泰國人海南雞 (弼街) (已結業)

呢排同0的junk food好有緣... 昨晚食晚飯, 唔想煩, 近近地去0左呢間吃... 老公超愛海南雞, 所以叫0左一客, 我要0左個甚麼噴靚咖哩豬軟骨飯... 海南雞飯: 冇叫餐... 好細份!! 但飯夠熱夠油, 有雞油香味, 尚算可以. 清湯真係好湯, 只有味精味, 冇其他味道... 主角: 海南雞~~ 老公話OK... 肉都算嫰, 但仍有雪味, 且份量真係少. 噴靚咖哩豬軟骨飯: 一來到, 多油!! 可能係泰國咖哩的特色... 幾香, 但唔咖哩香, 係椰汁香, 冇乜咖哩味... 食落, 好甜, 比日式唔辣咖哩仲要甜, 唔知以為食緊咖哩甜品!! 豬軟骨都可以, 份量算多, 且算大件. 不過, 食完好滯... 好似食0左好多糖咁... 服務, 可以話可有可冇... 我地第二枱入去, 之後就有3 pairs 人入0黎, 我地一坐低已經叫落單, 但我地係最遲先落到order0個枱, 因為侍應哥仔俾其他人叫住... 好無奈... 可能我真係唔識欣賞泰式咖哩, 我唔覺得好味. 但都唔係太差0既...

Hai Nam chicken is usually one of my favorite dishes. I was happy to stumble upon one in Mong Kok as I was walking around shopping. They open late, around 12pm.Portion size was a bit smaller than I anticipated. You get a small bowl of rice and maybe 5-6 pieces of chicken. The chicken was good and tender. I enjoyed the rice the most because of the chicken flavor in it. Though the rice was a little bit hard to chew. I just wished they gave more chicken with the meal. If they did, then I would come

這家泰國人海南雞飯, 其泰式海南雞飯曾經令我每天在店外排長龍.今晚再次光顧這餐廳, 唔駛等! 先來一個泰式海南雞湯粉($39) . 湯清甜,有水準. 海南雞,尚可. 雞肉夠香夠滑. 配搭自家製的醬, 好味! 配料好少, 只有少量有芽菜, 差! 但跟翠華比較, 仍有20分距離. 再來一客魚肚羹 ($16), 不過不失, 做得普通. 結數後我女友同話這間店-只此一次. 我會比65分, 還可以.

同Honey睇完早場，純粹想搵個地方食啲嘢，所以就入咗去喇！見有其他食客食緊海南雞飯，但賣相一啲都唔吸引，所以我地決定叫其他嘢食。個名我唔係太記得喇！只係記得大約個名︰1) 海南雞金邊粉（湯）- 好難食，雞冇雞味不特只，金邊粉煮得唔夠透，有少少硬身，覺得好『頂住個胃』所以食咗一半已經冇食。2) 海南雞金邊粉（撈）- Honey叫嘅，我都試咗一啖。我地兩個一致覺得好淡，冇味，有嘅只係得啲花生味而已。Honey都話佢果份雞又係冇雞味嘅。Very BaD... 兩個都係餐加$3蚊有嘢飲，我要咗青檸XX, 而另一杯叫羅望子。反而飲品比食物好些少(((只係些少)))，果杯青檸XX，其實類似咸檸七而已。羅望子 - Honey放膽叫嚟一試，佢就普通鍾意。反而我試咗一啖就覺得幾好。因為本人偏愛酸酸地嘅飲品。以一個午餐$42蚊，而且又咁難食喎！個人真係覺得好貴好貴。

與同事行逛一會，到吃的時候，是是但但就走到此店泰北地道雞絲喇沙：不似喇沙味，有點辣味，米線可以，但真的麻麻海南雞飯：完全無特別，同普通雞飯一樣，又不太是油飯，感覺不到海南雞味醃海鮮雜錦粉絲：賣相差得很，只是一碟雜碎，酸甜味尚可，海鮮有尤魚，蝦，但也是一般蘆薈西柚果纖梳打：同事點的，完全無味！！！然而不知甚麼的正宗，名字大但食品差，真的失望$124結脹

一兩個月前食，純粹係同女朋友仔食個LUNCH咁大把不過竟然食到D咁唔好食GE野果排唔知做乜勾起條癮想食海南雞飯( 而家都想概歎一下我已經唔知幾耐冇食過好味既海南雞飯了 )呢間泰國人海南雞我贈四個大字「不知所謂」點解不知所謂?佢個名叫泰果人海南雞海南雞飯居然咁難食唔知係我食唔慣定點佢隻醬簡直同我食臭豆腐D醬一樣D雞肉真係衰過食15蚊盒切雞飯又霉又冇雞味最離譜GE係佢GE 喇沙湯粉竟然仲好食過D海南雞咁你不如改名做泰國人喇沙湯粉啦另外就係佢D位真係又逼又唔好坐又唔舒服真係果一刻覺得自己仲慘過大陸D民工坐D凳勁頂PAT，食D雞又勁難食

要食泰國菜，下下要走到九龍城實在太唔方便~~都係跑去附近旺角定定癮。去泰國人海南雞，係貪佢緊有一間係左近~~咦! 新出咗個泰北地道雞絲喇沙，就要哩個啦! 另外再加一個羅望子凍飲添。泰北地道雞絲喇沙--湯底味道完全唔係新加坡喇沙個回事~~湯底D薑味、香茅同辣椒好出。米線一入口就知唔係平時食慣個D~~仲有兩三粒泰國周街都食倒嘅泰式魚蛋，真係好有風味之但係有風味還有風味，無論係D雞絲定湯底都無乜鮮味。羅望子::酸酸甜甜，解喝又醒胃

