泰國人海南雞 (弼街) (已結業)

同老婆去開太子經過想食泰國嘢 嚟咗呢間泰國人海南雞需要環境一般但係食物質素的確不錯點左𣳾式豬頸肉飯附送一碗湯 唔算多味精有豬肉嘅鮮味個泰式醬汁非常一流好惹味值得一試之選

同好友見今日唔駛排隊所以試吓通常平時兩點幾經過都好多客嚟呢度兩時半後有下午茶叫了海南雞有下午茶套餐有湯有飲品跟餐的冬瓜湯清清乜料都無，得兩舊冬瓜應該味精湯，所以我都吾飲海南雞飯: 雞油飯係白雪雪飯比較乾身,無乜雞油味因為無骨，所以雞份量都算多,厚身得黎夠嫩滑有雞味，最重要係位置近脾位及煑得剛剛熟呢哟全部都啱我心水好友海南雞餐跟炒金邊粉，佢就果份雞胸位連埋隻雞中翼聞到好香試少少金邊粉，炒得油腻了少許，但調味幾好面頭有啲花生粒，食落好脆好香口今天兩點多嚟到大把位，兩個人坐大大張枱算是坐得舒服，下午茶四十元吾係貴

本人好鐘意食海南雞飯。之前食過數次其他分店泰國人海南雞都幾好。這裡環境擠迫，要搭枱，叫左一個海南雞飯，冇野飲都要$58，比出面貴。 都要等大概5分鐘先上菜，一攞尼，點解咁小雞！個飯碗好大，分量小。飲左啖湯先，個湯好油，但係不太濃，清清地，加埋小小元茜蔥，幾香口，幾好味，但係個瓜有有怪味。到主菜，海南雞，食左一舊，個雞好乾，比較硬，食完好多塞哂係牙逢，同埋分量對一個男人實在太小。到個油飯，煮得幾出色，軟硬度剛剛好，幾香，配埋個海南雞醬，酸酸辣辣，好開胃，好配合。總結，對食物有小小失望，這個價錢，下次可以去返茶餐廳食，但個醬做得幾好。

下午經過金魚街有點餓，見到出面的下午茶餐牌價錢都不太貴 約三十幾蚊至四十蚊，就入去試下佢地的下午茶啦～點了冬蔭公湯金邊粉配小食，我揀了炸春卷，再送一罐可樂，價錢大約是＄35～第一樣上枱的是炸春卷，但一吃落口便有點失望了，因為是不熱的，極其量是有點點暖。。。明顯地是午市時炸起留下的。。。而且兩條春卷也很幼。。。味道還可以。。等了一會兒，期待的了冬蔭公湯金邊粉也上枱，幸好見到這碗粉是熱辣辣的，送到面前已經聞到幾香！先飲一口湯，有點驚喜，比想像中好味～冬蔭公的酸味和辣味很平均～惹味之餘又刺激味蕾～冬蔭公湯入面的配料也不少呀，有不少車厘茄和秀珍菇～原來車厘茄配上冬蔭公湯是很好吃的～！而金邊粉份量都ok，一邊吃金邊粉 一邊飲著冬蔭公湯，愈吃愈辣呢～ 幸好這個下午茶餐還跟了一罐可樂～覺得有點辣時飲一口可樂，超爽～！！ 這間店內的位子是十分擠迫的，如果lunch time 或夜晚 每次經過見到都不會入去食，下次都會繼續趁下午茶時間再來吃多一遍冬蔭公湯金邊粉吧～～不過希望他們的春卷可以有單再炸。。。橫掂其實炸一炸都只需幾分鐘吧。。。熱辣辣的春卷會好吃得多！！

前排個朋友俾左張$50飲食優惠券我, 但一直都冇用到....今日出到太子, 見到依間店, 諗起仲有張券未用, 就走去問吓仲用唔用得 (因為都袋左一段時間, 都袋到爛爛哋...)佢話用得~就拎飛等位, 等左陣就有位, 仲係側面的二人枱, 唔洗迫住坐, 跟住就點餐喇~點了海南雞飯同手撕雞波菜麵, 仲加多杯青蘋果梳打, 好快就黎左個湯, 好香, 都幾好味, 好濃的雞味, 之後就到海南雞, 都唔錯, 冇碎骨, 雞肉夠嫩, 點左甜甜酸酸的醬汁更加惹味, 係隻雞翼頭仲紅紅哋, 有少少不良感覺, 不過雞翼入面冇紅色, 都OK~至於個飯唔會太硬同太油, 都算適中, 略厭個飯唔夠香~之後就係手撕雞波菜麵, 第一眼覺得似"撈撈冷麵", 不過雞肉都幾大舊, 依個都唔錯, 幾好味~最後就到青蘋果梳打...味道怪怪哋...飲唔到青蘋果味, 個底仲有啫喱, 仲有粒唔知係咩黎嘅果肉, 好酸....因為用左$50優惠券, 埋單都係$67, 依個價錢絕對抵, 其實正常五十幾蚊一個餐, 平時都好少食...

