波羅密素食 (已結業)

昨晚小學同學聚會，一圍人一圍檯容易傾談，飲住杯茶慢慢食。我們食住等其他朋友來，先叫了幾個餸慢吃。中式牛柳，好味，質感好似！牛柳有五香味，都幾香！香醋燒大蝦，甜甜酸酸好開胃！蝦的質感亦十分似，有青紅黃椒是我的最愛呢！葡汁焗金瓜，裡面是"海鮮"，南瓜又甜，葡汁香，真的好好味，可以撈飯！芝麻雞，是大家的推介，有檸檬香味，雞表面用層芝麻封好，吃下去有陣芝麻香，正！雀巢泰式炒飯，有素肉、素蝦雜菜粒紅米等來炒，亦十分香，不會很多油。波羅蜜什菜煲，這個湯底十分清，沒有油很甜，也是有"海鮮"雜菜、粉絲作材料。茄子排骨煲，來到時個煲還是"啫啫"聲冒煙，好熱呢！由於這個比較濃味，我只吃少少，茄子好味，排骨用蔗蝦的做法，好得意，亦好味！甜品紅豆糕，紅豆大粒好味不太甜！整體十分不錯！亦十分滿意呢！^^

五一勞動節，同媽媽去完郊遊後，就出銅鑼灣食，那天波羅密素食都有下午茶，所以我們就入去食午餐加下午茶。叫了三份下午茶，有小食、主菜加甜品都是$38呢！粟米粥是我的最愛，除了粟米外，還有菇粒、木耳，好爽口，味道都幾甜幾好味。小食鮮竹卷，內裡有素蝦，蘿蔔等，都幾爽口，味道還可，但因油炸會油一點。香菜菇粒炒飯，炒得乾身，沒有天之源的甜，但都幾好味。雪菜椒絲炆米，味道夠，有紅青椒絲，好香，這個不俗。小食素菜蒸餃，素菜好味，但不夠多，皮較厚一點，但都好食。小食鮮竹牛肉，質感好似，內裡有馬蹄，都幾爽口，汁調較的味道也很好。甜品桂花糕，很清新，不太甜，夏天食一流！整體今次的下午茶好滿意，其實這間都食過好多次，因為這裡不太多人，所以傾談都不錯呢！

買了$168兩人素食晚餐2個小菜份量太細碟了, 好像前菜size般日式芥末沙拉骨 ~ 個"沙拉骨"是由疑似肉包著蔗, 沒有食肉的口感, 個汁及配菜就好味川椒六和雞 ~所謂的雞是"麵筋", 也是汁及配菜好味!! 鮮茄牛柳焗飯 ~ 份量最正常, 雖然不覺得似吃牛(沒有牛的質感), 但味道整體不錯桂花糕 ~ ok餐廳環境及服務都是值得一讚! 餸菜有心思, 不過不失, 份量以團購價來說也算是合理

個股市嘅成交竟然得番4百幾億。既然買賣两閒，不如睇多D團購！買咗波羅密嘅團購。由於從前嘅經驗, 佢哋D正價食品都係份量偏少, 所以故意3個人食而買4人餐。Last sunday 去咗, 海皇翅係用素菜料做, 但頗鮮味。鬼馬义燒除咗D甜味有點似义燒外, 其餘口感與外型都唔似, 但食落D油炸鬼係趣趣地, 幾得意。京式牛柳外型做得似, 都幾好食。六和雞就外型唔似, 但味度頗好。甜品籃瓜番薯糕, 真材實料, 唔錯。整体尼講, 波羅密嘅出品食味幾好, 仲有D創意。團購嘅條款係冇寫包唔包"茶"嘅, 結賬時我估計佢會收番3位茶嘅錢, 但結果茶係免費, 都算佢老實, 抵讚。份量方面係正價嘅份量, 並無故意縮晒水去呃團購客, 但係由於佢哋正價嘅份量係偏少, 所以E個4人餐係唔夠4個人食嘅。結果我哋3個人食而買4人餐, 証明係英明決定, 夠飽。服務方面都幾好, 全是中年侍應, 穩重, 勤快。結論 : 波羅密嘅出品食味幾好, 仲有D創意, 係有 heart 嘅 restaurant, 但份量偏少。

