泰味道

營業中

休息中

係熊貓叫外賣，8點26分落單 10點先送到仲要一係冇味，一係咸到仆直，野飲同野食都冇味。個鳳爪白烚 無色無味個肉碎飯咸到仆直咖哩面就清湯味冬蔭公炒飯又係冇味 唔會再食佢。警世🙏🏻🙏🏻

今次係第二次同朋友去party room玩 之前都已經食過 門市或者叫外賣返屋企 覺得無論價錢味道都好抵又好食所以今次同朋友繼續encore😋😋 我最鍾意食佢地既羊架 豬頸肉 燒牛肉 咖哩軟殼蟹配蒜蓉包 😍但其他嘢都不過不失 朋友都 留低卡片下次聚會再 order🥰

朋友介紹話好味又抵食去到不負眾望 真係好味海南雞好嫩 油飯好香$48一個set包埋湯 完全對得住個價錢有突青咖喱同生蝦重點推介前者香又唔太辣 生蝦肉質爽 點汁食好正泰式金邊粉都不錯 有穫氣 香口聽聞老闆係泰國人難怪嘢食咁有泰國風味去唔到泰國 食呢間嘢都好似解到少少對泰國嘅思念叫咗五樣嘢加一個生蝦連嘢飲都係$339同行五個人 除返開都係六十幾蚊唯一要挑剔嘅係等上菜有少少耐不過咁嘅價錢 咁嘅質素我願意等一定會再幫襯 推介俾朋友

良朋歡聚嘅外賣首選👍🏾包裝非常妥當，包埋van仔送貨添，送到黎都無走樣。今次已經係第三四次嗌外賣，質素都keep得好好，唔會因為外賣而下降左。叫成10樣嘢人均消費先至$100左右，非常抵食又好味👍🏾

幫襯兩次外賣送餐 店主服務非常專業 完全滿足客人要求 食物水準高 性價比高 係好好味嘅泰菜芒菓糯米飯 有誠意嘅甜品 芒果好甜 糯米本身已經好有椰香味 椰漿有經過特別處理生蝦新鮮 抵食蝦餅好鬆化唔油膩泰式炒河好有鑊氣泰式海南雞剛剛熟 夠晒滑

抵食到不得了既泰國餐廳今日呀仔生日，喺屋企開party！十個大人，搵食咩好之時搵到呢間「泰味道」！勁抵，餐牌寫住滿$300就包運費（仲要全港都送，不過偏遠地區好似要5/600），就朝早10:00落定單，同餐廳講大概18:00送到，結果相當準時。其次，啲食物勁高質！全枱除左炸物同菜係自備之外，全部都係喺度訂，埋單仲唔洗$600，真係抵到爛！最後仲食剩左好多😂 極力推介呢間！希望下次有機會去試下堂食～

我初次食。此餐廳。感覺是。快。美。好但昨天又再食。感覺已經很差。由落單到上菜。足足浪費左我半小時候有多。味道比起之前。差很遠。我們吃飯只有一小時。所以感覺上。太慢。味道差。

同朋友去食咗一間平靚正嘅正宗泰國野，喺工廠大厦入面嘅，完全唔介意，最緊要好食。去到叫咗碟泰式無骨鳳爪，個味道堅係喺泰國食嗰啲地道野嘅味👍跟住食埋個春卷啦，個脆皮真係唔講得小，出面嗰啲我食過真係好hea，但呢間個脆皮好認真，有層次感，同埋個餡好Juicy，十分認真嘅制作。主餐我叫咗個海南雞飯餐，跟湯嘅。起咗骨嘅雞同埋黃薑飯，中規中矩嘅，不過佢跟嗰個汁就真係令到個雞出曬味到生色不少！最後食埋個甜品，我就唔知咩黎嘅。。。老細送嘅（因為我地同佢個小朋友囡囡玩得好開心就醒咗杯甜品黎），但唔知係叫咩名堂，不過個感覺類似芋圓咁，但好鬼有泰國風味，食到我同朋友又飽又開心，之後埋單係。。。$136！！！痴線。。。平時我去啲茶記食個晚餐都五六十，宜家呢度兩個人埋單食飽飽又好味又有個好得意人見人愛嘅小妹妹一齊玩，都只係計落每人$68，唔強烈推介都唔得啦！！

已經食過好幾次係外賣app叫，講到自己生意難做，又話外賣app會揸住你地個餐費，所以外賣app餐唔送甜品，OK咁我直接打電話囉一打去落單講講下就話個客電話細聲，調整好啦落單一開始又話有有有，到落完上去比錢先知原來有部分餐唔跟餐飲，重想收正價一杯35蚊，平一半比你都要18，痴孖筋，你飲埋我個份，最後一次幫襯冇下次，下次講個客壞話前等個客走左先吧老坑，平日好少會寫差評，你地係第一間

