泰國廚子

營業中

休息中

朋友生日，朋友們在這𥚃訂了一間包箱五位，我們平時有幫襯開，泰國美食相當不錯，閒聊間得知主主廚（順哥)做中國菜也相當了得，所以今次係讓他安排做中國菜。全程由順哥安排，先嚟個小食拼盤及炸蝦片，之後就有魷魚煲、蒸臘腸班、豬手煲，炒膏蟹、最後嚟個薑汁炒通菜同芒果糯米飯。整體食物水準絕對係 A 級，特別是魷魚煲，除魷魚新鮮唔韌及野味外，配料特別好吃，我們差不多全個煲清理乾淨、魚蒸得恰到好處，整條魚十分鐘內剩下一堆魚骨🤣，其他炒蟹亦是相當可口、野味！與平時我食開嘅做法不同，比較乾身、香口，我特別喜歡。服務方面也很用心，換碟的不用說，不時進來看看我們有什麼需要，有空還跟我們飲兩杯 😆。我們平時也會過關吃飯，但如果多一些這類店鋪，相信我們也多些留港消費，支持香港本土美食 🇭🇰

估唔到荃灣區仲有38蚊客飯即蒸肉餅 仲配埋餐飲 仲平過茶餐廳 落單後十分鐘就已經有一個熱辣辣嘅即蒸飯 仲有多款選擇 味道非常好 招呼都可以 雖然第一支到呢間餐廳 但畀我嘅感覺都 好舒服 希望下次落嚟 再有新嘅餸菜

早兩日和朋友經過，食過鹽焗雞飯和粟米魚柳飯後，今日再去叫了一個鹹蛋蒸肉餅飯38元， 價錢實在冇得講，非常超 超，值服務員好快便將我的鹹蛋蒸肉餅送到我檯面， 服務也很好， 今次是第二次來了， 因在附近返工 ，肯定會多來幾次

昨晚我和朋友去荃灣悅來酒店 見到有間泰國餐廳裝修幾精緻 入面原來有露天座位 不過因為天氣熱所以就坐室內 餐牌都有很多不同選擇 我們總共點了三個餸: 炸雞 咖喱蟹 烏頭蒸魚 味道不錯 值得推薦

昨天和朋友經過這裡 ，被大大的38元套餐吸引 ，有超多款選擇， 選了一款鹽焗雞飯 和粟米魚柳飯， 想不到還有飲料配送， 味道還不錯，價錢真是超值， 想不到價錢平過兩餸飯 ，值得再次來幫襯， 雖然侍應人手比較少，但服務還是熱誠， 因在附近上班，以後中午決定都來

記得以前都幾好食，食完今日絕對無下次今日去食午餐叫左個「豬頸肉煎蛋飯」豬頸肉好似無調味過完全無味亦無提供醬汁點口感仲好奇怪食左三塊成碟放棄奶茶都有怪味用app 落單，仲要加一以後唔洗黎

今晚幾左幾個朋友食晚飯，帶埋唔夠兩歲嘅bb，因為食過佢地lunch覺得ok，又有蠔仔肉碎泡飯清清地覺得啱bb食（bb淨食肉碎同飯，唔會食蠔仔），就揀左呢間餐廳。坐落之前都保險問一句夜晚會唔會都有蠔仔泡飯？個侍應話有，咁就坐低左，但點知到落單時，另一個資深啲嘅侍應（負責收銀）先話夜晚冇蠔仔泡飯，啲湯都冇哂唔會整到。無奈但都坐低左，咁叫啲可以俾bb食嘅嘢都可以接受嘅。叫左一個$498嘅套餐，入面有海南雞又有烏頭魚，可以俾bb食非常好。又有蜆、蝦，加埋小食拼盤、炒通菜、炒金邊粉、甜品（流心芝麻球），真係覺得超值👍🏼再另叫多個生菜包開心下，滿心期待～可惜由第一道上嘅炒蜆開始出事⋯啲蜆好霉好唔新鮮。咖哩蝦有層紅油喺面，同啲咖喱好似溝唔埋咁⋯蝦係雪藏蝦都係明白嘅，唔評論。個馬拉盞通菜冇味⋯炒金邊粉除左有鑊氣，味道真係麻麻。終於明白點鮮有海鮮嘅套餐可以咁平⋯⋯😓慶幸個海南雞同烏頭都叫正常，最緊要bb食嘅嘢ok。只係海南雞上嘅時候，侍應話「唔好意思，冇哂雞醬」令人有啲愕然⋯連雞醬都冇！？但平心而論，小食拼盤同生菜包都係好味嘅👍🏼食到最後，叫資深侍應上甜品，諗住有甜品（流心芝麻球）結尾令成餐飯可以提升返