銅鑼灣區人多車多，晚市想找間不用等位食店挺難，我們在附近一直想著晚餐如何是好？若選擇在心臟位罝鐵定大排長龍，突然腦筋急轉彎浮現處於較偏位置利舞臺廣場的波羅密素食，雖然銅鑼灣店只吃過一次，但仍然記憶猶新，當時親戚設宴兩圍，大部份新穎菜式都很好吃！兩人很快已踏進餐廳門口，當時七時半左右，店內食客不算太多，寧靜環境本來就是素菜館特色，靜心！裝修對比其他齋店顯得精緻，牆壁上佛家小和尚勤奮圖畫充滿教學意義，也是整間店的特色！ 頭盤要了齋鹵味，有豉油齋、甜酸齋、麵筋齋和腐皮卷等鹹酸味道調製適中，容易咬口非常腍，脆卜卜腐皮卷最為突出！一人一份量趣緻迷你節瓜船，清澈見底的湯有濃郁香菇味，內有清甜粟米件，再吃上像瘦肉的入味菇類，融合節瓜湯和素翅吃很有清新感覺，對於今晚偏油齋菜起了平衡作用，可以一試！先來的海苔(紫菜)杏香(杏仁片)炒飯較乾身飯粒有點硬，可能用油較少導致，試混和杏仁片一起口感會好些，但奇怪地我完全吃不出紫菜味哦，只有淡淡的炒飯味道！雖然如此，這個炒飯卻包含少油少鹽的健康元素，可以接受！一直以來齋菜和麻辣是扯不上關係，大家很理解是宗教的一回事，剛才在餐牌上竟然看到有麻辣素牛煲？莫非與時並進打

友人初為素食者,所以和他食飯要以素食為主,以前多數往"功德林",但去得多都悶,早個月初試"大自然素食",但服務態度. . . 睇左之前"波羅密"的食評,都不敢抱太大期望. . . 當晚8:30 walk in即有位 (可能平日啩) 2個人點了4道菜(賽磅蟹+蜜汁叉燒+吊燒雞+糖醋魚) +2碗白飯等候期間飲啖茶+食枱上飯前小食(好似係酸瓜??), 茶很香,唔洗等好耐4碟餸輪流熱辣辣送上1) 糖醋魚 - 汁同"魚"都好味,d汁用來送白飯,好快食晒碗飯; 至於"魚", "魚皮"係腐皮,炸到脆卜卜,同d糖醋汁好夾 2) 吊燒雞 - 味道普普通通,不過都係炸到脆卜卜,點埋d類似蝦醬o既野,會好味d3) 蜜汁叉燒 - 好味到無得彈, 比真叉燒更好味, 上菜時見到黑mon mon以為好燶, 入口一試,不但唔燶仲有d脆. . . 推介推介4) 賽磅蟹 - 見隔離枱碟賣相咁靚,於是叫來試下. . . 西蘭花爽口, 蛋白炒得非常好唔會乾身,食之前再撈埋蛋黃. . . 推介推介飯後另送甜品椰汁大菜糕 - 甜而不漏,好味每碟餸都不是很大碟,所以感覺價錢上較貴,若一大班友人去就可能要叫多d另外一定要講下服務,侍

素菜其實好好食，特別是全蔬菜做的齋菜，吃其鮮，清腸胃，幾好。一直吃開灣仔茹素食，她的素叉燒好得，暫時是我食過咁多間最好的。(因為以前做過素食專題，所以試過很多間~) 新派的款式好吃，其他菜蔬亦吃得出很新鮮，濃味淡味皆備。不過上次聰嫂帶我去利舞台上面個間波羅密素食都不錯 (聰嫂是聰嫂私房甜品主理人，剛在銅鑼灣開了分店，以龍眼豆腐花和蜜瓜豆腐花最出名~)，吃了個健康十谷炒飯，飯粒有嚼勁，不太硬，香口非常；點心即叫即蒸，新鮮到不得了。早前再去，點了個椒鹽百靈菇，嘩，好香，微脆多汁，好味好味！京式牛柳，像真度一般，但汁底調得好，不酸不甜不膩。賽螃蟹...... OK啦~ 太少蛋了。灌湯餃最差，內裡滑潺潺的，不知是什麼，好怪。那裡的負責人服務很好，我遲到，是最尾一檯走，不好意思地和她連聲道歉，她又不好意思地道謝和說對不起，哈~ 怪怪的，像日本人躬身不斷。

星期日下午和薑餅人家人今次決定不去飲茶, 而選擇去吃齋菜.我個人不太喜歡吃整色整水的素菜, 最自然而不喬妝肉類或海鮮類的素菜反而來得吸引.素菜拼盤有涼伴茄子, 豆乾大豆芽, 芝麻伴四季豆, 類似齋叉燒和齋牛. 各款涼菜做得也不錯, 清新開胃.涼瓜黑松露炒蛋白清中帶香, 有涼瓜的甘香和黑松露的幽香.椒鹽松茸十分香口惹味, 菇類雖經酥炸, 但仍可保持濕潤.松茸黃金扒絲瓜賞相不俗, 瓜肉清甜, 松茸吊起香味來.蟹皇扒鍋巴最吸引的是脆卜卜帶著米香的鍋巴, 素蟹皇略嫌咸了些.炒飯十分健康, 有糙米和粒粒蔬菜, 味道不會過寡.閒來吃餐素菜也不錯, 薑餅人還說吃後感覺精神些呢!

