泰之味 (已搬遷) 新店位置

同同事farewell, 所以突登由中環走到黎呢度食lunch...聽聞好夠鑊氣, 就黎試下la! 一行6人叫左柚子沙律(伙記極力推介), 一打沙嗲, 青咖喱雞, 飛天通菜, 泰式炒金邊粉, 蝦醬炒飯, 墨魚湯粉. 同三杯跟餐野飲一坐底就一人送一碗例湯...同事們嫌粟米唔夠, 伙記仲筆夠一大碗湯渣比我地...柚子沙律好大碟, 但係實在太正, 食晒lu~柚子夠大舊, 腰果又夠脆, 不過d 蝦就有d 怪...好似假既咁??不過個醬汁真係好正! 沙嗲, 青咖喱雞就一般啦...無咩特別...飛天通菜都合乎水準...辣辣地, 几惹味...呢d 係個人偏好, 我最鍾意食通菜! 泰式炒金邊粉好有鑊氣, 同埋餸多過粉...蝦醬炒飯...超正! 一擺底就聞到勁香, 蝦醬仲有d 小蝦仔...炒完d 蝦仔脆脆地, 個飯咸香...yum yum~~~!墨魚湯河係比同行既病人食既, 所以我都唔知咩味啦...服務几好, 上菜速度亦好快...又夠鑊氣, 唔錯唔錯唯一不足係叫伙記介紹有咩好食...佢就介紹晒d 貴野...:-/

記得這裡有網友說這裡不錯。身為泰菜愛好者的我，自然不會放過機會試食。只是地點稍為難找一些，在街市食堂(2樓)的最尾處。我行了一個圈才找得到。馬上打量餐牌(因為是叫外賣的關係)，午餐和其他泰菜餐廳差不多。如: 泰式炒金邊粉，香茅雞翼飯之類。好，就點一個泰式海南雞飯。有網友說，這裡的海南雞飯不及正宗的好吃。要知道，泰式的海南雞飯是經過"變種"的。只能說各有各的好。雖然沒有湯，但係淡淡的雞味，和雞油飯的香味，再加上泰式辣醬......我真的沒有任何投訴!!!!!老板娘雖忙，卻很禮貌。知到我是慕名而去的，特地送一個甜品"雙色椰汁粟米西米糕"給我試食。味道不錯，粟米有咬口，再者甜味剛剛好。吃後沒有太重的椰汁味留在口腔。第一次覺得地點難找，沒關係。下次再去我一定識路!!!!

同司機食飯, 所以唔敢去食貴貴, 只想起上環大排檔, 合乎經濟原則.只知道利香對面的泰國菜不錯, 便直接帶路到此.把餐單翻來翻去, 兩個人, 司機阿哥俾我話事, 叫了個馬拉盏肥牛通菜同牛仔骨. 根本沒有食泰式 肥牛通菜, 用上那個泰式酸辣汁, 食物夠熱夠鑊氣, 牛仔骨比較"un"味道好但始於咬唔開.份量好大, 好彩只叫兩味, 兩個人, 食唔晒.

晚上5人到此食肆食晚飯... 總括黎講，d 食物好好味，.叫左五個餸 and 送1 個甜品，評語如下：1咖喱軟殼蟹: 有辣有唔辣，我們叫了個唔辣，d 汁唔辣但惹味，唔食得辣既都可以試試，用蒜茸包食特別正，事頭婆阿「肥媽」話食唔哂可以打包。2. 柚子大蝦沙律：酸酸甜甜辣辣幾開胃，味道很特別，聽講最貴的材料是紅蝦仔，都幾足料，值得一試。3. 椰青焗海鮮飯，幾香，但d 飯既椰子味不太濃但幾香，海鮮不多，飯不多因為只有椰青襟大的飯，不過唔放得落果d 都送埋比我哋，都有三碗飯啦，我奶奶就最鍾意。4. 串燒豬肉,雞肉- 夠大串, 汁很好味，我至愛，不過我唔知係什麼汁。5. 馬拉盞炒椰菜苗，炒的味很好，但因椰菜原本比較硬，它的苗都略硬，不合老人家。6. 蒜茸包: 一客6件，好脆！蒜茸味十足，唔錯，送咖哩汁簡直無得彈！7.. 甜品; 椰汁西米兩色糕，很香唔太甜，好味。服務：事頭婆阿「肥媽」好好傾，由後生講到老，由柴灣講到西灣，基本上佢同個個食客都好好傾，有賓至如歸的感覺。我帶去的兩個老人家已計劃下一次跟「泰之味」的約會了，其他的員工都很有禮貌。環境：晚, 上上環區較靜，加上這裡地方大不會太嘈，係一般街

有時在上環文娛中心打完波都會落去食飯。大排檔feel，老板娘同伙記又好人，柚子大蝦沙律同南瓜布甸(用原個南瓜做) 最好味，其他食物水準屬中上水準。有誠意的地方，推介。

13-6-2007 1305上午任務完成，趁係下午附近仲有另一任務，便係上環搵食，唔知點解隻腳叉左上黎呢度。這裡大部份都係提供午餐，當然可以散叫。我就叫了泰式海南雞飯，一上到黎知大鑊，海南雞近似切雞，雞飯只落了少少雞汁，食落去點唔駛再講，醬汁唔夠酸辣，調唔出應有的味道。期望及實際有好大差佢，最後當然沒有浪費食物。見隔離蝦醬炒飯炒得好香，隔幾檯散叫望落亦不差，黎得呢度應該係咁叫，唔會好似我一塌胡途，好，下午完成任務後報仇，橫掂食得唔係好飽。

服務好！記得找"肥媽"談天或談心！推介串燒豬肉、柚子大蝦沙律及生菜包。四個人六樣嘢加兩支藍妹$260！仲有甜品，點睇？

這裡的服務真是一流，我們要求多多他們都一應照做，而且個個態度極好，最後還送我們泰式糕點呢！價錢不貴，卻有賓至如歸的感覺，喜出望外！老實說，這裡的泰菜比一般吃的普通，但味道不差，尤其是菠蘿炒飯！蝦餅春卷一般，吃炒粉麵飯比較化算！抵食！出外吃飯最重要的，當然是吃得快樂！