泰原味

營業中

休息中

這是新開的餐廳,晚上經過總見到大排長龍,趁著下午來光顧一下,抱著期待來嚐鮮。豈料是惡劣的用餐體驗!可能是未上軌道關係,第一步已經錯了!在下單時,員工沒出過半句聲音,也沒覆單,已經心想會不會有問題,結果是漏單及錯單......(下午人不多,但還是錯漏百出)漏單後跟他們溝通,想取消某些飲品又或轉為套餐。整個溝通過程中間頗沒禮貌,給人一種不舒服的感覺,最終員工也只是敷衍了事的感覺......留下不好印象食物方面也不太好,例如:香茅炸雞翼浸在湯河,本該香脆的食物變得淋軟,下午茶豬扒包的油份挺多。份量比起附近同價位的店,亦算偏少。總括而言,整體質素低衷心希望店舖能作出改善,員工接待能力及食物質素也要提高!

兩口子放假夜晚唔知食乜好就試下呢間新開無耐既泰國餐廳，由於屋企就係附近所以叫外賣係食得最舒服既選擇。 叫左四樣野大約$250左右，其實晚市黎講又唔算好貴既，但我期望會有九龍城既質素🙈總括想食好食既泰菜都係去返九龍城，呢間耐唔耐食一次過下口癮都無問題既。好食就一定稱唔上架啦。冬蔭公湯係我食泰國野必叫既野，因為酸酸辣辣好開胃，但係佢呢碗偏酸，但好多菇菇，同埋啲蝦煲到梅晒好難剝殼。男朋友叫左海南雞飯，佢話好味，同埋啲雞都算juicy，唔錯。豬頸肉無咩特別，不過佢個汁好味。呢個泰式炒金邊粉都算多料，但個味道就麻麻地，但份量就幾多。

今日下午時間終於可以去到彩明苑新開嘅＜泰原味＞。 這商場本身唔多食肆 一到午飯時間 好多學生， 间间門口都擠滿人。下午茶餐牌比午餐平少少， 都有不少選擇。選了海南雞飯，就睇吓佢嘅「原味」程度先！雞肉較嚡，冇咩雞味， 雞皮下頗多肥膏。配的不是油饭， 只是帶薑黃嘅顏色，还好軟熟。 沒有傳統配搭嘅清湯/蘿蔔湯，似乎並非地道傳統嘅海南雞飯。 個醬汁都非常港式。。同事試咗青咖哩豬扒飯。 青咖喱汁舀起的時候好似湯水咁稀， 只是虛有其表的青色。 青咖哩裏面嘅茄子也並非泰國茄子， 味道偏甜， 豬扒亦莫名其妙有許多碎骨。。熱檸茶 又濃又澀。。 搞到落咗足足一包糖 以為自己飲緊苦茶。。加配了豬串燒， 味道還可以。食物唔係太原味。。 兩款下午茶都唔覺有泰式風味， 只是份量還足夠， 學生哥一定夠飽。人多光顧是否因為沒有選擇？

調景嶺又開了一間不知所謂的泰國餐廳，未食過一間餐廳的串燒是凍的，連暖的感覺都冇，沙爹醬是淋上面，不是分開放，D豬肉啲豬肉鞋到咬唔開。食物份量就要睇厨房心情，我們叫了兩杯龍眼冰，一杯得三粒龍眼另一杯就五粒，飲到一半見隔離枱杯龍眼冰眼望最少都有七粒龍眼，抄河粉就碟碟唔同份量，真係吹脹。樓面又冇人，完全冇服務。叫個粉絲大蝦煲，等足一小時，追咗5次單，次次都話做緊五分鐘就得，到最後都係冇嚟。以後一定不會再幫襯，租約快D期滿😡😡😡

5:50pm 落order ：-炒菜又凍又冇味；炒河細碟到不堪；叫兩杯龍眼冰，冇冰，仲要有一杯得三粒龍眼肉；叫一碗油飯等足半粒鐘，飯又太臨又冇味；最衰叫嗰個大蝦粉絲煲，足足吹了五次，一係話整緊，一係話就到，一係話上緊，火滾到叫佢cancel, 佢死攞長單話吹，大佬7點又多，已等超過一粒鐘啦。咁差的食肆邊個會食，仲話廚房係泰國廚，根本係翠河standard, 唔係，係翠河都不如門口咁多人等，千祈唔好中計以為好食，只係因為除了菠蘿炒飯和炒金邊粉 (煑定，所以一望就見到係凍）, 其餘order 都係要等，要吹，要cancel....所以做假排長龍，明智的你，千祈未上當

是日媽咪突然話調景嶺開左新泰國餐廳，叫我一起去試下。我地去到就食lunch,餐牌前後都有，都叫有幾多選擇，而且平均都係40-50幾，叫幾平！餐廳唔俾轉食物既配答，即係綠咖哩豬扒唔可以轉綠咖哩魚😂所以我地唯有叫綠咖哩豬扒飯同紅咖哩魚飯，要讚既係份量好多，絕對食得飽，咖喱正宗就唔算正宗，不過都ok好味，係綠咖哩稀左少少！不過可能餐廳新開張,d侍應都好新，問咩都唔知，而且係咁落錯單，希望之後開多一排情況會好少少啦！

