泰廳 (已搬遷) 新店位置

由於元朗太多種類嘅嘢食，真係會令人有選擇困難症，行到大馬路元朗廣場斜對面， 我就發現到呢一間裝修得幾有特別嘅泰國菜館， 見佢鋪細細但係好多人幫襯， 我諗都應該好嘢嘅， 於是就決定去試下。由於天氣都幾熱，所以即刻叫咗個椰青試下先，size都唔細，而且清甜又多汁泰式生蝦味道都唔錯馬拉盞通菜味道都ok炭燒豬頸肉正呀， 而且份量仲多到食唔曬㖭!呢個特色咖哩軟殼蟹， 啲咖哩汁又香又老濃， 軟殼蟹又炸得啱啱好，我覺得超正襯埋呢個蒜蓉包， 我覺得簡直係絕配個size真係啱啱好總括嚟講呢間舖頭真係唔錯， 價錢都ok， 環境就比較細少咗啲， 如果要幫襯就可能要等下位啦!

經朋友介紹， 元朗有一間「平」「靚」「正」嘅泰國菜， 我很喜歡食泰菜， 因為味道特別，酸酸辣辣， 善用香料。 於是上openrice 一查， 原來是「泰廳 」。從遠處望見， 有一對可愛嘅泰國公仔放在門口來歡迎我們。歡迎光臨， 歡迎！歡迎！ 餐內佈置很特別，掛上多幅泰國建築物嘅照片， 掛上富有泰國特色擺設， 讓客人好似置身喺泰國咁。 《泰式無骨海南雞 $89》去了骨嘅海南雞以黃油雞炮製， 皮下脂肪很少，但有濃厚嘅雞味而肉質嫩滑 ， 配上以酸辣味為主嘅泰式醬汁，海南雞變得特別惹味。叫了一碗黃薑飯（$12）， 這樣就變成海南雞飯了，黃薑飯質地軟硬適中， 口感煙韌， 淺黃色嘅黃薑飯，帶有雞油味道，但油而不膩， 亦有薑的清香， 加上少少鹹味， 味道不錯。 《泰式豬頸肉炒椰菜苗 $69》我每次去食泰國菜都會叫椰菜苗，因為平時自己少煮， 所以是必食之選 ！ 這道菜味道較濃，豬頸肉醃味帶少辣，味道特別惹味，而且豬頸肉切得厚薄均勻，加上翠綠嫩口嘅椰菜苗，非常清甜爽脆。《黃咖喱牛腩$79》黃咖喱牛腩，香料十足，質感香滑奶濃， 咖喱味不算太辣而帶點甜味，適合怕辣嘅朋友。 牛腩炆得入味， 腍而不散，效果唔錯

我那個酷愛暴遊泰國的老公，今日又想食泰菜了。平時肉碎生菜包食得多，今次來到泰廳就試下泰式豬頸肉生菜包 $69豬頸肉辣辣味道好濃好多香料 ，用著新鮮生菜包住黎食最好。在泰國我們都很愛香葉肉碎煎蛋飯，是白飯上放有一隻煎蛋，側邊放著炒肉碎。這裏就提供了香葉肉碎炒飯$59，配料都混在飯裏同炒。泰式海鮮粉絲沙律$69海鮮材料豐富，有2隻新鮮大蝦，青口同魷魚，爽口彈牙。醬汁甜酸又夠辣，非常刺激。芒果沙冰 $28呢度的沙冰係新鮮芒果打成，幼細軟滑，唔係假芒果水。頂層舖有芒果粒，Very good 。泰國新鮮椰青$32 十分清甜，係我近年喝過最清甜的椰青。又夠冰凍，消暑解渴一流!甜品當然係要點芒果糯米飯$55，淋上椰汁的黑白糯米熱辣辣又甜蜜煙韌，芒果香甜，令這餐更圓滿。

