泰國人海南雞 (已結業)

星期日下晝去食，唔知冇因為防疫，定係因為無錢洗碗，堂食外賣全部都係外賣碗味道只屬一般，金邊粉好細份，唔夠女士飽但係環保絕對唔係合理我食堂食，都係想慳返啲外賣兜，而家慳唔到之餘，仲要用咗n個⋯⋯又唔係醫藥用途，唔使全部用晒即棄吧

呢間泰國餐廳主打海南雞，一場嚟到冇理由唔試下招牌海南雞掛🙂泰式海南雞撈金邊粉 配香茅青檸蝴蝶花茶 ($71)✨海南雞配油飯就食得多，配撈金邊粉都真係幾少見 （可能係我孤陋寡聞啦🤪），作為好奇寶寶一定要試下啦☺️✨海南雞份量頗多，肉質厚實得來唔算嫩滑，但又未到嚡口，算係不過不失～ btw 醬汁味道幾好～✨撈金邊粉太濕身，感覺真係用湯撈過嚟咁，如果乾身少少會更理想，味道正常冇咩特別～✨順帶一提我試左朋友嘅油飯，油香味不足，油飯都係偏濕身，適合一啲中意食軟飯嘅朋友🤪 唔太岩我呢啲中意食粒粒分明有咬口嘅飯嘅人啦🙈✨加$10就可以加配香茅青檸蝴蝶花茶，味道似好濃嘅檸檬味利賓納～

海南雞配油飯，送冬瓜湯，+$10有嘢飲。油飯偏濕潤，鍾意食軟飯ge人會鍾意，但味道唔夠香。海南雞都還可以，尚算滑，醬料睇落不吸引，但幾好食，酸酸辣辣。我叫左熱的百香果蜜，但係太甜，好似飲緊啫喱水咁。朋友叫的海南雞撈金邊粉，都係偏濕，唔夠乾身。普普通通吧

呢度係下午茶時間食一個海南雞飯加汽水加湯都只係41蚊，味道也不錯，我自己覺得幾抵食。海南雞飯略嫌油飯唔夠味，其餘雞、醬都係唔差的，雞算嫩滑，亦唔肥。醬汁都好好味。個冬瓜湯好重雞味，好飲。

今晚5月3日2019年，剛剛吃完，食品完全低，食品不太好食冇問題，最重要間餐廳係做得正做得不正，本來我叫餐的時候，叫了椰青，店務員說已經售完，售完就冇辦法啦，估不外買人客叫椰靑原來係有的，我問職員她一句，她覆我，我哋借回來，但當時點解你不同我借回來，即係話熟客有普通客係無，原來這間餐廳 熟客點都會借返嚟比客，如果餐廳只靠熟客冇新客就死硬，唔怪得餐廳冇嘜客，我住附近我一定不會再幫襯，有時不是食品問題，而是職員的態度

大概係上兩個星期晚上去食的，突然醒起想寫番個評論，因為幾個月前某日想在附近食泰國野，睇左openrice評論說態度不好而改去了另一間，點知個間出品好一般，永遠唔想再翻兜，這次硬著頭皮走入泰國人海南雞，我又唔覺得態度慢或差渦！本身鋪頭已經細細，侍應很難睇你唔到啦，食物水準還可以，我本人口味算是很滿足了，價錢也相宜。海南雞冬陰功芒果糯米飯普通

今日落雨濕濕，但都耐不住肚餓叫埋朋友落街食野。行咗兩行，見到有間未食過既泰國野，於是就抱著一試的心態去試下。叫咗一份青咖哩雞飯同冬陰公湯金邊粉。食品一般，不過不失吧，除了那碗食起來似米粉的金邊粉。不過個服務員一入黎招呼差，講野無禮貌，浄係掛住玩手機。到我地點菜又無反應，大佬呀，點知你收唔收到？還未叫完就拎走個餐牌，見到咁樣，本諗住加個小食拼盤都算了。到最後收銀時又細細聲抱怨（重點要給我們聽到），唉，總之不會有下次啦。

D海南雞直頭系擦子膠，完全硬到食吾到！$41一個咁嘅飯，完全吾合理，以後吾會再幫襯！服務員態度好差，叫佢比甜鼓油，應都吾應你，廚房員工聽住耳機講電話，重點系冇帶口罩，D口水..........

