泰好味

營業中

休息中

呢排工友工程快完工，忙到不得了，晚餐就由我搞掂，佢話要食泰國野我就梗係去買泰好味啦﹗買左三個餸，有酸辣無骨鳳爪，我最愛的魷魚沙律，仲加多個泰式春卷，埋單$106﹗外賣也很快手，兩個字搞掂，不過今日真的太熱，要在街邊等待也滿頭大汗﹗回家煮個烏冬就開餐，酸辣鳳爪微酸，辣度未太足夠，不過食得出鳳爪新鮮有咬口，還可以﹗魷魚沙律大大碟，成個外賣盒裝得滿滿的，有成半兜是魷魚貨真價實，食落夠哂辣又熨口，勁飲汽水都係解決唔到問題，相當過癮惹味﹗春卷很窩心地切開一粒粒，咬落有粉絲豬肉，脆口又乾身，蘸0的泰式辣醬食很可口，好味﹗依然是最喜愛的泰國食店，抵食好味，物有所值﹗(明明upload左0的相唔見哂所以補番，請編輯幫手刪除之前的一篇﹗)

呢排工友工程快完工，忙到不得了，晚餐就由我搞掂，佢話要食泰國野我就梗係去買泰好味啦﹗買左三個餸，有酸辣無骨鳳爪，我最愛的魷魚沙律，仲加多個泰式春卷，埋單$106﹗外賣也很快手，兩個字搞掂，不過今日真的太熱，要在街邊等待也滿頭大汗﹗回家煮個烏冬就開餐，酸辣鳳爪微酸，辣度未太足夠，不過食得出鳳爪新鮮有咬口，還可以﹗魷魚沙律大大碟，成個外賣盒裝得滿滿的，有成半兜是魷魚貨真價實，食落夠哂辣又熨口，勁飲汽水都係解決唔到問題，相當過癮惹味﹗春卷很窩心地切開一粒粒，咬落有粉絲豬肉，脆口又乾身，蘸0的泰式辣醬食很可口，好味﹗依然是最喜愛的泰國食店，抵食好味，物有所值﹗

睇番0的食評原因自己幾個月無來。今日收工又同工友來喇，真開心又可大快朵頤﹗先來呢度最抵食的生蝦刺身，味道依舊，蝦肉新鮮爽口，辣汁微辣夠惹味，一碟有九隻，都係四十蚊，食完之後成日有個衝動想整多碟，真係抵食到爆﹗想試下新野，一問之下老闆娘介紹我食泰式粉絲沙律，點了豬肉風味，粉絲之下是大蔥、洋蔥、菜及豬肉碎等。初嚐一口是酸酸帶微辣的，點知再食0的粉絲就知出事，兩口盡麻辣到講唔到野，辣味在舌根及咀唇處縈迴不散，多喝啤酒也沒用，既然辣得如此過癮只有繼續吃下去，我評為比魷魚沙律更辣更惹味﹗好不容易冷靜下來，再點泰式辣椒炒海鮮，由於之前辣得太緊要關係，呢個既辣度可以說是零感覺，海鮮有魷魚、蝦、魚餅、青口仔等，味道好重蒜香味，正﹗呻著啤酒未夠喉，最後點多串雞翼、鴨腎同埋牛肉串燒，火喉掌握得不過不失，最喜歡的是佢好重花生味既沙爹醬汁，少少辣多多香甜，好食﹗連兩支啤酒一人80蚊左右，抵呀﹗

男朋友帶我黎呢道食起初覺得佢既 area 好細 .. 應該唔會有咩好野食..點知 ..我既諗法係錯晒 我地叫左個生蝦 .. 冬陰公湯 .. 咖哩炒蜆 .. 蒜蓉包 .. 雞腎同雞翼 其實所有野都好好味 .. \生蝦好大隻 .. 好新鮮 .. 同好爽 .. 仲要好平 $40 only .. 最想encore咖哩炒蜆 .. 蒜蓉包 .. 木蜆好大隻 // 好似 around$50 .. 不過好8隻 .. 好抵個汁點d 包好好味冬陰公湯 ok 啦 .. 覺酸同多料 .. 都好平雞腎同雞翼 .. 佢燒得好好味 .. 個汁又好好味 .. 2個人食咁多野好飽 .. 最surprise既係 $140 都唔洗 // 下次會再去

上網見到呢間野, 放假特燈去試下...點知... 唔係預期中咁好味...不過不失... 只係普通既泰國菜...果日去到生蝦冇貨... 服務都唔可以話好好因為十問九唔應... 但佢應我果時又會笑笑口咁...生菜包, 蝦餅, 冬陰公等等... 係其他泰國菜都可以食到...唔明點解咁多人話好味...唯一係個椰青幾甜..............