雖是工廈，但見餐單和食店環境不俗，專登早啲來試，因為工廈普遍午市非常旺的。十二點十五分到，見到堂食客不多，🤔想多了，怎會知道外賣單多得源源不絕。我廿幾分落單，四十七分有得食，都唔算誇張。午餐$48，我叫了海南雞飯，配特飲加$3，青檸梳打，抵。一送來，喜出望外，個雞的顏色很吸引，感覺肥瘦適中，雞的份量也不少，仲給我雞髀，正啦！這餐跟湯，嚐一口，清清地，接受，好過味精水，👍🏻。雞的肉質算滑，有啲啲咬感，好唔好叫有點韌？但我接受到。不過，雞的製法略欠一點味道，一啲雞味都沒有。不過這價錢已很不錯。醬汁有兩款，其一是正常的酸酸辣辣，非常開胃。但另一居然像豉油，稀的。平時海南雞飯，一般是稠杰略帶點甜味的醬，這醮雞也是一絕。但這裡用這普通豉油就失分了。只好醮酸辣汁。這個餐還送糖水（送完即止），是日係西米露，略甜。但這一餐真的非常滿足了。青檸梳打就非常淡，近水。我都會再試，因為這店午餐還有多款，我都有期望。

呢間餐廳已經唔係第一次叫啦，係會叫完又叫既餐廳！前排聖誕去朋友屋企，外賣app 都叫唔到野食送既地方，但泰味道都可以送貨，仲要叫夠一定金額就免運費，而家野食好味，相當抵食！聖誕紅日送餐都十分準時，野食黎到都係熱辣辣，朋友個個都讚好食👍 真係想食好西就要提早落定order呀！朋友都讚野食好味，特別係生菜包同冬蔭功既辣都係後勁，朋友形容為陰濕辣，但又好惹味，大家都好鐘意😂😂😂 下次都會再叫過！！！

在美食沙漠的山區工作，office 要order 大份量食物，點了泰味道的到會。之前食lunch都有叫開，質素好有保證，送上嚟嘅時候仲係熱辣辣，小食最喜歡都係蝦餅和魚餅，炸得香脆可口，金黃色的好靚，非常有誠意。豬頸肉配上泰式酸辣汁，惹味可口！串燒從來不失捧場客，易食又好食，無得輸！之前午餐叫過泰式炒金邊粉，多料到爆，同事都讚不絕口。今次的到會叫咗乾炒河以及菠蘿炒飯，同樣精彩，真的感受到滿滿的泰國風味，泰好食！CP值很高，已經成為了到會/lunch time必叫之選！搵個機會下一次去餐廳試下堂食先。

星期日行完山其中山友帶我地去工廈食泰菜估唔到星期日都開👍🏻最主要係為咗送贈飯盒原來每個星期老闆娘好有愛❤️送贈100 個飯盒比路宿者又送飲品比義工見到一班後生仔女唔休息去做義工真係好心地所以照做埋街客真係好抵食有全日套餐$48(主食+飲品+甜品)😱份量做足唔會細份宜家係邊度搵到好食又好抵泰菜主廚係泰國人老闆娘係香港人我地掛住食唔記得影晒d 相重點推介👉🏻芒果糯米飯好正宗👍🏻😋跟泰國食一樣咸咸地糯米好煙韌(有時會整三色米)我地食完再外賣走做緊愛心飯盒中❤️❤️

試過幾次外賣到樓下，都keep 住有叫返，係青衣美食沙漠下，就算有外賣平台,可以叫既餐廳都有限，而且大集團無乜得揀。之前有朋友介紹下，推介呢間泰國小店，滿400蚊會包埋送餐到樓下，而且性價比高，確實明智之選！食物大份好味，性價比超高，50蚊唔洗有飯、有野飲、仲會有甜品送，每次都唔同有驚喜，之前有試過椰汁大菜糕，今次有椰汁南瓜西米露，仲有奇亞籽，好味得黎又健康，正呀！個人好鐘意食香葉肉碎荷包蛋飯，肉碎好惹味！想食正野，記住提早落單呀！

話說老婆同我都好中意食泰國嘢，但香港地食泰國嘢閒閒地人頭都兩三舊落樓，但估唔到竟然誤打誤撞發現喺工業大廈上邊有一間非常抵食，性價比一流嘅泰國菜舖頭餐廳地點位於與地鐵站大概10分鐘車程嘅工業大廈，詳情請參考店家提供嘅地址😂話說試過兩三次堂食都覺得餐廳嘅出品靠得住，尤其是係海南雞，雖然雞味係爭少少，但係肉質真係非常滑，比起附近專食海南雞嘅舖頭係有過之而無不及，仲要一隻都係140$有找，真係唔知去邊度搵另外炒金邊粉又係，炒得乾身唔再講，金邊粉嘅質地仲要係乾身得來非常煙韌，重點係晚市都只係賣$48，加三蚊仲要有特飲🥲 ，如果你搵到另一間係咁嘅價錢嘅記得話我聽，我買返兩盒請你食🥰😂😂同埋晚餐時間只要有挨到小菜類食品，餐廳就會有甜品附送，我第一次去食餐廳送咗芒果糯米飯，第二次佢就送咗椰汁糕，價錢已經咁平仲要送甜品邊度夠你玩🥰🥰上次堂食買單嘅時候聽老闆講原來嗌滿$400可以免費送貨，今日咁啱約咗啲朋友喺青衣開party，就膽粗粗問老闆青衣送唔送，點知原來青衣都可以免費送貨，所以今日即刻嗌返餐外賣同朋友一齊分享，講真，啲嘢食已經咁抵，仲要免費送到青衣，即使明知嗌外賣會影響食物質素都決定試一次啦🤓同老闆