泰好味

營業中

休息中

是日重陽假期，不用拜山休息訓夠所以夜晚決定外出一遊。呢幾日天氣真係乾到無人有，塊面0的皮好似石屎咁不停剝落，怪不得四處都係山火啦﹗政府教左幾千年都無用，年年都係有人拜山拜到燒山，吹脹﹗去左九龍城，去番老地方泰好味，之前仲特登去惠康買支29.8 既half bottle過去添﹗呢間野真係夠厚，有佢點綴下食飯都開心0的﹗坐低點送，已見對面有一台人食到扯哂火，話0的送成個鐘都未黎，仲放低廿蚊話唔食好瀟灑咁走左去添﹗當時我地仲笑他沒有耐性﹗點最好味的生蝦，35蚊有八隻，你地睇落好似好鬼求奇咁，其實真係好新鮮好爽的，食左幾次都無中毒，唔洗擔心﹗食完個蝦飲下酒傾下計啦﹗點知等等等，真係等左成半個鐘都未有下一個送，不耐煩的我已X個阿姐架喇﹗點知等左九個字都無，扯哂火之下拍台走人，其實當時個心係見到對面馬路有街頭串燒，所以過對面食無咁嬲﹗真係唔好趁公眾假期前後來呢度，0個0的阿姐真係無性的﹗你走都係由你﹗下次仲會來嗎？好好考慮下﹗

第一次試，其實二十九度既晚上太陽伯伯雖然遠走，但街邊都係熱到，真不能不配服自己的膽色呢度價錢很大眾化呢，比起九龍城街市食開的一間更便宜，點了個大的海鮮冬陰公，都係四十蚊吧，足料夠鮮，連我這個不吃得辣的人也喝了兩大碗呢﹗汗水如泉湧，又辣又熱搞到成身濕鬼哂，真係自己羅黎﹗哈哈﹗友人唔好彩食到大辣椒眼水都標埋呢........嗚嗚嗚之後再點了青咖哩雞($30)及炒雜菜($30)，價錢真係抵，青咖哩好香呢，椰味奶味重，只是小辣我也吃了不少，最好的是有好多配菜，所以點了炒雜菜是錯哂的﹗呢度最差就係啤酒，點了兩支都係熱啤，比佢吹脹，埋單百四蚊，食好味的泰國食物來說算是超值多得你的深愛，開心快樂的渡過一星期

同媽咪黎九龍城食飯，一行三人去了泰好味。因為樓下滿坐，侍應就帶我地上樓上鋪，樓上鋪可放2張大枱同幾張方形枱，一d都唔迫，仲有電視睇添^^我地叫佐幾樣，分別係：蝦刺身、咖哩麵包蟹分上、泰式炒飯、紅咖哩牛肉、芝心蝦丸、1支啤酒、2罐汽水。埋單都係3百幾，食到飽飽。蝦刺身：蝦鮮甜，配合辣味醬料，更顯蝦的美味咖哩麵包蟹：麵包同蟹分碟上更好味。泰式炒飯、紅咖哩牛肉每次都會叫，次次食都冇令我失望。芝心蝦丸：芝心較少所以冇佐果種一咬落去d芝士會爆出黎既過癮。總括黎講，雖然鋪頭細細，裝飾普通，但d野食令我地好滿意、好滿足！

我覺得個度係細左d,但係d野好好味道!!d野好平呀...

21/10(六) 7:30pm躁狂窩心親戚忽然來電相約今晚飯局並商討國家大事,今次由她發板.一行6人到了此家備受推崇的小店.先講環境,事實上此店面積細得可憐!店子僅能容納兩枱客,其餘食客均要開枱坐街邊;燈光陰暗,環境實在不太討好.6人點了生蝦刺身$35,皮蛋炸蝦餅$35,咖哩炒蟹跟蒜蓉包$90,炸蝦餅拼春卷$40,燒鰂魚$30 x2,椰子雞湯$30,泰式炒通菜$25,豬肉濕炒河$30,鹹魚炒芥蘭$25,鹹魚雞粒炒飯$30,青檸梳打x4生蝦刺身--6-8隻中型蝦開邊,蘸酸辣汁同吃十分開胃,蝦隻彈牙爽甜,簡樸美味的一道菜.皮蛋炸蝦餅--此味較削!蝦餅彈牙口感及鮮味皆欠奉!皮蛋食味一般.咖哩炒蟹跟蒜蓉包--碟頭稱不上大,肉蟹肉質腍軟而削身,食味較淡;幸而甜帶微辣的咖哩汁挺惹味,配蒜蓉包同吃味道可接受.炸蝦餅拼春卷--(蝦餅)相同弊病,而春卷炸得頗脆口乾身,內裏餡料味道尚可.燒鰂魚--中等體型的鰂魚燒至皮脆肉嫩,全沒泥味,值得一讚!椰子雞湯--以大湯碗盛上,雞湯過稀身,而且味淡如水,雞肉亦然,口感極之嚡口!敗筆之作!泰式炒通菜--加上辣椒及數種香料同炒的青菜,食味偏辣,幸而通菜爽脆鮮甜!豬肉濕