今日下午，同老婆經過呢間鋪，見到有巴基斯坦咖哩食，被吸引咗入去試吓。我地order一份咖喱牛腩配簿餅同一份炸雞翼薯條，跟餐飲品珍多冰+凍OT當杯珍多冰上枱後，我同老婆飲左一啖都覺得杯野有啲怪味，要求侍應（四眼，老女人）換其他飲品，點知佢嘅回應係：「指餐廳杯野飲無問題，而係食客要求換，所以要加返相同價錢。」重話：「如果每位食客都咁換咪唔洗做生意」呢刻，我即刻火滾，我唔係貪你杯野飲，而係因為有問題先要求換，佢竟然講啲咁嘅野。個侍應重想同我理論，我話：「加錢就無可能，咁你換唔換。」最終佢有換，但我都廢事飲。之後，佢個咖喱上枱，我地又發現咖喱入面有成5-7cm長既膠紙（可能係包裝膠紙）。我再叫返同一個侍應過嚟，我問佢：「今次又邊個既錯？」佢終於死狗咁話係餐廳既錯，話幫我取消。真心低能。我都無要求你做咩，呢啲咩態度？重點：餐廳係收10% charge

📍泰國廚子荃灣悅來酒店悅來坊商場地下G31 & G32A號舖🟠已幫襯了好幾次呢間泰國餐廳，味道都不過不失，保持水準。呢間餐廳有室內同室外，環境都算是令人感覺舒服的。🐷香茅葱油豬扒飯，豬扒有咬口，而且有肉汁，穩陣的一個飯類選擇。🐔酸辣雞絲湯米粉，味道中規中矩，若唔想食飯太飽，選擇湯粉亦是不錯選擇。🥣姬松茸淮山燉雞湯，材料有姬松茸、淮山、無花果、雞腳、瘦肉和薑片。雖然寫明無味精，但價錢略嫌貴一點，要$58-HKD一碗。還有叫了一個泰式肉碎飯，但由於太肚餓又賣相吸引，忘記影相😅，呢個飯對於我來說亦係穩陣嘅選擇。🟠有興趣食泰國菜嘅朋友自己可以試試啊。

📍泰國廚子 (荃灣)荃灣悅來酒店悅來坊商場地下G31 & G32A號舖🔹香茅蔥油豬扒飯 $55蔥油夠味，加豉油撈飯好食😋豬扒都夠淋同幾大件下👏🔹酸辣雞絲米粉 $68酸辣雞絲中規中矩，反而米粉內既蘿蔔帶小小胡椒粉未，出色👍🏻👍🏻🔹姬松茸淮山燉雞湯 $58望落去油多d😅但d料都算足，清清淡淡🤗

呢間真係大推介 Cp值極高推介左比好多朋友已經嚟過幾次都仲係覺得好好食 今次又同朋友嚟食講下今次食咗咩先首先有前菜 泰式豬頸肉同埋泰式無骨鳳爪份量超足而且超級好食特別係個鳳爪 大推介馬拉盞通菜好夠火候泰式金邊粉偏向蕃茄個種酸甜味質地濕潤個人嚟講幾鐘意最後重頭戲一定係炸蠔餅一上枱即刻驚艷咗超級大份 炸得超級鬆脆而且味道好好 食到蠔嘅鮮甜之餘配搭埋個醬汁成件事升華咗餐廳係有室外同室內夏天嘅話就比較建議坐室因為有冷氣😂不過如果冬天坐室外會好feel啲

平時多數喺呢度食晚餐，而且成日夜晚經過，都見到好多人一大班朋友喺度飲住啤酒食泰國嘢，氣氛好好。今日要早起身返工，咁啱諗起未試過呢度嘅早餐，咁就去咗試吓啦。好彩最近天氣涼兩地，咁我就選擇咗坐出面，感覺識落都好食啲。因為佢嘅位置雖然係室外，但係都好闊落，坐得好舒服，我見到好多其他客人都係揀室外，估唔到係呢個位置食早餐又有一番風味喎。除咗環境之外，佢嘅早餐質素都唔錯。只係三十幾$40 ，就有包又有通粉又有炒蛋，而且佢嘅凍檸茶都唔錯，一早起身飲一杯，真係會精神返好多。

今個星期天很久沒有回到老家荃灣，經過悅來酒店地下的泰國菜依然存在。跟家人一起進入懷舊一下。超級驚喜的午餐，從來未試過海南雞煲仔飯。海南雞非常嫩滑好味，尤其是那個泰國醬汁。打開那個煲仔後芬芳撲面的香茅香味迎面而來，超級驚喜！太太叫了服務生推介的焗豬扒飯，偷了少少來吃我可以講係全港數一數二好食。真的值得推介👍吃完了午餐剛剛到他們的下午茶時間又見了他們一份黑松露三文治，真是意外中的意外驚喜中的驚喜👍👍👍可惜現在已經不在荃灣居住，否則肯定天天都這裏開飯👍👍👍

今日到荃灣泰國廚子午飯，非常驚喜，發現餐廳新出品了一人份量煲仔海南雞飯，味道及擺設都有驚喜，色香味俱全，另外也點了焗豬扒飯，焗豬扒飯有鮮茄及菠蘿配襯，味道不錯，又點了新出品蠔仔肉碎煎蛋飯，這個值得一讚，裏面有香葉，非常有泰國特色，我覺得煲仔海南雞飯非常值得推薦，大家不妨試試，價錢亦相當合理。

中午同朋約黎呢度食，地點夠方便，而且價錢都幾抵食咁。泰式雙拼湯麵非常之濃味，冬陰功味重，但係丸好似未煮熟感覺，有啲雪味，但整體來講係幾好食嘅！裝修風格好泰國，裝飾有心思。