泰廚泰國菜館

營業中

休息中

通菜街呢間泰國野成日都大排長龍今日見冇咩人唔洗排就試吓 除咗主餐牌仲有優惠餐牌 惠顧滿$200仲可以加$1換沙律/生蝦/海蜇/椰汁糕😍 超抵泰式燒豬頸肉 $76豬頸肉外邊燒至脆身 肉質爽口 配上自家制醬汁 酸酸辣辣 冇得輸😋泰式小食拼盤(細) $95有炸蝦片 蝦餅 魚餅 春卷 同豬、雞串燒各一蝦片比好多🤣 魚餅好重香料味 入面好多豆角 串燒沙嗲司華力腸 $15同兩串豬雞串燒放咗喺一齊最好食都係司華力腸😋 外層夠脆皮又唔會太鹹沙嗲醬好香 重椰奶味 香濃可口泰式肥牛湯河 $52湯底清甜 重蘿蔔味 入面嘅蘿蔔都好軟諗入味湯河份量好多好大碗 食極都食唔完🤣凍泰式奶茶 $14口味比較淡 無論甜味 奶味 茶味都係淡咗啲加$1嘅椰汁糕 都有四個🤣🤣

本身好鐘意泰國同食泰國菜既我♥️因為疫情關係冇得去旅行，唯有喺香港搵啲泰國餐廳之下過癮～～ 雖然佢間餐廳比較細 同比較舊個環境但食物又真係好有水準，點既所有餸菜同埋飲品都好好食同飲，所有嘢都好足料，價錢又唔會太貴，不過座位方面就坐得冇咁舒服，環境衛生都麻麻，但起碼佢食物都有水準所以我又覺得OK！以前覺得要去九龍城先食到地道嘅泰國菜而家喺旺角一個咁方便嘅地方都可以食到🙌🏻依間餐廳已經係我第三次去，誠心推薦

去親旺角係Moko 落天橋角落位置 每次都被個串燒吸引雖然大熱天時 個姐姐都好落力咁燒串燒被陣香味吸引入左去食返個下午茶🥰價錢都算實惠🔆泰式扎肉湯河 $28唔好以為下午茶 細細份黎到都幾大碗下🤫呢個價錢 扺食啦😆早知就叫少串雞 唔使咁飽🔆雞串燒 $15@被佢吸引 點都要叫返兩串 大大串 燒到剛剛好 唔會太柴大愛 沙嗲醬 落單時叫左多醬😆🔆泰式奶茶 跟餐凍飲+$7一般般 唔算太濃茶香 略甜疫情下間隔 唔算太迫 整體來講幾好

泰式肥牛湯河 ($28)本身諗住28蚊仲要包泰式凍飲(香茅冰/青檸冰) 既 唔會大碗得去邊點知真係喜出望外大大碗 熱辣辣牛肉份量都唔少! 河粉係幼河而且湯底味道亦非常惹味 真心超值我加左$7蚊就有凍泰式奶茶我唔飲得凍野，但真係太熱， 所以我叫少少冰，佢真係做到少少冰! 好貼心即炒系列雖然冇下午茶咁平 但見到隔離台食緊好香好吸引所以都叫左個 泰式乾牛河($58)好大碟 好惹味 夠獲氣 其實都抵不過好似第一次食係配青椒 哈哈加左$5蚊就有杯紅豆冰 超多紅豆 好抵叫左兩串串燒真係即叫即整既 雞肉($15串)個汁幾好食 雞肉幾大舊和牛($25串)有四大粒 幾香口本身以為個下午茶好細 所以叫左個小食炸蝦餅拼炸魚餅 ($78)都幾大份喎炸蝦餅非常彈牙提提大家炸魚餅用左種泰式香料有人勁中意, 但有人會唔太好 叫之前問清楚 唔好做大哂鬼服務態度好貼心但埋單竟然唔洗加1最後重要既野提多次下午茶係 2:30 - 5:30!!真心抵

