泰仔美食

營業中

休息中

今晚轉戰去九龍城搵好西九龍城最出名就係泰國菜，亦有小泰國既稱頌我就揀番細個食開既「泰仔美食」據聞泰仔美食總廚曾經係某某5星級酒店做大廚因為今晚係兩個人食，所以叫既餸都唔多濕炒牛河：較為清淡，但大份抵食黃咖喱豬配薄餅正常會選擇配飯，其實咖喱配薄餅先係精粹，大家都不妨試吓一啖咖喱一啖薄餅☺️☺️最後點咗一份泰式蒜蓉包，牛油同蒜蓉嘅份量真係好均勻 唔係傳統食開求其Hea完你果種最後老闆仲好貼心送咗個甜品俾我哋食-椰汁糕總評價：雖然佢環境就唔係特別太吸引 員工態度都唔係特別好 但係性價比絕對高評分：7/10！

每次食泰國菜都一定會嚟九龍城！每一次都一定會幫襯泰仔美食！老闆有人情味之餘，上菜速度都幾快，不過同朋友聚餐傾偈就比較趕，個人最推薦就係酸辣鳳爪、泰式生菜包，燒雞翼同炸蝦餅都唔錯！泰式生蝦都幾新鮮。

1 間幫襯左10幾年嘅餐廳，今日的經歷實在令我食得非常之不安，叫咗幾樣餸，每次食完每一様餸唔夠2分鐘就清理啲碟，到最後D啤酒都未飲完見你食完嘢就收晒你啲碗筷，過多幾分鐘就叫你埋單，咁我打算橫掂嘢都食晒啦，咁咪飲埋啲啤酒就走啦，點知隔多幾分鐘就話唔好意思呀出邊好多人排隊呀，未試過一間餐廳咁様，坐低前後都唔夠一個鐘，以後都唔會再幫襯。

時常吹你走，菜都未食完趕住收你嘢，真谷氣，話有人等你張枱，趕你走，勸各位如想食快餐就冇問題，良明知友傾吓食吓就不要來，原因為了做多檯客，時常來收碟及話你知仲有多少時間，今次因不知到只有80分晚膳，叫餐後食咗40分鐘就俾單你埋及不停收碟，要吹你走，兩人吃了$600元坐不足80分鐘就不停騷擾你，食得都唔舒服，谷氣，憤氣及後臨走時向老闆泰仔炸型及鬧爆佢。

久違去九龍城搵泰國菜🇹🇭點知就中伏🤷🏻‍♀️🤷🏻‍♀️平時見呢間好多不同遊客同本地人排隊，見今日唔洗排隊就入去試試。入到餐廳都已經心知不妙，見到密麻麻嘅坐位（人貼人嘅程度）仲要唔會有卡位。最慘係成間餐廳嘈到唔知以為自己去咗大排檔/街市食飯😵😵😵見到牆上面貼咗好多食物嘅照片供客人參考。再望真啲就見到張紙寫住”用膳時間80分鐘” 但係入坐前完全冇職員同客人講過🤷🏻‍♀️🤷🏻‍♀️。食物叫咗1️⃣柚子沙律2️⃣雙併串燒3️⃣鹹魚炒通菜4️⃣咖喱炒軟殼蟹5️⃣薄餅6️⃣蒜蓉包。而飲品就叫咗1️⃣芒果沙冰2️⃣青檸梳打3️⃣可樂。落咗單未夠2分鐘就黎咗個柚子沙律。個咖哩仲過分5分鐘未夠就已經到咗，仲要唔凍唔熱咁叫人點食呀？🤬🤬🤬🤬食咗差唔多40分鐘就有個侍應講住多謝晒咁拎張單叫你埋單先，呢句「多謝晒」真係難聽過粗口🤬🤬🤬最嬲係咁嘅服務態度同食物質素真係差到一個點都仲要收人加一服務費！！埋完單都未夠60分鐘就已經收唒枱面上嘅碗碟同餐具，有冇咁趕住送客走呀？？🤬🤬🤬（重點係岀面並冇其他人等緊枱‼️‼️）今餐連埋加一服務費食咗$700，如果用呢個價錢去九龍城其他餐廳‼️絕對‼️有更加好嘅服務態度同食物質素。呢間餐廳真心唔會再有下次幫襯嘅機會，而且‼️絕對

