泰國人海南雞 (已結業)

來到泰國餐廳，選了它的經典味道：冬蔭功湯金邊粉小酸而又微辣的金邊粉真的叫人很開胃。很欣賞它的粉及肉片，兩者皆很爽口。粉因為吸收了湯的精華很美味；而肉則很有鮮味。而這裡的青檸水也很捧。很甜，但不失青檸的清新，叫人一喝再喝，欲罷不能！

到埗已經9點有多店鋪內只有一兩張檯有人用膳, 不需費任何氣力就有位了餐牌沒有太多選擇, 聊聊可數原本打算因為想食甜品而要二人餐但最後都唔想食飯而放棄來到怎能不要海南雞呢朋友仔點了海南雞套餐一set 有一碟泰式海南雞 我就覺得好麻麻, 無咩特別味道個醬就酸酸甜甜反而唔太差泰式雞油香飯 天喔, 同白飯無分別, 雞油香去左邊?!冬瓜粒雞清湯 味精湯一碗, 一字記之曰：鹹!!喇沙湯底好辣, 蝦好細粒, 札肉就幾爽口既但個金邊粉就好差了, "六" 到一pat 野, 漿糊似的酸澀的, 從未飲過如此味道的檸蜜....@.@

又一日oT真係好忙食個dinner 要快又要抵舒服, 呢個真係唔錯ga特別係呢個天后愈開愈多 泰國鋪但呢間keep 到呢個價格同埋質量真係very good 大家都要試下呢間都開左好多分店

週末去工展會，到天后已經四點幾，諗住食完下午茶先入場。成條街都係食店，揀咗泰式粉麵的下午茶餐，價錢唔貴，廿幾蚊個餐，有小食、粉/麵、飲品，我揀咗羅望子特飲 (有啲似酸梅湯)，亞囡揀咗青檸梳打，都係計凍飲加兩元。食完成身暖晒，唔使在工展會搵食。

上星期六晚行過天后，入來食左個晚飯，我覺得唔錯喎！點解咁多劣評呢？黃咖哩牛腩配蒜茸包($38)：OK咁喇，有咖哩香味，牛腩夠腍，不太差。配蒜茸包十分好味。秘製Suki汁浸海南雞($48)：幾好食喎！雞都幾入味，又夠滑，一D都冇老，是上等之作。蠔油芥蘭($15)：芥蘭都幾靚，雖普通，但不錯。泰式雞油飯($10)：好味！不會太油但又夠味。特式水蜜桃梳打($15)：呢杯就真係要改善下，冇乜味，只似汽水。我不知Suki汁浸海南雞與普通海南雞有何分別，不過今次呢碟真係幾好食，可以推介。埋單$129，又飽餐一頓了。

第一次打食評，因為呢間野真係好唔掂。岩岩同老婆仔去完食晚飯，因為見到門面ok，諗住d野都唔差，點知真係火都黎埋，食左短短半個鐘，睇唔過眼既事接腫而來...其實我講既係個waiter，好心老板見到呢篇食評要檢討下，我係因為呢個staff既態度而選擇永遠唔會再幫親你...呢個waiter一入黎招呼差，講野無禮貌(相比起另一個女仔就好得多)，我地點菜無反應，大佬呀，點知你收唔收到? 拎水隻手又貼晒個邊，我點知你隻手乾唔乾淨喎....所以我地一啖都無飲。食食下野有人叫外賣，但係個客走左先發覺差人地一個送，個女waitress發覺左，後尾肥仔要追返出去叫返個客入黎。呢樣都算，之後有兩個外傭入黎叫外賣，人地問佢海南雞反幾多錢，佢又唔show人，後尾人地覺得貴最終無要走左，個waiter又"yi yi yum yum"，我覺得都唔會係d咩好說話，但係舖頭裡面有其他客人(eg, me)，人地會看在眼裡嘛.....我相信另一個等外賣既男人都睇到....之後我又睇到佢湛水比另一客，佢唔之係咪見到d污蹧野，倒左杯水但係又係同一個壺湛過，起碼我見到，真慶幸我無飲到杯水。跟住我地食緊野時d伙計係度高談闊論，好似

雞凍冇雞味飯硬唔香味精湯一碗絕對係失敗的海南雞飯!

之前其實有聽過呢間野，不過自己住開附近一直都未試過咁岩一個人食飯就入去試下啦地方乾淨，D雞唔鞋，皮下仲有少少油咁，我幾中意食雞，D飯黎到時係暖，有少少硬不過味道都ok..青檸梳打同之前其他食過既朋友一樣都係得一片青檸，唔夠篤出味不過要注意..分量真係唔多夠...同埋連埋個湯...唔多好..飲完都幾thirsty

尋日和幾位同事一起外出食lunch, 行到去天后, 發現有位就走入去.order 了幾個set lunch !! 我要了青咖哩雞, 因為話辣d. but 個賣相好似鬼口水咁, 青bb.d 雞 唔好味, 知點形容. 個咖哩就唔夠辣, 無味!!最靚都係同事個海南雞飯. 飲品太甜, 我係魝魚涌個間飲品都係太甜.一個普通的lunch.