係元朗唔止可以食到大舊壽司、肉燥飯、車仔麵、雞翼尖、涼粉、雞煲等等，宜家仲多左泰國野tim。今日收工就有元朗朋友帶左我地去一間抵食既泰國餐廳。呢間泰國餐廳係係青山公路，對住豐年路輕鐵站既，都屬於元朗既中心地帶，位置方便易搵。餐廳地方唔大，但係裝修企理，牆上面仲掛左d泰國裝飾tim。Menu呢度雖然地方細細，但係有齊所有泰food既類別，選擇多，價錢經濟泰式酸辣鳳爪$59呢個無骨鳳爪酸酸甜甜，少少辣好開胃，而且醃得好入味，做餐前小食一流泰式生蝦刺身$119呢個生蝦刺身一共有8隻，我朋友眼利發現比得7隻，同左店員講佢地就補番一隻比我地。生蝦size適中，蝦身肉厚，而且新鮮爽口，點埋個自家制醬料，好滋味泰式炸蝦餅$65炸蝦餅係我既favourite，食落外面炸得酥脆，入面蝦肉彈牙，有蝦味馬拉盞鹹魚炒椰菜苗$69呢個椰菜苗大大碟，食落又嫩口，用馬拉盞鹹魚炒，入味又夠鑊氣特式咖喱軟殼蟹$189呢個特式炒咖喱有三隻軟殼蟹，食落都仲好脆身，配埋有啖啖椰香味，同少少辣既黃咖喱，真係超級惹味，仲可以用黎點埋蒜蓉包tim蒜蓉包$35蒜蓉包就整到外面香脆，入面軟熟，用黎點頭先個咖喱簡直係perfect，所以

位於元朗的泰廳，是一間小型泰國菜餐廳。今天相約吃妹妹來吃下午茶，吃得很滿足呢。柚子鮮蝦沙律$69我和朋友都喜歡吃柚子沙律，我們就點選一份吧。鮮蝦一共兩隻，大隻新鮮，柚子大粒飽滿，柚子肉多汁，可惜略苦。泰廳咖喱海鮮石紙包$85餐廳新主推菜式之一的石紙咖喱，我們也選擇一份。蒜蓉包必需點咖喱，是人人都知道的常識吧。咖喱是蛋花咖喱，稠身呈塊狀，滑溜不辣，海鮮有魚塊，魷魚，大蝦，青囗等等，用料豐富，味道值得一試呢。蒜蓉包$69每次去吃泰國菜，必點的必定是蒜蓉包吧。蒜蓉包一客五件，砌成磚狀，面包烤至金黃，蒜蓉滿溢，蒜香沖擊味蕾，面包非常鬆軟，一人吃光五件也可以呢。

珍多椰汁冰 $25珍多椰汁冰必是嗜甜者摯愛，椰汁濃稠，入口是香甜、濃郁的椰香，粉條軟滑，份量很多，為飲品增添煙韌窩心的口感。馬拉盞炒通菜 $55馬拉盞醬多是餐廳秘製，配料為蝦膏、 蝦米、 蒜頭、 乾蔥頭及辣椒等，通菜嫰綠爽口，配上鹹度適中的馬拉盞，惹味十足，蝦米及蒜頭爆香後，滋味過癮。菠蘿海鮮炒飯 $69海鮮炒飯以新鮮菠蘿盛載著，配料豐富: 蝦粒、鮮魷、肉鬆、果仁、粟米、洋蔥粒等，口感多層次。米飯炒至乾身，粒粒分明，帶淡淡咖喱香，夾雜肉鬆、果仁等，香脆中帶點酥化，的確不錯。吃罷炒飯，挖出多汁的菠蘿肉，甜美而清除油膩感。泰式蔗蝦 $69蔗蝦是我每次到泰國餐廳的必點小食，炸至金黃酥脆、圓碌碌的外型，令人垂涎三尺!  大大啖咬下去，彈牙、綿密的蝦膠很誘惑，沾上酸酸甜甜的泰式醬，非常和味，令人停不了。蒜香包 $35蒜香包製作簡單，卻令人感受到純樸的滋味。厚切的長方型麵包條，先沾滿牛油，灑上蒜片再油炸，入口脆卜卜，咬下滲出濃烈的牛油香，細膩使胃口大開。香芒黑白糯米飯 $55最後到我至愛的香芒糯米飯，新鮮蒸起的糯米飯熱辣辣，舖滿稠密、黏糯的椰漿，香氣甜蜜。糯米飯煙韌而有嚼勁，再配一口冰涷滑溜的芒果