九龍城出名食泰國菜，今天相約兩位識食朋友到訪位於南角道的「泰仔美食」午市提供套餐，價錢$58起包一個主食及飲品-午市套餐：泰仔鮮蝦豬肉炒河 $58配青檸梳打 +$8鮮蝦份量少，尚算爽口彈牙略帶鮮味豬肉脂肪比例偏高，有輕微肉香河粉油份適中，惟中間部份粘作一團；加入青椒、紅椒及洋蔥等增加口感層次，調味正常-午市套餐：泰式菠蘿雞肉炒飯 $58配泰式奶茶 +$8以肉鬆、青瓜及番茄伴碟配料不多，有鮮菠蘿、提子乾、三色豆、少量雞肉及泰國臘腸炒飯有一定濕度，調味偏淡；菠蘿汁多，甜中帶微酸；肉鬆香口乾身；雞肉較乾也不入味，整體質素一般-泰仔柚子沙律 $88柚子份量豐富又大件；汁多清甜，纖維幼細加入大量香脆乾蔥、花生及爽鮮蝦肉，沙律汁酸甜平衡，開胃滋味-豬肉碎生菜包 $79每次食泰菜都必點的生菜包豬肉及生菜份量皆充足，豬肉加入紫洋蔥、芫荽、紅椒及蔥花等配料集合鹹、酸、辣於一身，辣度調得恰到好處，味道平衡又富層次，豬肉主要為瘦肉但不覺乾柴，豬香豐富，非常滿足-燒牛仔骨 $179以價錢論份量偏少，脂肪比例過高牛仔骨肉質軟腍但筋膜太多難以咬開，味道偏甜似叉燒卻沒有炭燒味道，整體比較失望-蒜蓉炒椰菜苗 $68加

本人一直喜歡幫襯小店,在疲情前開始,到現在已經光顧了很多之次, 但發現味道越來越失準外,最近幾次服務態度都很差。餐廳用餐時間80分鐘,但到60分鐘就已經放低張單,連想飲埋杯啤酒都掃你檯,趕你走。然後向老闆投訴,回覆是開心一餐,唔開心一餐,既然這樣,就以後唔再光顧啦,費事貼錢買難愛受....

聽友人說九龍城出名是泰國小菜正宗又好味，所以這次特地來到九龍城吃泰國菜，這間店等待時間比較耐，入到裡面超級多人。首先是這碟生蝦，一碟有6隻，每隻生蝦都好大隻，口感新鮮彈牙，配埋蒜片同特製醬汁一齊食，正~!然後是泰式串燒，有豬肉、雞肉，肉嫩好味， 炭燒式燒，不會難吃。然後到冬蔭功出場，雖然先上去好像好鮮艷，感覺會好辣，但其實不算太辣，香味可口，有陣陣茅香味，超愛~乾炒牛河，不乾不太濕，口感剛剛好，河粉幾特別，不算好闊身，看似油膩，但吃落不會感到成嘴都係油，但蝦肉不算多。煎蠔餅，好大一份，香口可脆，裡面有好多蠔仔，非常飽滿。冬蔭烏頭多肉，肉嫩鮮甜，同搭配料一同食用，增加口感層次，不過要留意有骨。大大既椰青水，清甜可口，可解暑解辣。份量大，一大班人吃，可以叫幾份一起分享吃用，而且味道不錯，不過多人的時候，環境聲音會比較嘈雜一些，要留意的是冷氣開得比較大。

話說有次去九龍城揼骨，順便問咗泰國人會推介邊間泰國餐廳，結果就去咗泰仔試下，今次已經係第N次去。今次叫咗: 泰式燒豬頸肉 - $88 👍🏻豬頸肉好厚而且份量好大，加埋個汁都幾惹味，不過上次炭香味香d，同今次舊肉肥咗d ，但都仲好好食泰式蝦炒金邊粉 - $78 👍🏻泰仔d 炒野一向都好有鑊氣，金邊粉今次第一次試，好食! 蝦都好大舊椰汁雞湯(細) - $78 👍🏻椰汁雞湯入面的料多到傻，感覺上好似仲多過叫咖喱芒果沙冰 - $30 👍🏻對比其他泰國餐廳都唔算貴，味道就正常水平

餐廳細細，坐底同隔籬枱都幾近下。勝在泰菜味道十分出色，燒牛仔骨係必食嘅，肥美又多汁，配啤酒一流！而且好抵食！建議約多幾個朋友試多幾款嘢食，晚市就早啲嚟排隊攞位。

今日黎到九龍城試下朋友推薦嘅餐廳，話好抵食😎我地叫左1️⃣生蝦🦐💰99次次食泰國嘢必叫，生蝦非常大隻，新鮮彈牙，配埋蒜片同特製醬汁一齊食，好想食多一碟🥰🥰2️⃣泰式鹽燒烏頭💰159呢條烏頭魚都幾大條，本身想叫鰂魚但係賣晒，店員話都可以試吓烏頭。烏頭食落肉質緊緻，烏頭個肚塞咗好多香茅，所以成條魚都冇乜泥味。不過我個人都係鍾意食鰂魚多啲，因為肉質比較滑。3️⃣泰式燒豬頸肉💰88豬頸肉火候啱啱好，外脆內嫩，好香燒烤味，令人一啖接一啖。😋4️⃣泰式串燒（半雞半豬）💰88串燒好惹味，我覺得雞肉比豬好食，因為豬肉食落似好鬆嘅豬肉餅，唔太鍾意個質感🥲5️⃣泰式椰汁冰💰22+泰式青檸沙冰💰30椰子🥥沙冰比青檸好飲，青檸好淡味🥲消費價錢：2人💰535，人均268結論：（10分為滿分）味道：7.5/10性價比：7/10回頭指數：7.5/10餐廳名稱：泰仔美食餐廳地址：九龍城南角道30-32號地舖

