泰一流泰國菜 (已結業)

好少喺毓華街食lunch經過有泰國嘢就膽粗粗試吓本身佢係有lunch set炒雞肉金邊粉嘅，但係我想試吓個鮮蝦就叫咗晚餐價錢$68，加$10叫埋杯泰式凍奶茶（少甜），但都非常甜，唔建議冇飲開甜嘢嘅朋友試😂個金邊粉份量適中，酸甜好開胃，幾好食，個蝦就冇咩特別，不過主角係金邊粉就冇咁多要求，下次應該會叫返lunch set$54包嘢飲比較抵總括來說是推薦的😎

💪🏻 泰式雞肉炒金邊粉 （$49跟餐）呢間餐廳係泰國人家庭式經營，人情味滿滿，係慈雲山都做左10幾年，大件抵食🤪！金邊粉炒得偏濕，醬汁較多，但金邊粉都炒得夠鑊氣，食落都夠煙靭😋！金邊粉內有少量豆腐乾、椰菜、韮菜、花生碎，令到口感更多層次！但金邊粉調味偏酸，未必個個人都鍾意，但整體都食得出地道嘅泰式風味！雞肉用雞髀肉，都夠滑，唔鞋口。味道：6.5/10性價比：8/10 食住瘦指數：💪🏻💪🏻/5

好好味，喺OpenRice買，仲可以用積分換購，減咗$17 ，買咗炭燒豬頸肉同埋燒雞半隻，非常惹味香口，最搞笑係，喺OpenRice訂購嘅時候唔記得調校時間，三點幾已經煮好，我晚上先至拎，但係仍然很美味！

第一篇食評！今日食泰國嘢，寫下食評先環境係一般茶餐廳感覺 佈置簡陋左右兩間同一個老闆坐咗喺左邊間鋪 鋪入面坐到20人左右位置鬆動 清潔度好一般坐低叫咗個海南雞飯同pad Thai (走芽菜)味道未去到食到泰國嘢個種快感，得三隻蝦，仲食到有蝦殼，唔係好油但係好一般，食食下見到隻細飛飛係碟嘢到都係一般，油飯唔油，雞有少少骨，味道還好，得一隻醬汁點，食到一半，食晒啲雞無再食飯。總括同價錢都算同嘢食成正比，廚房入面有泰廚，平民飯嚟講還可以😌

呼 🚬 有個朋友話：「喂！我屋企附近有間好正嘅泰菜！啲嘢好好食，啲串燒比你之前介紹個間仲好食！😆」咁啦我就本住探險家精神決定窺探呢間泰菜嘅廬山真面目🦭！🍴泰式雜菜煲 $78 🌟普通到唔再普通嘅雜菜粉絲煲......食得出廚師盡咗力放好多心機落去，但呢個心機真係太普通同太鹹呢🤧🍴泰式春卷湯金邊粉 $58 🌟🌟我真係好鍾意食金邊粉🤤呢個金邊粉麵身正正係我最愛嘅腍身😆清湯底唔太鹹唔太淡，又唔太特出。但份春卷非常一般，只係普通嘅蔬菜夾雜些小肉絲，食落唔太油膩同酥脆。再加上廚師將泰式雞汁同春卷放埋一齊，搞到個春卷皮腍晒，扣分！**可能有人怕清湯太寡，唔緊要！記得善用泰菜館啲醬料吧，加入泰式魚露、辣椒粉，同砂糖令成個湯底昇華到可辣可唔辣嘅層次！🍴招牌串燒（雞/豬）$88 🌟🌟🌟我個朋友極力推薦嘅招牌串燒，唔難食但唔算太特別......雞肉串燒食落嫩滑鮮甜，搭上綿質惹味沙嗲醬 ，絕對適合用嚟送啤酒或白飯/湯河；豬肉串燒肉質鮮嫩，咬落有陣濃濃香甜豬肉味，肉汁同脂肪喺口內爆開，齒頰留香🤤 由於串燒真係好難整到難食，除非佢成串燒燶咗，否則難食極都有個譜...... 呼 🚬 食完成餐，我決定嚟緊一個月都唔想

用外賣app叫泰國野，通常啲餐廳都係九龍城，呢間係慈雲山嘅竟然又幾高分，試試佢先泰式鮮蝦炒金邊粉滿滿嘅一盒金邊粉，炒得好香，兩隻蝦大大隻好爽口，本來諗住食一半留比屋企人，都係忍唔住食曬成盒唯一缺點係花生碎無香味，完全變左裝飾泰式炸蝦餅呢隻炸皮係比較淋，裡面滿滿結實嘅蝦滑，點埋泰式辣醬正呀泰式雞串燒雞肉睇落好靚仔，咬落唔會乾，亦唔會黏住枝簽，但欠缺焦香，無點醃過味道亦都比較淡，要依賴個醬，可惜呢個醬稀到水咁轉一轉個醬會好好多會因為個金邊粉再Encore

