泰國人海南雞 (弼街) (已結業)

睇完戲已經10點,落到花園街附近,見到呢間之前食過一次都OK,門口又有2人套餐,決定一戰!2人套餐價錢比想像中便宜一點,值得一試!先黎ge係海南雞例牌同串燒!我要左油飯,女朋友要白飯~似終油飯配海南雞先係最正!海南雞份量對於2人黎請適中,雞皮好滑,厚薄適中,冇咩脂肪!雞肉都好嫩,冇俾D唔好ge位置!我覺得真係幾好食!串燒個沙爹唔錯,我地係食雞串,好易咬開!幾入味!呢個冬陰公湯好好飲,女朋友係飲到愛不釋手,佢D海鮮料好足,呢個又唔會太spicy,正呀!仲有個青咖哩,我覺得送飯一流,豬肉份量亦多,我食唔晒個咖哩都唔會好spicy,少少刺激咁幾好味!如果呢個青咖哩上得早D會仲好!呢個SET有甜品架,不過唔係主要,我亦覺得一般,係得個甜囉!總括黎講2人餐係正ge!!

下午到訪，同朋友一人叫左一個下午茶餐：冬陰公豬頸肉金邊粉連熱檸茶+肥牛金邊粉連凍檸茶。結果一好一壞，冬陰公豬頸肉金邊粉辣度恰到好處，平時唔中意食金邊粉，因為煮得唔好時會黏埋一堆，如煮過度，更會似糊仔，但今次食既卻剛剛好，個豬頸肉亦唔會太老！肥牛金邊粉太碎亦唔肥，凍檸茶有涼茶味，但現場唔見有涼茶賣，好奇怪！  

星期四係弼街附近工作,5點就放工,餓了,到了附近的泰國人海南雞食下午茶.記得之前同朋友花園街shopping完食過一次係差勁的,今次再去食多次, hahaaaa.一入到去個冷氣係正!!!因為果日31度,熱到喊.舒服!!!冷氣好夠!!!!有兩枱客,我叫左個海南雞喇沙湯金邊粉.喇沙湯底,好少地方有!!!個湯底少辣而香濃!!有芽菜配答無骨海南雞 o岩哂我呢d懶人!!!好滑!!!最鍾意d海南雞皮同肉中間有d透明果d jelly咁既東西有鮮雞味同幾滑~$35!下午茶係咁上下!!後記:番到泥想打openrice既時候,哇=.=乜咁多負評既,心諗..都唔係真係咁難食遮..原來d負評係上年的.見到佢進步左都會再去食既..食左一個飽tea都只係$35!!!抵!!!

年廿九出旺角買魚魚，見到好耐冇食海南雞飯，近近哋就入咗去食個 lunch坐低見其實都冇乜選擇，叫咗兩個穩陣$50海南雞套餐…凍飲加兩蚊…先嚟的是飲品，我的熱香茅薑蜜其實只係飲到薑味，而老公的凍青檸檬水真係唔係太飲到青檸味喎!再等咗陣，海南雞+油飯+冬瓜粒雞湯到啦!海南雞都幾滑，但係冇乜雞味…反而我鐘意個油飯喎!而個雞湯…都係味精湯啦!依家出街食飯真係愈來愈貴呀! 食兩個咁普通的飯都要成百蚊落樓…真係要努力啲搵錢同埋轉研廚藝先得呀!

係旺角同女朋友行街,行過見到間野有無骨海南雞飯食,所以入去試下啦~員工好有禮貌好熱情,不過晚市時間入面客人都唔係好多...我地叫左兩個海南雞飯餐,有飯有雞有湯有野飲,價錢都唔係貴!!個餐可以加錢叫個小食,我地叫左個蝦餅~d雞好普通...冇乜味...都ok滑ge碗飯就冇乜油飯既香味...個小食黎錯左春卷,不過味道唔錯!!整體黎講碟飯好一般...如果普通茶餐廳呢個質素可以接受...但如果係專門食海南雞既就真係未夠水準...

之前喺泰國食過海南雞飯好好味，一直都好回味。今日行過泰國人海南雞，即管又試吓啦。海南雞飯午餐$48，包一杯飲品。叫咗杯熱香芧薑蜜，攞到嚟時，好香呀，而且飲落d薑又唔會太辣喎。海南雞飯一般啦，當然無泰國咁好食，但都算做得細心，好似泰國咁，雞肉D骨係起晒嘅，而點雞食嘅汁做得唔錯，成碟汁我都用晒點雞，見到隔離枱都要問阿姐俾多碟汁佢食雞。

行旺角行得攰,隨便揾間野食野,見佢鋪面光猛,以為唔會好差,點知出事啦.叫左２個快餐加泰式海南雞飯.海南雞飯 $41 飯無味道,雞無雞味咖喱牛腩飯 $39 毫無特別豬頸肉喇沙湯米 $37 豬頸肉份量超少,薄薄四小片 (可能最低工資效應), 米線煮過籠,爛到挾唔起,個湯少到呢..無諗過會咁差, 但居然起門上面貼住佢係2011年嘅優秀食店,真係想知所謂優秀從何而來???