今晚的晚餐，一又揀了食泰國菜，就是旺角通菜街的泰廚泰國菜館。餐廳門口侍應正在燒燒烤串燒，非常吸引，串燒放滿了燒烤爐…因為一入門口見到串燒太吸引了，所以要了串燒雞肉及串燒豬肉，兩款串燒面上都放了很多的沙爹醬。特色的沙嗲醬非常香甜，帶有異國風味的燒烤串燒特別的美味。泰式香葉肉碎噲飯，肉碎炒得很入味，還配有一個帶點香脆內裏流心的雞蛋，拌飯食真的好美味。酸辣鳳爪沙律，真的很喜愛食泰菜酸酸甜甜的味道，所以這個鳳爪沙律我很喜愛食，爽口很惹味。馬拉盞炒通菜，廚師放了特別多的馬拉盞醬料，令通菜炒得爽口之餘特別入味。惠顧小菜滿$200，可$1任選一款四選一，有木瓜沙律、泰式海蜇、泰式椰汁糕及泰式生蝦 。我喜愛泰式椰汁糕，不會很甜，帶椰汁的香，做為飯後甜品，感覺食完很滿足！食泰菜配上椰汁冰及凍檸樂，食得特別滋味！

下午茶好抵食今日星期日因為整野遲咗出去食飯，所以都搞到差唔多兩點幾先同Endy哥出去一齊食飯。問佢想食啲咩嘢，佢就話想食酸酸辣辣嘅嘢，如果有埋串燒就更加好。於是我哋就走咗去食泰廚泰國菜館，可以滿足晒佢想食嘅嗰兩樣野，哈哈。見到下午茶餐價錢又唔貴，咁抵食嘅價錢每人叫咗兩個下午茶餐…….泰式肥牛湯河$33（送香茅冰或者青檸冰)轉紅豆冰或者涼粉冰就加$10呢碗泰式肥牛湯河酸酸辣辣幾開胃，肥牛煮到啱啱好熟，所以一啲都唔老。成碗泰式肥牛湯河都幾大碗，一啲都唔似係下午茶份量，所以覺得都幾抵食。紅豆冰偏甜，可能因為裏面有好多紅豆，椰汁味都幾濃郁。扎肉鳳爪沙律$40（送香茅冰或者青檸冰)轉紅豆冰或者涼粉冰就加$5鳳爪唔算好辣，但係酸酸辣辣都幾醒神開胃。而且裏面仲有幾多扎肉，同埋一啲洋蔥蕃茄配菜。香茅冰清清地，香茅味都幾重。串燒餐$32（送香茅冰或者青檸冰)轉紅豆冰或者涼粉冰就加$5可以揀兩款串燒，我哋就揀咗雞全翼同埋豬肉串。兩樣都燒到好香口，而且沙嗲汁辣辣地，同燒咗嘅嘢雞翼同埋豬肉配合得好惹味。香茅豬扒撈檬$45（送香茅冰或者青檸冰)轉紅豆冰或者涼粉冰就加$5豬扒又大件，肉質又鬆軟，唔會太乾或者太硬。

天時暑熱食下泰國菜都唔錯！平時行過旺角見到呢間已經比佢既串燒香吸引！今次就入黎試下！原來有$1優惠，滿$200就可以換1款！另外每日都會有唔同既菜式特價！我地用$1加左個泰式海哲，醬汁酸酸甜甜，海哲滑溜溜又爽口馬拉盞椰菜苗係地道泰式既菜式，個菜炒得好香好惹味，辣辣地海南雞飯個雞肉好嫩好滑，油飯好香！然後就到串燒，即叫即燒，好鍾意個沙嗲醬，夠香夠濃，串燒的確出色！椒鹽豬朳肉質鬆軟，口感鬆化！椒鹽味夠香夠入味！呢間泰國菜整體價錢唔算貴，味道幾正宗！