泰仔美食地址: 九龍城九龍城南角道30-32號地下#yauyau_九龍城上次食完泰皇閣係九龍城周圍行，見到好多人排隊，我哋就bookmark 咗要嚟呢到食，我哋兩次嚟都係大概五點半就直入，六點後開始大枱就會滿㗎啦。小店價廉物美，自然座位就會安排得迫少少，不過食飯嘅空間十分足夠，唔會放完兩三碟餸冇位食飯。呢次食評食咗兩次呢間餐廳，第二次嚟佢仲換埋傢俬，睇下面張相。🍤🍤炸蝦餅 $89炸到外皮好酥脆，內裡鮮美，入面夾住大塊新鮮蝦肉，口感豐富仲好好味。沾上泰式辣醬，讓這道菜嘅口味更加豐富。🍗🍖泰式串燒（豬肉/ 雞肉) $88串燒外焦內嫩，肉質鮮美。免治豬肉棒同雞肉都有選擇，每啖都帶有香料同炭燒嘅味道，再點上香甜嘅泰式辣椒醬，令人倍感滿足。🥗🥗馬拉盞炒芥蘭 $68芥蘭綠油油，外面爽脆入面水嫩，配上香辣嘅馬拉盞醬汁，勁重蝦米同鑊氣，真係食指大動。🥗🥗蒜蓉炒通菜 $68通菜炒得恰到好處，通菜口感爽脆，蒜香味濃郁，清爽可口嘅菜式。🍚🍖香葉炒肉碎飯(豬) $69香葉炒肉碎飯是以豬肉為主，加上香葉同各種香料，味道鮮美。炒飯好乾身，鑊氣十足，有明閣嘅水準，飯粒口感Q彈。🍖🍝泰式鮮蝦金邊粉 $79金邊粉配料好

九龍城一向多野食，今次食泰國菜！位置都近地鐵 幾易搵食泰國野 必點嘅生蝦 新鮮，配埋蒜頭同汁 調出個味！冬蔭功 少少辣 夏天飲下夠哂爽包包 我地點埋下面個咖哩汁食咖哩牛 估唔到又幾好食 個咖哩幾香 好開胃金邊粉 合格 份量十足 生菜包 正常發揮 食得多會覺得有少少少辣 通菜

❤️‍🔥❤️‍🔥❤️‍🔥眾所周知九龍城有「小泰國」之稱，暫時唔得閒去泰國，但又好想食泰野過吓口癮嘅朋友仔一定要試下呢間泰國餐廳！「Thai Hot」由泰國人打理，菜式都好正宗地道！我要🤤性價比高！店外長期有人排隊等入座，店內環境逼夾，不過table turnover 速度快，都唔需要等太耐。店內冷氣強勁🥶 絕對解暑！店員態度熱情❤️‍🔥👅泰仔生蝦 $ 99大大隻噶生蝦刺身，肉質爽口彈牙！有成堆冰係底冰鎮住，食到最後都keep 到咁cool!!!重點係啲庫克真係好大隻，一啖都食唔晒，夾埋生蒜一齊食，真係好正！👅泰式燒鯽魚$ 159平時喺街市見到嗰啲鯽魚都冇咁大條，兩個人都差啲食唔晒！廚房已經預先將魚骨肉分離，方便客人食肉👍啖啖魚肉，鮮甜又唔腥😋👅蟹肉炒飯$ 79喺泰國食過蟹肉炒飯之後，返嚟香港食過嗰啲都唔好食😫呢碟炒飯絕對係好食過泰國嗰啲！必點🤩🤩🤩睇落去平平無奇，但入邊有超級多大大粒嘅蟹肉🦀️！炒飯夠乾身，粒還粒，又唔會落太多油！ 好有鍋氣！👅泰式豬頸肉炒椰菜苗 $79食肉獸都鍾意食噶菜式，皆因有炭燒豬頸肉一齊炒，感覺上食啲菜會健康啲😆但係真係炒得好好味😋👅 泰式凍奶茶食泰菜點可以唔叫番杯奶茶飲

自從般去九龍後，九龍城已經成為我同老公既飯堂，由於我大肚口味奇怪🫄突然想食泰國菜，老公就二話不說帶我去九龍城既泰仔美食。我地上星期約埋屋企人食泰菜時見到泰仔好多人排隊所以親今日平日就過去試，不過都好full，好彩唔洗等位。今次係我第一次寫食評，因為今次用餐體驗非常地好！老闆好好一入去見我大肚即刻安排我坐一邊費事俾人踢到。最令人窩心係一坐低老闆送左個椰青俾我話請bb飲💜好有愛講番食物：老公叫左個青檸梳打無影低。埋單三百幾，好抵食，走時老闆仲不停親切咁問我地岩唔岩我地食💜我地一定會再黎！