係旺角行行下街，肚餓，要食飯喇，唔知食咩！但朋友想食泰國野，甘岩見到呢間 (泰國人海南雞)就入左去試。食完感覺：可以再黎食。我地點左冬蔭功湯，我本人鍾意食辣，湯嘅辣度吾以再辣多少少，但整體酸辣恰好，味就香濃，不妨一試。呢個沙律係辣辣地，食落有清脆嘅聲音，加埋花甜粒、蕃咖仔、魚乾仔、青豆、辣椒碎，下層以生菜包底，酸香醒胃，睇落健康，食落好味，滋味推介！雞，口感滑而軟，肉質嫩滑，配上海南雞醬，食落有不同的感覺；油飯而入口，不會有半點油膩。味道香濃，牛腩軟綿及肉質吸哂咖喱汁，食落唔會靭同乾，脂肪不多，沒有半點肥膩，值得一試。炸到金黃色，外層脆卜卜，食落彈牙，配上泰式辣醬，滋味加倍誘惑糯米煙靭可口，芒果夠大夠鮮甜夠多汁，椰醬清甜同混合糯米，令到味道香濃，快D去試下喇，

是日行經旺角弼街，咁就選左呢間食lunch。入到黎已覺得有點伏啦，lunch time都只坐左3張枱客。點左lunch set黃咖喱牛腩飯。黃咖喱偏向椰奶味，幾香。牛腩有牛味但幾韌下，薯仔亦唔夠淋，硬左d。但個飯好濕，太淋啦，非常差。餐飲奶茶係最正常，只係偏甜左d。

劣食系列--如果你問我海南雞飯邊度最好食,咁GRAND HYATT就梗嫁啦.如果最難食又點睇?首選泰國人海南雞~曾經係香港開過好多分店,依家應該剩幾間.有一日路經呢個寶號,見到褲袋得番幾十蚊,去GRAND HYATT應該做埋洗碗都唔夠找數,就脆脆地試下先.得啦唔洗講,睇相就知咩料.垃圾也不如.雞硬過石頭,飯又無味,串燒明明就係串炸,仲要炸到變左肉乾.早知番屋企食麥皮好過.

晚饭不知道吃啥，于是路过这家店就想尝试一下。点了海南鸡和咖喱鸡两个套餐，感觉味道还行，肉也挺嫩，就是分量有点少。总体感觉还可以，店里人也挺多，环境还行，上菜速度也挺快。

去食下午茶，叫左。。。海南雞飯：飯太淋，有少少咸味，不過唔似油飯。雞無特別，唔係好滑，仲有少少乾。點雞肉個汁，好求其，唔知咩味，總之唔好味。跟餐碗湯，味精湯。。。跟餐杯餐飲，我想要鴛鴦，佢話一係咖啡一係奶茶。我要左奶茶。飲左一啖，放棄了，因為味道很怪。。。雞絲湯河：嚟到都知唔係太大碗，因為始終下午茶份量，點知一夾，半碗都係芽菜。。。河粉只有兩三啖，啲雞絲仲鞋過碟飯啲雞。。。個湯底，無誠意。。。因為唔知咩味，似用唔知咩味粉開水。。。跟餐有個小食，開頭想叫木瓜沙律。見到隔離枱嗰碟，同相中分別十分大，所以穩陣起見，叫左炸魚餅。食落，似係一大包現成的，佢地只係炸好上碟，所以唔會好難食。最後食完以上嘅嘢，沙嗲雞串仲未到。天意決定佢地漏單，幫我地慳返... 即刻畀錢走人。（完）

This place is popular for Hainam Chicken Rice, so I pay a visit for this only. No other dishes to try for myself. I was in Mongkok anyway. So search for this place thru my phone. I went there around 3:30pm and lucky me that it's time for snack time. Special offer at special price. $45.00 for Hainan Chicken Rice with soup and one drink. I choosed Iced Lemon tea as it's my favourite drink. Then the chicken rice arrived together with chicken broth soup on the side. soup is hot as I expected. The ch