今日出嚟旺角嘅寵物街想睇吓有冇得意嘅狗仔，睇完玩完一輪就開始肚餓，喺天橋行旁既泰廚既串燒實在太香太吸引啦，一於入去嘆番個下午茶先大家估下呢碗粉幾多錢？係28 ！$28！，扎肉都有四塊，仲有舊大白蘿蔔仲要送咗杯香茅冰，呢個價錢會唔會真係太抵，話晒旺角都係旺區，而碗粉既道都相當唔錯，性價比非常高，真心推薦比大家朋友就叫左橙色炒金邊粉由於呢度嘅下午茶實在太平，我都唔太好意思就咁埋單，所以我決定嗌返個海鮮幫幫老闆青口夠晒入味，如果辣椒膏可以再辣啲就好啦果然我個鼻係冇介紹錯，每串都只係$15，我叫左2串雞，2串豬，串燒一d都唔乾，個沙嗲醬仲有好濃既花生味最後仲可以一蚊食埋個甜品，實在太抵啦

呢個暑假冇得飛番轉曼谷/清邁真係有啲可惜…不過喺香港你慌難搵到好嘢食咩😏即刻飛落旺角就食到地道滋味啦！Let's go！.呢間食店每次經過都見到有人排隊等買串燒！ 一於入去食個晚餐🍴發現佢哋星期一至日都有優惠菜式！(但今日星期三果款我哋唔啱食冇叫😅)先嚟兩串✨雞肉串燒沙嗲$15@✨即叫即烤仲淋上咗微微香甜嘅沙嗲汁好鬼惹味！跟住係餐牌上推薦嘅✨乾咖哩炒牛肉$80✨果然同一般食開嘅咖哩有啲唔同呀！聞落幾香幾特別！汁料甜甜哋！而且牛肉份量好足又唔韌！配埋豆角菜肉平衡👌再嚟逢食泰菜必叫嘅✨馬拉盞炒通菜$67✨偏辣少少！通菜都都炒得青翠😌無話黃哂！仲有叫埋澱粉質至夠飽架！✨泰式海鮮炒飯$75✨係睇得出嘅咁足料！除咗面頭有一堆櫻花蝦之外…仲有大蝦, 青口, 魷魚等等！而且炒得都夠鑊氣呀！食咁多嘢緊要飲番杯冰凍嘅✨咸檸七$22✨啦！成餐晚飯完滿哂！. 另外每點小菜滿200蚊可以揀一款『一蚊雞菜式』❗❗咁抵！就揀咗✨泰式生蝦✨雖然只得四隻！但係肉質絕對彈牙新鮮！超級性價比高！一蚊仲想點呀😍😍

成日經過比門口的串燒香味吸引住，今日就決定入去坐低慢慢食😋即刻叫返幾串先，豬雞各15元@1串，雞翼18元就要兩串雞、兩串豬、兩串雞翼，加上濃厚的沙嗲醬，好惹味🤤🤤下午茶餐要左個香茅豬扒撈檬加青檸冰$45好大碗，豬扒醃得入味炸得香脆，檬粉夠大碗，配菜都夠豐富🤤特式午餐-泰式豬頸肉炒飯加熱檸水$58豬頸肉又爽又多，炒飯不油膩，好香口，大碟👍🏽😋老闆話每星期轉一次，唔使怕悶最後要多個肉碎粉絲湯$60叫了咁多重口味野，要返個清淡些的粉絲湯，特別好味，材料一樣咁足，肉碎、粉絲、蔥、菜、紅蘿蔔🥕熱檸水、青檸冰酸酸甜甜好正全部埋單259元，飽到夜晚唔使食晚飯😅😅

女朋友最鍾意去旺角寵物街道睇小動物 而喺呢條街既街頭有間已經開咗好多年嘅泰國餐廳 我哋就入去食咗個豐富下午茶豬頸肉撈檬 大概有六七片豬頸肉 凍檬粉啱啱配上魚露酸酸甜甜 清新開胃 適合夏天馬拉盞肉片炒河炒河有鑊氣香口又惹味 裏面有肉片 蛋粒 青椒 芹菜等等 而且呢度用上我最鍾意嘅大片河粉 比起平時乾炒牛河一條條嘅河粉更有口感薄餅配青咖哩薄餅炸到脆卜卜 香而酥脆 配埋青咖哩 好味推介以上三個嘢食都跟嘢飲 香茅冰同青檸冰仲唔使加錢㖭香茅冰香茅味濃清涼加五蚊叫咗青檸梳打 配原枝玻璃樽嘅泰國梳打 超抵飲沙嗲串燒 叫咗雞肉 豬肉 和牛各一串呢度嘅串燒簡直冇得頂 尤其雞肉嫩口 豬肉爽口 沙爹汁亦一流馬拉盞炒椰菜苗椰菜苗平時喺屋企比較少會買到 所以通常我去泰國餐廳都會叫馬拉盞炒椰菜苗 呢度嘅馬拉盞炒椰菜苗夠濃味 我鍾意咩餐埋單先300蚊有找 抵到爛 特別係佢啲中午下午茶餐嘅價錢同份量真係抗疫價