今日見到Facebook 讚泰廳d野好食咁於是膽粗粗就試下個lunch set先好彩唔洗排隊仲有卡位呀Wakakakaka 唔...62蚊一個冬陰公海南雞湯河粉，凍飲+2蚊應該係即叫即煮，咁係第左10分鐘先有得食第一下就試左啖湯係幾正既夠酸又夠辣，好味呀！海南雞都好滑係正既所以我決定下次會再黎

環境簡樸舒服，有正宗泰國菜餐廳🍴感覺就像去到泰國般～食物也十分正宗：「辣椒膏炒大蜆」大蜆厚肉，隻數夠多，加上香料有別於一般的炒蜆，，食得津津有味，亦不會很🌶～>番check 之選「石紙包咖哩海鮮」美味可口，而且一上菜一大個石紙裹著上勁有氣勢，食到充滿香茅之類的香味滲透入海鮮和配菜中，又有椰香味的，令人忍不住一直吃很多！「海鮮西蘭花炒蝦球」，西蘭花爽口且沒有過咸，煮法睇落雖簡單，但特利用泰國香料煮出這道色香味俱全的小菜，有益健康又美味！🍸飲品方面～「椰皇」飲落十分清甜，心裏OS怎樣香港超市買的椰皇都沒那麼甜，十分之讚，冰冰凍的好解暑元朗泰國菜餐廳不多，這家「泰廳」值得推介，環境舒適，價錢合理，味道也好味！

一早帶囝囝去完公園玩打算找間較舒服的餐廳午膳，難得在大馬路少有地找到一間乾淨企理且座位舒適的泰國菜館, 就正正於輕鐵康樂路站旁，地點方便。小小一間泰菜館左面是四人卡位，右面可活動枱椅，亦適合大夥兒聚餐。我們來到時正值午市套餐時段，午餐價位較大眾化，五六十元就有一碗粉麵或飯類配飲品。因即興想吃的都不在套餐之列，我們單點了泰式生蝦、香芒蟹肉炒飯及馬拉盞通菜。特別一讚泰式生蝦味道鮮甜，蝦肉結實，生蝦上各自鋪上辣椒及蒜片，嚐鮮前緊記點青綠色的醬汁，醬汁以我少吃辣的人來講辣度中等，帶點薄荷葉清香。怕辣的朋友可吃一口生蝦旁邊的苦瓜片，能舒緩口中辣味的麻脾感。香芒蟹肉炒飯整體味道清新令人開胃，連小朋友亦十分捧場，馬拉盞通菜略嫌油膩不過份量很足。不得不提最後加點的芒果沙冰，炎熱的中午來一杯芒果味比冰感更重的沙冰令人十分醒神。單看顏色已覺芒果份量十分之足！最愛它的沙冰打得幼細軟滑，啖啖都是香甜的芒果味。

係元朗行完街，見到呢間餐廳裝潢得好有泰國風味，就心血來潮入左去一嘗元朗區的泰國菜。環境十分舒適，店員都好有禮貌、好好服務、餐牌上都好多選擇，可以話係諗到有咩泰國野食個餐牌都有呀上菜時間都唔需要等好耐、大概等五至十分鐘就上左第一個菜同野飲龍眼冰同咸檸七，特別推薦龍眼冰，粒粒足料大龍眼係夏日清涼之選黎到泰國餐廳，就梗係要試一試佢個冬陰公湯，兩個人叫個細湯就已經好夠，材料好足，大大隻新鮮蝦，好濃既椰香味，辣度適中，十分開胃然後再黎個菠蘿海鮮炒飯，甜甜菠蘿再配上提子乾、肉鬆、腰果、栗米既組合係好味嘅！再黎重點菜就係期待左好耐既鹽焗烏頭，咁大條烏頭都係$119，好抵食。d鹽覆蓋着條烏頭烤至金黃色，見到都覺得好惹味一揭開塊魚皮，就聞到好香既泰式香料味道，食落去魚質鮮嫩，一d都唔乾身，烤焗既時間剛剛好，配上泰式辣醬係好好既享受叫左咁多野食最後都只係$327，性價比好高既一間泰國餐廳！下次晚市再來會想試下佢個泰式青檸蒸鱸魚

