16 覺得可以再大杯少少姐姐服務態度ok座位舒服可以再戰

小菜除咗大排檔好食，跟住都應該係茶餐廳，當然唔計果啲高級中菜廳😂今晚去探朋友，朋友帶我去附近食茶記，話啲小菜有水準，我緊係無異議啦。小菜餐跟飯及飲品，見到杯特飲個名咁得意就叫嚟試下，杯特飲叫做黑糖冰波咖啡。原來係將黑糖做成波形的冰，放入咖啡。所以剛剛飲時，咖啡味比較濃，後邊會發現甜味增加，但又唔會去到好甜，唔錯。我哋叫咗兩個小菜， 蒜蓉炒西蘭花同埋京都焗肉排。西蘭花無煮過火，上菜時仍然鮮綠，保持到爽口的口感。 蒜蓉醬好多，所以基本上每一啖西蘭花都會有好重蒜頭味，啱晒我👍🏻京都焗肉排都好有水準，醬汁酸甜味做得剛剛好，食到停唔到口，加上肉排都好入味，唔會比大排檔差，朋友果然無介紹錯。如果大家去開附近，都可以試下呢一間茶記。

咦，裝修夠麻甩，試一下吧。我們點了兩個套餐，於是店小二隨即奉上例湯，“老黃瓜煲XYZ”，難得沒什麼肥膏，也沒味精，OK！“咸魚蒸肉餅”，肥豬肉沒有 與瘦肉部分混在一起，肥豬肉還粒粒分明，不規則地散佈，所以起碼肥豬肉是手剁的，豬肉本身也很有彈性，夠煙韌，應該全程用手搞機會很高，夠認真。“xo翠瓜西芹炒鮮魷”，還好，蔬菜新鮮，西芹和翠玉瓜還很脆口，至於鮮魷起碼沒有腥暈暈，食材、耐心並無因價錢而妥協，不錯。