早兩星期好凍既時候0係寒風中等位...開頭都有d 動搖, 因為剛轉涼無帶褸真係好凍但係一場黎到, 無理由唔食ga ma!環境真係好唔有咩期望, 根本就係坐街邊, 甚至坑渠邊不過就係要呢d 時間先可以去呢d 地方食, 唔通三十几度坐街邊咩衛生...始終都近坑渠同後巷...有小強亦少不免服務非常好, 等位既時候, 婆婆不停擔櫈比我地坐...奈何太凍, 要企0係度行下郁下...心領了...一腳踢既泰國後生仔...服務態度一流...終於等到...叫左生蝦, 菠蘿炒飯, 通菜同串燒好老實, 生蝦真係好麻麻, 一d 味都無...但尚算爽口, 不過咁平都ok既通菜好味, 亦無其他餐廳整得咁油, 雖然色水會差d, 但感覺上健康d串燒要左腎, 雞翼, 豬肉, 雞翼切開先上, d 沙嗲汁都几好味菠蘿炒飯就無咩特別, 最緊要係新鮮熱辣, 熱辣辣都唔會難食得去邊連埋汽水...大概$120 左右...兩個人食或者有d 貴, 但其實三個人都夠食了兩個人食飯, 呢個係永遠既壞處...除非食碟頭飯啦!味道實屬一般, 但係抵食搭夠有餘!

熟我既人都知我最鍾意既泰菜就在九龍城，唔係黃真真更加唔係小曼谷，而係其貌一點也不揚既泰好味﹗成日都介紹朋友來食，試過都讚又好又抵﹗今日又來到呢度喇，一行三人，當然先點每次都必叫既兩樣菜色呢度既生蝦比起出面其他地方食既平足一倍，只係$40就有九隻咁多﹗最緊要係隻隻蝦都爽口飽滿，入口感覺新鮮又嫩又creamy，配上佢自家制既辣汁，真係一個人食一碟都不為過﹗再來就一定係酸辣魷魚沙律﹗有膽挑戰自己的辣度可以蘸多少少個酸辣汁來食，包你既冒汗卻又大叫過癮，只係$35就有大大碟，我至愛既魷魚食完一件又一件﹗你話我又點會唔愛上佢？今次叫左三隻燒雞翼，佢細心地切好再上，上面曬上沙爹汁﹗沙爹汁香而不辣，雞翼燒得嫩滑不o鞋口，$8一隻，感覺就像在泰國唐人街叫的一樣﹗泰象啤是每次吃泰菜的必然之選，這樣感覺才地道嘛﹗咖哩炒蜆，侍應大打推薦﹗咖哩是充滿椰香的黃咖哩，可惜蜆嫌佢唔夠新鮮，很多都未開口，可以不叫﹗不過咖哩配上蒜蓉包是天仙配﹗豬頸肉燒得恰到好處，外皮微微的烤焦香，肉質鮮嫩多汁，醬汁是蒜蓉辣椒加醬油魚露，微辣很惹味﹗最後來個蝦餅，份量很足六個人都未必食得哂﹗外層炸得甘香鬆脆，咬落彈牙有咬口，誠意之作呢﹗每

食完隔離街既泰式燒王過左黎 lee 到食生蝦同冬蔭公lee 到已經成為左我同老公每次到九龍城必去既地方 !今次 d 生蝦好爽不過又係好遍地又係起左價，不過又唔係話起左好多既 ..........冬蔭公最鍾意有一大隻蝦而老公每次都一定係俾我食因為佢唔食今次碗湯比較酸，但都好好味啦 !

