泰國廚房

營業中

休息中

其實佢開左好耐，一直都冇試過。都係幫襯PAD THAI又或者金枕頭。3個人叫左泰式炸豬手，海南雞半隻，泰式炒飯同豬肉碎生菜包豬手唔夠味，肉質似煲湯豬肉，雖然話係炸，但其實只係表面炸一炸，反而搞到皮好靭。海南雞都算細，個醬唔係幾好。炒飯一般，但唔係太油，不過泰式臘腸好難食。豬手同海南雞冇記錯都係130左右，炒飯同生菜包就80幾，仲要加一，同區黎講都算幾貴。對比聯和墟PAD THAI又或者金枕頭 至少貴4至5成。金枕頭130蚊已經係1隻海南雞，佢得半隻。PAD THAI泰式炒粉麵50左右，佢就成80幾。味道又唔特別好，將來應該都唔會再黎。

最近搬咗來粉嶺，又愛食泰國菜，見到呢間泰國菜咁少食評，咁岩經過就泥試下個午餐，中午繁忙時間人都唔算太多，夠清靜，岩同朋有泥吹下水，侍應態度好好。睇完餐牌，叫咗個青咖哩雞絲飯係港人口味系列，無用泰式圓茄子，不過每一口有香濃十足既九層塔香氣，而且亦好多汁，岩哂我啲汁拌飯人仕👍🏻小小辣，我個人認為可以再試下其他菜式埋單$48蚊，無加一，重要包一杯野飲，質素同價錢絕對成正比，為一美中不足確實係地段又點唔方便。

中午同同事食午餐，呢間泰國菜又近，我哋幾好彩，去到唔使等位！坐到四人枱，室內位置泰國風味，午餐選擇唔多，好快落好單！濕炒牛肉河（$38）賣相幾靚，幾多汁，啲汁又夠熱，蔬菜好多又爽脆，豆瓣醬湯汁鹹香！河粉幾滑都有味！好味道！熱菠蘿青檸蜜（加$8）幾香菠蘿味，加上青檸清新！唔會過甜！好味！冬蔭湯豬扒米粉（$46）同事食，賣相幾靚！食物ok，服務幾爽手！不過同事落嘅冬蔭功湯金邊粉，落錯咗米粉！附近嘅泰國菜來講唔錯！

朋友想吃泰菜，又想揾D環境清靜可以慢慢傾計吹水嘅地方，一行四人便来了粉嶺馬會道這間泰國廚房，由粉嶺火車站經隧道行到也不用十分鐘，附近都幾靜下，加上餐廳燈光昏暗，這夜氣温適中，選擇露天座位都坐得非常舒適，揀左個四人套餐，最好是個泰式併盤，除左兩舊蕉葉包住嘅炸雞比較乾身之外，其他都好香脆可口，咖哩羊腩都好味，但事後睇單先知佢漏左法包俾我哋，最失望是肉碎生菜包，D肉碎太咸了，其他菜都0K啦，份量都好夠，招呼唔錯，食得好飽，大家都好享受呢度D氣氛。

好耐冇入過粉嶺,去開搵朋友見到有間泰菜好似好靚,又有露天位,,幾個人傾兩傾決定入去試,6個人叫到成枱餸,大部份野食都好味,最正係個海南雞同串燒及咖哩,因為D汁好正,環境舒服,食物有水凖,成班朋友食得好盡興,

因為見到食評引述不錯，所以前來一試。沒想到咁耐無更新。不過原來2015 年 波羅炒飯 48 $而家98$.............. 食物都可以既，但偏貴多。服務一般。環境不錯。

無影相，因為來來去去泰菜都係食嗰幾味，山長水遠從九龍入嚟食，，，，，真係可一不可再。菠蘿炒飯，無味冬陰公湯，蝦肉梅，湯唔夠味串燒 $90 6串，，，，，個泰式燒豬手，勁失望皮靭肉鞋。。。。😑😑😑見食評話ok , 地方環境舒適先一試價錢唔算合理。

