波士冰室 (已結業)

同小朋友上完課外活動，中間有個空檔就走咗去食下午茶，荃灣沙咀道近近地有一間波士冰室，啱晒帶小老闆去食。地方乾淨企理，特色裝修充滿懷舊色彩，座位闊落，空間感十足。生炸雞脾伴雜果沙律 $45老闆想食炸雞🍗我又想食沙律，下午茶最抵食！生炸雞脾熱辣辣香噴噴，皮脆肉嫩又多汁，雞髀調味很入味，啖啖肉老闆仔食得好滋味！雜果沙律正宗冰室的懷舊味道，蔬果蔬菜健康的，食得平衡啲人都靚啲。阿華田沙冰 下午茶餐加錢要特飲，個人極力推薦阿華田沙冰 ，濃郁的阿華田味道，沙冰 creamy 口感，軟綿綿又滑。豬扒脆皮菠蘿包 $38豬扒炸到脆皮口感，豬扒厚肉好味道，新鮮出爐菠蘿包，甜得來又夠酥脆，越食就越想食。紅豆冰勁有特色紅豆冰，香滑奶味，又有紅豆🫘香。＋$8 加半份花生醬西多士呢份西多士真係滋味無窮！花生醬勁厚，西多士充滿蛋香。楊州炒飯 $46因為驚唔夠飽，所以最後叫咗個迷你炒飯，材料豐富，炒飯粒粒飽滿，很滿足的一個下午。