舊同學約食飯, 其中一位要食齊, 所以嚟咗呢度叫咗一個併盤, 有中華沙律, 素魚生, 素螺肉, 素煙鴨胸, 仲有一堆類似係素海哲的物體個螺肉最似, 無論係個樣同味道或口感都可以以假亂真煙鴨胸個樣做得幾細緻, 但味道完全唔係嗰回事, 小小煙味都無魚生賣相ok的, 點wasabi同豉油食有七成似中華沙律本身都係素, 自然無咩特別仲叫做一個煲, 有唐生菜, 素魚蛋, 素鮻魚肉, 草菇, 豆腐食材同味道都唔特別, 喺屋企都整都嗰隻鮻魚肉個味比魚蛋真一人要咗一隻灌湯餃$18一隻, 我覺得麻麻, 又係入面包啲素魚翅朋友話個湯好味精, 食完好口渴一個芋頭魚餅, 不過不失啦, 竽頭炸得幾乾身, 唔會太油一個日式芥末沙拉骨, 唔係太食到有芥末味啲肉個口感係整得幾似的但成碟都橙色, 感覺好色素免費甜品係桂花糕, 幾好食, 唔太甜, 但桂花味再濃啲會更好服務一般, 朋友叫了兩杯菊花蜜, 待應姐姐說冷熱同價 $12 杯但收錢時張單寫凍飲 $20朋友同收銀解釋落時已問清楚事應(remark: menu根本冇寫凍飲幾錢, 只寫住 $12, 所以朋友落單前已經好醒目咁問咗待應)但收銀嗰位問番我地係邊個待應咁講, 話

唔睇價錢牌都唔知，原來菊花比起普通茶係高出成倍有多，普通茶每位$5，菊花每位$12。唔明點解waitress唔事先講明，以免有argue，前菜（青椒榨菜粒每碟$12）。第一，可能大部份人都未必會睇個茶介每位係幾多；第二，可能到左埋單見到價錢先會問；第三，又或者食客會照埋單，變相食店收既價錢變得理所當然。日本芥末沙拉骨：竹蔗串上肉，Ｄ肉既口感好似真肉一樣，唔似係面筋造成。加埋wasabi同salad醬，甜酸辣味集於一身。桂花飄香金銀翅：素翅，芽菜，芝麻粒，芹菜，金荀絲。賣相吸引，味道清清地，落少少紅醋調味又不錯喱。送：椰青糕－入口即溶，桂花糕－味道好light，但口感都不錯。

一心想過一個健康的週末，所以在星期六早上往球場跑步後，就到銅鑼灣利舞臺7樓的波羅密素食嚐新。其實，本身已經吃過好幾家素菜館的素菜，包括: 標榜Fusion的貴德宮、傳統粵式素菜的東方小祇園和蓬萊素食、上海素食功德林、私房素菜素之樂、新派的大自然素食和Loving Hut，還有玄圓學院和寶蓮寺的寺院素菜等。因為本身沒有吃全素(即戒吃五莘及蛋奶)的習慣，所以素菜菜式方面有更多選擇。自問較喜歡精緻的貴德宮Fusion素菜，最不喜歡的就是大自然素食那種以素扮肉，味道頗假的所謂素菜。由於第一印象覺得這家店所走的路線跟大自然素食差不多，所以不敢對它有太大期望。甫坐下來點了一個午市套餐，要了一客日本芥末沙拉骨(包一個湯和一個飯)，另加一些點心，如: 水滴花壽司、沙律蝦春卷、豉油皇炒腸粉。甜品方面有蛋白杏仁茶、桂花糕和此店所送的蕃薯糕。整體方面簡直令我有喜出望外之感，而且回味無窮呢! 首先說說那個日本芥末沙拉骨，沙律醬混進了日本芥末，味道清新，酸酸甜甜，以素肉包在甘蔗條上炸成的”排骨”味道可以接受，沒有怪怪的素肉味，加上小炒式的鑊氣和夠味道的汁料，很香口惹味。 水滴花壽司是眾多點心中我認為最好的一個，

今日行山暫停，改為行街購物，和珍珍不覺地行到兩點幾，早前在開飯喇查銅鑼灣的素食店時發現一年前我曾評為笑臉，位於佐敦的波羅密素食停業後在銅鑼灣重開，於是去試下，店不大卻裝修得雅緻明亮，坐得舒適，待應招呼不過不失，點了下列食物：草莓醬燒骨 $68 午市套餐：三色椒、菠蘿、草莓、素肉包着甘蔗，色香味一流。 跟例湯，一點也不例，湯濃料多無味精。跟白飯，軟硬適中。蘿蔔榚 $18：三大件，真的很大件，每件 4 吋x 2吋x 1吋厚，軟硬適中，非常好味。杏仁腰果露 $20：味香，甜度適中，正！茶 $5 位、免加一、共 $116

本人是一名追求健康的素食者，口味偏向清淡，對味精很敏感，所以當試到間唔落味精的好店時，當然要分享一下。昨日lunch，點了2個$48免加一、茶錢，送甜品的套餐B1、B5 。主菜ok，中式咖喱d味唔會太濃，唔辣，撈飯食正。西芹爽口無渣，咕嚕肉鬆化。最出色係佢個甜品，真係「入口即溶」，凍凍地小小甜，arm曬我ed連凍檸茶都覺得甜的人。總結：無味精，食物與環境俱佳，適合追求健康的人仕！