去完隔離書樓,又落雨,又凍左,係弼街附近行左一陣,唔想食壽司,因為天氣凍左,見到"胡先生"招牌笑容相,而且都幾多人光顧,一邊已經客滿,一邊得返 一張枱,係咁樣情況下,就吸引左我同老公去光顧,店員也很醒目,我地因第一次光顧,問左幾條問題,好似那樣辣唔辣?好唔好味....等,也很親切地答,值得一讚,見到枱枱也叫海南雞飯,所以我們也叫了海南雞飯雞就好好味,好滑,對一個減肥中的我來講,也忍唔住吃晒所有雞皮,不過,也沒有後悔,唔吃真係太過份啦,我唔吃得太辣,所以以為不能吃那雞醬,店員提供多一小碟甜醬油,原來雞醬唔係好辣,但我覺得甜醬油,更好味,好快,....所有雞也被我吃晒,仲剩下好多白飯,所以再叫串燒,很驚訝,好好好味,肉好新鮮,不過9元一串,但兩口也吃晒,比較貴,那沙嗲醬,唔辣,係甜甜地,好想吃多幾串,但需時好耐,差唔多十分鐘,所以要吃的,一定要早些叫,值得推薦,一定好吃過街邊的.我老公點了青咖哩飯,雞好滑,好好食,但他認為唔夠辣,也同張餐牌相好唔同,份量太細,佢話一個大男人真的唔夠飽,要兩碟才足夠.飲品方面,我們點了"椰汁冰",很濃椰汁味,唔會好浠,但太多冰.整體來講,不過不失,但差唔多四

因為我很喜歡食雞，所以對牠要求很高，這間的招牌海南雞是我得上的一間，雖然很難解釋在一間泰國菜館會食到好味的海南雞，但事實就是如此，而且我每當想食雞的時候，就會到此。最近他們更推出了二人餐覺得很抵食，有鱷魚羹或雞湯兩碗( 鱷魚羹味道都幾似食緊蛇) ，招牌海南雞，油菜一碟，油反，仲有串燒、魚餅或春卷揀，我就揀了串燒，配了沙嗲醬，味道不錯，而且仲可以試哂雞牛豬，同老公食到覧住個肚走，都只是$98咋。

又到午飯時間，又要諗食咩。第一次試泰國人海南雞 ，因為之前睇or 食評，佢嘅評語都麻麻。要了穩陣的湯粉餐。扎肉雞絲金邊粉，配4隻煎餃及飲品。完全relate 唔到餃子同泰菜！餃子質素好係淘大貨色。雖然煎得脆，但無咩味又無咩特別。如果有醋都好d呀，問佢攞，佢竟然俾甜酸醬我！真扎肉雞絲金邊粉味道清淡，湯底無咩味。雞絲撕得十分馬虎。完全唔算係絲，一舊舊嘅~扎肉唔香又無味。問佢攞嘅辣醬同辣粉又係唔辣。

:海南雞飯d雞唔係好多...不過又幾滑架喎...唔知係用咩雞呢...唔似得有d 雪藏味喎...個油飯都好香呀...吸引人一啖啖的食落去...炒金邊粉d 金邊粉都幾彈架喎...仲有花生芽菜不同的配料...個口感好多重呀...佢個味又唔會係好濃...幾好...酸酸甜甜的...開胃...生菜包 (豬肉)睇落去冇咩野架喎...淡淡的感覺...一食...就有d 麻辣...哈哈...隱形的香料嗎?不過食食下又幾滋味喎...刺激了味覺~次次都係...生菜不夠...又或是掉曬出黎...@.@正方形台仔有d細...冇得靠...一袋二袋又唔知放去where...不過這是快餐的經營喇...

早前在屯門分店吃過,覺得不錯,加上想不到晚餐吃甚麼,於是到此一試.一進去,不知道六點多是否太早,還看到員工們圍在一起,談天和食雪榚.坐下了,員工們還只顧着食雪榚,不招呼我們.要我們叫他,才走過來,但手上仍拿著雪榚,多麽的不禮貌!!今次的選擇:冬瓜雞湯,豬頸肉金邊粉,海南雞飯.冬瓜雞湯不過不失.冬瓜有點不合時宜,湯是味精湯.豬頸肉金邊粉的金邊粉很差,不滑,又一陣粉味.豬頸肉切得不厚,燒得太乾.海南雞飯的雞不夠味,一定要點雞醬,肉質也不滑.油飯不夠油.有一個套餐比較抵食,但員工不拿出來,等我點了菜才拿出來,不知是否特意的.

我在附近返工, 有時lunch都會黎呢度食我最鐘意食佢地的海南雞飯套餐隻雞好滑，而且一D都唔肥真係皮厚肉嫩.不過食海南雞都係食d醬.要蘸汁醬吃才夠味,d醬就嘛嘛地, 唔算特別好食整體味道唔錯,不過正唔正宗我真係唔識仲有d凍檸茶係苦架. 但有時口渴又冇計.

今天lunch time又無咩人就行左入黎, 我叫了豬手飯及佢既香茅姜蜜.1. 豬手飯 - 豬肉好淋,豬皮仲keep到係有咬口, 好好食. 個老汁好好食, 配飯一流. 酸菜就真係酸左d.2. 香茅姜蜜- 真係好姜, 不過無咩香芧既味.眼見隣台既海南雞都好似好正, 下次食完再上黎報告一下.

分店勁多，幾乎區區都有間．1.海南雞飯 $39>雞唔差，醬幾惹味，可惜飯無雞油香．2.香矛雞翼 $25>共四隻雞翼，但竟有四種SIZE,雖然大細不一,外皮幾香脆.3.油菜 $12>貴啦，如有跟餐叫就好．4.百事可樂 $8 >原價 $10，跟雞飯平 $2.