天氣熱熱地，想食吓泰菜，酸酸辣辣特別醒胃。喺旺角一行落天橋就見到此店-泰廚。睇落幾抵食，星期一至五都有菜式特別優惠。而且食滿$200，仲可以叫一蚊嘅小食。送嘅生蝦幾新鮮，蝦肉彈牙，個青綠色的汁特別好味，清甜又唔會過辣。串燒雞及牛，個沙嗲汁好香，有花生香又好惹味。我最愛的泰式豬手，豬肉夠嫩，外皮一夾就化開，必須有的配菜-酸菜都好有入味，點理個酸酸甜甜嘅泰式汁，就冇咁油膩。辣椒膏炒青口，泰式嘅辣椒膏，加埋好重香茅同埋九層塔嘅味道，味道非常之濃郁，青口份量好多，都有成八九隻。泰式咖喱雞，咖喱汁勁送飯，配埋蒜蓉包就一流，飯都唔使叫都好飽肚啦！餐廳餸菜都幾大碟，啲醬汁特別出色，唔怪之啲人叫外賣都叫佢俾多啲汁。價錢算幾公道，仲有咁多優惠，係旺角來講是不錯嘅選擇。

旺角向來都係平民餐廳所在的集中地，當中泰國菜館唔算當，今日就揀左間近地鐵站嘅餐廳試下。當天是下午茶時間，人唔算多，可以上二樓坐下，相信人多時候亦唔需要點等位。我們先點了份火車炒飯，火車炒麵用甜醬油炒成，所以食落甜甜的，很適合小朋友進食，當中亦有加入些雞肉，菜，雞蛋等炒成，增加口感外，亦帶來不同層次的味道，相當有趣。然後是點了下午茶中的豬扒撈檬，豬肉上加了點炸蒜，增加香味，豬肉亦製得香口之外，亦保留了滿滿的肉汁，值得一提的是店家很貼心地預先切開了，很細心。撈檬，配上酸酸的醬汁，更是相當開胃，全果比我全部食曬，很是出色。下午茶時間人均$50，便食到好飽，果然平民餐廳係大件又好食。

超粗黑眼缐女侍應語氣差到極點，佢的對答—-》講啦！電腦未得等等啦！講！冇！再講多次！張枱比個位黎呀！一係唔應機！完全覺得自己好似欠左佢甘！我地9:00想再點燒魚，就話煮都要45分鐘，你哋食唔切，我地收十點，最後我地冇再叫其他野叫佢落單，慘過問呀媽攞＄！間野員工態度一般，一向都係，平時都係外賣多，估唔到坐係度，感受係甘!食物方面串燒都很好，生蝦&海蜇頭唔爽餐廳的廁所極度原始，要攞個筒裝水，冲個痞廁

泰式豬頸肉湯河茶餐好思念冬陰功湯，+$5可以將個湯底轉為冬陰功湯底，味道很香濃，豬頸肉經過炭燒後份外惹味，還帶有少少爽口感覺跟餐仲有杯青檸冰，在炎炎夏日十分解渴 泰燒和牛串少有泰式店舖會有和牛串，只需 $25 就有一串，份量都叫做多(因為厚度取勝)價錢合理，還配上自家制的醬汁，真係要一人一串先會過癮串燒沙嗲叫左一串豬肉同一串雞肉的串燒，食得出真係即燒出來的泰式炸蝦餅炸蝦餅因為都幾大塊，店舖幫我們切開一半，蝦膠好彈牙又熱辣辣店舖有兩層，坐位舒適又闊落，店員似係泰國人感覺很地道