今晚落雨，所以就去左呢間近天后站既泰國人海南雞！雖然佢係好多地方都有分店，但今次真係第一次食，無咩期望，最後反而幾有驚喜！迷你船仔湯金邊粉+迷你海南雞飯 $59 (包飲品）呢個餐真係好抵！如果唔肚餓，絕對夠兩個人share!金邊粉有得揀要牛肉/豬肉，我就揀左牛肉！佢有幾塊新鮮滑牛，加兩粒牛丸，金邊粉既份量唔少，湯底方面，個人覺得一般，無咩特別！至於迷你海南雞飯，絕對唔迷你，油飯同埋海南雞既份量媲美正常份量！海南雞夠滑，油飯都幾香，高質！青咖喱鴨胸飯 $58 （包飲品）呢個飯就正常份量，青咖喱入面仲有豆角，夠曬健康！青咖喱既椰香味十足，甜甜地，用黎撈飯一流！

上星期初晚上到天后舗食晚飯，樓面有個檬眼，有鄉音阿姐，一路包外賣一路大大聲講電話兼大聲傻笑，感覺好騷擾，請問貴舗負責人點樣管理，可以咁樣縱容員工？見到呢個鄉音阿姐執枱又慢，做野又唔認真，態度又差，直情同公司趕客，相信我唔會再幫襯天后海南雞，免令自己受罪啦

是日晚餐，二同行在此店。入店後職員嘅不友善眼神已經令本人感到不滿，點餐時還要求食客點更貴的菜式，食客沒有選擇權嗎？本人因爲食素而同行人士非素食者所以前來光顧，貼錢買難受呢幾個字形容那時感覺很貼切，本人點選木瓜沙律及白飯作為晚餐卻遭到店員的奇怪眼光看待而及竊竊私語⋯⋯此店評分為一星真是太抬舉此店。另外本人進餐時想要求店員提供豉油，店員的服務態度差到極點⋯⋯如果預覽後還想光顧此店，本人只能說祝君好運。

因為方便同埋下午茶唔貴, 所以間中都會幫襯呢度既食物唔差, 海南雞飯唔遜色, 我個人覺得甚至比唔少餐廳好食, 至少雞有雞味, 肉質嫩滑, 油飯香, 以呢個價錢評論算唔錯!唯獨服務就認真麻麻啦, 侍應態度散慢, 冇咩笑客, 成班傾計 .......

剛剛行完年宵，在天后附近搵野食。天后都很多美食，所以都唔知食什麼好，而且都非常疲倦，我們都不想找了，便隨食吧！在這店舖外看見餐牌都唔錯，便進去試試看。快樂不知時日過，原來都差不多9時了，所以也沒有太多客人。可能近年宵附近，所以其中有個服務員都做到發晒脾氣，搞到我們都有點不好意思，好似阻住佢收工咁。幸好，一會進了一大班人進來食飯，那我們都不算太遲。我們點選了二人套餐B , 冬陰公湯，酸辣去骨鳳爪，炸魚餅併春卷，泰式海南雞（例牌）, 黃咖哩牛腩，雞油飯，青檸梳打和椰汁冰。冬陰公湯都算多配料，有菇和蝦，味道就比較酸了一點點泰式鳳爪也唔錯，很入味海南雞比想像中好食，而且肉質都算很滑魚餅春卷都唔錯黃咖哩牛腩都算炆得夠淋最後還有甜品，雖然店舖沒有什麼主打特色，不過這個價錢，有這麼多款式食品，而且份量也算ok , 味道也不過不失，環境也舒適，服務態度因個人而已。整體上也非常滿意，有待改善。

食物其實係ok. 但係服務已蓋過曬任何野。 去到 2個待應好似等炒咁。自己企係度講野。 叫佢落得好似要求佢咁。 餐廳得幾個客。佢拎餸過來時。 一隻手放褲袋。 一隻手放餸。 笑死人。 去到收銀。個阿姐卦住玩電話。 完全唔野你。 係要叫多次 佢先一路玩一路收錢。 呢間餐廳既管理真係要睇下佢。 諗梗係咪聽日執。 唔係無可能會咁。

講食物：$208套餐，1)海南雞例牌的份量比隔鄰枱的碟頭飯的雞還要少，四塊加一塊全雞皮;2)酸辣鳳爪，汁同爪完全分開，汁只有酸味，爪是浸水發漲完全無味;3) 酸辣湯，酸到不能入囗;4)春卷炸魚餅，春卷餡完全食不到是甚麼，魚餅勁乾應該是番炸;5)咖喱牛腩，咖喱只有色和甜味，牛腩又乾又韌;6)雞油飯，飯太軟亦無雞油味;7)甜品椰汁千層糕，係成個餐最入得口，不過糕底濕淋淋黏著隻碟;講服務：男女員工黑口黑面，黑衫男員工落單時巳態度欠佳，;最先上枱的竟然是雞油飯;上錯碟生菜，完全無出聲就拿走;一大碗湯又不再給碗仔; 叫唔該比杯水，我們两個客真的比一杯水;仲有位女性員工說話勁大聲，不斷呼喝其他員工，又話叫套餐的無得揀咩菜，不用理客人揀咩;有客人買外賣問係咪自己的外賣，其態度很差咁話個客不要攪亂;其實有好多間泰國人海南雞質素也愈來愈差，而天后這間是最差的！