泰原味

營業中

休息中

兩口子放假夜晚唔知食乜好就試下呢間新開無耐既泰國餐廳，由於屋企就係附近所以叫外賣係食得最舒服既選擇。 叫左四樣野大約$250左右，其實晚市黎講又唔算好貴既，但我期望會有九龍城既質素🙈總括想食好食既泰菜都係去返九龍城，呢間耐唔耐食一次過下口癮都無問題既。好食就一定稱唔上架啦。冬蔭公湯係我食泰國野必叫既野，因為酸酸辣辣好開胃，但係佢呢碗偏酸，但好多菇菇，同埋啲蝦煲到梅晒好難剝殼。男朋友叫左海南雞飯，佢話好味，同埋啲雞都算juicy，唔錯。豬頸肉無咩特別，不過佢個汁好味。呢個泰式炒金邊粉都算多料，但個味道就麻麻地，但份量就幾多。