一心諗著食泰國菜..點知..無一樣食物有泰國味道..仲要唔好食..店內一個黑衫女經理一直黑面..服務態度真係有改善空間..

$48。喇沙豬軟骨粉：份量是足的。粉是滑的。喇沙湯是好的。但豬軟骨是凍的。。。湯底濃郁味香，可惜不夠熱。豬軟骨雖爽且不太肥，但卻是冰冷的其他配料則有大量芽菜、香葉熱檸水：這算是最好了。曾幾何時，有一款好像是''豬頸肉菠菜麵''，是十分美味的。而且肉不算肥，最特別的是那醬汁與麵條配合得宜！安排位置極之混亂，店員高聲發言，而且言行都幾粗魯

豬頸肉喇沙....36$ 有杯野飲..收銀個主任身為高級職員態度做唔到佢下屬既水準...扣1分..碗野等左5mins度黎..一黎就感到小小出事..一食點知真係!!先係個湯...第1次食喇沙係咁淡..完全唔似樣...亦係第1次我食喇沙係食米線巳經知個湯底係不知所謂..所以食送同米線算...儘管米線夠幼滑都彌補唔到整體發揮..真係強差人意...豬頸肉就份量唔多..ok的...但食喇沙係湯底佔8成重要...唔係我叫清湯得喇...

講起把鬼火呢間野都有名你叫海南雞咁我就諗住試下個 海南雞飯點知一入去就中伏我6點半坐低佢間野就分開兩邊我坐果邊就岩岩開始多人入來食得一個新手系到做野 那手唔成世咁 我叫佢寫野都要等5分鐘我見佢間野咁吸引 點知個所謂海南雞飯雞既份量都唔知有冇1/4隻雞仲要唔系好好味啊陰公仲要全部雞胸肉.仲有勁hi(低音)一個咁既餐都要唔連野飲 $52個餐就跟一碗湯 仲有沙律(唔新鮮)我同fd食個dinner都要中伏埋單$115我不如去大家樂食海南功夫雞飯好過啦人地半隻雞啊.包有雞脾啦

放學突然好想食海南雞飯,見佢有禁多分店,應該有禁上下質素入到去坐底左,佢先同我講話海南雞飯賣哂(當時十點幾到啦)(其實當時有幾枱客坐底知道無海南飯就走左)不過因為肚餓,算數,我堅持坐底食叫左個黃咖哩雞飯. 廚房員工即場表演"叮"餸,當時已經心知不妙黎到見到d雞球就知道一定好"鞋"雞:,乾,好"鞋"黃咖哩汁:仲差,好水.茶餐廳既港式咖哩好食過佢白飯: 淋!! 我個人唔鐘意食軟飯一切都係我既錯,我唔應該堅持坐底食!至於會唔會再試佢招牌既海南雞飯.我諗機會都幾微!

今日臨睇戲前去左依間食第一次去食, 見到都幾多人...咁當然就要叫下佢既招牌菜啦-海南雞飯 - $38 同出面d海南雞差不多, 無乜特別黃咖喱牛腩飯 - $36 d汁ok, 唔太辣, 甜甜地咁鹹魚炒芥蘭 - $42 好油, 好少鹹魚..全部6pm後都無飲品的, 叫飲品要正價 -_-

堅覺得差!!!是晚因為好夜...由於旺角搭火車...就諗住附近食d野算...見海南雞未收...就去食我叫左個咖哩豬扒飯第一,d curry凍凍地,唔curry唔 spicy第二,d飯都係凍凍地第三, d薯仔完全唔熟,而且都幾多下第四,豬扒都係麻麻地.......總之難食!男友叫左個叻沙湯麵..我冇食不過佢話好味~唔知係咪要串我個碟難食..一副得戚的模樣今次黎食..都係上次食green curry chicken覺得都ok..應該唔會再步入黎喇...

今早到了客人公司開會,便沒有帶屋企的愛心飯盒在中午時食,所以中午時份便和公司同事一起外出.由於今早整個上午也不在office,所以公司很多工作還未清理,今天主動和同事說,今天我想吃"快餐",目的是想快快地吃完便回公司工作了,就是靈機一觸,很想吃海南雞飯,就是這樣,便來了公司附近的泰國人海南雞.香港真的有很多泰國人海南雞的分店,而我只試過紅磡分店,但這一次吃海南雞飯的經歷,真的超級令我失望,今天這分店現在依然存在,希望今次來到旺角分店,海南雞飯的質素不要像紅磡分店那麼差勁啦.今天1:10便和兩位同事到達,這時整間餐廳也是滿座,正當我們準備離開選擇其他餐廳時,職員馬上告訴我們,我開隔離鋪位給你們啦. 這一刻的我,便覺得服務態度不錯,值得加分.入座後,我很快便決定order泰國人海南雞飯,由於海南雞飯是他們的招牌菜,所以order後不用五分鐘便送上了.海南雞飯一到,我便先喝一啖湯,但可惜這一個湯真的很味精化,很不健康的情況下,喝多幾啖便決定停口了,轉吃海南雞飯. 先吃一口飯,很香雞油味,之後再吃海南雞,也是不錯的,最起碼雞不"鞋",雞有雞味,不過雞就凍了一點,如熱些,相信便更加好.今天我對泰