菠蘿海鮮炒飯係得兩粒碎魷魚假蟹柳都冇粒味道一般，海南雞飯同呢個炒飯都係同一種黃色飯只有少量三色雜豆完全有欺騙成份，完全唔會再幫趁椰汁珍多冰味道還可以但整體食物及服務都比較差

排隊先有位，諗住新開去試，點知係我有生之年從未未食過咁難食嘅泰國菜!!! 係非常難食!!!!一家幾口中午去食晏。青咖哩豬扒飯D汁好稀，豬扒炸到好乾好硬，味度好奇怪，只覺得有D喊。我幾個屋企人叫左泰式炒飯同菠蘿炒飯，D飯仲未炒勻，有D啡色/黃色同白色一嚿嚿，最大問題係一D味都無! 兩碟原來都無落鹽,無調味!!!!! 仲要好耐先嚟! 難食又唔好睇，完全唔想影相!!!員工態度都唔太好!!! 裝修咁耐，開間假泰國菜!!!! 非常失望!!!其實係之前喺彩明嘅翠河改名開嚟，早餐menu, 杯碟、員工、籌(寫住翠河)一樣! 倒不如開番翠河唔知點解仲咁多人排隊。

開左一段時間，諗住今日有時間試試，一路都喜歡冬蔭公，所以一來便叫了個冬蔭公海鮮蝦河粉，一上枱見到個賣相已經無食欲，幾條河粉＋四只冰鮮蝦肉，實在太差，味道方面除左得個酸字，別無其他，食左幾啖已經受不了實在對不起這個價錢，差勁差，沒有下次，對面坐著兩個小妹妹，一個叫了炒飯，一個叫了炒粉，評價也是一樣，連隔離譚仔都好食多多聲，差評！差評！差評！差評！差評！差評！不會再去光顧，實在是對不起這樣的價錢，水凖太差了！

依間野都開左一段日子，但因為怕多人，所以新開時都唔敢去住。見近排好似少人D，就同朋友一齊去食個Lunch啦。講真，款式都算多既，只係冇我鍾意既生牛河；唔，到底生牛河係咪泰式野呢？餐版，有2邊一邊Lunch係飯同炒河果D，另一邊係湯河果D，重有一個早餐版。本來都想食湯河果D架，但佢冇生牛河，跟住朋友又話聽說湯河都麻麻地，所以我地三個人都係叫炒野。一坐底就聞到好香蝦醬味，可惜我真係麻麻地鍾意飯，所以最後我叫左抄牛河。都幾大碟，我只係食左一半就飽飽，另一半打包回家第二日做Lunch呢。牛河份量足，味都OK，但D炒蛋係甜架，重要係幾甜果隻，有少少怪。鍾意食辣既朋友叫左個辣內碎炒河，我試左啖，都OK唔係太辣，幾野味；不過我朋友就可能覺得唔多夠辣啦，而且食到一半佢話勁多洋蒽，跟住就話唔食囉，洋蒽多過河粉。朋友本來話想食蟹肉炒飯的，但侍應話冇晒蟹肉。咁我地就提意不如叫蝦醬炒飯，因為我地一入餐廳就覺得好香蝦醬味。所以朋友最後都係叫左蝦醬炒飯，我同另一個朋友都試左啖，有少少失望，因為明明入座前聞到勁香蝦醬的，但朋友果碟係正我地面前都唔算好香，食落都係得少少蝦醬味唔夠勁。但就咁講，個飯都好味既。三個人叫左

等到頸都長終於開業，滿心歡喜試一試。點知………… 唉，失望。泰式炸蝦餅 (4件) - 無虾味，口感實，唔鬆化，應該係粉太多，雪藏吓所致 .虾頭油海鮮炒飯- 任何一間快餐店都一定好味過呢一碟，首先冇鑊氣，海鮮有虾(淋的，像蒸熟的) 魷魚 (冇味道) 成碟飯都唔係泰式風味，個名仲叫虾頭油，聞唔到，亦食唔出。脆香咖喱大包軟殼蟹 - 賣相巳經負分，咖哩汁得一個字 '甜' ，蟹得一小隻分兩半，勁多洋蔥。新開張，我實在唔應該負評，真心怕影響店東生意。但作為食客，我真係好期待有餐好食會成日想回頭食的飯堂。若店東睇到，希望會改進。但就算有進步，我都未必知，因為唔想再中伏。其他食客，食完若覺得有改進，請寫食評啊。備註，晚市飲品半價，椰青正價。

彩明商場開左好多新舖 加左唔少新力軍 每日都唔少人係新開個幾間舖頭排哂長龍食野 開左一段時間今日終於去食喇🤤🤤🤤拎左飛仔等位都算幾快就入得去試菜速度都算快.泰式鮮蝦炒金邊粉（$68）好細碟 份量比起其他泰國菜嘅舖頭少左啲 上菜個陣暖暖地 啲蝦就得3-4粒左右 蝦都爽口 但冇乜蝦味🤣 成碟算係正正常常 .泰式酸子肉碎明爐烏頭（$128）依個就正喇👍🏻😋下面有個爐 一路熱住食冇得頂呀🤤 淋埋啲汁落條烏頭到 幾惹味 酸酸地好開胃 食落唔會覺得腥 好醒胃 正呀👍🏻 條魚下面有啲菜 啲菜都入到啲汁嘅精華🙈 依碟菜得覺得物有所值😋.下次再去食要試埋其他野先 因為佢好多野食望落都好似好吸引咁🙈🤤