元朗真係好多好嘢食午餐我就揀咗呢一間 - 泰廳thai聽係元朗大馬路， 其實都好容易搵。呢間食過幾次啦， 不過， 之前就食佢嘅晚飯。今次就嚟去食去嗰個午餐 。原來午餐仲抵食呀，而且款式都唔少 。有湯粉麵， 又有凍檬，有其他炒粉麵飯。海南雞飯，豬手飯等等 ，全部都好吸引。我就叫咗個扎肉湯檬， 再加呢個冬陰公湯底，飲個椰子沙冰 。因為網上好評好多，個個都話係個冬陰公湯底好味所以我今次一定要試下一試 蠱真好好味湯底好味，所以我都要試下。真係好好味， 食完呢次真係愛上咗冬陰功湯呀 ！

果日話說我嬲左我男朋友啦, 叫佢搶機票去泰國, 佢話請唔到假, 搞到我空歡喜一場。之後原本果日佢要加班, 我就冇打算等佢下班既, 無啦啦收到一通電話話來車我。點知佢就拎住紮花, 車左我去元朗食泰國菜。我以前住元朗, 都知道呢度多野食, 但呢間係第一次試。辣椒膏炒花甲($119) 硯肉新鮮吾會太細 彈牙有口感 醬汁酸辣但又吾會搶走硯原來嘅鮮味。泰式燒豬頸肉生菜包($69)豬頸肉好入味 辣辣地 食到重味嘅人可以直接食 生菜好新鮮爽脆 夾住一齊食正。冬陰公海鮮湯(大）($119)味道同係泰國食既差唔多，可以話係有泰國既本土風味，呢到有兩個size可以揀，如果人數1-3個都可以叫個細既，但就無一個鍋而係用碗上。泰式炸魷魚($99) 超大份勁抵食 金黃香脆 外面舊炸粉吾會太多 有齊魷魚鬚同魷魚筒 魷魚吾會太韌。好啦.. 見男朋友咁有誠意呢間又好味我就冇嬲啦, 始終做野緊要。

係人都知元朗多好既泰國餐廳, 今日朋友就介紹左間比我同另一個朋友仔啦……門面唔係好堂皇, 但其實都唔係太緊要。因為一食佢既食物就知食物既水準先係我CARE果PART。泰式青檸蒸鱸魚$129 --醬汁同條魚好夾，味道酸甜適中，都幾開胃，上左枱條魚仲會燒緊，盡快食肉質會較嫩滑。泰式甜酸蝦球$79 --蝦球經輕微炸香 但蝦肉仍然脆口 甜甜酸酸嘅醬汁好夾味。菠蘿海鮮炒飯$69--炒飯會用半個菠蘿裝住，飯身吾會太乾或者太濕，佢既菠蘿肉都好鮮甜，好開胃，令人愈食愈想食。飛天炒時菜$55--呢到有幾款時菜可以揀，今次食左通菜，雖然無得親眼睇佢飛天，但係食落都幾爽口，火候都夠。

印象中元朗以西、日餐廳為主，泰菜就好似唔多。剛好跟家人路過，所以就入左去。蝦餅是我每次吃泰菜時必點item，泰廳的蝦餅（$65）份量挺多的，對得住價錢。外皮炸得香脆，肉質彈牙爽口。另外，炒金邊粉（$69）亦是我吃泰菜必點之一。蛋皮不是每家泰菜館都會弄的（加分），而且金邊粉份量多（女生吃會太飽），個人覺得味道淡了些，但都不錯。家人點的是菠蘿海鮮炒飯（$69），海鮮份量算多（主要是蝦及魷魚），配料豐富，有腰果、肉鬆、栗米、紅蘿蔔，而炒飯味道香濃，有種像楊州炒米的味道。來吃泰菜，當然不能少了芒果沙冰（$28）啦！大大杯，頂層舖滿果肉，絕對加分👍🏻

食LUNCH係元朗真係唔愁冇野好食今日同同事一齊黎到泰廳搵食現場都有9成滿好彩仲有位不過要搭枱食午市既選擇都唔少我就揀左個泰式豬手飯泰式豬手飯由於比較多人既關係, 所以都等左15分鐘先送上黎一上枱就已經聞到香噴噴既豬手味先講豬手, 淋滑之餘仲啖啖肉皮同肉既比例得宜所以唔會覺得太油膩或是太瘦超正另外一點正既就係佢既豬手汁非常高質, 餸飯真係一流唔會太重味而COVER左豬手既味道反而能夠更加突出到豬手既香甜味道值得一試!!