經常搭車經過心思思想試，又口賴嘢:點以下菜式，從來手機無先食1) 青咖喱牛腩：熒光粉綠+唔入味雪藏味牛腩，令我懷疑厨師係唔知乜嘢係青咖喱，只係開粉加味精加椰奶加棘油。求其喺泰國食材鋪買現成青咖哩膏都都食過佢。2)黄咖喱軟殼蟹：極熒光黃薑椰奶醬+唔入味炸軟殼蟹，我估兩者分開上，最尾撈埋一齊参不多。可以用劣食來形容，仲要收百幾蚊咁貴3) 沙爹串燒三寶：雞牛豬，沙爹入唔到肉裹面，豬肉仲要唔熟，預咗你入支那豬，會食死人喎。要求換番牛肉，都肯換4)炒泰式椰菜：Yo，落雞粉(味精Lo)炒，有乜難度？帶B B來，當然自帶食物唔俾佢毒.，無B B凳加出面黑麻麻花園，好明顯昆鬼佬唔識食飲大一兩杯摸黑食垃圾。見隔離抬點粉絲蟹煲，蟹少少粉絲多多，好彩無點我倆當然之後勁口乾服務幾好都無用

雖然地點有點遠,但環境的確夠大同精緻,令人坐得舒服。一般set lunch 都不貴,但選擇不多。如果要試其他就要$52價錢,價錢屬於中上。因為想食下菜所以叫左泰式炒芥蘭,芥蘭好嫩,雖然個醬汁鹹左d,但又好好味,因為芥蘭本身無味要靠濃味先好食。佢加左肉做配料,似港式臘肉,但就無咁乾身同硬,用來送飯最合適。泰式菠蘿炒飯,有粒粒菠蘿,酸味開胃,有提子粒,有蟹柳,有肉鬆同雜豆,飯粒都算乾身,不太油。泰式炒金邊炒,有幾隻爽口大蝦,有花生粒,有芽菜,酸汁調得幾好味,不會太酸溜溜,最怕重手太酸食唔落去,份量多。間中食下呢間都ok~始終香港有太多泰國食店可選擇。

泰式廚房有室外室內， 地方大，坐位寬敞，坐得好舒服！8:00pm去到，室外坐滿人，好熱鬧！一大班朋友坐在室外，好好氣氛！我們兩個人坐室內，就靜靜地。我們點左招牌咖喱軟殼蟹分量大概二至三隻軟殼蟹。炸過的軟殼蟹一D都唔油，加左蛋的黃咖哩完全唔辣，甜甜地，好好味，送飯正。另外叫泰式炸豬手，Memun係成隻豬手，上枱係切件。豬手下面放左芥蘭，酸菜，中和味道。豬手炸得乾身，唔油膩，熱食脆卜卜。點醬汁食又得，無咁熱氣。醬汁似係魚露加七叶粉，還有蔥粒！酸酸地，少少辣！如果兩個人食，分量多左D，慢慢食，凍左肉質變硬。建議多人食先叫。 

今晚與朋友聚舊,來到這裏環境唔錯,有室外及室內,本想坐室外有feel的,但因前幾天下完雨,怕有蚊,便選了室內。食物水準唔錯,樣樣都好好味,尤其我最愛的柚子沙律,大大梳的柚子,抵食。炸豬肶也超正。青咖喱加蒜蓉包😋好味。下次會再来。

今日一行四人去左位於上水同粉嶺交界既泰國廚房餐廳距離粉嶺火車站大約10分鐘路程今次夜晚黎真係靚好多，開哂d燈飾， 情調都幾好， 有室外同室內， 室外氣氛很好!我推介冬陰公， 料非常豐富， 我吾食得辣都接受到， 我覺得佢既冬陰公夠酸， 夠開胃!之後叫左個青咖喱雞， 雞很嫩滑, 青咖哩惹味, 咖哩除左配飯, 當然配蒜蓉包都係一流，讚!!因為我本身好鐘意食生菜包， 所以黎到一定要試下， 都幾惹味， 不過吾食得辣要注意啦， 可以問下有無得小辣先，因為都的確幾辣!!最後再叫多個蝦醬炒椰菜苗， 蝦醬味濃郁，正呀甜品點了芒果椰汁糯米飯芒果夠甜~ 份量都算幾足夠!!大家都掛住食， 只係記得影個糯米飯