舖面得六張4人卡位，典型小店格局。半隻泰式海南雞已去九成幾骨，雞皮下起到層啫喱，尚且有啲雞味。炸蝦餅本身4件，自行分為8件半形，麵包糠外皮脆，內心熱到辣咀，口感彈牙。串燒雞豬有啲懸念。雞肉勻咗少許蔥段逐粒串；豬肉一塊過，竹籤寧舍粗身似現成串燒package。兩款口感同好食度都係雞肉優勝。提供嗰個咖哩色醬汁就唔夠杰身又唔夠味，似用水稀釋過。泰式鮮蝦炒金邊粉，甜酸汁都幾重手，頗甜，有啲冚咗蝦味。馬拉盞通菜，有啲偏鹹。叫杯芒果沙冰，姐姐仔叫我地先飲幾啖，以為咩事，原來佢話將榨汁機剩番啲芒果沙冰倒埋俾我哋費事嘥，呢啲貼地嘢認真小店特色。

今天跟同事外賣，食了慈雲山泰一流的海南雞飯，外送很準時🤤送到來仍然十分熱辣，值得一讚！💛叫了海南雞飯，雞肉都很嫩滑而且入味，分量給得非常多🤣🤣毫不吝嗇 。值得欣賞的是雞皮不會有太多肥膏🤣整體來說不錯！

看到評論說是一家泰國人開嘅，所以專登黎試一試。食品雖然會較細份，但味道真係無得頂👍🏻👍🏻👍🏻豬手同海南雞超滑，炒粉好有鑊氣。飲品夠大杯。已經准備好下次再去試其他野。真的很不錯。

疫情無得去旅行，好掛住泰國。朋友介紹食這間小店，大家一行三人便去試試。舖頭雖小，但食物都不錯。生菜包好好味，辣度十足，價錢亦ok.燒豬頸肉有一點甜甜地的味，十分香口。泰式炒金邊粉亦十分地度，不錯不錯。外賣了芒果糯米飯，賣相一般般。食落椰汁味亦都不夠。

正宗泰國人主理，原本諗住8點可以番到慈雲山，點知的士爆軚遲咗9個字，店主重新炒過個菜俾我哋。好有愛呀。馬拉盞炒通菜，有啲辣。炒濕河好好味。豬頸肉湯河，豬頸肉有少少奶味。

話說草子是鄉下人，4-5點就會叫肚餓，要食夜晚飯。於是我話喺app睇下有咩叫。咁啱見到5:00 pm前仲可以叫泰一流嘅lunch我地就試試佢泰式濕炒肉片河本來以為佢會係一盒炒粉外賣盒，點知佢係湯麵盒裝住，汁同湯分開。河粉好似輕微煎過。啡色湯有菇，有菜，撈埋河粉，幾好食，唔油膩😋泰式海南雞湯金邊粉湯偏咸，海南雞不算嫩滑，但是金邊粉口感好食，整體來說不過不失椰青真是佛心價 只需要加$18 就可以有一個椰青，出面超市都買$16-$25，餐廳點一般都要$30起泰式咖啡餐飲價但手搖杯size ，味道幾似泰國🇹🇭飲開的，思鄉可以點

慈雲山冇乜泰國嘢食，呢一間其實都好多年，午餐來講佢唔算特別平，但係正正常常$50 ，其實就唔係特別抵食，不過佢係正宗泰國人做嘅泰國菜，整體來講都幾好，特別係午餐唔使等位，入邊都好足夠嘅位置。今日食咗佢嘅海南雞飯，我好鍾意佢嘅醬汁，雖然唔好似平時餐廳咁有三款俾你揀，佢只係得一款酸辣醬。但係佢泰國嘅風味都流露出來，我覺得食到泰國嘅感覺，同埋海南雞都正正常常，特別係佢嘅雞皮脂肪唔係特別多，我都食得幾津津有味。大家嚟到嘅話，海南雞飯喺慈雲山來講，我諗都唔係好多間餐廳有，所以大家想食海南雞飯可以嚟呢度。但係注意，要飲品嘅話要加錢。

好耐冇食過泰國嘢，決定食一間正宗泰國菜，侍應應用都係泰國人嚟，但識聽廣東話，所以大家唔洗特登用英文嚟落單泰式菠蘿海鮮炒飯 $78非常之大盒飯，外賣嚟講，賣相都幾靚，飯面有肉鬆同腰果，配埋啲飯食落口非常之香口，而且海鮮非常多款，有蝦，有蠔仔，八爪魚等等，味道方面亦都好惹味，啲黃咖哩粉冇搶走海鮮啲味道，但配落飯真係好好味，有菠蘿令到盒飯食落口唔會好乾，因為佢真係炒到粒粒飯都好乾身👍🏽椰青 $32個椰青好好飲，夠甜，而且椰青內都好多肉可以刮嚟食整體上，個晚餐非常之好味，味道絕對對得住個價錢，但唯一係椰青冇另外俾多隻匙羹我刮，不過問題唔大，但見到佢餐具袋係海綿寶寶真係見到都覺得開心

我一向鐘意泰菜，鐘意佢夠惹味! 今次試左位於慈雲山的「泰一流」餐廳的外賣，點左豬頸肉湯河，再配龍眼冰。佢的燒豬頸肉真心正，好香口，無肥膏，又啖啖肉，真係食唔停! 不過個湯河湯底感覺就好一般，似有味精，同材料唔多，可能下次試下豬頸肉配其他。龍眼冰都唔錯，甜甜地，適合夏天飲，非常清涼! 同埋感覺都幾大杯，跟餐+$10就有一杯，幾抵飲。總括來講算唔錯，因為價錢唔貴，唔洗$50，豬頸肉好味，飲品大杯! 不過下次唔叫湯河。