同朋友行街行到好累，又幾肚餓下，於是呢就入咗去呢間鋪頭度食個lunch 咁。因為其實自己本身對海南雞沒有太大興趣，於是就叫咗個生菜包配白飯。套餐仲配埋一杯飲品，行道熱熱地飲就真心爽唒首先講生菜包先。呢個生菜包入面既菜料主要都係豬肉，再配以蔥花同辣椒。泰國忍果然鍾意食辣野，一食落去就感覺到一個麻辣既感覺沖上腦門  估唔到真係咁辣。白飯就都係普普通通一個飯，我就再唔解析喇。好喇，到飲品方面，我就叫咗個綠蘋果椰果梳打。都係普普通通，沒有太大驚喜。就係都解辣解熱lor。

我同朋友黎食，我地全部人in total叫左3個4人套餐，由於我遲到，我只係見到海南雞、咖哩、冬蔭功湯同豬頸肉。海南雞好有味，唔似出面啲海南雞成日都無味，而且滑得黎又唔係好肥膩，我愈食愈想食，好好味!! 由於我地多人，我地紅、黃、青咖哩全部都有試，紅咖哩最好味，同一般咖哩差唔多，辣度同香味還好。黃、青咖哩都麻麻地，太甜，又香味欠奉，尤其係青果種，不過聽講青咖哩係用黎配海鮮食，唔知鋪頭既青咖哩唔好味係因為搭配有問題定係整得唔好食啦。冬蔭功湯我自己唔飲，不過聽朋友講麻麻地。豬頸肉燒一燒再用少少香草調味，簡簡單單但係味道都唔錯。雖然食物質素一般，但係80幾蚊per head都算幾抵食，而且我地10幾人食左差唔多2個幾鐘都無趕我地，服務都算唔錯。

與友人一起行街，餓了，入左黎呢間泰國人海南雞醫肚。黎到泰式餐廳，咖喱與冬蔭功總是少不了，但既然只係午餐，亦唔會食咁多，所以只叫了最常見的黃咖喱牛腩飯與冬蔭功湯金邊粉。黃咖喱牛腩飯香味十足，咖喱既濃烈味中帶有泰式香料既味道，的確做到引人垂延既效果。一入口，己經食得出椰奶既味道，牛腩夠淋，亦尚算入味，夠哂滑。冬蔭功湯金邊粉酸辣冬蔭功味道配上金邊粉，同樣泰國香料既味道芳香，與冬蔭功搭配之下，令金邊粉味道豐富，要注意既係，呢個湯底有少許辣，但對於愛辣既我更為吸引，最後飲埋Ｄ湯。價錢好抵食，依家求求其去一間無咩裝修既泰式餐廳，唔駛諗，２個人至少１５０ＵＰ，能夠以１００元左右品嚐此等味道，值。

今次忍唔住要寫一寫食評，早幾日晏晝同男朋友入左去食，事關佢想食海南雞飯咁企出面望見到爆爆到，經理問我地幾位，然後就叫我地等一陣，之後就叫我地入最尾張圓枱坐，搭上搭，本身圓枱已有兩枱人搭緊枱，唔緊要，中午係多人啲嘅，行到埋去，得一張椅，我就企係隔黎等陣，等waiter 拎多張椅比我地，點知佢係咁話 咪拎左比你地囉，本人視力正常，見到係得一張椅，之後男朋友自己係隔黎枱拎張椅過黎之後揀野食，男朋友叫左個海南雞飯，我就見到有冬蔭公湯底既麵，我最鐘意就係食冬蔭公，即刻揀好，跟餐凍奶茶，凍檸茶各一等左陣啲野食黎到，個海南雞飯我淨係試左啲雞，好滑，跟左個sauce, 都幾好味，之後心諗咁我個冬蔭公麵都唔會差得去邊，終於到左，飲左啖湯，完全地失望，識飲冬蔭公嘅都知唔係咁嘅味，只能說是一個帶酸帶辣嘅湯底。凍檸茶，我諗大部分人都飲過，都冇咩餐廳會沖冷檸茶沖到失手，但哩杯冷檸茶真心令我失望，茶味冇乜，檸檬可能唔靚，冇味，只能說是一杯外貌凍檸茶，實質係杯凍糖水用餐時，見到經理不斷鬧員工，難怪嘅，我用餐嘅30分鐘內已經覺得佢地唔知自己做緊乜哩，好亂咁總括黎講，海南雞飯係值得食。