見到胡慧沖先生做生招牌,而且我同個妹都想食沙爹串燒, 所以的入去泰國人海南雞食個tea, 我們選擇3個tea set 有泰式春卷, 串燒雞肉, 泰式豬頸肉金邊粉(in soup), 我們來到泰國人海南雞,當然order 啲特別的餐飲, 我不知什麼叫做"香葉特飲", 所以問個泰國男仔的waiter是什麼?原來是一些香葉+aloe,有熱有凍, 我order了一杯熱的 try 下,再另外跟餐加$8叫個椰青樂,個妹order 熱的lime water....先來了hot lime water同香葉特飲,個杯熱的檸水當然不會有咩問題, but 我個杯香葉特飲就好怪, 得個甜字, 又冇香葉味,一粒aloe 都不見,好似飲緊syrup??後來了一樽椰青樂, 我正想應該不會太差怪??而且是做推廣,我飲了後feel是酸酸地, 不過是正常既, 不知是否是樽裝而儲存得耐呢,好似啲味有啲怪, 好似不是天然的椰青水而是溝過不知是什麼??總括講句,啲味好假....泰式春卷, 剛炸起都好crispy, 配辣辣地的泰式雞醬好正串燒雞肉都好好食,不會好乾,個satay sauce 好重花生味, 不會太辣,ok泰式豬頸肉

見到很多對此店的劣評, 但友人卻跟我推介天后這店. 既然友人推薦, 也不妨一試. 就嚟個海南雞飯試試吧! 雞肉幾嫩滑, 但雞味不足. 皮薄薄的一片, 沒有多餘的脂肪, 令我也淺嚐了一片. 不錯喎! 好薄, 唔漏. 再加上一口飯, 飯肉有少少雞湯同煮過, 好惹味. 附上的湯不算特別好, 加了點師廚吊味吧! 飲罷有點口乾. 我想這算是中規中距的海南雞飯吧. 不用四十大洋, 倒可一試!

晚上十時的電氣道大部份的店鋪都關了門，除了食肆，泰國人海南雞如雨後春筍，喜愛吃雞的我，好歹也試一次。店內真的有幾位泰國人工作，尤其負責廚房食物，點了個泰國人海南雞飯，當時店內顧客已進食中，祇是做我的 order，也要等上十分鐘才送來，真的要一讚香港人的拼勁、速度、效率。一碟雞和飯放在一起，另有一碗湯和小碟醬料。取筒內的筷子時，發覺筷子油淋淋，像沒有落洗潔精去洗的樣子，需自己取紙巾狂捽，雞的份量很少，面積約四隻手指般大，全是雞胸肉，已去骨，味道像一般的白切雞，而雞油飯則是油飯和白飯兩溝，因見到中間有些飯是全白色，飯沒有半點香茅味，湯內有冬瓜一小件，及有芫茜增添香味，很普通的一碗例湯，很普通的一碟飯。然而，價目不算普通，$41 ，有點貴，相信較平的價錢，在燒臘飯店，可吃到一碟更有質素的香港人切雞飯。我還是愛悅香，愛泉章居，愛香港人。

今日係第2次食呢間舖頭. 第1次食都覺得冇乜問題, 但係今日食完真係有好強烈的不吐不快感覺。地方窄, 服務態度唔好都唔緊要啦, 因為並唔係一間高級餐廳. 今次最想同大家分享的, 是衛生問題, 非常差, 非常嚴重!點餐前服務員放低兩杯水, 成個杯摸上手都係油的....之後先來百事一罐及一個裝滿冰的凍飲杯. 倒左百事落個杯度之後, 竟然有油浮面!!! (見圖)之後來的食物的碟上、餐具上都係好油....真係乜胃口都冇晒....在此奉勸各位, 如果打算到此食店, 請有心理準備有以上情況....至於我地, 以後都唔會再去

"泰國人"如雨後春荀, 遍佈多區. 第一次食是在中環機利文新街的分店, 那碟海南雞飯(其他的粉麵也是)賣相差, 份量不足, 服務不濟, 環境擠迫, 吃了也不想寫食評. 亦不打算返試!今次與小二飯聚, 他想試, ok, 我唔食海南雞囉. 見對面的牛腩金邊粉樣子不錯, 於是一試! 小二當然試海南雞飯啦! 海南雞飯 ($39) : 賣相齊整, 比中環的一次好. 份量還是算少, 雞只有一手掌的份量, 而且切得好薄片. 油飯雞油香不及香茅味, 略偏硬. 但整體總叫比中環店好! 牛腩金邊粉 ($32) : 湯底黑黝黝的, 味道濃郁, 也有點牛的鮮味. 牛腩夠入味, 夠腍, 只有一兩件有丁點硬, 但可接受! 金邊粉沒有煮過火, 有口感! 最突出是那兩件蘿蔔, 炆得入晒味, 不錯!!還有一樣更討好的是, 這裏套餐有冷熱泰式咖啡或汽水送, 那汽水, 在中環的是一杯(來自汽水機?), 但這裏的是一整罐的, 感覺大方得多. 不知是個別分店的不同, 還是只有中環的不同呢???環境與服務相比下也是這裏好.

本人好鐘意食海南雞飯，見有專門食此飯嘅餐廳當然想一試，點知......附送嘅湯係有一件蘿蔔嘅味精水，雞好細碟(女仔都嫌少)而且肉嚡冇味,油飯唔香兼又硬又凍，係個醬汁ok,仲有豬手飯，皮多肉少，食味一般，配菜酸蘿蔔酸到乸喉，飯又係硬而凍，招乎又差，冇飲嘢都要$76蚊落樓，簡直不知所謂！