平時撘車返屋企經過見到都好想試，今日有時間就去試下啦!其實我地無book檯都有少少驚無位，不過7:00pm去到室外都仲有好多位。我地兩個叫左一杯椰汁冰一杯芒果冰，味道就普普通通無乜特別，所以對食物都無乜期望。。。但黎到又有驚喜喎首先，個泰式煲仔翅，大概有2-3碗份量，D翅大大條，仲要好多!!@@ 味道都幾好，冬菇同雞絲都好多，又入味，唔錯!!!之後上個沙嗲牛+豬，其實味道都正常，同平時果D差唔多，不過佢D豬同牛都好juicy即刻加左唔少分!最後的青咖喱牛腩，牛腩好淋，好有味，而且材料好多，個青咖喱非常野味，攪到我食左碗好多白飯。本身覺得有少少偏貴，但係原來係物有所值。D侍應都好nice，好有效率，雖然隔涉左少少，但有時間會再encore!!!!

泰國菜...係我最愛既菜式之一成日都會心癮起...想食泰菜...但出名好食既泰菜...都會諗起九龍城一帶...但對於我這個新界人黎講...實在不太就腳啦...有日行過...發現呢間泰國廚房..有分室內同室外...室外蠻有情調的...一直都好想試...今次終於有機會可以試下啦即日訂晚上7點枱...準時到...即刻入座...入座時...不太多人...仲可以揀坐邊枱tim 😁😁...但之後愈黎愈多人...接近8時...已經見到開始有人等位啦...坐底即刻點野食😁😁...冬陰公😋😋泰國菜...一定要叫個冬陰公湯啦...其實我唔係咁食得辣呀...所以覺得呢個湯比較辣...但也能接受...有愈辣愈想飲既感覺😂😂😂...而且帶點酸味...材料也很足...分量適中...沙嗲串燒（豬，牛，雞）這個應該即叫即燒...上枱仲熱烘烘的...肉質鮮嫩...而且大大串...配合沙嗲醬...愈食愈惹味😋😋生菜包（豬肉）唔辣有我係度...呢個係必叫之選😂😂😂...因為我好鐘意食生菜包...新鮮既生菜...包住豬肉碎，洋蔥黎食...先咬一小口...肉汁已經慢慢流出來👍...美味咖喱軟殼蟹 & 咖喱大蝦😋😋呢度既咖喱大讚

小妹工作地方附近出名食泰國菜，所以一講起泰國菜淨係會諗起公司附近，點知有日入開粉嶺，一行八人唔知去邊度食野，喺openrice見到呢間近近地，就過左黎食，友人仲提早一個鐘打去book枱留位 又俾佢book到喎！其實唔識路嘅我地跟住google map行，正想放棄之際終於去到，門面感覺好酒吧relex嘅感覺，入到去室內嘅擺設，員工嘅笑容，好親切！我地坐底就七咀八舌係咁揀野食，咩都想食，但得八個胃，食得幾多丫呢個生蝦原本好反對叫，點解？平時喺出面舖食果啲細細隻，收六七十蚊一碟，呢碟野收百幾蚊，貴咗啲喎！點知黎到，嘩！ ok大隻，係平時食嘅一倍！啖啖肉，又新鮮！一人一隻完全唔夠喉，但都係要留返個肚食其他！呢個又係食泰國菜必食，正常價錢，但比較大碟，雞腳爽口，餐廳好貼心，知道我地有人唔食得辣，特別將個醬汁分開，個醬汁辣得過癮，好好味！泰式炒通菜，好香好好味肉碎菜包，同行唔食得辣嘅友人最愛，肉碎唔會太咸，用生菜送食就無咗個油膩感原個菠蘿炒飯,炒飯粒粒分明仲有有粒菠蘿，好好食！泰式燒魚，香料十足，魚肉又夠滑，再加小小點生蝦果啲汁，辣得過癮！ 冬蔭公好濃，啲材料又足，好香，海鮮又新鮮，諗起又想