已經來過這裡2次了，摒除環境；真係物超所值。最近一次4個人點了以下菜色~1) 生蝦：夠新鮮、又大隻、點埋個汁好好味！2) 燒鰂魚：大大條、肉滑、燒到恰到好處！3) 串燒：香口、特別是雞翼超大隻！4) 抄通菜：好香，不過較油膩；同時我不是吃得太辣，所以覺得好辣！5) 燒豬頸肉：薄切，佐酒的最佳拍檔。6) 炸蝦餅：不過不失。7)冬陰公：夠料、十分好味；因為不是太辣~~正！p,s~由於舖位面積不大，所以是露天開檯，夏天或下雨較不方便(上次去就遇著下雨滴水)；不過駕車的話就非常方便，又可看車。三五知已晚飯或消夜之好選擇！

每次同老婆黎九龍城都係為左要黎 lee 到食 dinner每次必叫 :生蝦 - 超正超抵呀 ! 食完一碟都唔夠喉呀 ! 冬蔭公 - 料足但同普遍一樣唔夠辣但都好味 ! 豬肉生菜包 - 生菜好新鮮好爽，包埋 d 豬肉食就 ichiban ! 不過個環境就真係麻麻喇兩三個人去就最 fit

自少就係街童的人最愛係0係街邊食野﹗友人說我0係openrice品評呢間野成三次簡直有如代言人，其實等我得閒打埋呢次的話就四次啦﹗每次都必點的生蝦刺身，三十八蚊七隻，食均全香港都係呢度最平，質素亦絕對不弱新鮮好味﹗重點推介超勁辣的泰國魷魚沙律，35蚊勁多魷魚﹗辣到會噴火，真係食一舊飲兩杯beer都救唔到火﹗好正﹗啤酒要加冰先可以頂得順﹗仲好記得上年泰國食海鮮學左beer加冰呢個奇招﹗友人看了大奇怪﹗快飲的話其實並不會沖淡啤酒味道的﹗仲會凍0的更好飲﹗咖哩雞加蒜蓉包，咖哩重椰味香而不辣，絕對老少咸宜，大大碟只係三十蚊﹗不是一分錢一分貨架﹗友人大讚呢度正﹗無介紹錯既﹗真係又平又好味﹗服務呢度一向都係慢架喇，飲下啤酒等下忍下囉﹗

今天是平日(星期一)成1點幾先來到，又未關店，真神奇。同伴說它較一般泰食店平，果然，炒飯平均平了5塊錢，不賴。點了半打豬牛雞串燒、生菜包、蝦膏炒飯和菠蘿炒飯，四個大男人分來吃。份量都算夠吃，意外。串燒試了豬和牛，豬那個僅僅合格，但牛肉串燒真的很差，沒有肉汁也罷，但真是硬到...生菜包好吃，好吃在那甚辣的豬肉料上，吃落甚惹味。蝦膏炒飯和菠蘿炒飯都是不俗，尤其蝦膏炒飯的蝦都是大隻而且有五六隻，正斗抵吃！菠蘿炒飯裡的菠蘿也不少，不會是比其他店平就落次貨。之不過，抵食之外，不能叫很好。尤其食店環境之差也未必人人接受了。

海鮮冬陰功勁多料生蝦刺身30蚊8隻, 仲要大大隻邊度搵丫~~

嘩，望一望呢間野既食評我佔左三個，唔通真係去得太多？自上次等左成年都未有野食一怒走人之後，今晚本來想去其他地方食串燒不過大排長龍，左行右行下同伴說不如俾多次機會泰好味，好啦﹗試多一次﹗呢度都令我有幾多回憶，所以其實我都幾鍾意來，人真的少了，上次星期六去要排隊的，今日竟然唔洗等﹗點了蝦刺食、魷魚沙律、辣椒炒牛及咖哩蜆蝦刺食依然是必食推介，好肥美好有口感，35蚊全香港應該拉唔到呢個價錢食到生蝦了﹗魷魚沙律全力推介，好多魷魚，夠分量亦超辣，食到要係咁飲水，叫時記住自己買支蒸餾水﹗咖哩蜆個咖哩做得好甜同香，味道大眾化，叫多個蒜蓉包就用黎沾咖哩汁食一流﹗辣椒炒牛炒大了，牛很老，呢度0的肉類一向有呢個通病﹗見到呢度有0的改革，每張台都編左號碼，食物上台都快左好多，條理左，0的待仔都積極左，所以再次推介比大家﹗口碑人傳人，做得唔好好快多人知，要努力啊﹗

朋友揀了城南道街邊既"泰好食", 貪佢夠平又好味. 服務態度就極差, 環境係街邊檔就唔駛講, 唯一好處係可以睇住架車唔驚抄牌.朋友係熟客由佢發板, 所以o的菜式名都冇記憶. 大部份既菜都好好味, 最好味係燒鰂魚,炸蝦餅及青檸梳打. 不過炒蜆就幾差, 細隻又冇味.